Monday, 1 September 2008

يوميات صائم 1


 بركة رمضان
مع حلول الشهر الكريم بعبق نسماته الروحانيه الهادئة كانت لنا عدة وقفات مع بعض ما نمر بيه من مواقف وطرائف ومن عادات تمسكنا بها ويصعب علينا الاستغناء عنها
وبداية مع استعدادنا لمواجهة هذا الموسم السنوي من الشراء المعتاد ومجاراة ما يحدث في الشارع والبيت المصري لشراء المستلزم العصري
لذا قررنا نحن لماضة هانم و ابن حجر العسقلاني عرض ولو جزء بسيط مما نمر به بشكل يومي في شهرنا العظيم
لماضة : السلام والرحمة والرز باللحمة
عسقول : ايه يابنتي انتي دايما داخله مفجوعة على الاكل كده بكرة يجي رمضان وأشوفك وانتي بتموتي من الجوع
لماضة : هو انا يعني هموت لوحدي بلاش تخليني أفتن عليك واقول انك بتروح تفتح التلاجة وتديها من ورانا
عسقول : انا بكون ناسي وربنا غفور رحيم
لماضة : ناسي في نص فرخة وطبقين رز وطاجن أم علي طيب هعديهالك
شفت الناس بدأت تستعد لرمضان ازاي الفوانيس والزينة ملوا الشوارع
عسقول : ايوة شفت ابقى هاتي الفلوس اللى حوشناها عشان نشتري علبتين صواريخ واربع قراطيس بمب لزوم ضرب المدفع
لماضة : متقلقش عاملة حسابي بس انا عاوزه اغير الفانوس بتاعي الاغنية الجديدة اللي نازله السنه دي العبد والشيطان وخصوصا مقطع لو تشرب يا منيل هتحس انك عيل طبعا الراجل طبعا قصده شرب المياه الغازية في نهار رمضان وأهو نعتبره من فوانيس التوعية والعودة لطريق الحق
عسقول : عبد وشيطان ايه يابنتي انتي ناسية انه بيتسلسل في رمضان
لماضة :ايه ده هو هينزل ضمن الخمسة وستين مسلسل كمان اللى هيجوا السنه دي
عسقول : يادي الجهل مسلسلات ايه بقولك هتيسلسل بسلاسل
لماضة : هو مين ده؟؟
عسقول : العبد يا حاجة امال هيكون الشيطان يعني
لماضة : يا سلام امال كانوا بيقولونا العكس ليه
عسقول : يابت افهمي العبد اليومين دول بيتسلسل من رقبته خصوصا السنه دي وداخل علينا مصاريف رمضان والمدارس عشان كده بيتلهي ومش بيقدر يوسوس على اي اضراب أو اخلال بالأمن والأمان
لماضة : أممممم عندك حق خصوصا اننا في ايام كلها عز وداخلين على شهر مبارك و بعده هانقول يا جمال العيد
عسقول : أسكتي بقى عشان المفتي هيطلع دلوقتى ويقولنا الرؤية تفتكري بكره رمضان ؟
لماضة :  لو مطلعش بكره يبقى السعودية هتصوم قبلنا
ماما : بطلوا فقر يا واد منك ليها انا عاوزه رمضان يجي بعد بكره انا لسه محضرتش حاجه ولا نضفت البيت
عسقول : كده بقى ابتدى النزاع العربي الهجري  
لماضة : استنى بقى اسمع الخطبه
عسقول : قال يعني فاهمه حاجه طيب انا هروح انام شوية لحد ما الخطبه تخلص دي فيها 3 ساعات لحد ما يحن علينا ويقولنا الرؤية هيكون جرالي حاجه ده غير انه بيتكلم في الاقتصاد القومي مش خطبة لشهر رمضان
لماضة : ياريت على كده وبس دول قطعوا اخر حلقة من المسلسل نور ومهند عشان يجيبوها طيب ما يقول على طول عاوزه الحق اعلق الزينه في الشارع مع العيال
عسقول : ماما هنفطر ايه بكره
ماما : قبل ما تسأل على الفطار ايدك على اي حاجه اجيبلكوا بيها ياميش رمضان الحاجه ولعت كيلو بلح أبو تريكة وصل 15 جنيه
عسقول : نعـــــــــم أمال حسن شحاته وصل كااام ؟
ماما : انت هتهزر يا واد ايدك على اي حاجه منك ليها اجيبلكم بيها الياميش انا هلاحق عليها منين ولا منين مدارس ولا رمضان يقطع العيال وسنينها
لماضة : يعني ايه مش هنفطر ببلح ابو تريكه السنه دي طيب كنتي هاتيلنا بلح نانسي ولا هيفا
عسقول : بلح نانسي وهيفا ده مينفعش نشتريه في نهار رمضان والا صيامنا هيضيع
لماضة : تصدق اني خفت احط ايدي عليه امبارح وانا بنقيه احسن ينقضلي الوضوء
عسقول : طيب بقولك ايه انا هروح اشتريلي ربع كيلو بلح نانسي ولا هيفا واخبيهم في أوضتي على الله حد يشوفني
لماضة : خليك كده يا خويا مقضيها بلح ولا عمرك هتدخل دنيا ابدا
عسقول: بصى .. أنا زملكاوى .. و ماعنديش استعداد اتذكر الذكريات الأليمة لنادى الزمالك مع بلح أبو تريكة .. و لو بلح أبو تريكة دة دخل البيت أنا هاروح أفرقه من وراكم على الفقراء بنسبة ستة إلى واحد
لماضة: يا عم خلاص قلبك أبيض زى لون الفانلة بتاعتكم و كمان زى لون تاريخكم اللى أنضف من الصينى بعد غسيله
عسقول : خلاص بقى .. قفلى على موضوع البلح دة .. خلاص يابنتي البلح غلي احنا هنعمل زي ما عملنا في العيش بدل العيش بناكل جاتوه اهو بدل البلح هناكل خشاف
لماضة : يا خوفي لا نقضيها شربة مااااااااء

