ملحوظه : دى صورة نص الدفعه فقط بقيت الدفعه كانت ساحت من الشمس لاننا اتصورنها الساعه 2 الظهر
حد عرف يطلعنى ؟؟؟؟
حد عرف يطلعنى ؟؟؟؟
ياه فعلا الايام بتمر بسرعه
النهارده خلصنا اخر امتحاناتنا النظريه لاخر سنه لينا فى الكليه
كنا عمالين نودع المدرجات والتخت اللى بنمتحن عليها واللى شافت مننا احلى ايام حياتنا وبنودع بعض
لان ان شاء الله دى اخر مره هنقعد فيها بالترتيب ده بالتجمع ده بعد ما كنا بنقعدها بقالنا 6 سنين
بجد ايام لا تعوض
بقول لزمايلى كلهم اللى اعرفهم واللى مكنش فى فرصه اتعرف عليهم
هتوحشونى قوى
واخواتى واخوتى المدونين انا مش عارفه اشكركم ازاى وبايه
واعذرونى للانقطاع وان شاء الله
ابدأ معاكم كمان 3 اسابيع مسيرة جديده فى التدوين
دعواتكم
وبهديكم وبهدى كل زمايلى وكل الناس اللى خلصت مدارس او جامعه وكل اللى يحب يفتكر معانا الايام الجميله
اسمعوا الاغنية دى
كلمات: صلاح جاهين
ألحان: كمال الطويل؟ بليغ حمدي؟ سيد مكاوي؟
ألحان: كمال الطويل؟ بليغ حمدي؟ سيد مكاوي؟
معقول يا ولاد بنقول باي باي؟
و خلاص الكلية فايتينها
شوفوا الأيام بتمر ازاي
مش لسه يادوبك داخلينها
يادوب عرفنا أسماء بعضينا
لحقت تعدي سنين علينا
و خلاص بنقول باي باي على طول
يا كليتنا يا حبيبتنا
باي باي .. باي باي
تحديث
و خلاص الكلية فايتينها
شوفوا الأيام بتمر ازاي
مش لسه يادوبك داخلينها
يادوب عرفنا أسماء بعضينا
لحقت تعدي سنين علينا
و خلاص بنقول باي باي على طول
يا كليتنا يا حبيبتنا
باي باي .. باي باي
تحديث
لقد ا تممت بفضل الله تعالى امتحانات البكالوريوس فى يوم الاحد الموافق 11/11/2007
83 comments:
الف مبروك
ايام الجامعة نادرا ما تعوض
ألف ألف مبروك يا دكتورة :)
تصدقي مكنتش اعرف !!
فعلا الفترة الي بتكون في آخر تيرم بتكون شديدة الحساسية وكل الذكريات الحلوة بتمر عليكي كأنها شريط سينما
المهم ان علاقتك باصحابك تستمر .. وانك تحتفظي بأكبر كم ممكن من التذكارات والصور .. والاوتوجرافاات ههههههه
تحياتي :))
ياااااااااه للدرجه دى كنتى بتحبى الكليه
انا مش بحبها خالص ونفسى يجيى اليوم اللى اخلصها فيه
يمكن عشان دخلت كليه مش بحبها
ويمكن عشان معنديش اصحاب
الف مبروك وربنا يوفقك فى كل حياتك اللى جايه
حرية الفكر والابداع
الله يبارك فيك
هى فعلا ايام لا تعوض
دعواتك فى اللى جى
وشكرا لزيارتك
نورتنى
علا
الله يبارك فيكى مع ان لسه شويه احنا لسه مخلصناش
فعلا احنا حاسين اننا مكناش عارفين قيمة ده الا دلوقتى كان متهيالنا ان الايام كلها شبه بعضها
اطمنى عندى رصيد كتييييير
وان شاء الله فى مشروع بينا هنعمله عشان علاقتنا تستمر ادعى ربنا يوفقنا
تحياتى ليكى
على اسم مصر
