Monday, 5 November 2007

الجراحه راحة


ازززز

هات يابنى منشار اكبر شويه الراجل ده باين عليه صعيدى ودماغه زى حجر الصوان

ازززز

وبعدين بقى ناولنى الشكوش

استعنا على الشقى بالله طاااخ طاخ طاااااااخ

يااااه ايه ده كله الراجل ده شكله مخه نضيف شايفين ابيض وزى الفل ازاى بس باينله فى حاجه مزعلاه
شايفين النقطه اللى فى مخه دى تفتكروا جاتله منين؟؟

بس ده صغير فى السن على كرمشة المخ دى كلها

ها يا شباب جهزتولى حته القلب اللى هتتزرع مكان المخ على الله العمليه تنجح والعيان ضميره يفوق على طول


الو ايوه يا حبيبتى عملالنا ايه على الغدا النهارده

طبيخ غامق برضه

ها تطمينى الواد سكومونوس جه من الكليه عمل ايه النهارده فى الامتحان ده انا لسه متغدى مع الدكاترة بتوعه امبارح
وطمنونى على الاخر وقالولي متخفش ده زى ابننا

على الله بس ميكسفنيش ويعدى نضيف عشان يتعين فى الكليه ويشيل الحمل عنى شويه

انا جاى على طول فى ايدى سبوبه هخلصها مش عاوزه حاجه ؟؟

يووووه هو كل يوم انا بسرق الفلوس دى ولا ايه ؟ اقطع نفسى اكتر من كده مش ملاحق شغل فى الكليه وعمليات فى المستشفى وعياده بالليل ومعمل التحاليل والمستوصفات الخاصه والعامه
اللحمة شويه قصدى الرحمه شويه يلا مع السلامه

ها يابنى طلعتلى الكليه اليمين عشان الراجل المهم اللى محتاجها بس اوعى حد ياخد باله من الجرح ولو حد سأل قولهم لاقينا الزايدة زايدة شيلنهاله بالمرة احنا شغلنا على مية بيضا وشغلنا نضيف همنا كله ننقذ ارواح

دكتور الصنف ( التخدير يعنى ):الحق يادكتور المريض ضغطه بينزل والنزيف جامد

هاتولى بسرعه كيسين دم مستورد من اياه خلينا نخلص على الاكياس القديمه اللى فى التلاجه
واهو شعبنا حديد ياكل الزلط مش محوق فيه لا اكياس فاسده ولا حتى فيروس اهم عياشين بيحبوا الدود اللى فى الفول

فين الكبده اللى كنت مطلعها على التربيزه دلوقتى

ميزو ( طالب فى امتياز يعنى واقف يتعلم ):انا شايف يا دكتور القطه بتجرى من شويه معاها حاجاه فى بؤها

وبعدين معاكوا يا اخونا مش تصحصحوا شويه وتخلوا عندكوا ضمير نعمل ايه دلوقتى لما القطه يجيلها بلهاريسيا

عطيات الممرضه :الحق يا دكتور العيان شكله بيفوق بيحرك صوابعه

ناولنى الشومة يابنى

انتوا مش بتعرفوا تتصرفوا لوحدكوا ابدا
هعلم فيكوا لحد امتى البلد محتاجه كل حقنه عماله تتصرف عليكوا وانتوا بتاكلوا فى قتة محلوله كل الحقن اللى فى البلد دى ومش مكفيه

قولي يا دكتور دقدق هو العيان ده كان داخل يشتكى من ايه

دقدق ( دكتور متكلف فى التكليف يعنى ) : كان داخل يا دكتور بيقول انه مبيعرفش

يا نهارك ابيض مبيعرفش وسايبنى من الصبح شغال فى دماغ العيان مش تقولى

طيب يلا ناديلى عم احمد التمرجى خليه يقفله

وطمن اهله بره وطبعا عارف تعمل ايه تمضيهم وتبصمهم وتكتبله على كيماوي

كله تمام يا معلم ؟؟

عم احمد التومرجى :
الحج يا داكطوووور العيان باطنه بتلعب وبتقولى اخاصمك اااه اسيبك لااااه

يوووه ده موبايلى

عم احمد التومرجى :اطلعهولك يا داكطووور

لا خليه تلاقيها الولية مراتى عاوزه حاجه تاني والله ما انا معبرها قفل يابنى وابعتلى الحاله الموعوده اللى عليها الدور

واد يا دقدق متنساش الكيماوي وخلى بالك من العلامة

لماضة لماضة انتى يابت

لماضة : كيماوى فى المحلول سريع المفعول

انتى يابت اصحي اقريلك كلمتين فى الجراحه ينفعوكي امتحاناتك قربت

لماضة : اديله محلول يبقى زى الغول

يوووه وبعدين فى البت دى بقى

لماضة: طول ما بندى ظهرنا للترعه عمر البلهاريسيا فى جتتنا ما ترعى

72 comments:

اسكندراني اوي said...

ههههههههههههههههههههههههههههههه
مش قادر اكتب حرام عليكي

لماضة said...

هههههه
خلاص يا اسكندرانى ابصم
عجبك ولا ايه انا عاوزه انتقاد وضرب

كلاكيت تانى وتانى said...

