من يومين كده وانا فى محاوله انى اثقف نفسى واطلع على القديم والجديد وبدعبس فى الاخبار لقيت الخبرين دول
وقلت لازمن حتمن اقولكوا عليهم عشان دى امانه ربنا هيحاسبنى عليها يوم القيامه
والواحد مش ناقص مش عاوزه حد يجيى يوم القيامه يقولى عليكى بريزه عليكى ربع جنيه عليكى خبر
نشرة اخبار الساعة التاسعه
عناوين الاخبار
لجنة الصحة بمجلس الشعب توافق على اقتراح بمشروع قانون لنقل الانترلوب قصدى الأعضاء
وافقت لجنة الشئون الصحية بمجلس الشعب برئاسة الدكتور حمدى السيد على اقتراح بمشروع قانون مقدم من النائبين الدكتور محمد خليل العمارى ومحمد خليل قويطه بشأن زراعة الأعضاء بعد أن تأكدت اللجنة من مطابقة هذا الموضوع لأحكام الشريعة الإسلامية وتأكيد الأزهر والمفتى لذلك .وأكد الدكتور حمدى السيد رئيس لجنة الشئون الصحية بمجلس الشعب أن هذا القانون يخدم الفقراء قبل الأغنياء وأن الصندوق الذى أنشىء لهذا الغرض يساهم بشكل فعال فى علاج الفقراء وهو لصالح كل المواطنين خاصة غير القادرين .... اقرا المزيد
كل واحد يخلى باله من لغلوغه انا عن نفسى بعد كده هسيب لغلوغي فى البيت
فاصل اعلانى
الله يرحمه راح وراح السر معاه قبل ما يعرفه او يقولنا عليه
عدنا
جاءنا البيان التالى
طلاب الإسكندرية الأذكي في العالم
حصل 3 من تلاميذ الإسكندرية علي المراكز الأولي في مسابقة أذكي أذكياء العالم في مجال الحسابات العقلية والتي اقيمت في ماليزيا وشارك فيها 2700 طالب وطالبة من 35 دولة .... اقرا المزيد هنا و هنا كمان
ده طبعا قبل ما ياكلوا الفول او يدخلوا المدرسه او ياجروا عجل فى الشارع او يركبوا الاتوبيس
عاوزين نشوف العيال دى بقى بعد عشر خمستاشر سنه كده هيبقوا اييييه يا ترى؟؟
77 comments:
ههههههههههههههههههههه
بس فين الجديد في الموضوعين
احنا كا أسكندرانية (اطال الله في شواطئنا) العبقرية و الجانيسة بنتولد بيها بلتي ان
اما نقل الاعضاء فاحنا بردوا عدينا مرحلة النقل و شغلين في مرحلة الاكل
.