50 comments:

blue-wave said...

هههههههههههههه
بجد بجد انتى حكايه
عندك قدرة غريبه على اخراجى من اى مود وحش بكون فيه
دمك بجد زى العسل
وحلوة حكاية بلح ابو تريكه دى بالذات
تسلم ايدك يا مروة بجد

لماضة said...

عمرو باشا
دي شهادة غاليه والله ربنا يخليك ويسعدك كمان وكمان
انا مكتبتش لوحدي على فكره ابن حجر العسقلاني مشترك معايا في كتابتها بجد
بشكره جدا وبحييه على خفة دمه ومجاراتي في الحوار

Soooo said...

هههههههههههههههه

جامد والله الحوار ده
طب انا عايز اشترك معاكم في اي دور شرفي
انشالله حتى اعمل بلح نانسي وأمري لله
انا مش عشاني
انا عشان التدوين


كل سنه وانتي وابو العساعيس طيبين وربنا يسعدكم ويكرمك ويوفقكم يارب




سلامووووووووووز

The Führer said...

ههههههههههههه
حلوة أوي يا دكترة ، عجبتني أوي حكاية بلح نانسي وهيفا ، الا بالحق هما سموهم كدة ليه؟ ، ولا بلاش خلاص لأجل خاطر الشهر الفضيل.
إنتي أخدتي توكيل من شوشو ولا إيه؟
كل سنة وانتي طيبة
دمت مبدعة

ابن حـجـر الـعـسـقـلانـى said...

مية مية يا لماضة

بس بجد بجد .. دماغك عالية

ثم انت يا لماضة اللى كاتبة أغلب الأجزاء .. يعنى هاتدفعى ضرايب أكتر منى لهيئة الضرايب على المدونات

و كل سنة و انتم طيبين يا بشريييييييية

و كل سنة و انت طيب يا ابو سوووو

مهندس مصري said...

هههههههههههههه
مية 100
ايه الحلاوة دي
نانسي و هيفا في البلح و كمان ابو تريكة
البلح عندنا هنا في السعودية ملوش أسامي
اهو كله بلح و خلاص

بس بجد الله ينور
حوار ممتاز

و الله و طلعت خفيف الدم و شربات بزيادة يا ابو العساقيل
:)
انما لماضة سكر مكرر من زمان
:))

نهر الحب said...