ههههههههههههههههههههههههههههههههههههههههههههههههههههههههههههههههههههههلا بجد انتى لو بتتكلمى بجد تبقى مشكلة برغم انى فعلا واللة جربت فغرفة العمليات مرة وسمعت بعض كلام الدكاترة وانا لسة بدخل فالبنج ومصدقتش نفسى الا لما سألت ممرضة وقالتلى ان الكلام صحيح
ربنا يسترها علينا ولات يوقعنا فأيديكوا يارب
تحياتى ودعائى لك الدائم بالتفوق

طال الليل said...

مش للدرجة دى
يعنى فساد موجود رشاوى موجود
محسوبية موجوده
تفرقة بين الناس حسب الفلوس موجودة
لكن ينسى الموبايل عشان ميردش على المدام أهو ده بقى اللى مش ممكن ابدا
تعرفى حضرتك ليه
ببساطة خسارة فيه يعنى العيان

وأقول إيه يابلدى
سحابة سودة وهتعدى

شكرا على الوصف التفصيلى للمهزلة

Mohamed A. Ghaffar said...

يا حلاوه يا ولاد

الربان said...

تحياتي

اعتقد ان ما دونتيه هو فصل من يوميات طبيب شهير...لان صغار الاطباء بدون عمل...اقصد خريجي الطب حديثي التخرج...انضموا الي قائمة البطالة.

عموما البوست جميل و يذكرنا جميعا بأن نتقي الله في عملنا و كل أحوالنا.

تحياتي

ياسر حسين said...

ههههههههههه
أنتي المفروض تكتبي سيناريو وحوار لأفلام كوميدية .. وبالذات ما يطلق عليه الكوميديا السوداء
وشر البلية ما يضحك

خالص تحياتي

البنت الشقيه said...

ايه يا لماضه الكلام ده بجد
جامد وخصوصا حكايه الداكطوور الى نسى الموبايل عشان ميردش على المدام

بجد حلوه اوووى

ومشكوووره جدا جدا جدا جدا
لينا

لماضة said...

كلاكيت تانى وتالت ورابع

ههههه للاسف الكلام ده حصل فعلا بس طبعا مش كله فى عيان واحد والا تبقى مامته داعيه عليه ربنا يعافينا كلنا من ايدين الدكاتره
********************

طال الليل

و\للاسف هو فعلا وصل للدرجه دى سمعنا عن اكياس الدم الفاسده ومحدش اتكلم بس تعرف ان حكايه المحمول دى سمعتها بجد الله اعلم حقيقه ولا لا بس طبعا كلنا عارفين حكايه الفوطه بس دى بقت قديمه شويه قلت امشيها على الموضه واخليها موبايل
شكرا على تعليقك الجميل نورتنى
*******************

استاذ محمد عبد الغفار

يلا حلاوة يا ولاد دى ايه عجبك ولا لا ولا حسره على اللى بيحصل ههههههه
والله عندك حق
*******************

الربان

هو فعلا كده تجسيد لكل البلاوى اللى سمعنا عنها مش اكتر واستهزاء بالمهزله ورساله ياريت الكل يسمعها سواء طبيب حديثى التخرج او الولاده حتى او دكتور طلع على المعاش
شكرا على تعليقك الجميل شرفتنى
*******************

فنانى الجميل ياسر حسين

والله عرضوا عليا كتير اكتب فى مجله دقدق وميدو بس انت عارف الواحد وومسئولياته وكمان ضريبة الشهره هههههه
بس مبسوطه ان حضرتك فهمت قصدى بالظبط النقد الساخر
ربنا يستر علينا وميسمعوش عننا خبر
دايما منورنى والله

Doba said...

هههههههههههههههه
ههههههههههه
ههههههههههه
يامجرمة

فطستينى من الضحك
بجد دمك زى الشربات

انا مش قادرة ابطل ضحك وعينيا عماله تدمع من الضحك يا فقر انتى

تسلم ايديكى
هبة

حبة حاجات (ايمان) said...

تحفه كلامك تحفه ولماضتك تحفه
بجد اول مره ادخل مدونتك ودخلت دماغى
اسمحيلى هدخلها من وفت للتانى

تحياتى اللمضه يالماضه

لماضة said...

اشقى بنوته

بجد للاسف يا بنوته
شفتى الرجاله بيعملوا ايه اليومين دول
نورتينى

****************

هبه

ربنا يخليكى
والله انا مبسوطه انى قدرت اضحكك كده
مجرمه دى شويه عليا على فكره انتى كده بتظلمى الاجرام

*****************

حبة حاجات حلوه من ايمان

ربنا يخليكى يارب
انتى اللى مدونتك احلى
مبسوطه قوى بزيارتك دية
ياريتك تنورينى على طول

مخطوبه said...

هوه ده العلام اللى بتتعلموه ف كلية الدكتره ؟؟!!
اتااااااااارى الدكاتره بقو ف الطراوه
عقبالك كده لما تبقى داكطوره اد الدنيا و تقضيها اخاصمك اه
:)))

Hadota .. حدوتة said...

