انا لازم اقوله واعرفه كل حاجه
مش هخدعه هقوله على الحقيقه
هقوله انك لمضه وهطلعى عينه
انا مش ممكن اشيل الذنب واضحك على الراجل
مش عاوز حد يدعى عليا فى اخر ايامى
لماضة : ليه كده بس يا كيمو انت عاوز توقف حالى وتطفش منى العرسان
طيب وماله انا كمان مش عاوزه
وخلينى قاعده فى البيت هنا
نار ابويا ولا جنة جوزى
ابو لماضة : لاااااااااااااا تقعدى فين انا عاوزك تغورى من البيت ده هتلزقى فيه ولا ايه
لا لازم تتجوزى
لماضة : لا ياعم انا مش ماشيه من هنا وهفضل قعدالك كده
وبعدين انا مقدرش ابعد عنك يا حبيبى واسيب البيت
اسيبك ده انا اموت مش هطلع منه الا على تربتى ومتنساش تقرالى الفاتحه
ومين هيغلس عليك ويتلامض معاك
ابو لماضة بدا الاحساس بالذنب
لماضة : لا لا يابا الحاج
انا لا ممكن ابدا اسيب البيت اللى اتربيت فيه
انا مش جليلة الاصل
بقى بعد ما كبرتنى بجيت متر ونص وبرمح فى البيت وزغطنى اللحمة البتلو وعلمتنى ادى الحقن اسيبك
طيب انت وعاوز تخلص منى
طيب ولاد الناس دول ذنبهم ايه
مش حرام نعذبهم معانا
ابو لماضة ( مع الاحساس بالاسى ): ايوه فعلا ذنبهم ايه
لماضة : لا لا ولا انا كمان ارضاها لحد
ادينى قاعده معاكوا هى البت مننا ليها ايه غير بيت ابوها
طيب بقولك ايه : فى واحده جيبالى عريس وعاوز يجيلنا ايه رايك اخليه يجى
ابو لماضة : اتادبى يابت انتى لسه صغيره وبعدين مستعجله على ايه
وده كان احدى حواراتى مع حبيب قلبى
بعد مناقشه عنيفه عن كيفيه عمل الباميه
وعلاقة الامم المتحده برغيف العيش اللى هتتاكل بيه الباميه
ادت فى النهاية زى اى حوار الى صراع طبقى بين الاجيال وطبعا اخرة اللماضه
37 comments:
اعذرونى اتغيب لفتره ليست بقصيره
والله اعلم
دعواتكم مع الاعتذار اذا لم اتمكن من الرد على التعليقات
هههههههه
أعانهم الله وأعانك
اه فعلا ربنا يكون في عون الجميع
بس الله يكرمك اوعي تتلامضي مع الدكاتره السنه دي بالذات احسن انت حره
موفقه ان شاء الله
ربنا معاكى واتمنى انك متغبيش عننا كتير لاننا بجد هنفتقدك
وبعدين جواز ايه وبتاع ايه بس
تحياتى يا قمر
نفسي افرح فيكي
واشوف لك جوز يبطلك اللماضه اللي انتي فيها دي
يلا بقى عاوزين نقرا بوستات عن الخطوبه والفرح وكده
تحياتي يا دكتووووورخ
ما تشوفى العريس مش يمكن يطلع فرز أول و لسه جديد بشوكه و حتى لو استخدمتيه شويه و أخدتى غرضك منه و جبتيلك حتة عيل حيبأه بردو استعمال طبيبه ده فرصه متتعوضش و مبقاش حد بيجيب لحد عريس دلوأتى كلو شغال على المجهودات الذاتيه حتى لو مستعمل و فرز تانى و متنيل على عينه
:D :D :D
وتغيبي وترجعي بالسلامة بإذن الله يا دكتورة ومعاكي البشرى وتفرحينا انك سينبتي بيت والدك
