مبروك جالك طب
لولولولولولي مبروك يا أم لماضة والله وعرفتوا تعلموا وتكبروا اهي لماضة رفعت راسنا كلنا وبقت دكتوره اسم النبى حارسها
الله يخليكى يا خالتشى بس لسه بدرى اوى على الكلام ده أنا يدوب فى بداية العتبه محصلتش السلالم وكل اللى معايا ماجيستير ثانويه عامه على ما تفرج ادعيلى بس ربنا يوفقني
روحى يا لماضة ربنا يكتب الشفا على ايدك
الله يخليكى يا خالتشى بس لسه بدرى اوى على الكلام ده أنا يدوب فى بداية العتبه محصلتش السلالم وكل اللى معايا ماجيستير ثانويه عامه على ما تفرج ادعيلى بس ربنا يوفقني
روحى يا لماضة ربنا يكتب الشفا على ايدك
اول يوم فى اول سنه 2001
سندوتشات ايه اللى اخدها يا ماما ده أنا معملتهاش فى المدرسه اعملها فى الكليه احط بقى البالطو فى الشنطه عشان ميتبهدلش لا أنا خايفه يتكسر أنا هعلقه على دراعى عشان الناس تعرف انى فى طب ايه الهبل ده ما الصنايع برضه بيلبسوا بلاطى الدكتور مش بس بسرنجته الدكتور برعايته لعيانه ونبطشيته و الدكتره مش هز كتاف يلا استعنا على الشقى بالله عشانا عليك يارب سلام بقى ادعولى يدوب الحق الاتوبيس
ازيك يابت يا رحرح ايه يابت الشوال اللى على كتفك ده انتى دفعتى المصاريف و استلمتى الكتب ولا ايه ازيك يا دوده اتصرفتى فى جثه ولا لسه ؟؟ انتي بت يا زرزر عملتى حسابى فى السندوتشات بلاش سندوتشات البيض المسلوق من ايام المدرسه غيرى أنا مبحبهاش خلى طنط تعملى جبنه بيضا ربنا ما يقطعلك عاده
اش اش ايه يا عيال الالآجه اللى انتوا فيها دى انتوا لبستوا الحبل بحاله مش اللى عليه بس
الشبوره جامده النهارده فى حاجه خضرا جايه من بعيد اهيه دى بتقترب علينا هو ده بقى الاتوبيس الاخضر اللى بندوروا عليه ايه ده علبة سردين العيال دى كلها جايه منين ده الاتوبيس هينفجر من التضخم السكانى اللى جواه
نجاتى المشرفاتي : اركبى يا انسه
اركب فين يا عم انت اسطح فوقيه ولا اتشعلق فى السبنسه الامر لله ابرمي يا أم خلف قل لن يصيبنا الا ما كتب الله لنا
البالطو البالطوووووووو طار فى الهوا شاشى وقطنى وبالطيه وقف ياعــــــــم
انت يااااااااد هات البالطو ده احسن والنعمه اشتكيك لامك احدف ياد من الشباك لاخرملك عينك يخرب عقلك الواد وقعه فى الارض وبقى شبه بالطو الافوكاتو اصبر عليا لما ارجعلك يا حمص يا ابن ام حمص
لا مؤاخذه يا كابتن معلش يا هندسه سوري يا انسه حاسه انى راكبه مرجيحه براحه يا عم الاسطى الله يسترك دماغى بتلزق فى السقف مع كل زلطه بيتعتر فيها الاتوبيس امال لو مطب بقى هنلمس السحاب
معلش يا انسه كتر خير الاتوبيسات واحمدى ربنا دى من ايام محمد على مكانوش يعرفوا السوست وقتها تعالى اقعدى على الموتور
تقولوش شيزلونج حاجه كده مفروشه موكيت جنب كرسى السواق على طول وظهرى لازاز الاتوبيس
الاسطى : انتى شكلك فى طب
البالطو عامل عمايله (فى سرى) اه اول يوم النهارده وحضرتك اسمك ايه يا ابويا
الاسطى : محسوبك عمك جبر
لماضة : الله يجبر بخاطرك
الا ايه الخشبه اللى انت حاطيتها تحت دى أنا شايفه كمان الاسفلت من تحت هي الارضيه راحت فين
الاسطى : الخشبه دى عشان اسند بيها مكان الفرامل الارضيه اتاكلت من زمان
لماضة : ااااه دى عوامل التعريه اللى كانت فى الجغرفيا اللى ذاكرتها فى درس اليوغسلافيا
الاسطى : كتر خيره انه بيوصلكوا بس مقدرش امشى بيه بسرعه عن كده ولا اطلع او انزل كبارى
لماضة : الله يطمنك ياعم جبر كتر خيرك الاتوبيس طاير الصراحه على سرعة 2 بطه فى الساعه
