Sunday, 3 February 2008

يوميات طالب الطب 4

رحلة البحث عن هيكل



كعادة سارت و توارثها طلاب الطب عبر الازمان و ما عرف قديما وحديثا ان طالب الطب يساوي هيكل ولان هذا لا يندرج تحت قائمة " الاوشاعات " بدأت رحلتى فى البحث عن هيكل لزورم الاستذكار والتطبيب
اجيب هيكل منين ؟؟؟

ساقتنى قدماي ومشيت على الاشوواك لاول باب اطرقه وهو باب عم زينهم عامل المشرحه والراجل الصراحه يحب يخدم

فقدم لي قائمه متعددة باسعار القطع وقالى بالحرف عندما سالته مستنكره عن غلاء سعر الحته

لماضه : يا عم زينهم أمال لو كنت فاصلت على حته بلحمها دول شوية عضم للعيال فى البيت هيموتوا من الجوع ونفسى اعشيهم كنت طلبت منى كام ؟؟
عم زينهم : والله يا دكتوره " البوضاعه " اللى عندى ما هتلاقيها فى حته تانيه كفايه انها مدهونة دوكو جاهزه وحاجه سوبر لوكس ومسكونه بقالها 10 سنين وزياده وخرجِت من تحت كفنها اجيال ورا اجيال

واخذت اقرأ قائمة العظام واتمتم : اموت واعرف مين اللى زقنى
جمجمه 90 جنيه
جمجمه بالفك مع الطاسه 120 جنيه
دراع 30 جنيه
دراع مع الرسغ وسلاميات الاصابع الاربع 60 جنيه واحصل على الخامس مجانا
جوز ضلوع 40 جنيه
فقرات الفقره الواحده 10 جنيهات وخصم 5 % على شراء المجموعه كامله
وعرض عم زينهم الخاص اشتري الان كومبو نصف هيكل 400 جنيه فقط واحصل على شريط اغنية طريقك مسدود مسدود يا ولدي
عرض الشتاء الآن ولفتره محدوده اشتري هيكل واحصل على الآخر بنص التمن
توصيل الطلبات حتى باب المنزل + 10 جنيه مصاريف حانوتية


كدت ابكي اثناء عرض قائمة الأسعار ويقاطعنى صوت عم زينهم المعتاد بنداء للطلبه بحالة التأهب لقدوم الدكتور واستعداد كتيبة الطلبه والطالبات

( انتباااااه البناطي يا دكتنه ( البلاطى يا دكاترة

شد خط ومن اول السطر



بابا انا عاوزه عضم
ابي الحبيب : عضم ايه هو الكلب اللى جرى وراكي الصبح وانتى رايحه الكليه عضك
يا بابا هو لو الكلب عضنى هوهو كده الكلام ده لو انا اللى عضيته ساعتها تبقى تخاف عليا من انفلونزا الكلاب
انا عاوزه عضم عشان اذاكر عليه مش انت بتقولى نفسي أشوفك دكتوره شاطره قد الدنيا
ابويا : طيب اجيبهولك منين ده
انا سألت عليه فى الكليه لاقيته غالى جدا وبصراحه خفت على جيوبك تزعل مني فقلت اتصرف من حته مضمونة ورخيصه وبدل ما اشترى نص هيكل اجيب هيكل كامل أهو على الاقل أخد نصه واسترزق من نصه التانى واطلع عمولتي
بابا : وده هتجيبيه منين
هو ده الكلام عوزاك تكلملنا عم مدبولى التربي وتوصيه على حاجه كده في ربيع العمر
الحاج ابو لماضة : انتى عاوزه تجيبيلنا مصيبه ! ما تشتري واحد بلاستيك
بلاستيك ايه هو انا هشتري طشت غسيل وكمان عمر ما البلاستيك هيكون زى خلقة ربنا وبعدين ده تمنه ضعف البنى ادم شوفت يا عم الحاج الأنسان رخيص ازاى وبعدين تعالى نحسبها سوا كده


شوف يا سيدي الانسان مننا بيتولد بريء يا بيه حلمه يروح المدرسه ولما يدخلها يقول امتى أدخل الجامعه عشان أخد شهادة " عوليا " يدخل الجماعه من هنا نفسه يتخرج عشان يتجوز ويشتغل بعد ما يتجوز يرجع يندم على شبابه وعمره ويقول خدنى يارب بقى وريحنى من اللى انا فيه وطبعا " لازمن حتمن " يعمل حاجه تتكتبله بيها حسنه بدل حياته كلها اللى راحت ومتكتبش فيها ولا حسنه ساعاتها قدامه حل من اتنين

ياما يموت موتة ربنا على فرشته بعد ما يجيله سكته قلبيه من فاتورة الكهربا او التليفون ويروح لعم مدبولى وعم مدبولى يبيعهولنا يا يروح المستشفى وهناك قدامه حل من اتنين لسه فيه نفس وبتحرك يبقى هنتعلم عليه وهو صاحى ولو ربنا افتكره وعياله تبرأوا منه يبقى هيروح لعم زينهم اللى برضه هيبيعهولنا اما بقى لو ركب قطر الصعيد يبقى هيخش النار حدف وهيجيلنا محروق وبرضه يجي لعم زينهم ولو كان راجل صالح وفكر يكفر عن سيئاته فى اخر ايامه عشان يقابل وجه كريم واتكتبله زيارة بيت الله الحرام يركب عبارة السلام ختام وهيلاقى عم زينهم مستنيه برضه واحنا وراه
يبقى بقى بتلومونى ليه !؟؟

شد خط اكبر ومن نص السطر


في ساعة متأخره يغيم هدوء الليل وسكونه على المنطقه المحيطة بمنزلنا مع انطلاق صفارة صرصار الزراعيه الاشبه بموسيقى تصويريه لمسلسل الضوء الشارد بعيدا عن غرفتي
يتسائل والدي العزيز بصوت خائف عفوا خافت من السرير المجاور : لماضه انتى لسه صاحيه
أنا واعوذ بالله من الكلمه دي : نعم يا بابا لا انا نمت خلاص
بابا : انا شايفك النهاردة بتذاكري على العضم اوعي تكوني حطتيه فى البلكونه بتاعة الاوضه
أنا : لا يا بابا متقلقش محطتوش فى البلكونه الدنيا برد
بابا : امال حطيتيه فين ؟؟
انا : متخفش تاويته
بابا (بنبرة قلق شديدة ) : فين يعنى ؟؟
أنا : تحت سريرك يا حبيبى
تيييييييييييييييييييييييييييييييت عفوا عطل فنى مقصود عشان الرقابه متطيرش رقابَ