ولو مش مصدقاني جربي الفشة و الكبدة من عند الزعبلاوي
اسكندرانى يا متغرب
الموضوعين لسه كانوا فى جرايد امبارح
بس اول خبر كان بيحصل غصب عن الحكومه دلوقتى بمزاج الحكومه وغصب عن الشعب
وبعدين كبده وفشة زعبلاوى دى كلابى جرب بقى اللحم البلدى
تانى خبر بقى ده طبعا بس عشان كانوا بيقولوا ان المصريين بيكابروا اهو بالمسابقات قدام العالم كله العيال رفعوا راسنا بس يدينا ويديك طوله العمر نشوف العيال دى اخرتها ايه
ده لو عاشوا فى مصر طبعا
استر علينا يارب
جرى ايه يا لماضه
ش كنتي قايله هاخد ريست
لحقتي
أجدع حاجه بقتنع بيها كل يوم ان الحريم معندهمش مبدأ ود ي من اجمل الحاجات اللي بحبها في طبيعة النساء
******
بالنسبه للبوست
انا طبعا عيني اتمققت على ما قريته عشان حضرتك مختاره اصغر خط
هو بفلوس؟
الخبر الأولاني ده قديكون خير
لكن المشكل في المناخ الفاسد اللي ممكن يخربوا
الخبر التاني خبر جميل ربنا يا رب كده يخلي العيال دي متحنطين لحد ما يكبروا ولا يدخلو ثانويه ولا طب ولا حاجه من الحاجات اللي بتوقف الدماغ دي ابدا
الاعلان كمان ظريف وجميل
تحياتي للماضه
دكتور حر
لا والله مكنش رست ولا حاجه دى بس كانت ظروف غصب عنى ومكنتش عارفه اذا كنت هقدر ادخل نت قريب ولا لا مكنتش عارفه ايه اللى ممكن يحصل يعنى فخفت الناس تقلق وكمان كتبت يمكن والله اعلم
وبعدين ياعم انت زعلان انى نزلت بوست جديد يعنى عاوزنى اختفى ماشى يا دفعه والله يسامحك على كل حال
خط البوست اعذرنى لانى حاولت اكبره لاقيت الكلام دخل فى بعضه ومقدرتش احل المشكله فاضطريت اسفه انى اخليه على نوع الخط الطبيعى ده بس لو مدايقك تقدر حضرتك تختار من فوق الصفحه view
text size
larger or largest as u wish
اما بالنسبه للخبرين فى بصراحه لاتنين يفرحوا مع بعض الخطوط الحمرا تحتهم تخوفا من المستقبل خصوصا فى بلدنا بس حقيقى اتمنى ان تؤتى الاخبار دى ثمارها
تحياتى ليك يا دفعه
بيع يا لطفى
استاذ محمد عبد الغفار
هههههههههههه
رغم ان عمرى ما شفتلك تعليق اكتر من 3 كلمات الا ان تعليقاتك دايما فى الجون
عليك واحد اكسير متنساش
تحياتى ليك يا استاذى
وعندك واحد عصير أمعاء مع 2 كبد على كلاوى للدكتووووووووووووورة وصللللللحهه
لو سمحت لو سمحت
ممكن الغلوغ ده اعرف بكام
طب ادينى نص لغلوغ
يا مجرمة
يشوفو الشباب
دى هتبقى مجزة بعد كده ثم مدام المبدأ القائل السح الدح امبو يبقى هنتنيننا كده
يلا باى
هبة
لذيذة فعلا
دماغك جميلة جدا يا دكتورة لماضة
يا زميلة
زى ما قال اسكندرانى احنا عدينا مرحلة النقل ودلوقتى شغالين فى الاكل
والخبر التانى ايه الجديد انا على حد معلوماتى ان الطفل المصرى ازكى اطفال العالم
تحياتى يا لمضه
هبه
هههههههه ده انتى بتحبينى حب
الغاليغ شحه فى السوق اليومين دول
اللهم بلغت
اه صحيح عليكى واحد اكسير يا هبه جاوبى عليه الهى ربنا يخليكى ويكرمك قادر يا كريم
نورتينى
مصطفى سمير
الله يخليك ده بس من ذوقك
نورتنى وتعالى تانى يا زمل
على اسم مصر
ازيك يا جميله