مش ممكن على العسل انتى سكر بجد

هههههههههههههه

فطستينى من الضحك

ههههههههههههههههه

طهقان said...

تحفة يا لماضة

افتكرت نكتة

بيسألوا واحد عيان هرب من قبل ما يدخل غرفة العمليات

قالهم اصلي سمعت الممرضة بتقول
اطمن
دي عملية بسيطة قوي..ماتخافش وشد حيلك كدا


الله ..طيب وهربت ليه بقا


اصلها كانت بتقول الكلام دا للدكتور



بس انت تحفة ومالكيش حل

:)

تامر حسين said...

في ناس بتدي ضهرهم للترعه وينزلو بالعكس
ربنا يحفظنا من الدوده الاسيه الي يا خوفي لتكون في ميه الشرب الي بنشربها دلوقتي

لماضة said...

مخطوبه

لا والله بالعكس دول كان كل همهم يعلمونا ازاى نحافظ علىالعيان ومنفتيش فى حاجه منعرفهاش عشان مناذيش حد يسمع من بؤك ربنا بس انا مش هحط اخاصمك اه لا انا هحط الليله الكبيرة
نورتينى بزيارتك الجميله متنسيش تعزمينا على الفرح

*********************

حدوته

اضحكى يا ستى كمان وكمان الضحك بقى غالى علينا اليومين دول
فرحتينى انى قدرت اضحكك والله
شكرا لزيارتك يا قمر

**********************

استاذة ومعلمى الاول طهقان

هههههههههه
على فكره بقى النكته دى حصلت قدامى بجد ربنا يستر علينا من العيانين
مره كنا فى اوضة العمليات ولاقيت الدكتور بيقول للمساعد بتاعه انا قلتلك السود دول بيبقوا صعب انا عارف
اصل الست كانت سمرا والدكتور ياعينى بقى عمال يصب فى عرق مش عارف يسلك المراره بس الحمد لله كان دكتور شاطر والست قامت بالسلامه
نورتنى يا عم طهقان والله متبقاش تقطع كده

***********************

تامر حسين

لا اطمن الدودة تعبت من الميه اللى احنا بنشربها بقت بتشرب ميه مستورده
ههههههه
شرفتنى بزيارتك وابقى خلى بالك من العلامه

mrmr said...

حلو اوى اللى انتى كتباه يابت يالماضه بس كده الناس هتاخد فكره وحشه اوى عن كليتنا كلية الهم لأ سورى كلية الجزارين لأ لأ اقصد كلية الطب معلش ياجماعه اعذرونا اصل الكلام اللى لماضه بتكتبه ده من كتر الغلب اللى احنا بنشوفه ربنا مايريكم

البنوته الشقيه said...

جميل اوى يا لماضه اللى انتى كتباه وده دليل الغلب اللى بنعانيه فى الكليه دعواتكم معانا ربنا ينجينا من الكليه دى بعقلنا ومنبقاش زى الدكتور اللى لماضه بتحكى عنه قولوا امين

لماضة said...

مرمر والبنوته الشقيه الاتنين سوا
ايه يا خوانا الحركات النص كم دى
مرمر مين فى المرامير الكتييييييير
وانهى بنت شقيه بالظبط
هههههههه
انا احساسى بيقولوا انكم مندسين من الكليه
قبوا واعترفوا انتوا مين احسنلكوا
بس والله عندكوا حق من الغلب اللى احنا شيفينه
رغم انه احلى غلب

شكرا مرمر

شكرا بنوته شقيه

سى السيد said...

يا خوفى يا بدران
وانا اللى كنت هبقى اول زبون فى عيادتك
لا
انا افضل عيان احسن
بس بوست دمه خفيف
ورغم كل دا هكشف عندك برده
عشان حاجه واحده انا واثق انك مش هتدخى فزيتا بس انا دمياطى وكريم ومش هسمح

عاليا حليم said...

أيه ده انتى رجعتى امتى ؟ كده برده و أنا اخر من يعلم ؟
ع العموم حمد الله ع السلامة
ايه يا بنتى البوست الى يفطس من الضحك ؟ كل ده و هو شعال فى بطن المريض ؟ اوعى تعملى كده لما تشتغلى ؟
ههههههههههههههه
بس الكاريكاتير ده جامد اوى :))))))))

يا مراكبي said...

يانهار مش فايت

حد يخبيني يا جدعان

ربنا يطمنك

هو إنتي عارفة الحاجات دي كلها من دلوقت؟ أمال بعد كده هتعملي في الناس إيه؟

إبقي قوليلي إنتي هتشتغلي فين علشان نشجعك وما نجيش نتعالج عندك

:-D

لماضة said...

سى السيد
متقلقش اعيا انت بس وشوف هيجرالك ايه على ايدى
وش بيضحك ضحكة شريرة


*************************

عاليا حليم

ههههه رجعت من عشيه كده
لا يابنتى ركزى ده كان شغال فى دماغ الراجل
الكاريكاتير فعلا تحفه تسلم ايدين استاذ اشرف حمدى بصراحه
نورتينى يا قمر


*************************


يا مراكبى

لا يا هندزه
احنا عندنا طرق جديده دلوقتى
الحاجات دى بقت قديمه خلاص
وبعدين تعالى هنا
هو دخول العياده زى خروجها ولا ايه
هتستخبى فين
وش بيضحك ضحكه شريره برضه

Echo Of Silence said...