تخيل اكتشفت اذ فجأة انى بحبها جدا
يا خبر ابيض على الرغم من البلاوى اللى عملتها فيها والايام اللى عدت علينا ما يعلم بيها الا ربنا
لكن نعمل ايه
اكتشفت انى مكانى مينفعش يكونف ى حته تانيه الا فيها
حب كليتك تحبك
وان شاء الله اسمع ان ليك اصحاب كتير لان فعلا الاصحاب دول نعمه
WOWOWOWOWOW
مبروك يا دوك و لما النتيجة تظهر نكملها تبقى دكتورة
ربنا يوفقك
فكرتيني بالذي مضى
اوروفوار
الله يبارك فيكى يا طهقانه
لسه انا مخلصتش امتحانات
لسه فاضلى الشفوى والعملى وما ادراكى دى بس كانت استراحه بين امتحانات النظريه والعمليه
يارب يا اختى عقبال ما تقولى دكتووووره
حلم عمرى
ياااااااااااه..أيام جميله بجد..فكرتيني بالأيام الجميلة دية..أحلى أيام والله والواحد مكنش حاسس..
ملحوظة هو دفعتكم كبييييييييييييرة اوي كدة لية..انا حاسس ان مصر بتتصور كلها
:D
احمد مبارك
هههههههه
انت مخدتش بالك من الملحوظه ولا ايه
بقولك دى نص الدفعه بس
دفعتنا ولله الحمد 1250 طالب وطالبه
اللهم لا حسد
ده فى ناس كتير جدااااااااا متصورتش معانا دى كمان كانوا نص الواقفين
تخيل بقى نص الدفعه اتصورت ودول كمان نص النص
يعنى دول ربع الدفعه بس
الحمد لله انى فكرتك بحاجه جميله
بكره تقولي ولا يوم من ايام الدراسه
والقعده مع الشله
الا قوليلي كل دول دكاتره
يا لاااااهوي
والله بقول من دلوقتى يا اسكندرانى
تخيل بقى
ده لسه فيه كتيييير مش دول بس
مهو ده مبدأ 5 دكاتره لكل عيان
يا عم بلاش حسد امسك الخشب
العدد فى الليمون
مبرووووك انشاء الله
ربنا يفرحك ويفيد بيك مجتمعك واهلك
استاذ عادل
الله يبارك فيك بس لسه بدرى قدامى كمان 3 اسابيع واخلص امتحانات خالص ده كان فاصل بس بين الامتحانات النظرى والشفوى
ربنا يسمع منك دعوتك
فكرتينى بااحلى ايام فى حياتى حرام عليكى
صورة تاريخية جميلة
بس ازاي هنطلعك واحنا منعرفش شكلك
يا ريت تحطي لنا سهم على صورتك
:)
خالص امنياتي بالتوفيق
بالنجاح ان شاء الله
فعلا ايام صعب جدا ننساه
بس اهم حاجه فى برتكول الوداع دا جيبتو القله اللى هتكسروها على باب الجامعه
اصلنا عملنا كده
عشان معدناش ندخلها تانى
بس الذكريات الجميله والاصحاب عمرهم ماننساهم
ويارب النجاح
الف ألف مبرووك يا دكتورة
ربنا يكرمك يارب ومترجعيش للتخت والمعامل دي تاني
:D
تصدقي بقى اني مشتاق فعلا احس بالأحساس ده وانا خارج من الكلية
بس انا بيتهيألي انها مش هتصعب عليه كده لأني بجد زهقت منها خلاص
دي رابع سنة ليا فيها وانا لسة ف تالتة
:(
هههههههه
يالا بقى مش عايز انكد عليكي
ربنا يوفقك ومنتظرينك ان شاء الله بعد 3 أسابيع
وبعدين انتي خايفة نحسد دفعتكم وانتو 1250 واحد وواحدة
:S
يا بنتي ده احنا دفعتنا الواحدة 11000 بني آدم وأكتر كمان
