Thursday, 8 May 2008

ميم نون




بدأت ولله الحمد منذ أيام قلائل رحلة الكفاح والشقاء التي طالما حلمت بها وأعددت لها العدة وادخرت مصروفا من سنين عمري الفائتة لآجل ارتيادها
وكالعادة دائما أحببت إحساس التحامي مع طبقات الشعب الكادحة ولأول مره في حياتي استشعر طعم مختلف من الكفاح الغير دراسي وأقول للطلبة في عقلي الباطن وأثناء دفعي ثمن الأجرة المعهودة من مرتبي اليتيم بدلا عن مصروفي " بحسدكم ياولاد المحظوظة " ولكني كنت ألتزم بكل ما يبدأ بحرف الصاد كالصبر والصمت والصمم أحيانا


وذات يوم تراءى على مسمعي أسعد خبر يمكن للمواطن أن يسمعه من أخيه المواطن وهو زيادة المرتب بقدر وقيمته 30 % لا غير وذلك بعد هتاف دام عشرات السنين " بالمنحة يا ريس " ولطيبة قلبه و كرم أخلاقه استجاب فوراً لهتاف الشعب


ولم يقف الحد عند هذا فقط ولكن واجبه كأب يخاف على أبناءه عزم على حمايتهم من التهور والإشعال في أنفسهم فقام برفع أسعار البنزين والسجائر والسولار وكل ما هو قابل للاشتعال وذلك بنسبة لا تقل عن 50% وبالطبع قابلة للزيادة من قبل أصحاب المقاهي والمحطات و" الميكروبازات " لتقلب الميم والنون في لفظ كلمة منحة إلى محنة وذلك لصالح ميم نون ؟ فهذا من الغيبيات الله فقط أعلم بها وبحال شعبها


وبينما أمارس أحدى هواياتي اليومية المتعددة في وسائل المواصلات بعد الجري والقفز والوثب أحيانا وهي الاستمتاع بنوم هادئ على أصوات الكلاكسات عفوا الكمنجات إن لم تكن متوفرة فالأصوات الشابة الواعدة الصاعدة تحت القاعدة الشعبية تعد تعويضا مناسبا لأفاجئ هذا اليوم بإذاعة السائق المحلية تعلن عن موعد أطلاق مدفع ارتفاع سعر الأجرة المحلية وذلك بتوقيت الجمهورية
لأفجع من نومي على صراخ الأخوة النائمين والتي كانت كالتالي


حرام عليك اتقوا ربنا
حسبي الله ونعم الوكيل فيكوا
خافوا ربنا هنجيب منين


وأخر طأطأ رأسه وأسندها لتلامس عينيه السماء وهو يقول منك لله ياللي في بالي
حتى جعلني أستشعر معه هذه اللحظة الإيمانية العالية وأقول حقا كم أنت فرعون أيها الإنسان وكيف انك تاركها دون أن تأخذ معك شيء فقط قطعة شاش وقطن
ماذا أعددت لأخرتك وكم عدد الدعوات التي كانت لك لا عليك


وسرحت في حصر عدد الراكبين وكم هذه الدعوات في ميكروباز واحد !! ماذا لو كنت استقللت اليوم أتوبيسا ؟؟ وكيف كان الحال لو ارتدت القطار اليوم ؟؟
وكم سيكون العدد عند عودتي ؟؟؟؟

تحديث
نشر في جريدة الدستور بتاريخ 14/5/2008

38 comments:

Wael said...

فى الحقيقة لم انزل الى الشارع بعد اعلان الـ 30 % وبعد زيادة اسعار الاجرة ومازلت اماطل واناضل واماطل تانى بشتى الطرق حتى لا اواجة تلك الميكروباظات واكتشف قائمة الاسعار الجديدة .

تستحضرنى الان صورة الرجل خلف القضبان فى مشهد من فيلم " جاءنا البيان التالى " وهو يقول :

حسبى الله ونعم الوكيل :(

لماضة said...