لماضة اصحى بسرعة يا لماضة
انتى يا بنتى اصحى بقولك
.....................
الموبايل فصل وعاوزين نشحن العيان
ههههه
-------------------------------
مش هاقول غير انك لمضة وربنا يستر علينا بقى لما تتخرجي وما تنفذيش احلامك دى فينا - ههههه

على فكرة - جميل قوى البوست
و
تحياتى ليكي

Esmat said...

لماضة إزيك يا جميل
عاملة إية
حرام عليكى موتينى من الضحك
إوعى يكون الدكتور ده درس لك
وربنا يستر على المرضى
وتخلصى بالسلامة
وتحياتى لكى يا قمر

doha said...

ههههههههههههههههه
ده مدبح مش مستشفى
هههههههههه
اسلوبك رائع
ويشد
ميخليش الواحد يمل الصراحة
بجد تحياتى لدمك الخفيف
يادكتووووووووووووووووور

Mohamed_sobhy84 said...

يا جماعه ميت مره اقول بلاش فورمالين قبل النوم مش حلو خالص مفعوله اكيد

BaTresYa said...

ههههههههههههههههههههههه
الكلام ده بيفكرني فعلا بالكوابيس اللي بتجيلي من محاضرات الصبح

بنوتة said...

وحشتيني وحشتيني سنين بعدك على عيني

ههههههههههههههه
ههههههههههههه
ههههههه
ههههههههههه
ههههههههههه
ههههههههههههه
ههههههههههههه
ههههههههههههه
ههههههههههههههه
هههههههههههههه
ههههههههههههههههه
ههههههههههههههههههه
ههههههههههههههههههههه
ههههههههههههه
ههههههههههههههه


هههههههههههه
ههههههههه
يا لماضة يا لمضة

لماضة said...

echoooo

اللهم اجعله خير
بتصحينى عشان كده يا عم
ولا يهمك لو فصل وصله بالفيشه انا مركباله وصله عامله حسابى بس اوعى تكون ايدك فيها ميه اللهم بلغت
ربنا يستر علينا وعلى الناس بين ادينا
شكرا ليك دايما منورنى والله

*******************


عصمت

ربنا يخليكى
لا اطمنى بقى فى اساليب جديده للتعذيب بيدرسوهالنا
وحشتينى والله انا خلصت النهارده الحمدلله شكرا لسؤالك متغيبيش علينا

******************

doha

مدبح
هههههههه والله انت بتقول فيها
ربنا يستر علينا وعلى الناس من بعدنا
شكرا ليك ودايما يارب منورنى

******************

محمد صبحى

تفتكر يكون الفورمالين السبب
الله يخرب بيتك يا دغش يا نششنى


******************

الورده البيضا =batresya

كوابيس ايه يابنتى
دى احلام ورديه
حد يطول يبقى فى مكانة الدكتور ومستوضفاته ومستشفياته
اوعدنا ياااااااااااارب
شرفتينى يا قمر

*******************

بنوته

ليالى كنت مش عايش ومستنيكى تحيينيييي
الاعمار بيد الله
احنا عملنا اللى علينا
والامل فى ربنا كبير

شرفتينى بزيارتك

سها said...

هاقولك حاجة قديمه قويييييييي
هم دول اللي ضحوا بالام والاب والجنين عشان الدكتور يعيش

ضحكتيني
اضحك الله سنك
وابعدك عن دكاترة السنان

أحمد المصري said...

نعمل ايه دلوقتى لما القطه يجيلها بلهاريسيا
------
حتو تموت من الضحك..لا بوست مية مية..أنا حاجي هنا على طوووووووووول0

كراكيب عادل said...

شرفتي ميدان الطب

قصدي دكاكين الطب والجراحة

هههههههههههههههههههههه

kikotalaat said...

سلامو عليكوووووو
أنا فهمت بقي هما بيعلموكوا ايه في كلية الطب ديه
ده أكيد مش طب خااااااااالص
المفروض الواحد بيطلع من كلية الطب بتاعتكوا ديه يتعين جزار علي طول
بس بجد أنا بدعي ربنا ما يوقعنيش تحت اديكي اذا حصلي حاجة

كان معكم ..,
كيكوووووو

حبة حاجات (ايمان) said...

ما حيلتناش غير اننا نحط ايدينا على خدنا
ونسمع اغنية هشام عباس

حوش ايدك من على خدك
اسلوبك لذيذ

لماضة said...