كلاكيت لف وارجع تانى



جدتي الحنون كثيرا ما تغمرنا بوابل من الاكلات الشهيه فى كل زيارة لها لبيتنا محاولة منها لمساعدة والدتى فى الاعباء المطبخيه وايضا لتعطينا جرعه من اكلات الزمن الجميل الذى تفتقد بطوننا لدفئه وضياع طعمه من السنتنا هذا الزمان ولا اخفى عليكم دورها هى ووالدتي فى نصب شراك التعليم البيتوي علي كي اصبح اما ماهرة فى سلق البيض فى المستقبل القريب ان شاء الله وجاء صوتها العذب المليء بتجاعيد الزمن


لماضة امك شايله البصل فين عاوزه الحق اعملكوا الغدا قبل ما ترجع من الشغل
أنا : فى البلكونه يا تيتا اجى اساعدك فى حاجه
ولأنها من زمن كان للصحه اسم على مسمى ربنا يديها الصحه يارب قالت : لا يا حبيبتى خليكى انتى فى مذاكرتك أنا هجيبه
وانغمست مرة اخرى فى كتاب الفسيولوجى وكتاب الكيمياء محاولة لفك هذه الطلاسم التي اعتقد بان رموز حجر رشيد ايسر منها

تيتا محدثة نفسها : هي ام لماضه حطيت كيس البصل فين اكيد الكيس اللى تحت الكرسى ده هي مالها جايبه البصل كبير قوى كده ! هبقى اخليها تجيبلى كام كيلو متهيألي بصلاية واحده للشوربه كفايه
وفجأه تنطلق تيتا باستغاثه لم يشهدها العالم من قبل حتى بعد تحطم ابراج الولايات المتحدة : الحقوووووووووووووووني
أنا ببراءة الاطفال : ايه يا تيتا اللى حصل
تجيب وطلقات انفاسها المتسارعه تخرج من بين جوانحها وصوتها يكاد يكون مسموع : مش عارفه ياختى بمد ايدى اجيب بصله لاقيت ايدى فى دماغ قتيل وعنيه بتبصلي
أنا : قتيل ايه يا تيتا بس خضتينى دى الجمجمه اللى بذاكر عليها حكموا عليا احطها بره البيت حطيتها فى البلكونه
وبعدين كيس البصل متعلق فوق ولا انتى كنتى ناويه تعمليلنا شوربة كوارع على شوية العضم بتوعي
جدتى : روحوني بيتى عاوزه اموت فى فرشتى

قولوله قولوله قولوله قولوله انى فى طب يا بشــــــــــــر

76 comments:

عاشقه الفردوس said...

ايه ده اول تعليق يالمضه هانم



بجد وربنا انتي عسل
ايه اللماضه دي كلها

ياحبيبتي جدتك عسوله اوي ربنا يخليهالك يارب


بجد مش بتخافي طيب ده انا قريت التدوينه اترعبت ربنا معاكي يااحلي لمضه

صوت من مصر said...

بجد يا لماضه انا كاتن نفسى اخش طب عشان امسك جمجمه والعب بيها كده اكنها صلصال فقى ايدى بس مسكتها من غيبر طب فى المقابر الملكيه فى اسوان ومخفتش منها ابدا دول اجددنا ولا ايه

sa3ed said...

لا بجد لمضه

خمسة فضفضة said...

السلام عليكم ورحمة الله وبركاته

ههههههههه
صدق اللي قال ان حبست الدم اللي بيبقي فيها طلبة الطب بتخليهم مبدعين

بجد يعني روعه يا لماااااضه
ربنا يعين اهلك عليكي ، الحمد لله انك خلصتي واهلك استريحوا
ههههههههه

آلام وآمال said...

يا قلبك يا لماضة
ايه يبنتي اللي عملتيه فيهم ده

فعلا على رأي الدكتورة كويس انك خلصتي واستريحو م اللي بتعمليه فيهم
:D

Desert cat said...

ايه الكوكتيل الهايل ده يا دكتورة والله انا لو من جدتك كنت اخدت اللى فى الكيس وعملت عليه طبق شوربة يستاهل بؤك تشربيه لوحدك وبعد ما تشربيه افاجعك نياهاهاهاها ( ضحكة شريرة ) بس حقيقى مواقفك هايلو يا اجمل دكتورة فى انتظار الباقى يا قمر

white Angel said...

انتي سكره وجميله ولمضه مووووووووت
بجد بحب ادخل مدونتك دايما علشان اضحك من قلبي

انتي سكر وكل بوستاتك بتعجبني لكن دا انا خفت منه خالص وحمدت ربنا اني مش خريجة طب

مالها كلية التجارة

تحياتي يا قمر

mo'men mohamed said...

ههههههههههه
جزاك الله كل خير
مش عارف بصراحة اقولك ايه
وبعدين انت مش كنت قولتى ان الدنيا برد عليه

على العموم احنا عندنا أحسن من عندكم
انا لما أعوز هيكل لا مؤاخذة ( طور ، بقرة ، جاموسة ، خارووووف ) طيران على المجزر فى المزرعة و باشتريه سعر هيِّن خالص
جزاكم الله كل خير
السلام عليكم

يا مراكبي said...

هههههه

لو كنتي قولتيلي أنا من الأول كنت جيبتلك المفيد بدل الشحططة دي كلها .. دي مصر بالذات فيها جثث كتيرة في مناطق كتيرة ومش لاقية اللي يشيلها .. ركزي إنتي شوية وإقري جرايد وإنتي تعرفي

ألا الشعر بكام عند عم زينهم؟

mohamed said...

انا مبحبش كوارع
ممكن جته من الورك
على فكره اطعم لحم هو اللحم البشري

مهندس مصري said...