السلام عليكم ورحمة الله وبركاتة
عارفين العسل المر
هو دا اللى بتتكلموا فيه حقائق تحرق الدم بشكل ساخر


رمضان كريم
وكل عام وانتك بخير

kochia said...

والله وجهة نظر
بس دمها خفيف

من المفتي للمدارس للبلح
كلها دايرة بتلف مع بعضها

كل سنة وانتي طيبة
تحياتي

ـ-ـ- أحمد عبد العدل-ـ-ـ said...

نص فرخة وطبقين رز وطاجن أم على ..ده ربنا بيحبه أوى وكارمه آخر كرم ناسى بقى وصيامه سليم
كل سنة وانتم طيبين




************************************************
شعار عمرو خالد السنة دى .. سنحيا بالقران ..الساعة 11 بتوقيت مكة على الرسالة والمحور
************************************************

ذو النون المصري said...

كل عام انتم بخير
تقبل الله منا و منكم طيب القول و صالح العمل

lyssandra said...

هههههههههههههههههههههههههههه

إيه يابنتي الحوار ده ؟؟

لأ فعلا هايل بجد

كل سنة وانتم طيبين
ورمضان كريم

Lyssandra

انسان بلا عنوان said...

انا صايم بس شامم ريحة تريقه على رموز الحزب الوطنطن

حوار جميل اوى

كل سنه وانتى طيبه

Unique Gurl said...

ههههههههههه
حلو اوي الفانوس اللي بيغني شيطان وعبد
لو تشرب يا منيل حتحس انك عيل
هههههههههههههههههههههه
ههههههههههههههههههه
والله انتي سكر

صباح الصباح said...

لا طبعا بلح نانسى وهيفا يبقى فاتح شهية بعد الفطار على طول
الحقى خبى نص كيلو قبل ما يخلص
اة اة ونص
هههههههههههههههه

كراكيب عادل said...

كل سنة وانتي طيبة يا دكتورة

ومبارك عليك الشهر الكريم

هو صحيح الياميش اهم ولا المدارس ؟

appy said...

ما كلنا يا مفاجيع عارفين ده بس تقولى ايه بقى فى الامخاخ
انا لسه بقول لماما امبارح بلاش كل ده مش هنأكل منه ومش هنستطعمه ارحمى شويه
كل سنه وانتم طيبين

Misrdream said...

جميله اليوميات دي
عاوزين بقي كل يوم حاجه جديده
تلاتين يوميه كده لاخر الشهر
بابداع ولماضه

د/مروة المعداوى .....قباحة سابقا said...

يا بنتى ايييييييييييه دا

هو انتى اختفيتى ليه
انا هموت فى الاطفال
العيال خرمولى نفوخى

المهم ايه الموضوع التحفه دا

نانسى ايه و هيفه ايه

ابوتريكه

ابو تريكه

ابوتريكه

و اللى مش عاجبه يروح يستحمى و يستغفر و انشالله ربنا يعفى عنه قريب

سلام يا زفته
ابقى عدى اخنقيلك عيلين من اللى عندى
اللهم يزيد و يبارك عندى كتييييييير

تشااااااااااااااااااووووووو

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

الطبـيـبـه الأديـبـه said...

ازيك يا لماضه
كل عام وأنتى بخير
وحشتينى جدا
ربنا يكرمنا كلنا فى شهره الكريم يا رب
رمضان كريم


لا تنسوا متابعه قصص القرآن لعمرو خالد الساعه العاشره بتوقيت القاهره على قناتى المحور والرساله
سوف نحيا بالقرآن بإذن الله

مـجـنـووون said...

كل سنه وانتي بالف خير مستر لماضه
علي فكرة الصورة إلي أنتي حطاها بتاعت البنت صغيره ، بأين عليها لمضه قوي ههههههه

المشكله أن الناس أول ما بتسمع رمضان جاي ، أول حاجه بتفكر فيها ، الأكل والشرب ، والكحك والبسكوت والتمر والمسلسلات والبرامج الكوميدية ، وهدوم العيد ، والسحور ، وبعد كده يبقي يفكروا في الصلاة والعبادات

ومع مرور الزمن بتقل هيبة وأقتناع الناس برمضان لحد ما حيجي وقت الناس مش حتحس بيه

يا رب يجعلنا من الذين يفرحون لقدوم رمضان

تقبلي مروري
مجنووون

nona said...

