Sunday 9 September 2007

وحوي يا وحوي

اهو جيه يا ولاد هيصوا يا ولاد
اهو جيه يا ولاد زقططوا يا ولاد
فى كل عام ويانا معاد وعمره ما بيخلفشى معاد
كل سنه وانتوا طيبين وبعوده يا رمضان
وكل سنة والامة الاسلاميه بخير وسلام
وطبعا لا اخفى عليكم رمضان واللماضة
الناس كلها وخصوصا الاطفال فى رمضان بيكون ليهم طقوس خاصه
من اهم الطقوس دى فانوس رمضان
الله عليه ابو شمعه ويا سلام على اللمبه لما تنور وتدور بالوان تخطف معاها احلى ضحكه من اجمل عيون
بابا يا بابا عاوزين فوانيس
الحاج ابو لماضة: لا انتوا الاتنين عقابا ليكوا على الشقاوة واللماضه مفيش فوانيس السنه دى
لمض ولماضة (على صرخه واحده ): لاااااااااااااااااااا اهيىء اهيى ء اهيء خلاص يا بابا والله حرمنا
الحاج ابو لماضة : قلت لا يعنى لا
طااااااااااااااااااااااااخ
لمض : اهييييييييييييييييييييىء عجبك كده اهو مفيش فوانيس بسببك وكمان بابا نزل من غير ما ياخدنا معاه
لماضة : ولا يهمك يا لمض انت زعلان عشان الفانوس احنا هنتصرف
احنا كبرنا خلاص ولازم نعتمد على نفسينا
الفانوس احنا اللى لازم نعمله من عرق جبينا
وان كان بابا نزل وسابنا فدى فرصه نثبت اننا قدها وادود
احنا هنصنع اول فانوس فيكى يا أم الدنيا بادينا بايدى مصريه ميه فى الميه
لمض : ازاى يا فالحه
لماضة : ملكش دعوه واسمع اللى هقولهولك ونفذ
يلا هات شويه ورق كرتون من جلاد الكراسات بتاعه المدرسة
وشويه كولة عشان نلزق بيها اوعى تشمها ياض وانت جاى
وهات مقص السمك بتاع ماما
وهات علبة الالوان بتاعتى من الدرج متشخبطش على الحيطه بالوانى هات الوانك شخبط
يلا نشتغل احنا هنعمل فانوس كرتون من الحاجات دى
يلا اشتغل بسرعه قص هنا ايوه تمام كده
اديها لزقه حلو قوى
بسرعه قبل ما بابا يرجع لازم نعملهاله مفاجأه
تويييت تصفير حاد
ده تحفه حلو قوى

لمض : اهيييييييييىء
لماضة : ايه ياض يا نكدى انت مهو فانوس ميه ميه اهوه
لمض : اهيىء اهيىء لا ياختى ده مش بينور زى الفانوس الحقيقى
لماضة (لمعة فى العينين ): والله فكره
ولا يهمك يا واد يا لمض انا هخليهولك ينور الدنيا كلها والشارع كمان
لمض : ازاى يا فالحه
لماضه : شوف يا ذكى هو مش فى فوانيس كانت بتنور بالشمعه
احنا برضه نحط جواه شمعه ايه رايك فى الفكره الفظيعه دى

لمض : ميه ميه يلا بينا
وهوووووووووب
لماضة : يلا كله تمام انا هديلك الشرف العظيم ده
انك تولع الشمعه
يلا
هيييييييه