سها

ههههههههه والله مش قديمه قوى لسه بنقولها برضه ربنا يبعدنا عن دكاتره السنان بجد لان اختك سنانها كلها ضربت من اكل الشكولاته
نورتينى يا قمر

***********************

احمد المصرى

لما القطه يجيلها بلهاريسيا اديها 3 حبات اياهم
تعالى على عرض على طول تنورنى اى وقت

************************

استاذ عادل

ميدان الطب وده يتركبله ايه
انا فى انتظار البوضاعه
والفيزيته النص بالنص

************************

كيكو

والله يا كيكو بيعلمونا عكس كل الكلام ده الشهاده لله واللى قدامك ده تجميعه لقلة ضمير دكاتره نسيوا للحظات انهم ملايكة رحمه
ربنا يقدرنى ان شاء الله مكونش منهم
وبعدين مش عاوز تقع تحت ايدى ليه ياعم
ما البلد دى احسن من غيرها
لو غيرت رايك احنا فى الخدمه
اعيا بس وملكش دعوه
نورتنى

************************

ايمان

مرتيييييين يا دى النور يادى الهنا
تحطى ايدك على خددك ليه ياقمر
ان شاء الله البوست الجديد على النار
بس فترة نقاهه بعد الامتحانات

كائن نورانى said...

ايه دا

ههههههههههههههههههههههههه

دنتو قطعتوا الراجل

لا مستوى الجراحين عندنا على اوى

ربنا يطمنكو

شرفنى وجودى عندكم يا زمل

معنا ومعكم الطب بكل خير

تحياتى

ولـاء said...

ههههههههههههههه
هههههههههههههههههههههههه
ههههههههههههههههههههههههههههههههههه

اديني محلول اديني
و الضغط يباه لذيذي

ههههههههه

كده يا لماضة تفضحينا
كنت تخلي الكلام في سرك
عشان شغلنا يبأه لعي مية بيضااااااا
و ممكن زرقا
حسب الحالة

:\

انتي فززززززززيعه يا بنتي
سكر و الله

معرفش ان الجراحه بتعمل كده
:(

ممكن اهديكي الاغنية دي

كان طيب
:\

alaa salim said...

إيه التقدم الطبي المهول ده ؟
ههههههههههههه

دا كده الواحد لما يتعب يخليه في بيتهم أحسن ولا يروح يكشف ولا يروح لدكاترة
خلينا نموت موتة ربنا

semsem said...

ههههههههههههههه

اسلوبك حلو جدا
هههههههههههه

yomna said...

يا نهار الوان

ده انا كرهت الدكاترة و المستشفيات اكتر ما انا كرهاهم
يا نهار مش طالعله ملامح...توبة من دي النوبة لو قربت ناحية اي مستشفى و لا دكتور

يقفلوا الراجل...انتى متاكدة انك بتنقلي الاحداث من داخل اوضة العمليات و لا من اتيليه و مش واخدة بالك...عادي بتحصل


يا نهار الوان

zordeak said...

ايه يا بنتى الفضايح دى

حد يقول كده على ولاد كاره

وانا اقول السمعة الوحشة اللى طالعة عالدكاترة دى جت منين

اتاريها منك انتى

صحيح يا ولاد

ما عدوك الا ابن كارك

:p

اسلوبك كوميدى جدا وعاجبنى

بس يا بنتى الدكاترة مش وحشين اوى كده يعنى

يعنى بعد التعب والهم اللى انتى شفتيه وبعد الامتحانات وسهر الليالى

وبعد حرقة الاعصاب والمقلتة من اللى يسوى واللى ميسواش

وبعد ما تشيلى هم الناس

وتسهرى فى المستشفيات بالليل

وفى الاخر تاخدى الكام ملطوش

مش المفروض انتى اللى تقولى الكلام ده

وتخلى كل واحد داخل يقول اه فعلا الدكاترة كلهم كده وربنا ميوقعنا تحت ايديكو

واللى يقول الدكاترة بقو فى الطراوة

اكيد لأ طبعا وانتى عارفة كده

مش معنى ان فيه حد غلط او حد ميستاهلش انه يبقى دكتور وبقى دكتور علشان خاطر ابوه الدكتور الفلانى

يبقى كل الدكاترة كده

لما فنان كاريكاتير يرسم يتريق على الدكاترة

ولما تلاقى كل من هب ودب طالع فى التلفزيون يشتم ويقول كلام زى الزفت

واما تلاقى الجاهل واللى مؤهله ابتدائية بيعدل على الدكتور ويقول اصله شكله مبيفهمش

المفروض ان ده يزعلك اوى

علشان ده بيساعد فى رسم صورة وحشة فى دماغ الناس عن الدكاترة ككل

ولما حد يدخل عندك هنا ويعرف انك دكتورة وانتى كمان بتقولى كده هيقولك اهه يا عم

وشهد شاهد من اهلها

بكرة هتروحى تقعدى فى المستشفى فى امتياز وتسهرى بالليل وتجيلك واحدة واخدة برشام ومعورة نفسها وعايزة تودى جوزها فى داهية

وتقولك اعمليلى تقرير

ولو معجبتيهاش هترفع الشبشب فى وشك

سورى عاللفظ بس ده حصل فعلا

وبيحصل كل يوم

وبنات الناس اللى زيك بيتبهدلو

اكيد لو مفيش رسالة من ورا ده يبقى التعب والبهدلة راحو عالفاضى

محدش بيقدر التعب اللى احنا بنتعبه سواء فى الدراسة ولا بعد كده غير الدكاترة نفسهم

واللى انتى منهم

انا بحب الاسلوب الهزلى جدا فى الكتابة

بس برضه بحب مهنتنا

وشايف اننا بنتعب اوى ولسه هنتعب اوى

ومفيش جزاء للتعب ده غير من ربنا

حتى الكلمة الحلوة مش عايزينها

معلش سورى عاللماضة فى التعليق

بس معرفتش امسك لسانى

تشكراااااااااات

لماضة said...