ههههههههه
ماشي يا عم وائل
ربنا يستر مكونش الراجل ده
:)

A.SAMIR said...

نفسي وبأطلب من الله ولا يكتر على الله
دعوة واحدة بس ترشق
ترشق
ترشق

لماضة said...

الدعوة لصالح مين بالظبط
تفرق يا سمير
متوديناش في داهيه اللهي يسترك

فاتيما said...

لماضة وحشتينى يا حبيبتى قوى قوى
وحشتنى لماضتك يا طعامة
و هنقول إيه بس الناس خلاص جابت آخرها و البرج الاخير خلاص طار
إفرجها من عندك يللى ما ترضى بالظلم
الواحد لازم يروح الحسن يكنس هناك و لا السيدة نفيسة بقى ما كفاية عملتها من مدة بس مفيش فايدة إحنا اللى إتكنسنا ....
ربنا كبير
و بعدين يا مرمر أومال أنتى فاكرة الحياة العملية يعنى ؟؟؟
كبرتى و بقالك فلوس و الحاجات دى !!!
لاااااا
لاااا يا ماما لااااا
دا يعنى خلاص أيام العز راحت و هنبتدى شيل الهم خلاص ...
لما كنت قدك كان نفسى اخلص جامعة و أستقل بقى بقيت بعض بنان الندم و أتمنى أرجع تلميذة مفيش فى دماغها غير شوية المذاكرة و المرواح و المجى و الأشتراك فى رحلة للعين السخنة و دمتم
هييههه
دنيا
و كلنا لها
طولت عليطى يا مرمر بس كنتى وحشانى قوى و عودا حميدا و قضيها مشى يا بنتى دا الكورنيش عندكو ينسى الواحد أسمه

لماضة said...

ماما فاطمة
والله انتي وحشاني اكتر ربنا العالم
نعمل ايه بس
ربنا يرحمنا برحمته
ويفرجها من عنده
يا يموت يا نموت

دكتور حر said...

جامده


على ما رجع

مفقوعة مرارتي من حماتــــــــــــي said...

العيلة مُعمرة يالماضة مش بتموت في التمانين ... ده هو ده عز الشباب عندهم
انا مش عارفة هومابييتأثرش ليه
ده بعد دعوتنا عليه بعلاوتهدي كان زمانه رحل من زمااااااااان
إني أسأله الرحيل
يااااااااااااااارب

Ahmed Mubarak said...

هشتكنا وبشتكنا يا ........


دانتا ....... والنعمه كويس

يا مدلعنا يا مشخلعنا قول لعدوك روح اتليف

هشتكنا وبشتكنا يا .........


مع تحيات كبريه النجوم

خمسة فضفضة said...

السلام عليكم ورحمة الل وبركاته


معلش يا لماااضه يا حبيبتي استحملي امال يعني عاوزه تبقي داكتوره بالساهل كده مالازم تتشحططيلك شويه

زعموما عاوز اقولك ان كل الشعب وراكي بس ان ادعي واحنا هانقول آمين

سلام

لماضة said...

دكتور حر
انا مستنيه اهو

,,,,,,,,,,,,,,,,,,,,
مفقوعه بسبب حماتها المفتريه
طيب ايه الحل تقريبا الكرسي كان فيه غرا اللى بيقعد بيلزق

,,,,,,,,,,,,,,,,,,,,,
احمد مبارك

هههههههههه
شكلك هتودينا في داهيه
,,,,,,,,,,,,,,,,,,,,,,
دكتورة فضفضة
متاكده من طلبك ده
ولا ادعي والاقيني بتشد من قفايا لوحدي

gehad_fci said...

الرأي الوحيد اللي قولته قبل كدا ان احسن وسيله للتخلص من ارتفاع الاجره في الميكروباصات ان كل مواطن يقدم علي عجله
نبقي زي بتوع كوريا واليابان
اهي منها رياضه ونوفر وبرضه والعجله مبتستهلكش بنزين بتتنفخ بس
تحياتي للريس

اسكندراني اوي said...