:)
معلش اعذرونى هرد على التعليقات وقت ما اقدر باذن الله
مفيش عرسان يا جماعه ولا حاجه
ده كان حوار مع والدى مش اكتر كالمعتاد
انا قاعده على قلبكوا متقلقوش
عصفور المدينه
ههههههههه
اه والله عندك حق ربنا يخليلى بابا
,,,,,,,,,,,,,,,,,,
دكتور حر
امين
طيب قولى ابطل لماضه ازاى
بس الحمد لله بحاول اخليها على حق
,,,,,,,,,,,,,,,,,,,
على اسم مصر
الله يخليكى اكتبيلى لينك مدونتك فشلت انى ادخلها
بس على فكره الجواز ده نعمه من نعم ربنا
بس هو فيييييييين
,,,,,,,,,,,,,,,,,,,,,
اسكندرانى اوى
ههههههههههههه
خلاص ايدك على عريس مستورد وانت جاى من الدوحه
ومعاه علبة شكولاته جالكسى بالمكسرات وانا مستعده
مفيش عرسان دلوقتى
طفشتهم كلهم
ههههههه
,,,,,,,,,,,,,,,,,,,,
مرمر العسل
ههههههههه ياستى لو فرز رابع وخامس حتى حد لاقى اليومين دول
دى بس مناغشه مع بابا
لكن مفيش حاجه الحمد لله
مستنيه لما افرح فيكى الاول قصدى بيكى
,,,,,,,,,,,,,,,,,,,,,
محمود والامه واماله
الله يخليك يا محمود هحاول قد ما اقدر ادخل نت بس مش هسيب بيت بابا برضه
وبعدين هو فين العريس مش لما يجى الاول نبقى نتلامض عليه قصدى نبقى نفكر
هههههه
لزمتها إيه بس نبهدل ولاد الناس بالجوازة اللي مليانة تشريح وجراحة ولماضة دي؟ إنتي ترضيها لأخوكي برضه؟ هو أولاد الناس لعبة؟
هههههههه
ربنا يخليلك الوالد اللي مستحمل لماضتك لحد دلوقت
:-D
الاول تيجي بالسلامه من فترره الغياب
ثانيا مالها لما تتضلامضي على واحد و تسيبكم من ابوكي شويه
يلال اتجدعني و اتجوزي و لامضي جوزك
هههههههههه
ياربنا عليكي
انتي رهيبة
ربنا يعينهم يارب
بس برضوو
ربنا يرزقك بالزوج الصالح
و الذرية الصالحة
قولي آآآآآآآآمين
:)
و النبي يا ختي قال يعني الشباب معاها فلوس تجوز
طب يشتغلوا الاول
ربنا معاكى ..
مستنيينك :))
طيب انتى لماضه خايفينى عليكى وانا عاييزين منى ايه لما بيطردونى فى الموضوع ده ليل ونهار
دكتورة لماضة
ربنا يهنيكى يارب ويرزقك بالإنسان اللى يستاهل قلبك الجميل
حتى لو مفيش عريس دلوقتى ان شاء الله ييجى قريب وأكيد هيحب لماضتك اللى تتحب موت
وبعدين مين قال ان اللماضة حاجة وحشه استمرى يا بنتى ولا يهمك وربنا يخليلك باباكى ويباركله فيكى
وعلى فكرة عجبنى كلامك فى البوست اللى فات
تحياتى
هو مين بيقول ايه؟
و الله العظيم انتى عسل و عندك حق نار ابوكى و لا جنة جوزك
انا خفت اسيب لينك الاغنيه عندى فى البلوج ميوصلش ليكى اضريت انى اجى اسيبه هنا
ده لينك الاستماع
http://songs2.6arab.com/7anan-mady_sheddy-al-dafayer.ram
وده لينك التحميل
http://songs2.6arab.com/7anan-mady_sheddy-al-dafayer.rm