تفتكرى وصلنا للمرحله دى وبقينا بناكل فى بعض فعلا بصراحه لو ده حاصل فانا بقول لا عندى لسه امل اننا ناس كويسين جدا
اما بقى خبر اذكى طفل فى العالم مصرى ده يا قمر مسابقه حسابيه عملتها شركة يوسى ماس ودى شركه عالميه والمسابقه دى على مستوى العالم للاطفال وبقالها شهور ولسه نتيجة المسابقه ظاهره من كام يوم بس مكملتش اسبوع
حقيقى حاجه تفرح عارفه ليه
لانها زى ما بتقولى اكدت الخبر القديم اللى كنا دايما بنقوله اننا نمتلك اذكى عقليه فى العالم
ادينا قلناها بصوت عالى مسموع للعالم وبطريقتهم بمسابقتهم وحكمهم
نورتى يا قمر
السلام عليكم
الخبر التاني عارفينه وأهو الايام بتاكده
والأولاني الله اعلم...ده كده هتتفتح ع البحري
ربنا يستر
-----------------------
جيالك مخصوص خطف جدا
وعدتك بالأكسير
وانا عنده بس نفسيتي تتحسن
لأنها تحت الصفر
سلام يا جميل
لماضه يا حبيبتي بجد الموضوع ده خير جدا و الاي هيتاخد في الراجلين الفقراء الغلابه ربنا يستر
------
طبعا الاسكندرنيه دول احسن ناس كفايه انهم كل يوم بيشموا رايحه البحر مش عايزه يكونوا اذكياء
------------
سؤال و النبي انت عرفتي ازي تحصلي علي الاعلان ده اصل انا بحب الحاجات القديمه ديه و نفسي اشفها تاني بتفكرني بطفولتي و ايام الا مسئولية
اه ياني ليت الطفولة تعود يوما
زمردتى
الله ينور عليكى هى فعلا الايام بتاكد الاخبار وربنا يستر من الخبر الاولانى دى هتتفتح بحرى وقبلى وكل حاجه
ولا يهمك بالنسبه للتاج المهم تجاوبى عليه بس حاولى هيغيرلك مودك ده كتيير واسالى صحبتك هى جربت بنفسها
ربنا يا قمر يهون عليكى ويقصر غربتك
تحياتى ليكى
دنيا محيراكى
انا معاكى انه خير بس الخوف سوء الاستخدام خصوصا الناس الغلابه اللى مستعده تبيع اجزاء من جسمها عشان تعيش بس بيقولوا القانون محدد كل حاجه ربنا يجيب العواقب سليمه
يا ستى الاطفال دول يكفى انهم مصريين وشرفوا بلدنا كلهم المهم اننا نقدر الكنز اللى فى ادينا
الاعلانات ياستى انا دورت عليها فى يوتيوب حاولى تضغطى على الاعلان اللى انا حطاه ده وافتحى ضفتحته فى يوتيوب هتلاقى بقيت الاعلانات القديمه بصراحه خدوا منى وقت انى الاقيهم لانى مغرمه بالقديم
ده لينك الاعلان اللى انا حطاه
http://www.youtube.com/watch?v=UKrvxV4gZu0&feature=related
تحياتى ليكى
ايه يا دكتوره
انتي سيبتي الطب واشتغلتي صحافه
سيبيها لله
ولية خمستاشر سنة
ههههههههههههههههههههههه
اربع سنين بس
وانظف من الصيني بعد غسيلة
ابيضضضضضضضضضضضضضضضض
وفاضي مخهم
اسكندرانى اوى
ونعم بالله
لله الامر من قبل ومن بعد
لا متقلقش الطب بيجرى فى دمى
والبوست الجاى اثبتلك
ده انا بنام احلم بتمراجيه
ههههه
استاذ عادل
هههههههه
4
لا انا متفائله شويه
ربنا يستر
هاى لماضة
مدونتك جميلة جدا وعجبتنى
انا اول زيارة ليها النهاردة وعرفتها وانا بدعبس فى المدونات
انا عندى مدونة جديدة كدة اسمها سلطة
هيا جديدة ولسة محدش يعرفها
مدونة اجتماعية ساخرة
اتمنى تساعدينى بإضافة اللينك عندك عشان مش عارفة انشرها ازاى
وليكى جزيل الشكر
اللغلوغ غلي اوي معندكيش 2 استيراد