شوفيلنا حد يحسدنا الله يكرمك
:D
اسللامعليكم
مبروك انك خلصتي النظري عقبال الباقي ان شاء الله
فعلا ايام الكلية الواحد مش حيقدر ينساها سواء كانت بمرها او بحلوها لانها فعلا ايام مش بتتعوض
ربنا يوفقك ان شاء الله
لماضة العسل
يا رب بالتوفيق فى الشفوى والعملى
وتكملى على خير وكله يبقى فى منتهى السهولة
بس الدفعة كبيرة اوى اوى مع كلية عملية
يعنى لو نظرى ماشى
!!لكن مع العملى دول كانوا بيعملوا إيه
ما أحلى أيام الكلية أكيد حتوحشك اوى
لكن حال الدنيا
بالتوفيق يا لماضة يا رب
لولوولوولولوووولوولي
مبروووووووووووووووك
وكفاره يا بنتي
والله واحشانا انتي ولماضتك
خلاص هتحملي لقب دكتوره رسمي
ياللا عشان نكشف عندك ببلاش
الا ناويه تتخصصي ايه؟؟
عقبال ماتفرحي بالنتيجه وتفرحينا معاكي
نقول مبروك على التخرج ؟؟
دلوقت بقيتي باش دكتورة قد الدنيا..؟؟
متشكرين جدا على سؤالك
ورمضان كريم
يااااااااااه
كل دول دكاتره؟
ما شاء الله
على كده ننتظر قريبا أنقراض الأمراض تماما من مصر ولا ايه؟
مبروك يا دكتوره
وعقبال الPhD
تحياتي
مشاء الله نص الدفعه
ربنا يكرمكم يارب وتلاقو وظايف هههههه
تحياتي والف مبروووك
مبروك يا لماضة
صورة رووووعة
أراهنك إن كل اناس اللي جت و اتفحصت الصورة قوي .. زمانهم كلهم قلوبهم اتملت بناس بقت ذكريات دلوقت
أيام بجد ما تتعوضش
فيها روح عجيبة..
ربنا نمعاك و ترجعي بسرعة عشان أنا لسة مالحقتش أعرف اللي عندك
:)
تحياتي
الفنان الجميل ياسر حسين
ازاى معرفتش تطلعنى مش واخد بالك من بؤرة اللماضة اللى فى الصوره
دى حتى واضحه قوى مش محتاجه
انا اللى بزق العيال اللى قدام دول
اصلهم كانوا كاتمين على نفسى
ههههه
سى السيد افندى
قلل بس
ياراجل ده احنا جايبين زيييييير
ياريت والله اللى يقدر يحضر اخر يوم عندنا فى الكليه يتفرج على المهذله ان شاء الله اصورهالكوا واجيبها
الام وامال
يا لهوى
11000
ده احنا حاسين بالتضخم السكانى
امالانتوا حاسين بايه
النحى نحى ناه
على راى عادل امام
ربنا يكرمك ويوفيك وتخرج منها قريب ونقولك كفاره
شد حيلك انت بس وصدقنىوانت بتودعها هتحس باحساس مختلف
son's of Egypt
اه والله فعلا احلى ايام عمرى
وان شاء الله اللى جى بكره اجمل
عصمت
يا خبرابيييييييض عملى
ده العملى ده انا هفردله صفحات على المدونه واحكيلكوا على البلاوى المتلتله اللى كنا بنعملها مش هحرقلك المفاجاه
ربنايكرمك يا عصمت يارب ومتتاخريش علينا تانى
اوش اوش
طمنينى انتى عليكى قلقتينى يا شيخه
يارب اللقب دلوقتى على المحك كلها ايام وساعات وليالى تتعد
ربنا يقدرنى واكون قدها بس وموديش حد فى داهيه
ان شا ءالله ناويه اتخصص حاجه من اتنين
وهاخد رايكوا فيهم