لا هو انتي مش بتعرفي تطبخي و لا ايه كده سهمك ينزل وسط العرايس
:)
ثم هو كل عمال المشارح اسمهم زينهم و لا ده اقتباساً من مشرحة زينهم في مصر
و لا يمكن مسمينها على اسم أول عامل اشتغل فيها
و لستة و عروض خاصة و توصيل طلبات
دا ماك جثة ده و لا ايه؟
على فكرة انا كنت سكنت مرة مع واحد طالب طب و العضم ده كان عادي في الأوضه بس كان فيه واحد زميلنا بيخاف منه قوي و كان اشتغالاته مع العضم ده ما تتعدش
و أحب أقول ان لماضتك دي على النت انما في الواقع انتي انسانة مهذبة جداً و مرحة
و دي أهم صفة فيكي مرحك و ابتسامتك سواء على النت أو في الحقيقة
أهنيكي يا دكتورة و ربنا يسعدك دايماً يارب
و انتظري بوست مفصل عن يوم معرض الكتاب عندي في خلال يومين ان شاء الله
:)

بطوط حبوب said...

ههههههههههههههههه
فكرتينى بالذى مضى
بس احنا بنشترى جمجمه بس ( اسنان بقى)
وكنا مأجرين شقه انا واصحابى
وفضلنا لاخر يوم عندنا احساس ان الشقه مسكونه وان الجمجمه دى روحها بتحوم حوالينا
اصل عم زينهم قالنا ان دى جمجمه جديده وعشان تنضفوها حطوها فى ميه سخنه واسلوقوها والعيال عملوا كده لما انا كنت فى البيت ومن يومها واحنا حاسين ان الشقه مسكونه لحد ما سيبنا الشقه
كاااااااااانت ايام

3ala asm masr said...

ههههههههههه
يابنتى الرحمه حلوه

فزلوكة said...

دكتورة لمضة

ملقيش عندك لسان كده وصاية محترمة
يا بنتى إنتى هتتخرجى دكتورة ... ولا حانوتى
لكى أكبر سلالالالالالالالالالام

ابن حـجـر الـعـسـقـلانـى said...

بصراحة .. الله يكون فى عونك .. و يكون فى عون السيد الوالد .. و يكون فى عون جدتك .. و يكون فى عونا احنا كمان

معنى الكلام اللى بتقوليه دة إن أنا فى يوم من الأيام ممكن أبقى ممدد على "الشازلونج" المريح اللى بيبقى فى المشرحة و أكون وسيلة علم للطلبة .. يا سلاااااااام يا جدعان

أمانة عليكى يا شيخة .. لو عترتى فى الهيكل العظمى بتاعى .. ابقى اتعلمى عليه براحتك .. لكن لما تخلصى علام ابقى ادفنينى الله يخليكى .. دة إكرام الميت دفنه برضه

Ahmed Mubarak said...

احم ..هوا انتي حطتيه تحت سرير بابا مش تحت سريرك ليه؟؟

حسام مصطفي إبراهيم said...

ماغلطش اللي سماكي لماضة .. تدوينة رائعة

لماضة said...

اختى الفاضله عاشقه الفردوس وانا كمان
الله يخليكى الخوف كنا مضطرين نتخلص منه عشان نتعلم
,,,,,,,,,,,,,,,,,,,,,,,,,,,,,,,,,,,
صوت من مصر
تلعب بيها ههههه ده انت اجدع منى لا انا كنت بذاكر عليها بس
,,,,,,,,,,,,,,,,,,,,,,,,,,,,,,,,,,,
سعيد
اتفضل شويه :)
,,,,,,,,,,,,,,,,,,,,,,,,,,,,,,,,,,,
دكتورة فضفضة
مبدعين مره واحده \ه كتير والله هههههه انا خلصت اه بس لسه مستريحوش شكلها مفيهاش راحه خالص
,,,,,,,,,,,,,,,,,,,,,,,,,,,,,,,,,,,
الام وامال
ما انا بقولك خلصت اه استريحوا دى الله اعلم
,,,,,,,,,,,,,,,,,,,,,,,,,,,,,,,,,,,
قطة خرببببش
ههههههه لا انا مليش فى الكوارع
ايه الحب ده يا قطه هههه
,,,,,,,,,,,,,,,,,,,,,,,,,,,,,,,,,,,
الملاك الابيض الجميل
الله يخليكى يا جميله والله ده كتير عليا تجاره اجدع ناس يابنتى
,,,,,,,,,,,,,,,,,,,,,,,,,,,,,,,,,,,
مؤمن محمد
ههههه يا بختك خلاص عاوزه معزه وصايه
,,,,,,,,,,,,,,,,,,,,,,,,,,,,,,,,,,,
حمايا المراكبى
فين طيب ايدى على كتفك اهو نسترزق
شعر ؟؟؟ لو بتفكر تزرعه افتكر انه عنده تقاوى هههههه
,,,,,,,,,,,,,,,,,,,,,,,,,,,,,,,,,,,
محمد
انت دقته ولا ايه اوعى تكون تبع جماعه الواء الواء :))
,,,,,,,,,,,,,,,,,,,,,,,,,,,,,,,,,,,
باااشمهندس مصري
يا سدى ينزل ولا يطلع كله محصل برضه المنتج محلى لا الحقيقه اقتباس من مشرحة عم زينهم شيخ الحانوتيه فى مصر الله يكرمك ده بس من ذوقك فى انتظار البوست
,,,,,,,,,,,,,,,,,,,,,,,,,,,,,,,,,,
بطوووووووط
سلقته اجمجمه هههههههههه يخرب عقلكوا انا مت من الضحك طيب وعملته فى الشوربة ايه مش كل يوم هنشوف فرخه يا لينا
,,,,,,,,,,,,,,,,,,,,,,,,,,,,,,,,,,,
على اسم مصر
الكلمه دى سمعتها فين قبل كده :))
,,,,,,,,,,,,,,,,,,,,,,,,,,,,,,,,,,,
فزلوكه
عجبنى اسمك اوى لسان فوتى علينا بكره بدرى عشان تلاقى الدبيحه صابحه :)
,,,,,,,,,,,,,,,,,,,,,,,,,,,,,,,,,,,
ابو العساقيل
ازيك يا باشا
مفيش حاجه بعيده عن ربن يا ابو العساقيل موت انت بس وسلم امرك لله ههههه متقلقش هقرالك الفاتحه
بعد الشر عليك طبعا
,,,,,,,,,,,,,,,,,,,,,,,,,,,,,,,,,,,
احمد مبارك
يا نهار ابيض اخيرا حد اخد باله :))ببساطه لان سريرى كان تحتيه بقيت الكتب مكنش فاضى :D

لماضة said...