مروه الزارع
اهلا بيكى يا قمر ومبروك عليكى عالم التدوين
اعذرينى لانى مش حاطه لنكات اى مدونات عندى الا صحبتى الانتيم والا رسولى اللى انا مشتركه فيها بس ممكن اقولك ازاى تعرفى ازاى مدونتك بطريقه اسهل
انك تزورى اكبر عدد من المدونين وتحطى تعليقاتك عندهم بشكل موضوع على البوستات اللى بينزلوها اللى تعجبك
تحياتى ليكى
محمد صبحى
وتستورد ليه ما المحلى شهرين ويغرق البلد
تحياتى ليك يا محمد نورتنى
السلام عليكم
انا ابدي بموضوع طلاب الاسكندرية وده خبر كويس ممكن يفرح شويه وهو علي الاقل خبر كل فين وفين لما نسمع حاجة كويسه
بس يارب يهتموا بيهم اكتر بعد كده
موضوع الاعضاء بعد كده الاعضاء حتباع بالكليو والصندوق اللي عاوزين يعملوا حيبقي صندوق قطاع خاص
يعني اعمل فيكي ايه كل ما ادخل عندك تكوني سبب يف اضفاء بسمة على وجهي اسعد الله قلبك واراح بالك يارب ياجميلة
كل واحد يخللى باله من لغلوغه
:D
انتى جبتى اعلان شويبس ده منين
حسن عابدين بيعمل اعلانات ؟ اول مررررررة اعرف
:D
ابن ايجيبت
ههههه والله الاتنين يفرحوا اهو على الاقل رحمونا من بير السلم واللى كان بيحصل فيه كده بقت على عينك يا تاجر
والعيال دى ربنا يحميها لاهاليها ولمصر
نورتنى
الحب الحقيقى
الله يكرمك والله دى اجمل حاجه بتفرحنى
واحلى دعوه يارب دايما اقدر اسعدك
نورتينى بزيارتك
سويدى
ههههههه قصدك حسن عابدين كان بيعمل
الله يرحمه بقى
لو تسمع كلمة سر شويبس حسن عابدين كان بيعمل اشهر اعلانات زمان لشركة شويبس بتاعه الحاجه الساقعه
الاعلان بقى جبته من يوتيوب
يلا يا عم اى خدمه ادينى قلتلك على سر المهنه
هههههه
طول عمرك فقر يا لماضه
اكيد بعد خمستاشر سنه هيكون زى لماضه كدة
دكاااااااااااترة
لماضة هو انتى مش اسكندرانيه برضه
ماهو من كتر الكلاوي ما اتسرقت
قالوا نخليها قانوني
الفراشه الصغيره
هههههههه مين قالك على حكايه فقريه دى اظاهر الدم بيحن ولا ايه الاسكندرانيه بيحسوا ببعضههم
يطلعوا دكاتره ايه هى البلد ناقصه ولا عاوزه تقتلى حلم البراءه جواهم
كفايه عليهم لمضة واحده
تحياتى ليكى
لولا الملامه يا هوا
هو فعلا كده خافوا على الكبد وبيت اللوح لا يروح فى الشوربه
مبروك عليكى عالم التدوين
نورتينى
بالنسبه للخبر الاول
بينى وبينك .. انا اى حاجه يدلى فيها المفتى او شيخ الازهر برآيه بشك اصلا فيها.. مش عارفه ليه؟ يمكن علشان الفتاوى الاخيره للمفتى.. وكمان لما قرآت ان شيخ الازهر اعطى تصريح للصلاه بملابس قصيرة فى مسجد المطرب - تجاوزاً يعنى انه مطرب- سعيد الصغير!!!!!!!!
انا مش عارفه الكلام ده صح ولا مجرد خبر فى جريدة
بالنسبه للاسكندرانيه .. طبعا مشاء الله عليهم.. الطفل المصري عموما يتمتع بدرجه ذكاء قد تتفوق على الكثيرين
ولكن نقص الامكانيات وسوء اعداد الاجيال هو السبب فى توقف ظهور علماء مصريين بارزين فى وقتنا الحالى
هذا بالاضافه الى الحروب الخفيه التى يتعرض لها اى نابغه يحاول ان يصنع بصمة فى مجاله فيهرب الى الخارج
وكفايه كده احسن هالخبط- ده اذا كنت لسه مش لخبطت فى الكلام.