ايه الريحه الفظيعه دى وايه الدخان ده
الاسطى : لا ده الموتور بس عاوز ميه
معلش يا ابله فى جنبك ازازة ميه كبي شويه فى الفتحه اللى جنبك دى
يا ما شاء الله يا ما شاء الله اتوبيس بيمشى بالميه والجاز ايه الدفى ده فى سخونيه تحتى لا أنا متاكده انى دخلت الحمام بعد الشاى بلبن اللى شربته لا ده السخونيه بتزيد لا كده كتير اااااااه أنا بولع يا مييييينز
ومن يومها اصبح الموتور الكرسى المفضل لدي بجانب سلم الباب اللى اصبح بمرور السنوات بالحجز زى كراسى السيما
يطلع واحد فى نص الطريق يلا يا جماعه قولوا ورايا : سبحان الذى سخر لنا هذا وما كنا له مقرنين
عم جبر طلع دماغه من الشباك فجأه يستغيث باتوبيس معدى فى الاتجاه المعاكس يا ابراهييييييييييييييييييييم وقـــــــــــــف أنا معيش فرامــــــــــل
عم ابراهيم بصوت يكاد يكون مسموع : هدى السرعه يا جــــــــــــــــــــــــــــبر انت على منزل الكوبــــــــــــــــــــــــري
لماضة : حالة طوارىء جيم يا اخوانا هدوء من فضلكم كل واحد يرمى شنطته بره الاتوبيس وينط فوقيها
وانا الى ربنا لمنقلبوووووووووووووون
,,,, يتبع
74 comments:
ههههههههههههههههههههههههههههههههههههههههههههههههههههههههههههههههه
ايه يا دكتوره دا
بجد انا حظي حلو النهارده تاني بوست اضحك منه للدرجه دي
كملي لما نشوف اخرتها ايه
هههههههههه
انا لسه عماله اظبط فيه يا بشمهندس والله والحمد لله انك اول تعليق بفرح اوى
بس ايه البوست الاولانى ابعتهولى عشان اضحك معاك
ههههههههههههههه
لا بجد يا لماضه انتى المفروض تعملى كتاب وتسميه يوميات لمضه هانم
:D:D:D
هو أنا مش خريج طب..علشان كدة توقعت في اول يوم تتكلمي عن البلطو بس..بس الاتوبيس!!
:D:D
انا ضحكت اوي بصراحة
وبجد اسلوب ظريف موت موت
في انتظار المزيد
من اولها كدا اتوبيس بيولع
يومياتك باين عليها هايله يا ست الحكيمة
متابعه معاكى ان شاء الله
تحياتى
يخرب بيت فقركككككككككك
انتي لا يمكن تبقي دكتوره ابدا
نصيحه بقولهالك
جمعي مواضيعك دي وانزلي بيها على اي دار نشر
لو مانشروهاش هاتيهالي انا هانشرها مع الغسيل بتاعي
بجد والله نصيحه .. خديها من قصيرها وسيبك من الطب
سلامووووووووووووز
لماضة ابقي خدي السندوتشات
حاجة في الشنطة تعملك قيمة برضه
وبعدين في وسط الدكاترة، تفرقي عليهم
وتعمليلك طقس في وسطيهم على طريقة اطعم الفم تستحي العين
يخرب بيت عقلك
بقالي زمان مضحكتش
من امبارح يعني
يسعدني أن أكون ثامن معلق - أنا بتريق بس
يالله سلام
الله الله الله
انا سعيدة جدا بزيارة مدونتك
مدونة ظريفة و صاحبتها لطيفة
يا دكتورة اعزمينا علي افتتاح العيادة بس من غير عم جبر
أضحك الله سنك يا دكتورة
السلام عليكم ورحمة الله وبركاته
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بس
يعني سندويتشات ماما وحشة وسندويتشلت طنط اللي حلوة
البالطو البالطوووووووو طار فى الهوا شاشى وقطنى وبالطي
لا ده بتوع الطب ليهم ايفيهاتهم المخصوصة
مستنيين الباقي
السلام عليكم
على الرغم من موضوعك مكتوب بلغة عامية خفيفة جميلة " تهدد الفصحى " .. الا انى لا احب " التلامض .. او اللمضنة " الا بالفصحى فتقبلى فصحتى
..
انا لست سوى إنسان خارج إطار " ما ينبغي " ..
والمسألة نسبية من زوايتى فانا ارى أننى إنسان طبيعي ..
والبشر "الطبيعيون" ينقسمون إلى قسمين من وجهة نظرى ..،
قسم يفهم الحياة على حقيقتها و يتكون من شخص واحد أما البقية فلازالوا يحاولون الفهم وهم من يشكل القسم الثاني من البشر ..!