موجود هنا عشان اقولك كنتي فين مش باينه

بس ماليش دعوه بالبوست ده
هههههههههههههههههههههههه

بطوط حبوب said...

فى مدونه بعنوان متبسطهاش اكتر من كده
بتحكى مشهد عبد السلام النابلسى وهو بيقول ياباسط فرمت عليه زنات صدقى ملوخيه
قام قايل متبسطهاش اكتر من كده
تفتكرى عبد السلام النابلسى كان بيتكلم فى السياسه؟؟
هههههههههههه

إيمان said...

واجبه كأب يخاف على أبناءه عزم على حمايتهم من التهور والإشعال في أنفسهم فقام برفع أسعار البنزين والسجائر والسولار وكل ما هو قابل للاشتعال

هى دى رؤيته الحكيمة يا جماعة...وحسن النية اللى مفترض نكون حسنها لأن الراجل نيته خير ...

أنا عايزا أقولك أكتر بتصعب عليا عندما يسلب من الإنسان إنسانيته وأدميته وهذا ما يحدث كل يوم جردو الانسان من حق الحلم وحق البناء وحق حتى الابتسامة ...يبدو حديثى دراميا
ولكن حياتنا بقت أغرب وأكثر درامية
علبنا أن ألا ننسى أن ندعو لنا فى غمار الدعوات عليه...

تحياتى لهذا البوست الرشيق

la3lahakhier said...

نزلت يا ختشى
المواصلات غليت والناس بتسال بعض خدت العلاوة يقول لا
خدت العلاوة
لا
لغاية ماواحد ام سابب فيهم كلهم ونزل
هههههههههههههه

DR/Rorooo said...

هي مش "ميم نون" بس
دي بقت "ميم نون هاء واو ياء"ولو كان في حروف تانيةبعد الياء كانت كانت اتحطت
بس ارجع واقولك احنا اللي سكتنلهم عماليين يزودوا في الاسعار وحنا بندفع مش بنقول بم وقعدوا بقولوا في اضراب ولا حد عبركله مكبر دماغه لغاية لما مش عارفين نخرجها من التيشرت

ربنا يسترها علينا في الايام اللي جايةشكلها كدة شوية ايام لوزززززز مقشر هههههههههههههههههه

د.دغيدى said...

عودتك منين بالظبط
شكلك كدة حتلاقى دعوات يامة
على قد ماحتقعدى
وبعدين بيقولك لاتبكى على اللبن المسكوب
البلد ضاعت من زمان

لماضة said...

جهاد
والله فكره
وانا اول المبتدأيين
بس للاسف الفكره دي عندنا استبدلوها بالتوك توك
,,,,,,,,,,,,,,,,,,,,,,,,,,
اسكندراني اووووووي
انا تحت النظر يا هندسه
مطحونه فى الشغل والله بكتب البوستات وبتابع وبرد من الشغل مش بروح بيتنا خالص البوست ده بقى بالذات انا لو اتقفشت هقول انت السبب ههههههه

,,,,,,,,,,,,,,,,,,,,,,,,,
بطوط حبوب
هههههههههه
ربنا يستر الملوخيه غليت اليومين دول شكلها هتقلب بصاره

,,,,,,,,,,,,,,,,,,,,,,,,,
ايمان
طبعا يا مون مون
دعوتنا عليه في حد ذاتها دعوه لينا

,,,,,,,,,,,,,,,,,,,,,,,,,
لعله خير
هههههههههههه
دي اقل حاجه امال الناس اللى قعدت تعيط وطول السكه تحسبن ربنا على اللي بيحصلها

,,,,,,,,,,,,,,,,,,,,,,,,
دكتوره رورور
طيب ميم ونون وعارفنا معناها لكن بقيت الحروف دي المعنى وراها ايه
اوعي تودينا في داهيه ربنا يستر من اللي جي

,,,,,,,,,,,,,,,,,,,,,,,,,
دكتور دغيدي
اهي محاوله لاستعادة ما ضاع يا دكتور
نعمل ايه بس
ناقص نبيع هدومنا

enjy said...