لك تحياتى
كاميليا
هههههههههههههههههههههههههههه
سكر يا سكر
بالنسبه لللغليغ هى كده كده كانت بتتسرق بس هما خلوها سرقه قانونى
و بالنسبه لشعب الاسكندريه الشقيق مفيش خلاف على كده يا قمر
أما بالنسبه للسر أعتقد أن المافيا قامت بقتله عشان ميقلش لحد
كاميليا
ههههههه تحليل وشرح وافى جداااا ا نا كمان مش هعلق عشان منتقفش
تحياتى ليكى حقيقى
فى القلب
بالظببببببببط عليكى نور احلى حاجه فى بلدنا دونا عن كل الناس اننا شاطرين قوى فى تفصيل حاجتين القانون والشرع على ادنا
كان نفسى اعرف سر شويبس خصوصا لما كان بيجى فى نص المسلسل ههههه
السلام عليكم ورحمة الله وبركاته
حلوه الاخبار الطازه دي
وماقالوش بقي نشتري منين، اصل انا مزنوقه في 2 كيلو كبده علي كلاوي بس وحياتك يكونوا طازه
صباح الفل يا أحلى لماضة
أنا واخدة أجازة لكن لما شفت رسالتك جيت لك جرى، وأنا فرحانه اوى برجوع الست فرنسا
وربنا يتم شفاها على خير
ورسالتك الجميلة بقى كده ؟
أغسل سنانى قبل ما أنام
طيب الممفروض الغسيل يا أختى لماضة قبل النوم بالليل
طيب أنا بنام الصبح أغسلها برده؟
بموت فيكى ربنا يديم خفة دمك
بخصوص بوستك
أحلى حاجة حبتها بجد رؤيه حسن عابدين الله يرحمه أنا بحبه اوى شكرا على وضعه
بخصوص زراعة الاعضاء
أنا مرة شفت فى برنامج فأر و زارعين فيه أذن
المنظر كان مخيف، يا ترى
حيستغلوا فيران مصر فى زراعة الأعضاء برده؟
بخصوص ذكائنا بيكون موجود فعلا فى جيناتنا
لكن نظامنا بيكرس كل طاقاته إنه يمحيه وبينجح
وتحية كبيرة لكى حبيبتى
دكتوره خمسه فضفضه
هههههههه
هتلاقى الجمعيه مليانه العيد قرب كل سنه وانتى طيبه
تحياتى ليكى نورتينى
عصمت
ازيك انتى يا ست الكل على فكره االدنيا مش مبطله شتااااا خلى بالكوا وانتوا نازلين ان شاء الله الجو يكون اتحسن
زراعة الاعضاء كاتبين انه شرط من انسان لانسان متقلقيش هههههه مفيش فيران ولا قطط
والعيال الاذكياء دول بقى ربنا معاهم ده لو عاشوا فى بلدنا
تحياتى ليكى وحشتينى اوى والله
البوست ده حلو وبزات الحتة الاخيرة وحلو الاخبار البتجلنادي
=)
مرسى كتير على زيارتك ليا
ومرسى بجد على الكلام الحلو اللى قولتية ودة من ذوقك بس
يرب اشوفك اكبر دكتورة
تحياتى العطرة
بعد خمستاشر سنة حايبقوا عادي جدا
طلبة من المحشورين في الكليات
وبعدها موظفين من المحشورين في المؤسسات
وبس خلاص
مش تشاؤم
بس تعليمنا رايح في داهية
المشكلة مش في الفول
عزيزتى لماضة
بالنسبة لنقل الاعضاء فدلوقتى احب اقوللك ان الشعب المصرى بظروف اقتصادية صعبة جدا تسمح له ببيع اعضاءه و لكن هى فين الاعضاء...اللى تتباع
بالنسبة للفاصل الاعلانى فجابنى على الارض من الضحك و اضطريت اخد رست عشان اعرف اكمل البوست
اما بالنسبة لاسكندرية فبصفتى اسكندرانى متعصب فانا اشكر و اؤيد بشدة و مش مسالة عيال ذكية و بس لكن مافيش مكان محترم ف حتة غير اسكندرية الا و تلاقى فيه اسكندرانى زى العسل عامل جو و روح للمكان
تحياتى
يلا يا عم
السوق بيفتح قدامك اهو وانت لسه متخرج