كائن نورانى

نورتينى والله
بالعكس انا بختلف معاكى مستوى جراحين مصر عالى جدا وحقيقى يترفعلهم القبعه للتحيه فعلا ماهرين جدا واللى انا كتباه ده مجرد اخطاء حصلت نفسى تداوى مش عيب فى جراح
ابقى تعالى تانى شرفتينى

********************

ولاء

ازيك يا رفيقه الكفاح
مش فضايح ولا حاجه انا بس كتبت ده عشان منقعش فى الغلطات دى وان شاء الله ربنا يجعلنا سبب فى الشفاء
قومى ذاكرى يابت
عاوزين نبقى دكاتره شاطرين

********************


علاء سالم

بالعكس يا علاء
الرسول قال ما خلق الله من داء الا وخلق له دواء
وربنا امرنا بالاخذ بالاسباب
والدكتور مفروض عليه يكون ملاك رحمه والاخطاء دى لازم نتدارجها عشان منقعش فيها مره تانيه
ياعم اعيا انت بس وملكش دعوه
هتموت موته ربنا برضه
بس ابقى تعالى

لماضة said...

semsem

نورتينى شكرا على كلامك الجميل تعالى تانى

********************

مونى

المعلم الكبير صاحب القهوه
ايه يابت انتى فين
حودت عليكى فى القهوة من يومين ملقتكيش
للاسف الاحداث دى حصل منها كتير وكلنا سمعنا عليها
بس الدكاتره مش وحشين قوى كده بالعكس
انا حطيت السلبيات دى عشان محدش تانى يقع فيها
انت بس تاشرى وانا اجيب العده واجيلك متشيليش هم

***********************

zordeak

ايه المقاله دى ياعم
بس انا متفقه معاك لو كنت قريت ردى على التعليقات كان وصلك هدفى ايه
انا مش بعيب فى الطب
الحاجات دى مش تاليف دى اخطاء فعلا حصلت
وانا امنيتى محدش فينا يقع فيها تانى
وبالنسبه للمحسوبيات والكلام ده دى حقيقه موجوده فعلا
ولو مشفتهاش يبقى هتشوفها
وانا نفسى تختفى
بالعكس دكاترتنا كويسين جدا ولو قدامنا امكانيات احسن من كده شويه كنا بقينا احسن طب على مستوى العالم وده بشهاده الاجانب نفسهم لدكاترتنا
انا مش بخوف حد ولا قصدى كده قد ما هدفى ابعت رساله لنفسى قبل اى حد اننا نراعى ضمائرنا فى شغلنا
لاننا مش بنتعامل مع مكن
احنا تحت ادينا بنى ادمين
انا معاك فى كل كلمه قلتها وبايدك
نورتنيى يا دوك
ابقى تعالى عشان رايك هيهمنى قوى
واخبار شراره عندك ايه
ههههههه

Soooo said...

ربنا يكون في عونك وعون كل اللي بيدرسو طب بجد
انا لي صحاب متخرجين وياعيني عليهم ماشيين في الشارع بيكلمو نفسهم


بيني وبينك
انا شايفك حلوة في الكتابه الساخره .. خديها من قصيرها واستمري في الكوميكس
ونفضي للجراحه والنسا


سلاموووووووووز

زُمُرده said...

السلام عليكم
اخييييييييرا خلصتي امتحانات
وداخله ايييه جااااامد جدا فينا
أمال لما تخلصي الإمتياز وتتكلفي
هتعملي فينا ايييييه؟؟

بجد ....شر البلية ما يضحك
والله ليهم الناس حق يكرهوا الدكاتره
بس خدي بالك انت بتطفشي المدونين...اقصد العيانين بتوع المستقبل
أمال مين اللي هيتطوع وتكون داعيه عليه أمه وييجي يكشف عندك؟؟
مش تركزي شويه في الجراحه ولا ايه؟؟

كفراوى said...

هههههههههههه


الجراحة راحة

واحنا مبنعرفشى

لماضة said...

سووووووو

اخيرا شرفتنى بالزياره
لا مرحلة اكلم نفسى دى انا بداتها من وانا فى الامتحانات مستنتش لما اخلص مش بنضيع وقت
وبعدين انت عاوزنى احول مسار طيب انا كنت عاوزه ادخل حقوق
بس انا مش بعرف اشتغل غير بتاعه حقن وانتى بيوتك تفتكر هيقبلونى فى زراعه؟؟

************************

زمرودتى

ازيك يا قمر
دى مش داخله جامده ولا حاجه وحياتك دى تهيسات مذاكرة الجراحه
وبعدين متاخديش فكره وحشه قوى كده عن الدكاتره مش وحشين قوى كده والله دول بس شوية اخطاء الواحد نفسه تتصلح
نورتينى يا باشا وطمنينى عليكى على طول

****************************

كفرواى

ههههههههههههههههه
ههههههههههههه
هههههههههه
انت اللى فاهمنى على طول
الله ينورعليك
موتنى من الضحك يخرب عقلك

Sampateek said...