بس لسه التخصص بدرى شويه عليه
لسه قدامه امتياز وتكليف
حكايه
مشوارنا طويل
بس ربنا يسهل
اطفال اقرب لقلبى واللى فيه الخير يقدمه ربنا
اكتب بالرصاص
يا خبر ابييييييض يا جدعان
ايه ياعمنا انت فين مختفى
والله مفتقده تعليقاتك عندى ومفتقده بوستاتك كمان
لسه شويه التخرج كمان سنه باذن الله بعد الامتياز والدعوه عامه وهنبقا لمه
كل سنه وحضرتك طيب
الله اكرم
Alexandrian far away
ياعم صلى على النبى
انت بتحسدنا ولا ايه
امراض ايه اللى تنقرض
انت عاوز توقف حالنا
هههههه
ربنا يسمع منك الدعوه دى
يدينا ويديك طوله العمر
شرفتنى بزيارتك
تامرحسين
والله حكاية الوظايف مشكوك فى امرها اليومين دول
انا عن نفسى حاجزه كرسى على القهوه مع حجرين
ما تيجى تقعد معانا
هنورده القمر
والله عندك حق عمرنا ما هنعرف نعوضها الايام دى
انتظرى كمية لماضة ان شاء الله
وياريت اشوف رايك على طول
بس يارب تستحملونى
انا احب الامض كل دول دكاتره
امال الناس بتعيا ازاي
الف مبروك التخرج و عقبال ال 5عين
هو احنا متصورناش ليه في التخرج
يكونش عشان انا معرفش حد من دفعتي ؟؟؟؟
محمد صبحي
الناس بتعيا عشان ربك مش بينسا حد
خصوصا الدكاتره
عاوزهم يسترزقوا
على فكره صوره الدفعه دى احنا مستنينها من 6 سنين
كل سنه نشوف الناس بتتصور واحنا نفسنا فى اليوم ده
زى ما نفسنا فى يوم حفلة التخرج بتاعتنا كمان سنه باذن الله
بعد الامتياز
انا لسه قدامى 3 اسابيع واخلص لسه
دعواتك بقى
مبروك لماضة
نيولوك تحفة للمدونة
تحياتى لإختيارك الرائع
بجد جميل اوى
مبروك
عقبال مبروك الكبيرة يا عسل
لسة يدوبك داخلينها ايه
ده انتو بالذات يابتوع طب المفروض تكسروا وراها زير مش قلة
سبع سنين ومش مكفينكم في الكلية؟
بدون تعليق بقي
والف مبروك يا دكتورة
وعايزين نسمع عنك نسبة فاقد كويسة
:D
تحياتي
عصمت
ربنا يخليكى صحيح عجبك
النيولوك
اصلى بحب صورة البنوته دى قوى
عندى فى الاوضه وعلى الكتب وكمان على الكمبيوتر
ففرحت انى لاقيتها
القلم السكندرى
ايه يا عم انت
انت داخل تذلنا ولا ايه
ههههه
طيب بلاش تفكرنى وخلينى افرح يومين
لو لو اكن دكتوره لوددت ان اكون طبيبه
لولولولولوى
لماضة اتخرجت يا رجالة
معلش لسه عارفة الخبر السعيد ده حالا
بجد و الله فرحانالك جدا...و فاكرة يوم الصورة الجماعية بتاعتنا...بس انا كنت مع النص اللي متصورش و ساح من الشمس
بجد مبروك و فارحانالك...بس تعالى هنا...هي كليتكوا 7 سنين و لا 6...انتوا بتحيرونا ليه...مش طول عمر طب 7 و لا انتى اتلامضتي معاهم فقالوا يقصروا الشر و يمشوها 6...مش بعيدة عليكي
هههههههه
مبروك يا قمر و عقبال منقول مبروك على العيادة
ألف ألف مبروك
وعقبال الماجيستير والدكتوراة وبعدها تبقي معيدة