عايز اسمع عنك قريب بقا يا دكتور....اخصائية نقل اعضاء وكبد وقلوب وبنكرياس والحركات دي
ظبطي نفسك واعملي رخصة
وكله هيبقى في التمام
حبوبه
اخبارك ايه
الحمد لله ان البوست عجبك بس يعنى ايه بتجلنادي ؟؟؟
قعدت ساعه افك شفرتها ومعرفتش
هههه
نورتينى يا قمر
مروه الزراع
الله يكرمك انا مجاملتش لو مدونتك مكنتش عجبتنى مكنتش كتبت فيها تعليق
لكن حقيقى حلوه
يلا ورينا ايه فى جعبتك تانى
مستنيين مواضيع جديده
وزى ما قلتلك لما تزورى مدونات تانيه اكتبى تعليق على الموضوعات اللى تعجبك وتقدرى تضيفى للموضوع
تحياتى يا مرمر واشوفك يا رب اكبر مدونه
هنوده
اه يا هدهد
جيتى على الوجع
التعليم
اخبارك ايه وحشانى
هشام
ربنا يستر على الناس الغلابه عندى امل ان شروط القانون توضع حد للمهزله اللى ممكن تحصل
والاسكندرانيه طبعا طول عمرهم متقطقين
هههههههه عجبك عابدين
تحياتى يا اتش
هشام
ربنا يستر على الناس الغلابه عندى امل ان شروط القانون توضع حد للمهزله اللى ممكن تحصل
والاسكندرانيه طبعا طول عمرهم متقطقين
هههههههه عجبك عابدين
تحياتى يا اتش
غمض عنيك واخبط فى الحيط
ايه يا ابو فرح
انت حاطط عنيك على السبوبه من دلوقتى ولا ايه
ههههههه
لا ياعم انا مش ناويه اشتغل جزاره
الطيب احسن
محسوبتك ناويه تبقى دكتوره الشعب المطحون
الناس غلابه مش ناقصين
حتي الانترلوب مش راحمينة
دة بيقولو الغلوغ كمان من الاعضاء المطلوبة
ربنا يستر علي ولاينا
هو البني ادم اية غير لغلوغ و انترلوب
احلى جاجة في المدونة بتاعتك أنها متميزة في التخصص بتاعك... يعني قليل من الدكاترة اللي بيكتب عن مشاكل الطب
هوا اللغلوغ وصل كام في البورسة النهاردة. ؟
سوري انا كتبتها خلط و نسيت اصلحها هي المفروض الاخبار اللي بتجلنا دي
انا جعاااااان
يا خبر ابيض يا جدعان المدونة نورت والله
ههههههههه ايوه صحيح البنى ادم ايه غير شوية لغاليغ فوق بعضها
اكتب بالرصاص
يا رافع دايما من روحى المعنويه
شكلى هبطل طب واغير مسار وادخل زراعه
من بعد موضوع الجراحه اللى كتبته
والضرب اللى اكلته
بس ولا يهمك انا برضه هقول اللى مش عاجبنى فى مهنتنا على امل انى اكون من اول الناس اللى ممكن يعملوا حاجه لما ربنا يسهل كده بعد عمر طويل
بيقولك اللغلوغ سعره نزل من ساعه احداث 11سبتمبر متبعش دلوقتى
حبوبه
ولا يهمك المهم بس انك فكيتى الشفره هههه
تحياتى ليكى
جواعونا وشردونا وكمان عايزين ياخدوا اعضائنا شكلهم كده مش عايزين شعب اصلا
وتحياتى لك
أنا عن نفسي بسيب لغاليغي في البيت و في التلاجة كمان، أصلي بصراحة خايف لتهنج لو سبتها عريانة (على فكرة أنا مش عارف إيه معنى كلمة تهنج ، بس لايقة ع الجملة)، أما بالنسبة لموضوع الذكاء الخارق فأنا العبد لله لإقر و أعترف أني كنت ذكيا منذ صغري حيث ظهرت مواهبي الهندسية منذ سنتي الأولى في المدرسة و ذلك بعد أن قمت أنا و صديق لي أطال الله في عمره و أعانه على أولاده السبعة باختراع ضفدع مصنوع من الورق، شــــوف إزاي!!! و الله العظيم بتكلم جد.