تصوري بنضحك فعلا من الكلام ده رغم انه ممكن يحصل لنا و لاهلنا في البلد دي


اكياس دم مستوردة؟
كويس خلي الشعب عنيه تزرق و شعره يصفر بس الخوف يكونوا مستوردينه من الصومال
يا دهوتتتتتيييييي

Desert cat said...

ههههههههههههه
عسل والله يا لماضة
انا ابن خالى ايام لما كان لسه فى طب
كان عاملى خوته فى دماغى كدا
وكل شوية يشتم فى طب واللى دخلها له
الواد ده قصدى الدكتور ده اتخرج السنة اللى فاتت
ومن ساعتها يا عين امه وهو بيلعن اليوم اللى اتخرج فيه
مش عارفه انتوا مش عاجبكوا الكلية ولا الشغلانة
داخلينها لييييييييه
ماله يعنى دبلون الزراعه

ربنا يوفقك يا دكتورتنا يا قمر
واشوفك جزارة
احم احم
جاحة قد الدنيا قادر يا كريم
بس خد بالك لو جت لك اانا مش حدفع فلوس اولا ثانيا اطلع بكليتاى مش ناقصين وزايدتى لو ملتهبه ملكيش دعوة بيها
الواحد مش ضامن مش يمكن واخداها لمسئول كبير فى الدولة

حـــدوتـــة said...

كلاكيت تانى مرة

انا علقت مرة وهعلق تانى

انا بجد مش عارفة اشكرك ازاى على سؤالك عليا

انتى زى العسل

انا قريت النداء عند ولاء وشوفت تعليقك

بجد انا بشكرك من كل قلبى

انا الحمد لله كويسة

ظروف البلوج وظروفى خلتنى قفلته

بس انا معاكو اهو

تعليقات وقعدة على قلبكو

وهاجى كل مرة اتلامض معاكو


:)

تحياتى يا حبيبتى

الفراشة الصغيرة said...

هههههههههههههه
بجد انتى مشكله يا لماضه
وشكلك كدة هطلعى دكتورة قد الدنيا

لماضة said...

سمبتيك

للاسف الكلام ده حصل منه كتير وكل يوم بنسمع عنه واكياس الدم المستورده الفاسده دى كانت من اكبر القضايا اليومين اللى فاتو
ربنا يرحمنا جميعا

*************************

قطة الصحراء

ههههههه
لا والله انا مش بلعنها قوى بالعكس انا بحب الكليه جدااا
ومش هتخصص جراحه ابداااا
وبعدين يا ستى بعد الشر عليكى يارب
انتى تجيلى تنورينى بس زاياره مش تعب
دايما مشرفانى فى المدونه متقطعيش الفيزيته علينا

******************

حدوتى

الحمد لله انك بخير يا جميل
المهم بس تكونى على اتصال عشان نطمن عليكى دايما
ايوه كده نورتى المدونه
واعملى كلاكيت رابع وعاشر مره كمان

******************

الفراشه الصغنونه

والله نفسى ابقى دكتوره شاطره والناس تدعيلى بدل ما تدعى عليا
نورتينى يا قمر بزيارتك الاولى يارب تكرريها على طول

الجمعاوي الاصيل said...

هههههههههههههههههههههههههههههه
بصراحة اخر لماضة
ايه القصة الجامدة دي بس انا نفسي اعرف الكولية اليمين لمين بالظبط
لو عاوزين تعرفوا انجازات السيد نظيف تعالوا عندنا وانتوا تعرفوها
في مدونة ميخا

truelove said...

فقرية والله بس قلبتيلي معدتي وقرفتيني من العمليات كلها ربنا يسمحك ويارب اشوفك دكتووووووورة اد الدنيا ياقمر اول زيارة ليا واتمنى تنوريني

shayma said...

ههههههههههههههههه
يخرب عقلك
دمك زى السكر وكتبتيها حلو اوى
دى اول مرة اجيلك بس اكيد مش الاخيرة
سلامى

لماضة said...

جمعاوى على طول

يا سيدى صاحب الكليه اليمين حذفنا تفاصيله عشان الرقابه انت عارف بيقفشوا اليومين دول يجعل كلامنا خفيف عليهم
نورتنى يا ميخا والله

*************************

الحب الحقيقى truelove

الله يخليكى قرفتك ليه بس دى العمليات لذيذه اوى اوى
يارب يسمع منك بس واكون دكتوره شاطره وجيالك فورا
نورتينى

**************************

شيماء

ربنا يخليك انتى اللى سكر
الحمد لله انها عجبتك
تعالى على طول نورتينى

القلم السكندري said...

ياستير عليكي

ربنا يكفينا شركم ويعافينا منكم

دي مستشفي ولا محل جزارة دي

وبعدين هتعملو ايه ف كبدة الراجل اللي كلتها القطة؟؟

شوفو بقي عموا بتاع الكبدة الهوهو اللي واقف بعربية علي اول الشارع .. خليه يجيب لكم واحدة طازة لسة بتلعب


علي فكرة أنتوا تنفعو مية مية في مشاريع حل الأزمة السكانية

بس لو حققتوا نسبة فاقد معقولة

يلا ربنا يوفقكم

بس بعيد عننا



تحياتي

شـــــهــــروزة said...