استاذ حساااااااام
اهلا اهلا باجدع مدرس ارياف يا جدعان
انا لسه كنت عماله اقرا يومياتك حقيقى مبدع الله يخليك اسم على مسمى يعنى

venus said...

هههههههههههههههههه
انا اول مره ادخل المدونه يا دكتوره
بس فعلا المدونه جميييييييله جدااااااا وزي ااااااااااااالعسل
ربنا يوفقك يا دوك

coca said...

ههههههههههههههههههههههههههههههه
هههههههههههههههههههههههههههههه
ههههههههههههههههههههههههههههههه

خرعتي الست حرام عليكي يابنتي

والله انتي سكر بجد

ربنا معاكي

Nsreen Bsunee said...

ههههههههههه
ههههههههههههه
ههههههههههههههه

ربنا معاكى يا دكتوره

Soooo said...

حلوة قوي الحته الكومبو دي
بجد هلكتني ضحك


على فكره .. انا عندي جمجمه كنت بادرس عليها زمان بورتريه .. لو تعرفي تجيبيلي فيها سعر حلو شغال
ولو عايزه جته كامله بسعر معقول اديني الون انتي بس ومالكيش دعوه



ملحوظه
ده البني ادم مننا لما بيتباع فرط بيجيب اكتر من لو اتباع صحيح




سلامووووووووووز

SemSem said...

بجد كلامك تحفة
واسمحيلي ابدي اعجباي الشديد بلماضة سعادة وخفة دم سعادتك وجمال قلم سعادتك اللي خلاني بجد اضحك من قلبي سعادتك
مع تحياتي للماضتك اقصد لسعادتك
سمسم

tota_fm said...

بصراحه الحمد لله انك خلصتى دراسه علشان تخدي شويه العضم بتوعك العياده بتاعتك ان شاء الله عن قريب وكفايه رعب بقي للناس اللى حواليكى
وربنا يخليلك تيته وماما وبابا وكل الناس اللى بتحبيهم

وربنا يكرمك يا لمضه

أحمد المصري said...

فكرتيني بالدراسة ليه؟
عااااااااااااا(وجه أصفر يبكي كالأطفال)0

maii bahaa said...

لأ يا لماضة اليوميات دي لازم تنزل في كتاب...بجد

طريقتك في السرد شيقة جدا
بكرة تقولي مي قالت

تحياتي لعم زينهم
:)

دنيتى الجميلة said...

بحبك جدا وبحب لمضتك
بجد بستمتع جدا لما بلاقيكى كاتبه بوست جديد
المهم انا رأيى زى رأى مى
لازم تنزلى يومياتك فى كتاب علشان الكل يستمتع بلماضتك الجميله
بجد انا نفسى اتعرف عليكى اكتر واكتر واشوفك
بس يا رب منتحطش تحت ايد زنهم وانتى اللى تشوفينا
ربنا يسترنا دنيا واخرة

only spot said...

ههههههههههههههه
تصدقى انتى فعلا بخفة دمك دى اكدتى لى انكم بسبب المعاناه الى بتشوفوها فى الكليه والدروس بجد بتقلب معاكم بخفة دم فظيعه وده من تجربه مع انتمتى الى تحولت بعد دخول طب وقعادها فيه اربع سنين للمضه زيك كده
بجد ربنا يوفقكم ويجعل تعبكم بفايده وفى ميزان حسناتكم
ربنا معاكى ومع الجميع
تحياتى

مروة الزارع said...

لماضة حبيبتى وحشتينىىىىى

..............

انا بعيط

عاااااااااااااااااااا

احمدك يااااااااااارب انى مدخلتش طب

انا مخضوضة للست لحد دلوقتى

انا لو مكانها كنت رحت لعمك زينهم مباشرة

طبعا جثة

:(

عاااااااااااااااا

Wael said...

ضحكتينى من قلبى بجد
وفكرتينى بالذى مضى
بس احنا اللى عندنا اسمه " عم سيد " حاجه كده طول بعرض جيب " اربعه ف اربعه " وكانه اتخلق عشان يشتغل عامل مشرحة
تدويناتك اكثر من رائعة , وبالتوفيق مع طلاسم البيوكيمسترى

بحبك يامصر said...

كلامك ممتع وكله دم خفيفبجد بستمتعبوجودىفى مدونتك
دمك خفيف ملوش حل
يارب دايما تمتعينا

د/اجدع بنوته said...

سمحت لنفسى .. انى اقدملك تاجين هديه

هتقبليهم ..

النبى قبل الهديه ؟؟

ع العموم هما عندى .. شرفينى وخديهم

سهر الليالى said...

هههههههههههههه
يخرب عقلك يا لماضه
طب حرام عليكى الست مش كفايه الحاج واللى انتى عاملاه فيه

ولا نظرية البنى ادم دى فظيعه
تسلم ايديكى يا سكر

تحياتى

ســـــــــمــــــــســــمـــايــــة said...

بصراحه الاسعار فعلا رهيبه ايه ده؟
ههههههههههههههه
بس بصراحه بوست يجنن انا كنت عاوزة انام بس دخلت مقدرتش ارجع قلت لازم اكمله بجد تحفه و ربنا معاكي و ان شاء الله بعد ده كله تبقي دكتورة شاطرة و نيجي نتعالج عنك ف المدونه
:P

مدرس مطحون!! said...

تصدقي أول مرة أحسن إن أنا مبسوط عشان ما جبتش مجموع كبير في الثانوية العامة يدخلني كلية الطب؟!!!