انا رجعت يا جدعاااااااااااااان
نشوف بقى الناس الحلوه دى قالت ايه
يا مراكبى
هههههههه
انا بقول كده برضه ذنبهم ايه ولاد الناس كفايه العذاب اللى بيشوفوه
الله يخليك يا مراكبى
,,,,,,,,,,,,,,,,,,,
محمد صبحى
لا ياعم اللى نعرفه احسن من اللى منعرفوش اهو برضه بابا مننا وعلينا
,,,,,,,,,,,,,,,,,,
ولاء
امييييييييييييييييييييييييييييييين
بس ربنا يستر عليه والله انا شخصيا
زعلانه له
,,,,,,,,,,,,,,,,,
شمس
اسعى يا عبد
طوبة زلط وطوبه حمرا
امززز
انا جيت تانى اهو نورتينى يا قمر وسلميلى على حبيبه
,,,,,,,,,,,,,,,,,,,,,,
السيد الرئيس
بيطارودوك هههههههههه
اللى اداك يدينا يا ريس
طيب ارمى حاجه للشعب
شكرا يا ريس على ذوقك واهتمامك ومرسى على الاغنيه قوى
,,,,,,,,,,,,,,,,,,,,,,
سها
مساء الخيييييير
انتى توهتى ولا ايه
لا ده كان خناقه على سندوتش طعميه وخلصت خلاص
انا لسه قاعده على قلبكوا متخافيش
الناس وزمايلى محسسنى انى يوم خطوبتى ده هيبقى كارثه وكله مترقب
يلا جاوبى على الاكسير ومتوهيش
,,,,,,,,,,,,,,,,,,,,,,
عاليااااااااا
حبيبة قلبى
ازيك يا بت
بذمتك مش صح
ابويا ولا جوزى
انا بقول اللى نعرفه احسن من اللى منعرفوش
ههههه
نورتينى يا غاليه وجاوبى على الاكسير احسن ما اعضك
سهر الليالى
انا قلت احلى بيكى لوحدك على الدعوتين الحلوين دول
يرزقنا احنا وانتى يا جميله يارب وكل بنات المسلمين
لو عندك عريس ابعتيه بس
ههههه
والحمد لله ان البوست اللى فات عجبك
نورتينى يا قمر
أمورتى الحلوة لماضة
واحشانى يا عسولة ، ربنا يبارك لباباكى فيكى ويخليهولك يا رب ، حوار جميل
بجد لمضة اوى
صح كده هوه انا اقدر اسيبك يا بابا
طيب عينى فى عينك كده!؟
ربنا يديم عليكم هذا الجو الرائع
واحلى تحية ورايحة احضر الاكسير
على عينى يا اختى العزيزة
أمواااااه
الصراع الازلي
بس بجد اي واحد بيبقا في منتهى التشوش و الحيرة يوم ما بنته بتتجوز
ما بين فرحة انها خلاص هيبقا ليها حياة و بيت مستقل و تجيب احفاد له
و ما بين انها هتسيب البيت و خلاص مش هيصحا الصبح يلاقيها عاملة دوشة
فيلم father of the bride
بيحكي المسألة دي بطريقة جميلة جدا
بوست لذيذ
عزيزتى
انتى فاكره هيخلصوا من همك لما تسبيهم ده هيشلوا بدل همك هم جوزك واولادك وهمك برضوا يعنى وجودك راحه ليهم
اصل لماضه لازم تتجوز لمض وتجيب اولاد لمضيين
تحياتى يا افندم
سلام
ههههههههههههههههههههههههههه
فعلاً لماضة تستحق التحية والضحك الهستيري
ان شاء الله ترجعي للمدونة ولللماضة
واعانك الله وفقك
صاحب مدونة ميخا
ربنا يرجعك لينا بالسلامه يارب
وبعدين مش لو كنتي اتجدعنتي ولعبتي في ثانويه عاميه كان زمانك دخلتي كليه تجارة وخلصتي .. واتجوزتي .. وشليتي جوزك