خخخخخخخخخخخخخخخ

حسيت خير اللهم ما اجعله خير انى ماشية على ركابى فى سلخانة او شفاخانة

والكبد والقوانص متعلقة على كلابشات فى جنب
والكلاوى فى جنب
والفشة والممبار فى جنب
والمخ فى جنب

ويلااا
الحتة باتنين ونص
يا بلاااش

ههههههههههههه
الله يحظك
دة قصر العينى حيرفع عليكى دعوى رد اعتبار

لماضة said...

القلم السكندرى

الله يكرمك يا سيدى
بس والله الدكاتره مش جزارين قوى كده صوابعك مش زى بعضيها
ربنا بس يجعلنا سبب فى الشفا ده كل اللى برجوه من ربنا

**********************

شهروزه

هههههههه
ايه رايك عندى حته فخده اشفيلك حته
ولا ايه رايك فى حته من الريش
ربنا يعافى كل مريض يارب
والحمد لله احنا بعيد عن القصر العينى
بس ربنا يستر ميسمعوش عنى خبر والا هيوقفوا رخصتى اللى لسه مخدتهاش
نورتينى بزيارتك يا قمر

عمرو said...

علي أيامي كانت تمثيلية عن بطن العيان المفتوحة والدكتور عمال يلف علي إيده اللي بيطلعه منها ( بالبانتومايم ) مع شوية تفاصيل
في الواقع ...البحر مليان ...قواقع
تحياتي لخفة دمك وجديتك في سخريتك

لماضة said...

دكتور عمرو

ربنا يخليك شرف ليا ان حضرتك تزورنى فى مدونتى المتواضعه والحمد لله ان الموضوع عجبك
ربنا يتسر علينا وعلى الناس من اللى بنشوفه ونسمع عنه
ويعافى كل مريض يارب

نورتنى

موجة said...

ههههههههههههههههههههههه
تعرفي
الكاريكاتير كان كفاية و الله
هههههههههههه
قال محاضرة القلب بتاع رابعة ههههههه

لماضة said...

موجه
ههههههه
لا عشان تبقى جرعه مكثفه
صوت وصوره
نورتنى

maram said...

ana mesh hatlamed 3leeky bas 7abeet a2olek....
begad eh el 7alawa de ya mero ana 3agbany awy ekseer tafa2ol
we tafa2ly 3latoooooool
araero..

لماضة said...

مرااااااااااااام

وحشتينى يا صديقة الكفاح
الله يكرمك على ذوقك يا قمر
كفايه انى نورتينى والله انا مبسوطه جدا
وهجيبلك شويه اكسير لحد البيت كمان
هههههههه
ربنا يديم المعروف بينا يارب

The Queen said...

احب اتلامض طبعا

بس مع دكتورة لمضة زيك كده يبقى صعب اوي اللماضة

يا بنتي دع محل جزارة اللي بتحكي عنه ده مش غرفة عمليات

ربنا ما يحكم علينا يقع تحت ايد حد من اياهم

واد يا دقدق زعف اوضه العمليات بسرعة

سلام يا دك

خمسة فضفضة said...

السلام عليكم ورحمة الله وبركاته

ايه ده انا كنت سبت تعليق هنا ، هو راح فين
ماليش دعوه انا عاوزه تعليقي
عااااااااااااااااااااااا

عموما كنت بقول فيه انك كارثه ماقدرتش امسك نفسي من الضحك وماكنتش شايفه قدامي من كتر ما عنيا دمعت

صراحه يوست فظيع تسلم اديكي

سلام بقي وحافظي علي التعليق ده اوعي يضيع هو كمان

لماضة said...

الملكه

هههههه
وانا كمان بدعى معاكى ربنا ما يوقع حد تحت ادين دكاتره ويشفى كل مرضانا قول امين

,,,,,,,,,,,,,,,

خمسه فضفضه

دى اول مره تزورينى فيها وكنت مستنياها من زمان
ازاى بقى يكون ليكى تعليق ويتمسح مش ممكن يحصل
ده انا مصدقت تزورينى
طبعا هحافظ على التعليق والشهاده الجميله دى وابروزها يا اجمل دكتوره
تحياتى ليكى وشاكره جدا زيارتك ليا واهتمامك

أم طالب الطب said...

على ما كنت أتمنى إن إبني يتخرج من كلية الطب اللي بيحبها وعلشان كده بيأخذ السنة في إثنين على قد ماأنا خايفة جدا من بعد ما يتخرج ده إذا اتخرج وأنا عايشة إدععيله ربنا يكرمه ويتخرج إن شاء الله

winner said...



ممممم
في أوضة العمليات (في مصر) في حاجات مش عارف أسميها ايه

هو طبعا الموضوع ده فكهي و ساخر و بس
ده ما بيحصلش في الحقيقة
إنما فيه نسبة اهمال محرجة و محزنة
بس مانكرش اني حضرت عمليات مع دكاترة بروفيشينال جدا