كل سنة و انتى طيبة يا لماضة
بس بجد كتاباتك جميلة
بس تعالى قوليلى هو بلح ابو تريكة بكام و الا نانسى و هيفا انتى كمان نسيت مروة اخس عليكى ما كنش العشم
و شكل الناس فعلا هتقضيها شرب ماية و خلاص هنعمل اية منة لة

اسكندراني اوي said...

ايه ده هو كل الدنيا على كده
والله مواااال
يلا كل سنه وانتو طيبييين وابقي هاتيلي معاكي بريالين بمب
ههههههههههههههههههههههه

enjy said...

حلوة قوى جدا خالص ودمك خفيف واخوك عسقول دة عسل.......جبتوا البلح وللا اييييييييييييييه

اسكندراني في الغربة said...

كل سنة وانت طيبة

DR.roro said...

ايه يا بنتي ده ده انتي حكاية

ايه التهييس ده بس انا عذراكي ده بس من اثر الصيام ابقي كلي كويس يا بنتي بس انتي تلاقيكي كترتي من عيار البلح شوية انتي جبتي من انهي نوع بالظبط؟؟؟؟

بس بجد تهييسة جامدة كل سنة وانتي طيبة

صدى الصمت said...

البوست حلو قوى ودمة خفيف بس ألوان الكتابة غامقة قوى وانا إتعميت عشان أعرف أقرأه ياريت تفتحيها شوية ورمضان كريم

MaGn0liA... said...

هههههههههههههههههههه

زى السكر بجد

حلوه اوىىىىىىىىىى

هههههههههههههههه

بجد اسعدتنى جدااااااااا

كنت فى موود مش حلو خااااالص

ربنا يكرمك

و كل سنه و انتى طيبه

رمضان كريم

سلامات :)

صاحب المضيفة said...

الكبير كبير برضو

ومن حق الكبير يدلع

:D:D:D


ده حوار الكبار واللعب مع الكبار كله خطر

لذلك مش هاقول اكتر من كده


رمضان كريم

Doba said...

كل سنة وانتى طيبة يا احلى لماضة فى الدنيا انتى وعسقول افندى

ربنا يسعدكم ويبارك فيكم يارب
اتكلمت فى اكتر من نقطة متعلقة بالشهر التحفة اللى احنا فيه

يلا بالهنا والشفا
انا عاوزة بلح نانسى برده
يلا سلام ورضان كريم

هبة

عالم حبيب said...

جميلة جدا ما شاء الله

جزاكم الله خير على ادخال السرور على قلوبنا

بس بجد في بلح اسمه ابو تريكة ونانسي !! معلش انا مش متابع .. بس اتوقع فيه بلح اسمه بلح عز او بلح نظيف :)

أبو أسامة - مدونة كباية شاي said...

يا ست لماضة

يارب تزورى الحبيب النبي
وتصلي في الحرم

على فكرة قبل أي حاجة
أسلوبك في الكتابة حلو جدا
بس عندي اعتراض صغير

طالما الموضوع فكاهي وفيه سخرية يبقى مينفعش ندخل إسم عالم كبير في الموضوع

ابن حجر العسقلاني هو من علماء الحديث المشهورين
ومن أشهر كتبه كتاب :
فتح الباري بشرح صحيح البخاري

يا ريت تغيري الإسم بأي إسم تاني

والسلام أحلى كلام

لماضة said...

أبو اسامة

الرد عاجل جدا
ابن حجر العسقلاني ده اسم واخده المدون محمد ولو حضرتك شفت تعليقه فوق
ده اسم الحركي بتاعه في التدوين كناية عن عالمنا الشهير
انا مقدرش اغيره الا بقى لو هو غير اسمه الحركي
سامع يا محمد جبتلنا الكلام
تحياتي لحضرتك ولرأيك ونصيحتك الجميله

جمعاوي said...

السلام عليكم د.لماضة ورمضان كريم عليكى وعلى عسقول باشا

واهم حاجة فى الموضوع

(اهو بدل البلح هناكل خشاف )

وشكلنا فعلا نقضينها مية فعلا
ههههههههههههههههههههههه

دمتى لنا بخير ويلاسلام

Bannoura said...