الصراحة أن عندي كلمة نفسي أوصلها لكل طلاب كلية الطب وهي:
"يا طبيب انتبه انت قبل ما تبقى طبيب إنت إنسان، صحيح الواقع فرض عليك إنك تتعامل مع الجماجم والجثث وتتعامل مع جسد المريض كأنه جهاز خربان وانت بتصلحه!! انتبه انت إنسان الفرق بينك وبين أي مخلوق في الدنيا هو حبة المشاعر الراقية، أوعى تخلي قلبك حاد مثل المشرط اللي بتستخدمه، تعهد قلبك وحاول ترتقي بمشاعرك وتكون حساس، أغلى ما يمتلكه الإنسان المشاعر والإحساس أوعى تفقده، حس بآلام الناس، واستشعر فضل الله عليك إنه خلاك سبب في زوال هذه الآلام وشوف ثواب ده عند الله قدر إيه؟!..."

بت خيخة وأى كلام said...

هههههههههههههههههههههه
ههههههههههههههههههههههه
هههههههههههههههههههههه
انا عجبتنى اوى قائمة الاسعار
تحفة جدا
وعجبتنى الحتة بتاعة
تييييييييييييييت
عطل فنى مقصود
هههههههههههههههههههههههههههه
انتى مسخرة يا لماضة وحلال فيكى الواد شريف ابنى
تحياتى ليكى
حماتك خيخة

فرنسا هانم said...

ههههههههههههههه
ايه الروقان ده ياباشا
بجد انتى هايله
واعذرى عم زينهم كل حاجه ولعت نار
اشمعنى العضم ؟؟؟؟؟

موجة said...

يا امه
الحمد لله اني ما دخلتش طب
قال هيكل قال
ههههههههههه

خالص تحياتي
احمد

عاليا حليم said...

يا لهوى ؟ حتى الجتت غليت راخرة ؟

دايما لما بدخل عندك بحمد ربنا انى ما سمعتش كلام بابا و دخلت كلية الطب

الله يكون فى عونك

تعاليلى ضرورى عندى حدث سعيد

Ahmed Al-Sabbagh said...

هههههههههههههههههه


وحاطة الهيكل تحت سريرة يا مفترية

بجد انتى كاتبة ساخرة رائعة

بدون أدنى مجاملة

انا بعشق بوستاتك دى

والبوست ده اصلا المفروض يبقى خمس بوستات فى بعض

هههههههههههههههههههههه

هفطس من الضحك

تحياتى

خالو احمد التوكتوكى

NIDAAL PAL said...

بجد حراااااااااااااام عليكى
هيكل عظمى فى البيت و تحت سرير بابا كمان
ممكن سؤال واحد
هو باباكى ومامتك مستحملين كل ده ازاى
ربنا يصبرهم عن جد
تدوينة ممتااااااااااااااازة

Fatma said...

تحفــــــــــــــــــة أوى
ما شاء الله عليكى يا لماضة
انا اول مرة بشوف مدونتك قولت لأ لازم اقولها انها زى العسل

وأشكرك مووووت عشان الاذاعه بتاعتك
بجد مش عارفة اقولك ايه
كان نفسى فى اغانى اطفال زمان ومكنتش عارفة الاقيها فين

ربنا يخليكى يا عسولة
انا لسه ماقريتش كل البوستات
بس ان شاء الله هخلصهم

عروس البحر said...

موتيني من الضحك
-----------------
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

احمد الجيزاوى said...

يا لماضه بجد
انتى لماضه بجد انا البوست دة قرائته وجبت اخواتى وصحابى وجران وزمايل ليكى فى كليه طب القاهرة وعين شمس وطب من ابو مصريف كتير دة بتاع اكتوبر
بصراحه انا لو عندى جائزة فى خفه الدم ولماضه ادهالك
رائع رائع
بص لو عوزة جثه تذكرى عليه وتكون رخيصه انا اعرفلك واحد وحتى مش غليه على 600 لو عوزة بجد
وكمان بناء على قائمه الاسعار بصى انا اعرفك كام حته صحيه علشان عوز استرزق فى صحابى وبنص الثمن وانت الكسبانه واحنا مكثبنا صلاة النبى
تحياتى للمتك وتحياتى لكى ولمدونتك
اخوكى
احمد الجيزاوى

appy said...

هههههههههههههه
طيب انتى حصرتى كل حياة الانسان بعد النتهاء منها عند عم زينهم صح
السؤال بقى الاهم عم زينهم لما تنتهى حياته هيروح عند مين وغير كده مين هيجيب لكم قائمة الطعام دى ..........قصدى العظام دى
الله يكون فى عونك يا تيته

زين said...

مش عارف أقولك إيه.. هي الدنيا كده..
مرة تكون في طب ومرة تكون في زراعة ومرة تكون في تكنولوجيا..
خفة دم أصيلة، وغير مزيفة، ووعي بمخارج ألفاظ العامية المصرية، وإدراك للتفاصيل الصغيرة، وفوق ده وده فاتحة مشرحة بلدي بالأسعار..
تحياتي وتمنياتي وربنا يعديها على خير..
إيه هي..
الجثة اللي عندك وسلامة تيته

لماضة said...