PS: على فكرة، الضفدع كان بينط كمان
إيه رأيك في الفصحى؟؟ مش أحسن برضه :D
يالله سلام
مش عارفة والله الخبر الاولاني دا اقول عليه ايه
انما الخبر التاني
فيعني هما اكيد زي ما قولتي
مكلوش فول ولا راحوا مدارس ولا اتزنقوا في اتوبيس
بس انا حاسة ان الزكاء مش كل حاجة
يعني ما اظنش اني زكية زيهم
بس بعرف اتصرف
احلي حاجة الفاصل الاعلاني
يعني هو دا سر شويبس؟؟
يلا
مبرك يا حبيبتشى لطلاب الاسكندرية
الاقيش عندك خبر مستخبى كدا ولا كدا عن ابناء الشرقية
تحياتى يا قمره
ولاء
ههههههههه
متقولش ايه اديتنا مصر
مهندس
ههههههههه تهنج يعنى تخرب
ضفدعه وتنط كمان لا ده اختراع اذن اقر واعترف بذكائكم وفطنتكم يا افندم
حلوه الفصحى دى جدااااااا
الله يكرمك
شيرى
انواع الذكاء كتييير جدا
وكونك بتعرفى تتصرفى دى نوع من الذكاء وحاجه جميله جدااااااا
انا هموت واعرف ايه السر
يلا سيك السر جوا الفوار
قطة الصحرا
ههههههههه يابنتى الشراقوه دول ابو الكرم
دول هما اللى عزموا القطر
حسن عابدين الله يرحمه
قال سر شويبس قبل ما يموت
وقاله بحروف ملخبطة في اعلان من الاعلانات واحنا نبقى نرتبها
قال بالنص
السر هو
عيبط أهكف
وقتها كنت لسه عيل مفعوص في المدرسة
قعدت أرتب الحروف
طلعت
فاكهة طبيعية
هو ده بقى سر شويبس
ومن غير لماضه
تحياتي
اهو ياستى سمعت كلامك وشلت من عندى
word verification
مع انى مكنتش عارفة اشيلة منين
بس دورت لحد ما عرفت عشانك يا قمر
متتخنقيش من اخر بوست عندى
انا فعلا تعبانة نفسيا اوى اليومين دول
بعد ما ياكلوا فول
ويركبوا عجل
وبعد ما يكملوا تعليمهم في تعليمنا الغالي
ويكملوا أكتر وأكتر في تعليمنا العالي
هيبقواا
الأذكي في العالم أكيد برده
بس مش في مساقة ماليزيا
في مسابقة كولالامبووووووووور
تحياتي
بعد ما ياكلوا فول
ويركبوا عجل
وبعد ما يكملوا تعليمهم في تعليمنا الغالي
ويكملوا أكتر وأكتر في تعليمنا العالي
هيبقواا
الأذكي في العالم أكيد برده
بس مش في مساقة ماليزيا
في مسابقة كولالامبووووووووور
تحياتي
ايه المواضيع الشيقه دى يا دوكتورتنا بجد فى الجون كلنا بتحصلنا نفس المشاكل لاكن قليل اللى بيصرح بيها عاوزين موضوع بعنوان انا ميزوو و احكى فيه المهازل اللى فى الميرى و تجاربك اللى كلها كوميديا و مستنيين مواضيع اكتر
يا لمضة هانم
يالا بقى عاوزين مواضيع جديد