كان يوم رهيب اول يوم نزلت بعد زيادة الاجرة...ادخلى مدونتى وقولى رايك اوعى تطنشينى ماشى؟

همس الاحباب said...

لماضة رجعت يا ولاد
حمدلله على السلامة
حلو كده يلا انبقى صحبة فى مارينا
والله شكله ايبقى مصيف اخر لذاذة
والبركة فى الريس بتاعنا ابو قلب كبير ورحيم باولاده
حسبى الله ونعم الوكيل
وربنا على الظالم والمفترى
يلا خليها تولع
تحياتى

♡الطبـيـبـه الأديـبـه♡ said...

السلام عليكم ورحمه الله وبركاته ،،


آآآه يا لماضه فكرتينى أنا لسه راجعه النهارده من امتحان شفوى الفسيولوجى والواحد مدغدغ لجنتين عاملين زى الفرن بصراحه الحمد لله على كل شئ وأنا راحه النهارده الكليه مستقله الميكروباص دفعت الأجره ولقيت الراجل بيقولى لسه ربع كمان يا دكتوره؟؟؟
قلتله ليه من امتى الكلام قاللى انتى متعرفيش ولا إيه كنت عاوزه اقلله يا عم بتوع طب مبيعرفوش أى حاجه عن أى حاجه هو أنا ناقصه علم الخلايا العصبيه بتاعتى معدتش قادره تستحمل اكتر من ذلك بصراحه
يلا ربنا يعينهم بقى الى ماسكين البلد دول ده اليفط ماليه الدنيا عن شويه الفلوس اللى هيعطفوا علينا بيهم وهياخدوهم تانى بطريقه غير مباشره هههههههه لا حول ولا قوه إلا بالله

son's egypt said...

السلام عليكم
علي رايك والله المنحة بقت محنه
لان الزياده جت من هنا وبعديها علي طول راحت من الناحية التانية

صيدلانيه طالعه نازله said...

مبروك على دفعك الاجلره من مرتبك
و بالنسبه للاسعار
اعتقادى ان اقل حاجه حيزيد سعرها هى المواصلات
اللى حيغلى اللحمه و الزيت و السكر
الجزم و الشباشب وووووووو
فاضل حاجه تانى
الله جاب الله خد الله عليه العوض

soosa el-mafroosa said...

المشكلة مش في عدد الركاب و الدعوات

المشكلة انك و انتي راجعة ممكن تلاقي الجرة غلت تاني

و ساعتها مش هترسى على دعوات
دول ممكن يولعوا في الميكروباص

ربنا يخصنا على خير

samourai 4 ever said...

اللى بيدوه باليمين بياخدوه بالشمال
و لسه

و دمتـــــــــــــــــــــم

خواطر رئيس شاب said...

الواحد ممكن دعوة واحدة تخلي حياته تتغير كلياً

فما بالك بالكم الهائل ده

بحبك يامصر said...

حسبى الله ونعم الوكيل

ربنا يورينا فيهم يوم

آفاق الحرية said...

ههههههههههههههه
طيب يابختنا علي ايه بس
هههههههههه
هو فعلا عندك حق الواحد لسه بياخد مصروفه ومش حاسس بالمعاناة لسه
بنا يستر

tamer.sala7 said...

ولســـــــة التقيل جاي ورا
يعني غلا علينا البنزيم ودعمه لأسرائيل تحية جمهورية اسرائيل العربية الشقيقة

اهو ده عيبه said...

الناس خلاص بقت ماشة تكلم نفسها

ربنا يستر هيجيبولنا منين مكان فى العباسية
وحتى لو لقوا ال30% مش هتكفى العلاج هناك

ربنا يستر علينا من اللى جاى

عاليا حليم said...

على رأى غمض عنيك : البنزين غلى طب الناس حتولع فى نفسها ازاى ؟؟؟؟

لماضة said...