م هو ده نظام دراستنا في مصر
الواحد م بيصدق يخلص من حاجة تطلعله حاجة تانية
ويادوب ياخد نفسه في الآخر
ياخد نفسه الأخير ويموت وهو مرتاح
أنا عرفت إنتي فين؟
إنتي اللي بتصوري صح؟
أصل مين اللي هيجمع كل الناس دي طب وقعدتوا أد إيه بعدها تنقلوها على الموبايلات لو كنتوا صورتوها كدة؟
بس إيه ده البنات واخدة حقها جامد في كليتكوا الولاد قلة مندسة زي البنات اللي مش محجبة كدة
ما شاء الله الدفعة كلها تقريباً محجبات
بس بجد فرحتلك أوي وشكراً على زيارة حضرتك وأتمنى تتكرر
مع أطيب تمنياتي بالسعادة والتوفيق في المستقبل
تحياتي
خليك ماسكه في الذكريات بإيدك وسنانك
..لأنها هاتوحشك
يمنى
ههههه
الكليه 6 سنين والله بس
ده معروفه من زمان انهم لغوا سنة الاعدادى
بس خدعوك فقالوا
السنه السابعه دى مش محسوبه من سنوات الدراسه لانها سنة الامتياز
الاستاذ
بيتهيالك البنات مش كتير قوى كده
بس الولاد مستحملوش وفرفروا
ههههه
تقرد تقول تقريبا الاعداد متساويين
والحمد لله الدفعه فعلا اكترها محجبات الى من غير حجاب يتعدوا على الصوابع ميجوش 10
والله هيوحشونى
انسان
ربنا يخليك انا فعلا ماسكه فيها بايدى ورجلى
ووحشونى من دلوقتى
هاااااااى
صديق جديد
مبروك وعقبال الدكتوراة
خالد
على راى ستى مبروك وعقبال الشهادة الكبيرة والعريس ولا انتى نفسك فى خمسة
عين مرة واحدة مع اطيب تحياتى خالد
الف مبروك
الحياة العملية بتفرق كتير وتجعلنا دائما نترحم على أيام الجامعة
أتذكر عندما كنت في أيام الجامعة وبالرغم النشاط الملحوظ وحياتها الجميلة الخالية من مسؤليات الحياة فيما عدا المذاكرة كنت أراها ايام عادية واتعجب مما يقولون انها احلى ايام وبعد فترة من معترك الحياة أعدت إكتشاف ايام الجامعة الجميلة كنوع من النوستالجيا ووجدتها فعلا احلى ايام
بالتوفيق انشاء الله في حياتك العملية
خالد
انا نفسى فى العشره
زيادة الخير خيرين بقى
لو عندك عريس ميضرش برضه
على راى جدتى انا
جواز البنات سترة
اسعدتنى زيارتك
استاذى العزيز شقير
سعيده جدا جدا جدا يزيارة حضرتك دى رغم ان مدونتى مش قد كده ربنا يقدرنى وان شاء الله اكون عند حسن ظنك
فعلا ايام الكليه مكناش حسين بيها
بس كان فى لحظات احنا عارفين اننا هنفتقدها حتى واحنا بنمر بيها
زى قاعده الاصحاب
والخروج مع بعض
التمشيه على البحر وفى بحرى عز الشتا
شقاوتنا مع العيانين والدكاتره
الله يبارك فى حضرتك ودعواتك
في موضوع جديد مستنيكوم
قعدت ادور عليكى فى الصورة انتى انهى واحدة فيهم عرفت انك مع النص التانى اللى ساح من الشمس..بس بجد دمك خفيف وربنا يوفقك وتنجحى وتعزمينا على حاجة ساقعة وسندوتشات كفتة
تامر حسين
جيالك وعوضك على الله
عم ميدو يا رومانسى