venus
ربنا يخليكى ان شاء الله متكونش اخر مره
,,,,,,,,,,,,,,,,,,,,,,,,,,,,,,,,,,
كوكا
الله يخليكى اعمل ايه بقى نصيبها كاننفسى اشوفك فى معرض الكتاب والف سلامه عليكى يا جميل وسلامي لايمي
,,,,,,,,,,,,,,,,,,,,,,,,,,,,,,,,,,
نسرين بسيوني
الله يخليكى يا قمر دعواتك معانا الله يكرمك
,,,,,,,,,,,,,,,,,,,,,,,,,,,,,,,,,,,
الراجل العجوز الطيب سووو
وماله اشوفلك ليها صرفه بس عمولتى محفوظه فيفتى فيفتى ملاحظتك فى محلها يا ريس
,,,,,,,,,,,,,,,,,,,,,,,,,,,,,,,,,,
سمسم
الله يكرمك اخجلتم تواضعى المتواضع يا افندم ولله انا مبسوطه اكتر ان التدوينه عجبتك
,,,,,,,,,,,,,,,,,,,,,,,,,,,,,,,,,,
اذاعة توتا اف ام 6 فاصل خمسه
لا العضم خلاص كنت شحتاه فى الاخر ورجعته لصاحبته الحمد لله :))
,,,,,,,,,,,,,,,,,,,,,,,,,,,,,,,,,,
احمد المصري
ولا عمرك هتنساها اصلا يا احمد :))
,,,,,,,,,,,,,,,,,,,,,,,,,,,,,,,,,,
مي بهاء
الله يكرمك يا ست الكل والله انا مش شيفاها تستحق انا بس ببقى مبسوطه وانا بفضفض معاكوا وبتبسط قوى بمشاركتكم ادعى كده حد يكتشفنى :)) وانا اكتبلك شكر خاص
,,,,,,,,,,,,,,,,,,,,,,,,,,,,,,,,,,
دنيتها الجميله وانا كمان
اسم مدونتك بحبه جدا والله انا كمان بحبك وبحب بنوتك الشقيه ربنا يخليها يارب لو تحبى ايميلى موجود فى البروفايل هكون سعيده جدا بالتواصل معاكي يا ست الكل
,,,,,,,,,,,,,,,,,,,,,,,,,,,,,,,,,,
اونلي سبوت نقطه واحده بس عسل
الله يخليكى ههههههه تصدقى فعلا هم يضحك وهم يبكي تحياتى ليكى ولصحبتك خليفتى فى الملاعب
,,,,,,,,,,,,,,,,,,,,,,,,,,,,,,,,,,مروة الزراع
لا يا ستى بعد الشر عليكى
هى بعدين اتعودت وبقيت بذاكر عندها فى البيت كمان :)
,,,,,,,,,,,,,,,,,,,,,,,,,,,,,,,,,,,
وائل
ههههههه والله انا فرحانه جدا انى ضحكتك وسلامي لعم سيد الا اساله كده يبقى قريب عم زينهم اكيد ولاد عم :)
,,,,,,,,,,,,,,,,,,,,,,,,,,,,,,,,,,
بحبك يا مصر
الله يكرمك يا افندم والله دى شهاده غاليه عندى ربنا يقدرني واكون عند حسن ظنك دايما ويفرح قلبك يارب
,,,,,,,,,,,,,,,,,,,,,,,,,,,,,,,,,,
اجدع دكتوره بنوته
جاوبتهم احمدك يارب يابنتى انا قلبى كان بيدق والله وانا جيالك اشوفهم جالى فوبيا :))
,,,,,,,,,,,,,,,,,,,,,,,,,,,,,,,,,,
سهر الليالي
ههههههه معلش بقى لازم يستحملوا مدام عندهم دكتوره ف العيله لازم يدوقوا :)
,,,,,,,,,,,,,,,,,,,,,,,,,,,,,,,,,,,
سمسمايه
هههههههه ودلوقتى عرفتى تنامي
يا جميله الف بعد الشر عليكى ونورتي المدونه وصاحبتها وتحت امرك اى وقت
,,,,,,,,,,,,,,,,,,,,,,,,,,,,,,,,,,,
استاذ العربى المطحون
:) معك كل الحق يا افندم والله وكلاماتك دى ربنا يقدرنى وانشرها باذن الله ودعواتك ربنا يثبتنى على المبدا ده
,,,,,,,,,,,,,,,,,,,,,,,,,,,,,,,,,,
حماتي خوخه
هههههههه بجد يا حماتي راضيه عنى زرغطوا يا حبايب مبسوطه ان التدوينه عجبتك بوسيلى خطيبى كتير
,,,,,,,,,,,,,,,,,,,,,,,,,,,,,,,,,,,
خالتشى فرنسا
هههههه ايوه بس لو عم زينهم غلبان قيراط احنا عشره الرحمه حلوه وحشانى والله يا خالتو
,,,,,,,,,,,,,,,,,,,,,,,,,,,,,,,,,,,
احمد موجة
ههههههه ده احسن قرار اخدته انك مدخلتهاش يارتينى لقيت حد يعقلنى :)) بس ارجع واقول برضه بحبها
,,,,,,,,,,,,,,,,,,,,,,,,,,,,,,,,,
عالياااااا
هههههه يا بنتى يارتنى قدرت اعمل زيك كده بس اعمل ايه كنت بحبها بس انا عارفه ان فنون جميله بيجوا عندناالمشرحه برضه صح ؟؟ بس سيبك برضه انتوا اجدع
,,,,,,,,,,,,,,,,,,,,,,,,,,,,,,,,,,
صبااااااااااغ
ازيك يا خال
الله يكرمك والله شهاده اعز بيها
ايدك بقى على الجنيه اجرة التوك توك
,,,,,,,,,,,,,,,,,,,,,,,,,,,,,,,,,,
نضال
ههههه مش هما اللى عاوزين بنتهم دكتوره لازم يشربوا بقى (ضحكه شريره)
,,,,,,,,,,,,,,,,,,,,,,,,,,,,,,,,,,
فاطمه
الله يكرمك يا فطومة الحمد لله انها عجبتك متقطعيش الزيارات بقى هستناكى عشان البوست الجاى مفاجأه ان شاء الله
,,,,,,,,,,,,,,,,,,,,,,,,,,,,,,,,,,,
عروسة البحر الجميله
هههههه انا ضحكت على ضحكك والله الحمد لله انها عجبتك :)
,,,,,,,,,,,,,,,,,,,,,,,,,,,,,,,,,
احمد الجيزاوي
موافقه بس فيفتى فيفتى عمولتى تتشال على جنب :)الله يكرمك يا احمد مبسوطه قوى بزيارتك
,,,,,,,,,,,,,,,,,,,,,,,,,,,,,,,,,
اااااااااااابي
اكيد عم زينهم مسيره برضه هيرجعلى :)كله سلف ودين
ربنا يستر علينا كلنا يارب
,,,,,,,,,,,,,,,,,,,,,,,,,,,,,,,,,,,
دكتور زين
يا خبر والله مصدقتش نفسى ان حضرتك زورتنى
الله يكرمك يا افندم والله دى شهاده غاليه اوى اوى اوى
وفى احتياج ارشادات حضرتك يا افندم بجد تحياتى لشخصكم الكريم
:)

حسام مصطفي إبراهيم said...