Dear..
Happy Ramdan : )))
i liked ur Post sooo much...
& am gonna read more & more of ur old ones ; )))

رئيس التحرير said...

انا قبل كده قلت لك اني مش لمض .ولا باين نت مابتشوفيش المتلانضين بيقولوا ايه؟
وعلي فكر ه دي اخر مره اتلامض فيهاهنا لو انت ما تلامضثيش هناك.
سيدت الدكتوره بعيد عن اللماضه زياره القرايب صدقه وانا قريب منكم ياريت نتشرف بالزياره

Hassnaa said...

ento gamdeen awe bgad LOL

عايش ولكن said...

ههههههههههههههههههه
بلح ابو تريكه
هههههههههههههه
بس تعرفى انك دخلتينى فى كذا موضوع بس بخفة دم يعن مدارس و ومفتى وبلح وعيد واهى كلها حاجات مرتبطه ببعض
دمتى مبدعه
علاء

حنين القلب said...

مروة دمك عسسسسسسسسل
عسقول تسلم ايديك يا باشا
والله حوار بينكم يجنن
تسلموا
وكل سنه وانت طيبين

عمرو said...

PEACE....قوى


!!!!!!!

وميض ابتسامة said...

يعنى اخرتها شربة ماااااء !! خليك متفائلة شوية

والله يالماضة الحياه بقى لونها كحلى والواحد مبقاش عارف الناس بتقضيها ازاى.. ربنا معانا جميعا ومع الغلابة

ورمضان كريم

مصري بالغربة said...

جميلة جدا الفكرة ديه

واعتقد ان بلح ابو تريكة يكسب بلح حسن شحاتة ستة واحد ولا ايه

فين المدونين الاهلوية

عموما مدونة جميلة جدا

وارجو انكم جميعا تشرفوني بمدونتي الجديدة نوفي

مهندس معماري اسكندراني بالغربة

medolegend said...

لابجد جميل جدا جدا اللى انتى كتباة يا مروة شكرا كتيييييير

لماضة said...