وبعد كده تبقي تدوري على دكتور يعالجه
بدل مانتي لسه هتتعلمي طب اهه .. وتستني تتجوزي ..عشان تشلي جوزك وتبقي عارفه تعالجيه
فهمتي حاجه؟؟؟
سلاموووووووووووز
لا لا أبوكي طيب متعمليش معاه كده الراجل عايز يفرح بيك و يخلص وانتي مش عايزه..ملكيش حق خالص..يلا روحي بوسي ايده و خلصيه منك بعمل ارغفة العيش والبامية و بيعها في الأمم المتحدة ترويجا للثقافة الفلكلورية لدولة مصر الديمقراطية العربية الملوخية المتحدة..مش ده أحسن من اللماضة في المدونة.. وربنا يوفقك في امتحاناتك0
السلام عليكم ورحمة الله وبركاته
ايه اللماضه دي كلها دا انت ثبتي الراجل الغلبان بباكي
لا بصي بلاش تبهدلي حد معاكي انت تخليكي قاعده بكرامتك في بيت السيد الوالد ربنا يخليهولك ومايحرمكوش من بعض
سلاااااااااااام
أول مره أشوف حد بيقول ان الجواز نعمه وبيدور عليه
عموما ربنا يزقك بابن الحلال
ودوسى على اسمى هتقدرى تدخلى المدونه بتاعتى
تحياتى يا قمر
اسم على مسمى بجد
شوية لماضة ... انما ايه
مدونة جميبة ولمضة
دمت بخير
عصمت
الله يخليكى الاكسير بتاعك طلع تحفه بجد
بس صراحه مقدرش اسيب بابا فعلا
ههههه
,,,,,,,,,,,,,,,,,,,,
كاتشب
عندك حق انا حاسه بكده برضه من بابا
مين هيغلس عليه غيرى
الفيلم انا عرفاه جميل فعلا
شكرا لزيارتك نورتينى حقيقى
,,,,,,,,,,,,,,,,,,,,
احساس لسه حى
لماضه تتجوز لمض
اكيد النتيجه كارثه محتمه
ههههههه
تحياتى لك
,,,,,,,,,,,,,,,,,,,,
جمعاوى
الله يكرمك اضحك يا عم محدش واخد منها حاجه
تحياتى لك
سوووو
لا ياعم لو لم اكن دكتوره لوددت ان اكون طبيبه
وبعدين يا عم لو اتشل اديها فى بيتها
هيتعالج ببلاش على الاقل
ولا ايه رايك
هههههههه
,,,,,,,,,,,,,,,,,,,,
المصرى
الله يكرمك بس انا مقدرش استغنى عن بابا ولا هو كمان وبعدين بما ان الدعم اتلغى يبقى فعلا افكر انى اعمل العيش على ايدى
انا خلصت امتحانات يا سيدى الهى ما يعودها
,,,,,,,,,,,,,,,,,,,,,
خمسه فضفضه
هههههههه انا بقول كده برضه اهو اللى نعرفه احسن من اللى منعرفوش
,,,,,,,,,,,,,,,,,,,,,
على اسم مصر
دى حقيقه الجواز فعلا نعمه ربنا يرزق بيها كل انسان انا بس بهزر ما والدى
اخيرا هشوف مدونتك تانى
,,,,,,,,,,,,,,,,,,,,,,,
صاحب المضيفه
الله يكرمك
كلك ذوق ونورتنى
ابقى تعالى تانى
الله يكون في عونهم
كده برضه يا ابو فرح
ده بدل ما تنصفنى
هههههه
بس صراحه انا بقول كده برضه
جميلة اوي اللماضة دي وربنا يعينك ويوفقك ونيجي نكشف عندك ببلاش تمن الصحوبية باة
وهندعيلك من قلبنا وابقي اتلامضي في الامتحان كويس عشان تفرحينا
ربنا معاكي
Post a Comment