متشكر قوي على رأيك في كتابي يا ست الدكتورة لماضة .. بس تعرفي لو جمعتي لماضتك دي في كتاب .. بجد .. بجد .. هيكسر الدنيا .. فكري انتي بس .

Yuki said...

جامد المسلسل يا لمدمد
و ستايل البلوج تححححفه
علي فكرة وحشاني جدااا انتي و فررررررح , سلمي عليها كتتتتتير و اديها بووسة :D

Dr. Kafy said...

يا خرابى على شوية العضم بتوعك يلماضة كهربت البيت كله خلاص.
لا و لسه مش عارفين اللى هيجرى لهم
عموما فى البيت عندك لازم يتأقلموا مع الوضع مش هما اللى عايزينك دكتورة ؟ يستحملوا بقى.

fatima said...

لماضة
انا بموت فيك ..مش موت اكلينيكى لحسن ازحلو فى عينك تاخدينى حثة
..ايه خفة الدم الفظيعة دى ..انتى تانى واحدةفى سلسال دكاترة المستقبل يحسسونى ان الدنيا لسه بخير ..ربنا يسعد قلبك
و بموت فيكى جدا ..عارفة ليه؟ظ
لأنى بقالى شهور بدور على غنوة وردة ( بوسة عل الخد دا)..ملقتيهاش ألا عنك ..أشكرك جدا
وشكرا على كل الأغانى الجميلة الى هحفظها ليوسف ابنى ..الف شكر

مشمش said...

انتي دمك سكر بجد وانا حبيتك اوي
بس الحمد لله مالها حقوق بس زي الفل دي نعمه من عند ربنا علي الاقل بنلعب في دماغ الناس مش جسمهم وربنا يكون في عونك ويقويكي

Doba said...

يا خبرك خبر يا لماضة
وقعتينى من الضحك يا مجرمة انتى

ايه اللى عملتيه ده كله

المهم جبتى حتة صابحة كده ولا حتة بلاستيك متورنشة دوكو

الحمد للله انك اتخرجتى وفى انتظار باقى اليوميات

هبة

رئيس جمهوريه نفسى said...

معرفش ليه جالى احساس انى حشوف اليوميات دى فى كتاب والله بتكلم بجد اسلوبك زى العسل ودمه خفيف جدا وحرام عليكى تيته

شمس الزناتي said...

على فكرة بقى انا لما شفتك مكنتيش لماضة خالص
و بعدين بدوري على هيكل كنا خدنا الواد نضال و عملناه هيكل و مكلفتيش نفسك و بجمله الاقتراحات هو احنا هناكل من اكل تيتا امتى ظ

Omar... [ خروشات ] said...

هما كل الدكاترة كده؟

خفة دم + صيغ ادبية؟


اعتقد الافضل تكتبى و بلاش حكاية الطب دى

لسبب بسيط فيه دكاترة كتير

لكن

مفيش اديبات كتير



اول مرة ااقرا لك و اتمنى نقرا الجديد دايما


تحياتى

موجة said...

مستني رد على تاج بعتهولك بوستي قبل الاخير

خالص تحاتي
احمد

Sola said...

hey
i changed the link of my blog,this is the new link,

http://egyptiangirl-1981.blogspot.com

chao

الشينيور said...

يع يع يع الأنا شفتوا دة طب بزكش~ك أأرى دة


ahla wa sahlh ya lma lma lma lmada ana la a7b haza al kalam ya lmada azay gebty al hay hay hay haykel al ua4my

tayer_ya_hawa said...

بلوجك دمه خفيف اوى
ولماضتك زي العسل
ياريت انتى كمان تزورى بلوجي وتقوليلى رأيك الهى لايسيئك يا مزمازيل
http://tayer-ya-hawa.blogspot.com

د/اجدع بنوته said...

كتبتتتتتتتت رد طويل عريض

وف الاخر الجهاز رستر مع نفسى

الظاهر لعنة الهيكل حلت عليه

ع العموم ياخسارة الرد كنت حاكيه فيه موقف برده مع العضم

بس لما ابرد م هول الصدمه هاجى احكيه تانى

كملى كملى

علشان يعرفوا ان الطبيب مبيتعملش بسهوله

تبرعوا لبناء طبيب

تعاطفك لوحده مش كفايه

لماضة said...

استاذ العربى المطحون
استذ حسام الله يكرمك يا افندم والله انا فعلا كنت سعيده جدا بكتابك انا ينزلى كتاب دى اكيد 10 المستحيلات ده لو الاربعه اللى قبليها اتحققوا
,,,,,,,,,,,,,,,,,,,,,,,,,,,,,,,,,,,
يوكي
الله يخليكى يا جميله كلك ذوق فرح مين ؟؟ انتى اكيد تقصدى لماضه تانيه قوليلى عليها اوام
,,,,,,,,,,,,,,,,,,,,,,,,,,,,,,,,,,,
دكتور كافي
اهلا يا افندم والله قلتلهم كده كتير الحمد لله استوعبوا بس بعد ما خلصت دراسه :)
,,,,,,,,,,,,,,,,,,,,,,,,,,,,,,,,,,,
فاتيما
الله يخليكى يا ست الكل انتى تاخدى اللى يعجبك المدونه وصاحبتها كلها تحت امرك
,,,,,,,,,,,,,,,,,,,,,,,,,,,,,,,,,,
مشمش
والله قلت لابويا يدخلنى حقوق مرداش وقالى همنع عنك المصروف :( طبعادول اجدع ناس
,,,,,,,,,,,,,,,,,,,,,,,,,,,,,,,,,,
دوبا حماتي
هههههههه الله يخليكى يا حماتي بس بلاستيك ايه احنا حب شغلنا يبقى على ميه بيضا
,,,,,,,,,,,,,,,,,,,,,,,,,,,,,,,,,
السيد رئيس جمهورية نفسه
الله يخليك يا ريس ادعيلنا انت بس
,,,,,,,,,,,,,,,,,,,,,,,,,,,,,,,,,,
شمس
يا سلام مكنتش لمضه امال مين اللى اتخانق معاك لا حرام نضال غلبان وكمان صاحبنا ميهونش علينا نعمل فيه كده :)
,,,,,,,,,,,,,,,,,,,,,,,,,,,,,,,,,,
استاذ عمر صاحب اجمل خروشات
يا خبر دى شهادة غاليه جدا اعتز بيها
ادعيلى اجمع الشتيتين دكتوره واديبه شاطره ولو ان صاحب بالين كداب الله يكرمك هحاول اقدم الاحسن دايما دعواتك بس وتشجعنى وتوجهنى دايما
,,,,,,,,,,,,,,,,,,,,,,,,,,,,,,,,,,,
موجة
الله يكرمك يا احمد انا قلبى وقع فى ركبتى
الحمد لله التاج ده جاوبته قبل كده
ربنا يخليك
,,,,,,,,,,,,,,,,,,,,,,,,,,,,,,,,,,,
سولا
ان شاء الله ازورك يا جميله
,,,,,,,,,,,,,,,,,,,,,,,,,,,,,,,,,,,
شنيوووووور
ازيك يا صديقى
ههههههه مش عاجبك العضم طيب انت نفسك تطلع ايه قولى انت بس لو عاوز تبقى دكتور هديلك العضم بتاعى :)
,,,,,,,,,,,,,,,,,,,,,,,,,,,,,,,,,,,
طاير يا هوا
الله اسم جميل قعدت اغنى الاغنيه معاكى اصلى بحبها
هزورك يا جميل حاضر دى حاجه تشرفنى
,,,,,,,,,,,,,,,,,,,,,,,,,,,,,,,,,,
اجدع دكتورة
اوعى لازم تكتبيه بسرعه
هستناكي تكتبيه الموقف ده مليش دعوه
ربنا معاكى يا قمر ويعديها على خير