سوووووووو
موافقون بالاجماع
,,,,,,,,,,,,,,,,,,,,,,,,,,,,,
دكتور فوهرر
والله يا بيه انا لاقيتهم في السوق كده ههههه شوشو ده تلميذي يا باشا
,,,,,,,,,,,,,,,,,,,,,,,,,,,
ابو العساقيل
شريكي من ايام الديزه
الله عليك بجد مبدع
يا باشا الحلقه دي مكنتش تكمل من غير لمساتك السحريه بجد الف شكر
,,,,,,,,,,,,,,,,,,,,,,,,,,,,,
مهندس مصري
الله يكرمك يا هندسة ايوه بس بلح عن بلح يفرق
,,,,,,,,,,,,,,,,,,,,,,,,,,
ايناس نهر الحب
عندك حق كل سنه وانتي طيبه يا جميل
,,,,,,,,,,,,,,,,,,,,,,,,,,,,,
كوشيا
ههههههه شفت هيصه اصلها مش ملاحقين عليها منين ولا منين وانت بالصحه والسلامه
,,,,,,,,,,,,,,,,,,,,,,,,,,,,,,,
أحمد عبد العال
اه مسح زور بس
وانت بالصحه والسلامه يا دكتور
,,,,,,,,,,,,,,,,,,,,,,,,,,,,
ذو النون المصري
اللهم امين منا ومنكم يارب كل سنه وانت طيب
,,,,,,,,,,,,,,,,,,,,,,,,,,,,
ليساندرا
وانتي بالصحه والسلامه يا جميل
,,,,,,,,,,,,,,,,,,,,,,,,,,,,
انسان بلا عنوان
ربنا يكرمك يا ريس وبلاش نفسنه احنا غلابه وانت بالصحه والسلامه
,,,,,,,,,,,,,,,,,,,,,,,,
يونيك جيرل
ايوه يابنتي ده احنا هنشوف عجب اشمعني يعني التوك توك
,,,,,,,,,,,,,,,,,,,,,,,,,
صباح الصباح
الكلام ده لعسقول طبعا مش ليا انا كده هكرههم
هههههه
,,,,,,,,,,,,,,,,,,,,,,,,
استاذ عادل وكراكيبه
وحضرتك بالصحه والسلامه
فينك من زمان طبعا الياميش اهم دي عادة ربنا ما يقطعها
,,,,,,,,,,,,,,,,,,,,,,,
ابي
كلنا هذا الرجل كل سنه وانتي طيبه يا جميل
,,,,,,,,,,,,,,,,,,,,,,,,,
حلم مصر او مصر دريم ياه
تصدق اول مره اخد بالي منها هههههه
كل يوم ليه يعني كده افترى
لا هي حلقه كل اسبوع حلو قوي ده لو حصل كمان
,,,,,,,,,,,,,,,,,,,,,,,,,,,,
مروه انتيختي
يا فقريه
انا بموت في الاطفال
انا هاجي اساسا احضر معاكي لان الستات مش عاوزين يبطلوا ولاده
بييس يا بت
,,,,,,,,,,,,,,,,,,,,,,,,,
الطبيبه الاديبه
ازيك يا جميله وانتي كمان والله
ربنا يتقبل منا ومنكم صالح الاعمال ويوفقك يارب
,,,,,,,,,,,,,,,,,,,,,,,,
مجنون
عندك حق والله ده مش كلام مجانين ابدا ده كلام ناس عاقلين جدا ربنا يتقبل منا واياكم يارب
,,,,,,,,,,,,,,,,,,,,,,,,,,,,
نونا
يا جميله الحلقه دي كتبها معايا ابن حجر العسقلاني كل سنه وانتي طيبه يا جميل
ربنا يخليلنا بقى بلح الشبح
,,,,,,,,,,,,,,,,,,,,,,,,,
اسكندراني قوي
هههههههه هي دي مصر يا هندسه متخفش مش هنسى البمب وانت بالصحه والسلامه يارب
,,,,,,,,,,,,,,,,,,,,,,,,
انجي
اه جبنا الحمد لله وشاركنا بكل نفيس وغالي في شراءه وانتي بالصحه والسلامه يا جميل عسقول مش اخويا بس زي اخويا واكتر
,,,,,,,,,,,,,,,,,,,,,,,,,,,,
اسكندراني في الغربه
وانت بالصحه والسلامه
,,,,,,,,,,,,,,,,,,,,,,,,,,,,,
رورو
وانتي بالصحه والسلامه يا جميل
انا وابن حجر عاملين حاجه حلوه الحمد لله
والحمد لله انها عجبتك
,,,,,,,,,,,,,,,,,,,,,,,,,,
صدى الصمت
حاضر يا جميل والله الوان الكتابه دي بتحيرني بجد
مش بعرف اظبطها ابدا
حاضر هظبطها عشان خاطرك والله
,,,,,,,,,,,,,,,,,,,,,,,,,,,,
MaGn0liA...
الحمد لله انها عجبتك
رمضان كريم :)
,,,,,,,,,,,,,,,,,,,,,,,,,
صاحب المضيفه
يا باشا الكبار لازم يلعبوا سوا عشان يبدعوا ولا ايه رايك
اي خدمه يا ريس
رمضان كريم
,,,,,,,,,,,,,,,,,,,,,,,,
دوبا
وانتي بالصحه والسلامه يا حماتي يارب
يا سلام ده انا اجيبلك كل الياميش واجيلك يا حماتي انا اقدر
,,,,,,,,,,,,,,,,,,,,,,,
عالم حبيب
اه والله فيه
يا سيدي بلاش بلح في السياسه قصدي كلام في السياسه رمضان كريم
,,,,,,,,,,,,,,,,,,,,,,,,,
جمعاوي
شفت يا باشا كل سنه وانت طيب رمضان كريم
,,,,,,,,,,,,,,,,,,,,,,,,,
بننوره
رمضان كريم عليكي يا جميل الحمد لله انه عجبك
المدونه وصاحبتها تحت امرك نورتيني
,,,,,,,,,,,,,,,,,,,,,,,,,
رئيس التحرير
علم وينفذ يا افندم بس بلاش ضرب بس كل سنه وانت طيب رمضان كريم عليك
,,,,,,,,,,,,,,,,,,,,,,,,,,,,
حسناء
طبعا عشان بنشجع حديد عز :)
,,,,,,,,,,,,,,,,,,,,,,,,,,,,,,
علاء عايش ولكن
اي خدمه يا افندم
شكرا على ذوقك بجد يارب نسعدك على طول كده
,,,,,,,,,,,,,,,,,,,,,,,,,,
حنين القلب
تسلمي يا ست الكل
كل سنه وانتي بالف صحه وخير
,,,,,,,,,,,,,,,,,,,,,,,,,
عمرو
:) شكرا يا باشا
,,,,,,,,,,,,,,,,,,,,,,,
وميض ابتسامه
ربنا يقوينا ويعدي الايام دي على خير
رمضان كريم
,,,,,,,,,,,,,,,,,,,,,,
مصري بالغربه
الاسكندرانيه المتغربين كتروا قوي كده
ربنا يرجعك بالسلامه
رمضان كريم
,,,,,,,,,,,,,,,,,,,,,,,
medolegend
والله ما كتباه لوحدي
ابن حجر العسقلاني كابته معايا يا ناس
ربنا يخليك الحمد لله انه عجبك
كل سنه وانت طيب