لا والله انا فضلت واقفه زى الاسد
وطلعت فى الصوره الحمد لله
وبعدين انت داخل على طمع ولا ايه
سندوتشات كفته
طيب احمد ربنا لو جبت حاجه ساقعه
الف مبروك وان شاء الله تكونى دكتوره ناجحه باذن الله
مبروك على اللة تبطلى لماضة
ويكون المشروع أتخقق
ومشروع اكون دكتورة قريب
ألف مبروك
مبروك عليكي الحياه العملية
ربنا يوفقك
ياللا اجتهدي وخليكي دكتورة شاطرة احسن انتوا بقيتوا نادرين قوي اليومين دول
رئيس جمهورية نفسه
الله يكرمك يا عم
يارب يسمع منك الدعوه دى امنيه حياتى
فاوست
ابطل لماضه ازاى يا جدع
دى حاجه بتجرى فى دمى زى الكرات البيضا والحمرا والكحلى كده
الا قولى
الا فاوست دى يعنى ايييييييه؟؟؟؟
سها
اولا تحيه كبيره قوى وتصفيق حاد لاجدد واجدع مدونه شرفتنى بالزياره
اما بالنسبه للدكاتره الكويسين
اه والله عندك حق دول بداوا فى الانقراض
ربنا يستر مكنش انا كمان منهم والله بحاول قد ما اقدر مدويش حد فى داهيه
بس انا بدات فى الانقراض برضه بس مش كدكتوره
لا
بقيت بتشاف بالعين المجرده
ادى الطب واللى بناخدوه منه
مبروك يا لماضة و الأغنية دى حلوة اوى كنت بغنيها أنا و صحباتى فى اخر سنة فى الثانوى ياااااااااا رجعتينى لأحلى أيام يا لماضة
ما عرفتش اطلعك من الصورة
ههههههههههه
تروحى و ترجعى بالسلامة و ؟أ[بقى طمنينا عليكى
عقبالى يارب
مبروك يافندم
الاغنية دي جميلة بجد
غنيتها لما لتخرجت من ثانوي
وغنيتها لما اتخرجت من الكلية
الله يرحمه المبدع صلاح جاهين
الف الف مبروك التخرج يالماضة
وعقبال العملي ان شاء الله
يلا مش هتلامض معاكي انهارده عشان لسه في الامتحانات
تحياتي
محمد سمير
عاليا
اول حد يعلق علىىالاغنيه
هههههه
انا بحبها جدا
هبقىاقولك انا مين فيهم بس كنتى المفروض تعرفينى من اول نظره
الطفلة المعجزه
اكيد مفيش غيرى
كفراواى
انت فين يا راجل
عقبال ما تخلص يا رب
بفتح التاء وتشتديد اللام
مش تخلص
بكسر التاء وفتح اللام
هههه
غمض عنيك والزق فى الحييط
ياااااااه
انت فين يا ابو سمره
الله يعينك يا عم
انا بغنى الاغنيه دى من وانا فى حضانه
دعواتك معايا
نورتنى بزيارتك
الف مبروك اختي
ودائما تنوالي اللي في بالك
انتظر مو ضيعك الجميله
وانتظر تشرفك لمدونتي
تحيا تي
هيكل
ربنا يخليك وينولك اللى فى بالك انت كمان
ان شاء الله اعمل حاجه تعجبك
وهزورك متقلقش
انت اللى جبته لنفسك
غريبه اوي مشاعرنا
طول ما احنا في الكليه
وخصوصا الكليات العمليه
بتبقى الكليه شيء مزعج وهم علينا حتى لو كنا حبينها
ونبقى بعد كل محاضره وامتحان عملي
وخصوصا الشفوي نقول يا رب فكها علينا
وخرجنا منها بحسن السير والسلوك
ونقول امتى الدكاتره يعتقونا...هم ملهومش عيال زينا!!! ارحمونا بقى