ايه ده
ايه الريحه دى
الحقووووووووووونا
حريقأهاى حريقأهاى
(زى يونس شلبى فى مدرسة المشاغبين)
بسرعه هات ازازة الميه دى نطفى بيها
لا يابنى ده جاااااز هتولعها زياده
هات تراب هات تراب
ايه ده احنا فى البيت مفيش تراب
هات دقيق نطفى بيه
يلا شويه ميه بقى
ميه ميه كده الحريقه اتعجنت
سيبها بقى تخمر
لمض : اااااااااااااه مين دى
لماضة : كحكحكح ده انا يخرب عقلك هتودينا فى داهيه هنعمل ايه فى المصيبه دى
احنا ولعنا فى الشقه
دلوقتى بابا يجى يشوف الشياط ده ساعتها قول علينا يا رحمن يا رحيم
اجرى بسرعه افتح كل الشبابيك والبلكونات خلى الدخان يطلع
ترررررررن
بابا جه بابا جه بابا جه
بابايا : ايه ياولاد عملتوا ايه ايه الريحه دى الشقه زى مايكون فيها حاجه بتتحرق
لماضة (براءة الاطفال فى عينيا وبؤى ولا نفق محرم بيه ) : هيع هيع هيع لا يا بابا دى الست جارتنا بتخبز
بابايا ( فور اكتشاف المصيبه ووقوع الصدمه ) : يا ولاد ال............... حرقتوا السجاد والستاره انتوا هببتوا ايه فى الشقه
لماضه المتحدث الرسمى دائما : لو سمحت يابابا متزعقش احنا فى بلد ديمقراطى
ولازم تقدر العقليه الفازه اللى انت مخلفها
ولا انتوا بتخلفونا عشان تذلونا بقى وتقعدوا تزعقولنا وتضربونا كل شويه
مش دى خلفتك ولا انتوا لاقيتونا على بابا جامع استحمل بقى
وكمان احنا مردناش نكلفك وقلنا نصنع بايدى عامله ذكيه فانوس رمضان العجيب
لانك فرضت علينا ديكتاتوريه الحاكم ومردتش توفرلنا رغيف العيش قصدى فانوس رمضان
بابايا : كده طيب خدواااااااااااا
آآآآآآآآآآآآي حرمت ياباشا والنبى اخر مره خلاص حرمت
وكفايه عليكوا كده البقيه تأتى
ايه رايكوا بقى بذمتكم مش خساره الثروه البشريه اللى عندنا فى مصر دى
كل الاحصائات بتثبت وتؤكد وتجزم ان الطفل المصرى اذكى طفل على مستوى العالم
ناقصنا بس شويه تشجيع وارفعوا من روحنا المعنويه ادونا فرصة واحنا نسبق اليابان
يلا قولولى بقى رايكوا وفانوس رمضان اخباره ايه معاكم وكل سنه وانتوا صايمين

24 comments:

محمد عبد الغفار said...

كل عام وانت لله اقرب

اسكندراني اوي said...

كل سنه وانتي طيبه يا ست لماضه
ورمضان كرييييييييييييييييم

اسكندراني في الغربة said...

الطفل المصري اذكي طفل لحد مايبدأ ياكول فول

كل سنة و انتي طيبة
كل سنة و انتي عبقرية
وربنا يستر

mrmr said...

كل سنه وانتى طيبه يا بنت يا لماضه ورمضان كريم

ويارب تفضلى لمضه كده على طول زى ما اتعودنا عليكى بس من غير خساير ولا حرايق

Anonymous said...

تجننى يابت يالماضة بس المرة الجاية حطى لمبة احسن بدل الشمعة عشان الخساير برضه وكل سنة وانت طيبة ورمضان كريم (وهج الأصيل)1

Unknown said...

وحضرتك بالصحه والسلامه يا استاذ محمد
وربنا يتقبل منا ومنكم صالح الاعمال

Unknown said...

اسكندرانى اوى
وانت بالصحه والسلامه ويارب يعود عليك الايام بالخير وتكون وسط اهلك وحبايبك دايما

Unknown said...

اسكندرانى فى الغربه
كل سنه وانت بالصحه والسلامه
ويارب زى السنه دى تكون وسط اهلك وحبايبك وبتاكل وز وفراخ وكنافه وقطايف اول يوم رمضان

Unknown said...

مرمر حياتى
وانتى بالصحه والسلامه مع انى مش عارفه انتى انهى مرمر فيهم اصل المرامير كتير قوى اليومين دول خصوصا اصحابى ياريت تبقى تقوليلى على كلمة السر عشان اعرفك انهى مرمر فيهم عشان هتوصى بيكى طالما عبرتينى ورديتى عليا ههههه
كشف مخصوص

Unknown said...

وهج الاصيل كل سنه وانتى طيبه
وان شاء الله هبقى احطله لمبه واخليكى تمسكى السلك هههههه

Gid-Do - جدو said...

لماضة

انا مش شايف لماضة انا شايف بنوتة رقيقة مؤدبة بتكتب باسلوب حلو ـ وان كانت اللماضة الوحيدة هى طول البوست ـ كونك مشروع دكتورة دة برضة لماضة على وزن شطارة ـ سعدت بزيارتك واشكرك على تهنئتى بشهر رمضان وانا اتمنى ليكى الصحة والسعادة وراحة البال وعلى رمضان الجاى تكونى حققتى كل احلامك ـ تحياتى

ملحوظة: ما هو تعريفك لللاماضة ؟

Unknown said...