اللي شايل همه said...

((("_"))) (("_"))


كل عام وأنتي إلى الله أقرب
بمناسبه اللماضه

هو مخ الإنسان بيتكون من كام فردة جزمة يا ريت تردي عليا بسرعة
وأهو الواحد يستفاد من الدكاترة برده

زرزور said...

كل عــ
كل عـــــــــ
كــــل عــــــــــــــــــا
كــل عـــامود تشوفيه اخبطي راسك فيه
"صورة واحد غتت"
يارب تستر وما يطلعش بلح مبارك ولا سوزان أو شارون وبوش أصل ده حيكون ما بيطفطرش عليه حيكون حبوب صراصير
كل سنة اغسيليها كويس "بوظيفتي كطالب اسنان"

دمتى...وجهينه

اللي شايل همه said...

إزيك يا ..يا ...يا"اسمها ايه اسمها ايه ..اه ..براده أقصد لباقه...يوووه لماضه عاملة ايه كل سنة وانتي في اي حته
"مين دي"
معلش نسيت ياريت تسلميلي على ابن زلط الفسخاني ...ابن طرب المزجاني
أقصد ابن عسكر العسقلاني "مين ده أصلاً"

عازفة الأوتار said...

بيب بيب اهلى
و اللى خايف يروح
و عبد المنصف اشترى كيكة طلعله فيها ابو تريكه

و انا ركبى حديد و الأهلى حديييييد


بجد دمك زى العسل يا لماضة
طبعا مش صاحبة مروة باشا
واضح ان الشلة كلها دمهم خفيف كدة و الله الواحد يخاف على نفسه من القعدة معاكو
انا لما بضحك مش بعرف اتنفس فى الاخر و ده لما بضحك من الناسا لعاديين بس انتوا الاتنين واضح انكوا فظااااع


بجد دمك زى العسل يا لماضة
كل سنة وانتى أهلاوية

romansy said...

الاهلى حديد
ابو تريكة.....ابو تريكة
كل سنة وانتى طيبة
وعسقول كمان كل سنة وهو طيب
وسمعية سلام صعبان علية حالى

Dr.Mohammed Gohary said...

هههههههههههههههههههههه
يا لماضة

انتي من الآخر












مالكيش حل

شوفيلك حل في نفسك
أنا خلاص بطني سابت من كتر الضحك


عندك حق خصوصا اننا في ايام كلها عز وداخلين على شهر مبارك و بعده هانقول يا جمال العيد

آه والله عز عز يعني
مش أي عز
لا عز وداخل علينا
ومش أي دخلة
دخلة دخيلة

هههههههههههههههههههههههههههه

-------------------------------

خليك كده يا خويا مقضيها بلح ولا عمرك هتدخل دنيا ابدا

ههههههههههههههههههههههههههههههه
هههههههههههههههههههههههههه
يخربيت كدا ايه ده
هههههههههههههههههههههههههه

اوعي تكوني تقصدي .. إإإ

لالالالالالالا ههههههههههههههههههه

-----------------------------



كل سنة وانتي طيبة


حلقة ممتازة ومستنيين جديدك