أنا داخلة حامية
ربنا يسعدك يارب
اتلامض ماتلامضش ليه؟
نقل الاعضاء دة مهم جدا....لو شفتي او عيشتي مأساة مريض بالكبد..ربنا لا يحكمها على حد
هتعرفي قد ايه القانون دة مهم
بس يارب يكون دة الغرض الاصلي منه بدون اهداف خفية وخبيثة كالعادة دائما
اما بالنسبة لللذكياء دول ...فاكيد لسة ماشافوش برنامج سينما الاطفال او عروستي مع ماما سامية شرابي
تحياتي ليكي
ازيك يا لمضة ؟ فينك يا ستى مختفية ليه ؟ الأمتحانات و لا يه أيه ؟ ما علينا
هو مش الأزهر كان قال ان موضوع نقل الاعضاء ده حرام الى حصل ؟ و طبعا طلاب الأسكندرية الأذكى فى العالم امال انتى فاكرة ايه طلاب نيكاراجوا ؟ و متشكرين على اعلان شويبس بتاع حسن عابدين عيشتينى فى ذكريات الطفولة ... قوليلى جبتيه منين ؟
استاذ ياسر
ههههههههه قلتلى بقى على السر احمدك يارب
نورتنى والله يا فنان
,,,,,,,,,,,,,,,,,,,,,و
مروه سلطة
الله يكرمك انا حطيت البوست اهو يا ستى عشان متزعليش والله المشكله بس ان الكتابه دى بتيجى زى الزن على الودان كده مره واحده وساعات بتبقى الفكره عندى ومش قادره اكتب
سيبيها على الله
,,,,,,,,,,,,,,,,,,,,,,,,
القلم السكندرى
هههههههه ربنا يستر علينا
بس كوالمبور دى فى طريق ايه صحراوى ولا زراعى
,,,,,,,,,,,,,,,,,,,,,,,,,,
امير
الله يكرمك يا سيدى كلك ذوق اطمن كله جاى متقلقش ويمكن اطلب الاسعاف بتاعتك قريب نورتنى والله يا دفعه
,,,,,,,,,,,,,,,,,,,,,,,,
سمير
انا عارفه والله انه مهم جدا
بس الواحد متخوف من سوء استغلال القانون واامل انهم يحطوا ضوابط صح عشان يتنفذ صح وفعلا يفيد المرضى
ههههههههه والله وحشتنى ماما ساميه ابقى سلملى عليها
,,,,,,,,,,,,,,,,,,,,,,,,,
عاليااااااااا
والله مش مختفيه ولا حاجه بس كنت فى انتظار الوحى انتى عارفه التدوين بقى لازم الواحد يكون دماغه رايقه شويه
امتحانات ايه بس الهى ما يعودها انا فى اجازه ابديه دلوقتى الحمد لله
كويس ان عجبك الاعلان انا جبته من يوتيوب لاقيته بالصدفه لانى بحب ادعبس على الحاجات الاثريه دى
خصوصا ايام الطفوله المشرده
هههههههههههههه
أنا كرهت الطب من الصورة اللي انتي حطاها دي
:(
و طبعا السكندرنيه أجدع ناااااااااس
:D
وحشاني جدااااا
معلش بون بون كان عطلان
الاكس بي كان واقع
هييييييييه
رجعتلك يا جميل
:)
Post a Comment