انوجة
مش طنشتك والله ودخلت وقريت عندك حق فعلا
,,,,,,,,,,,,,,,,,,,,,,,,,,,,
خالد همس
ليه ياعم هو انا كنت مهاجره ما بلاش انت عارف اكتر واحد انا مشغولة قد ايه
,,,,,,,,,,,,,,,,,,,,,,,,,,,,
الطبييبه الاديبه
كلنا هذا الرجل ربنا يوفقك يارب ويكرمك في امتحاناتك وطمنيني عليكي
,,,,,,,,,,,,,,,,,,,,,,,,,,,,,
ابن مصر
هي جت خالص عشان تروح حتى ولا شوفناها
,,,,,,,,,,,,,,,,,,,,,,,,,,,,,
صيدلانيه طالعه ونازله
الله يبارك فيكي عقبالك :))
,,,,,,,,,,,,,,,,,,,,,,,,,,,,
سووووووووووساااااااا
يا خبر وحشتيني والله انا مصدقتش انك علقتي عندي
عودا احمدا
يولعوا في المكيروباص انا بعد كده هركب قطر
,,,,,,,,,,,,,,,,,,,,,,,,,,,
ساموراي
هما ادونا حاجه لسه دول اخدوا بس
,,,,,,,,,,,,,,,,,,,,,,,,,,
الريس الشاب
شوف انت بقى
ممكن يطب ميحطش منطق قول امين
,,,,,,,,,,,,,,,,,,,,,,,,,
بيحب مصر وانا كمان
فعلا منقدرش نقول غيرها حسبي الله ونعم الوكيل بس في مين بالظبط
,,,,,,,,,,,,,,,,,,,,,,,,
افاق الحرية
متستعلش بكره تجرب
,,,,,,,,,,,,,,,,,,,,,,,,
تامر صلاح
هههههههه هتودينا في داهيه بلاش كلام فى السياسه
,,,,,,,,,,,,,,,,,,,,,,,,
اهو ده عيبه
ايه ياعم انت كمان عاوز تتعالج على نفقة الدولة اهو ده عيبه فعلا
,,,,,,,,,,,,,,,,,,,,,,,,
عالياااااااا
هههههه حلوة القفشه دي احلى قفشه سمعتها

اهو ده عيبه said...

يا عم ؟؟
والله العظيم انا واحده مش واحد
واسمى داليا كمان

مش عارفه ليه اسم المدونة بيصور للناس انى واحد لدرجه بدات اشك ان الناس صح وانا غلط

لماضة said...

ههههههههه
معلش يا دودي
عندي دي
اهو ده عيبه عندي برضه
انا اسفه حقيقي

رئيس جمهوريه نفسى said...

الف مبروك الدستره يا دكتوره انا قريت المقال الصبح بس مكنتش اعرف انه بقلمك

لماضة said...

السيد رئيس الجمهورية
الله يبارك فيك يا ريس على برقية التهنئة الخاصه دي
استر عليا بقى

mero-moory said...

السلام عليكم ورحمة الله وبركاته
في الحقيقة كمواطنة عادية رأيي مجرد رأي ولكني أقولها دوما متى كان الرأي يلا يفيد فيكفينا أننا نتحدث ونعلن عن غضبنا حتى وإن كان صوتنا لا يصل
حقيقي انني صعقت بسبب الغلاء المنتشر إلى هذا الحد الأجرة تزيد وقبلها البنزين والسولار وقبلها رغيف العيش والسلع الضرورية وحينما أرى هذا يزداد أقول دوما أن السلع تزيد وكل شيء يقدر بمال زخير والشيء الذي يرخص هو الانسان
حسبنا الله ونعم الوكيل في اللي كان السبب فعلا كله هيسيبها وهيسيب كل حاجه فيها موش واخدين منها حاجه يبقى ليه ده كله يحصل منه لله اللي كان السبب
تسلمي يا لماضة على التوبيك