nirfana said...

ههههههههههههه
بجد حلوة
ضحكتينى الله يسعدك

لماضة said...

نيرفانا
الله يخليكى يا جميله
ربنا يفرحك كمان وكمان

الفارس الملثم said...

يعني طيب لو حبيت اعرف الانسان كله علي بعضه بكام ياريت نحسبي الحسبة كده وتقولونا طبعا بعد استبعاد الكلي والكبد والقلب عشان الحاجات بتتاخد طبيعي في المستشفيات قبل الانسان ما يفيص

بس بيني وبينك بعيد عن اللماضة صعب حد يتصور ان يكون ده مصيره بعد ما يموت

و القادم....أجمل said...

هههههههههههه
ههههههههههههههههه
هههههههههههههههههههه

حلوة حكاية الجمجمة تحت سرير بابا دي
هههههههههههه

فعلا الناس الكبار بيخافوا اوي من
العضم مش عارفه لييييييييه
:\

تسلمي يا جميلة

جو أوووووووووون
:)

لماضة said...

الفارس الملثم
ربنا اعلم كل واحد مصيره فين بس للاسف ده بيحصل امر واقع ربنا ما يكتبها على حد هحسبلك احسبه واقولك :)

,,,,,,,,,,,,,,,,,,,,,,,,,,,,,,,,,,
لؤلؤة
هههههههههه دول بيترعبوا
يلا بقى هما الى مصممين ادخل طب لازم يدوقوا

تــــايه ومش تـــايه said...

ممكن اعرف جدتك جايا الزياره الجايا امتى علشان اعزم نفسى على الغدى .بس قبل ما اجى ارمى الجماجم بتاعتك

لماضة said...

تايه ومش تايه
نجيبها عشان خاطرك انت تنورنا والله :))
والجماجم كلها فى انتظااااااارك

sa7afia_rwsha said...

يا لماضة حرام عليكى دى جمجة يعنى كانت جثة فى يوم من الايام بردو
اكيد تخوف
اعملى ليها صندوق بقفل ومحدش يشوفه غيرك

Anonymous said...

بجد مواضيعك تحفه بشكل خرافي
انا مش قادر امسك نفسي من الضحك من اول موضوع قريته

ليا طلب صغنون عندك يا رب تقبليه
كنت اتمني لو تقدري تنشري كتاباتك في منتدي الديفيدي للعرب في قسم الفضفضه ومزكرات الاعضاء او قسم الترفيه لان فيه ناس هناك مهتمين جدا بالمواضيع اللي زي بتاعتك دي لانها فعلا رائعه
دا لينك لقسم الترفيه
http://www.dvd4arab.com/forumdisplay.php?f=96
ودا لينك لقسم المذكرات
http://www.dvd4arab.com/forumdisplay.php?s=&daysprune=&f=588
يا رب يارب تقبلي وتشرفينا هناك

Anonymous said...

فكرتينى... ابن عمتى اول سنه فى الكليه جاب العضم .. جدته حكمت عليه ميبتش هو ولا العضم فى البيت... راح اجر شقه هو واصحابه وحطوه فيها.... بس ده كان زمان لما كان فى شقق

روز

وسام said...

ههههههههههههههههه

والله فكرتينى يا لماضه يااااااااااااااااااااه
والله يا زمن رجعتينى 6 سنين ورا
وكل كلمه كتبتيها بتفكرنى بنفسى وبموت من الضحك
انتى عسوله اوى يا لماضه
على فكره انا لسه عارفه المدونه لما اتفرجت عليكى على O TV
بس والله زى العسل
ياريت كمان تعملى لماضه عن الامتياز الى احنا فيه ده
ده الامتياز ده له حكايااااااااات
ربنا يوفقك

خالد سليم said...

يااااه
فكرتيني بالذي مضى
أنا بالنسبة لي معرفتش أجيب جثة
إتصلافنا كلنا وخدنا كورس مراجعة عملي على عدة حصص وكانن عندهم جثث تمام

بس أنا بقى جيبت عضم
نص هيكل قعد في قوضتي فوق الدولاب لمدة سنتين كاملين
يا لها من أيام

والله إحنا بنتبهدل برضه
عشان 280 لحلوح في الأخر

لنا الله

nouna said...

انتي اكيد زي القمر وبجد اسلوبك تحفه..وعندك حق اكيد رموز رشيد اسهل منهم.....وع فكره موقف تيتا والبلكونه حصل معايا بس مكنتش تيتا
وربنا يوفقك يا جميل