وانت بالصحه والسلامه يا احلى واطيب جدو فى الدنيا
حضرتك متعرفش انا سعيده قد ايه ان حضرتك شرفتنى بزيارتك لمدونتى المتواضعه
وكل سنه وحضرتك بالصحه والسلامه يا رب
ايوه يا جدو ربنا يخليك ادعيلى محتاجه دعوتك قوى عشان ربنا يكرمنى فى امتحانات البكالريوس اللى جايه
اما بقى تعريفى للماضه
فهى كل شقاوه خفيفه الدم مش مؤذيه لحد بالعكس شقاوه واعتراض مقبول من الكل ومحبوب سواء اعتراض على واقع او اعتراض على موقف بس بشكل مهذب وشقى فى نفس الوقت
يعنى باختصار الشقاوه اللذيذه

yas said...

لماضة
كل سنة وانتى طيبة ورمضان كريم
مدونتك جميلة جدا ودمها خفيف جدا
وكل مواقفك عجبتنى بالذات الشبشب
ومستنيين ذكرياتك الجميلة
ومبسوطة لانى اكتشفت مدونتك اللذيذة دى

Unknown said...

وانتى بالصحه والسلامه يا ياسمين
الحمد لله ان المدونه عجبتك وشرفتينى بزيارتك وتعليقك
وياريت تنورينى على طول

daktara said...

اولا كل سنة وانت طيب
ثانيا البوست حلو
بس طويييييييييييل قوي

رمضان كريم


انظر حولك
د. خالد عزب

m_elsewedy said...

كل سنة وانتى طيبة ورمضان كريم

انتى مصيبة ولمضة اوى انا ميت من الضحك وبالذات البوست بتاع الجزمة اللى اتسرقت

:D

Unknown said...

وحضرتك بالصحه والسلامه يا دكتره
وشكرا لتشريفك المدونه
معلش بقى انا لسه فى حضانه فى التدوين معنديش خبره فيها لسه بنقول يهادى
بس اوعدك
ان شاء الله البوست الجديد هيكون جملتين بس
كل سنه واحضرتك طيب

Unknown said...

كل سنه وانت بالصحه والسلامه يا سويدى انت ميت من الضحك من البوست بس امال بقى لو كنت شفت الطبيعه كنت عملت ايه انا دلوقتى عرفت ليه الناس كانت بتبصلى وتضحك فى الشارع هههههه
خلى بالك بقى من جزمتك احنا فى رمضان والصلاة فى الجامع والزحمه ابقى خد الكيس معاك

Esmat said...

كل سنة وانتى طيبة
ههههاااااااا
وكل فانوس وانتى طيبةوالعوض على الله فى السجادة والستارة
ليه بس الاباء بيقتلوا الابداع عند ولادهم ده حرام
المفروض تشجيع
اهوه هو ده اللى بيقتل الطموح فى بلادنا
لا تتوقفى ارجوكى
والمرة الجاية تكون الخسائر اقل
مع تحية كبيرة لكى

Unknown said...

شكرا يا قسمت على الزياره الجميله دى
فعلا ياريت الاباء توصلهم الرساله دى
يعنى لما تلاقى ابنك بيرسم ويشخبط متقولوش ذاكر وبطل هبل
بس الحمد لله والدى كان بيشجعنى فى حاجات كتير جدا منكرهاش
ربنا يخليه ليا يارب ويديله الصحه ويعافيه

Yasser Hussein said...

مدونة لذيذة
وخفيفة الظل
وأنا سعيد إن رسم من رسوماتي مصاحب لموضوع عندك وهو صورة الفانوس

خالص تحياتي

Unknown said...

فنانى ياسر حسين
انا تابعت اعمالك وشوفت المواقع اللى حضرتك مشترك فيها
حقيقى حاجات راااااااائعه
انا اللى مبسوطه جدا ان الفانوس طلع تبع حضرتك
هههههههه
بس كده تبقى انت هربت من انك تحليلى الكيس لانى اخدت الفانوس عنوه واعتبرته هديه رمضان
كل سنه وحضرتك طيب

Anonymous said...

سؤال بسيط
هو والد حضرتك حزب وطني، ولا أمن دولة؟

Unknown said...

هههههههه
دينا
انتى ناويه تبلغى عنى وتدودينى فى داهيه ولا ايه
الطيب احسن