واول ما يقولولنا خلاص اتخرجتوا ....تلاقينا بنعشق اسفلت الكليه والسكاشن والسلالم اللي ياما قعدنا عليها
ونبقى عايزييين نتصور في كل ركن وكل مكان مع كل الدفعه
ومفيش مشكله لو مع الساعي ولا الفراش ولا الدادات
انت لسه مخلصتيش اصبري حبه لما تبدأي الإمتياز والشغل وابقي قوليلي عامله اييييه؟؟
كفايه كده رغيت على قلبك كتيييييير
ربنا يوفقك بدعيلك من قلبي
زمرده
اه والله عندك حق فى كلمه قلتيها
فعلا مش بنحس بحلاوة الحاجه الا لما بنفقدها وبتروح مننا
بس نعمل ايه
دى طبيعة الحياه
ان شاء الله اللى جاى احلى
شكرا يا قمر انك طمنتينا عليكى
في ذكري وعد بلفور ...لا تنسوا الدعاء لإخوانكم في فلسطين
والدعاء علي الظالمين..واللهم تقبل...وتيقنوا أن الدعاء سلاح مهم لكل المسلمين
Dear lamada: congratulation my dear..i wish u a happy practical life isA.. Welcome to the real life :)
مبروووووووووك
وعقبال ماتخلصي الامتياز والتكليف وتتخصصي
لمحت كده انك عايزه أطفال
أطفال حلوه بس نبتشياتها كتير
ولو اتخطبتي أو اتجوزتي احتمال تدوري على تخصص أخف؟؟
على العموم ربنا يوفقك وتشتغلي في التخصص اللي تحبيه
وأكيد هتبقي طبيبه شاطره وناجحه
تحياتي
دينامو الاخوان
ربنا يكرمك ويعزك
فعلا محتاجين نفتكر واقل شىء هو الدعاء
اللهم انصر الاسلام واعز المسلمين
وحرر اخواننا فى فلسطين من ايدى المستعمرين
حلم
ياه اخيرا نورتينى بالزياره الجميله دى
ربنا يخليكى والله انا خايفه جدا من الحياه الجايه دى
ربنا يستر وابقى قد المسئولية
اجمل دكتوره بلا عنوان
ربنا يخليكى
والله تخصص الاطفال فعلا بفكر فيه جدا هو والطب الشرعى بس انا تخيلت ان دول اخف تخصصين فى النبطشيات واحبهم لقلبى
عموما لسه بدرى شويه على التخصصات زى ما حضرتك عارفه
وياريت راى حضرتك فى الموضوع ده لان بجد محتاجه ااعرف معلومات كتير وخبره فى الحكايه دى
شكرا لنصيحتك الغاليه يا غاليه
الف الف الف مبروك يا دكتورة ربنا يسعد لك ايامك كلها كل مرحلة ولها حلاوته استمتعى بكل مرحلة زى ما هى
انسانه على طول
نورتينى والله
فعلا عندك حق ده رايى برضه اننا نستمتع بكل مرحله بحلوها ومرها
ربنا يخليكى يارب على ذوقك
الله بجد
نفسي نعمل كده في دفعتنا
تفتكري ممكن؟؟؟؟
اصل عندنا الأيامة الي ايه وخده حقها
:\
يلا مبرووووووووووووووك
عقبالي يارب
:)
ده عرف متعارف عليه فى الكليه عندنا يا ولاء من سنين
ان كل دفعة سنه 6 بيكون ليهم يوم معروف تاريخ محدد وساعه محدده بيتجمعوا فى مكان معين يتصوروا صورة الدفعه
طبعا ينفع عندكوا ليه لا اتفقى مع اتحاد الطلبه بتوعكم
ربنا يكرمك وتخلصى عليى خير يا قمر
وتحصلينى على القهوه
نطلب اتنين فورمالين عجب
Post a Comment