وكل قسم يزدري القسم الآخر ، ويحتقره ، وهو يرى أيضاً أن هذا الاحتقار المتبادل طبيعي هو الآخر
..!
ما علاقة هذا بالموضوع ؟
لا اعرف و لكنى اعتقدت ان من اصول التلامض و فى رواية اخرى اللمضنة ان ادخل فى اشياء خارج الموضوع
و ها قد فعلت
الان ندخل فى الموضوع
يمكننى ان استشف من موضوعك هذا و هو استشفاف يحتمل الخطا و الصواب انك فى كلية الطب
و كلية الطب كما نعلم هى احدى كليات القمة الثلاثة
( الطب , الحقوق , معهد الخدمة الاجتماعية )
...........و
يا ميدوووووووووووووووووووووو !
احم
هذه امى
_ انت يا زفت
هههه .. مش امى اوى يعنى
_ قوم يابنى و سيبك من الجهاز اللى انت قاعد قدامه ليل نهار ده وروح شوف وراك ايييه
اسف يا لماضة مضطر امشى حاليا بس راجعلك
هتروحى منى فين
هعهعهعهعهعهعهعهعهع
تححححححححححححححفة
ضحكتنى بجد
فكك من كلية الطب انتى ممكن تطلعى كومديانة هايلة بجد
على فكرة لو فية اى ساندوتشات تعباكى
انا فى الخدمة.. بقى مفتوح 24 ساعة
أمورتى الحلوة لماضة
وصلتنى رسالتك يا جميل اول ما قمت من النوم الساعة واحدة لقيتها
ربنا يخليكى يا رب ويطمنا عليكى
ونظرنا لان رصيدى خلص كالعادة مع ماما مستنية حد يعبرنى ويجيب لى كارت
فا مش عارفة ارد عليكى .
اليومين دول مشحونة جدا بالنزول الكتير
بإذن الله السفر يوم الجمعة بعد الساعة 10 المساء
وكل سنة وانتى طيبة بالليل سأقرأ بوستك بتأنى وارد عليه
سلام يا قمر لاسرتك الكريمة وتحياتى يا امورتنا
ههههههههههههههههههههههههههه
عبالى يارب اخلص انا كمان
ههههههههههههههههههههههههههه
عبالى يارب اخلص انا كمان
ههههه
لذيذه جدا
بجد انتي عسوله أوي
كل سنه وانتي طيبه
:))))
أنا بس نفسي اعرف رايقه كده اليومين دول ازاي
بس كويس ضحكتيني في ايام ثقيله
جميل اسلوبك في الحكي
وموقف الدعاء ده كنا بنعمله في المواصلات فبنقول الدعاء
وإنا الى ربنا لمنقلبون
راحت ست عجوزه
شخطت فينا وقالت
يوه
ليه بس كده يبني
ربنا ما يجيب قلبه
منكو لله
همتحن النسا بكره
عاااااااااااا
الخميس
عااااااااااا
أول زياره ليا و شدنى أنى بحب اللماضه فأسمحلى بقى أخش أتلامض على طول عند سعادتك
أتمنى تيجى تتلامض عندى و تزورنى
هههههههههه
اجي اتلامض شويه
ياه قعدتي في الاتوبيس
انا مقعدتش في اتوبيس بقالي يجي 3 سنين و لا على موتور و لا على السبنسه
مضايقه اوي انك زودتي ميه للموتور
طب سيبك انتي
خدي القنبله دي
كان اخويا راكب الطياره ال c 130 (طائره جيش ) بس ايه طياره اجدع من الاتوبيس الطياره دي اقسم ليا مره واحد خرج من جنب السواق مره و معاه شركن و فتح حاجه في الطياره و بيدلق زيت احمر من الجركن فيه ال ايه بيزود للطياره زيت و هي طايره
ممكن اكتب اصلا بوست كامل عن الطائره ال c130
ههههههههههههههههههههه
استحاله يكون ليكي علاقة بالطب
يلا جهزي الجزء اللي جاي بسرعة انا متأكد هيبقى تحفة
سلام مؤقت
هههههههههههههههههههههههههه
فضيعة بجد يسلمووووووووووو ونااااااااطرة الحلقة الثانية لووووول
هههههههههه
هههههههه
هههههههههه
تحفة يا لمضة
فين الباقي يلا بسرعة
انتي فين كل دة؟
ههههههههههههههههههههههههه
سكر يا لماه بجد
يلا مستنين التواببببببببع
السلام عليكم ورحمة الله وبركاته
..............................
ههههههههه
لماضة لماضة يعنى
عجبنى اسم البلوج ;)
تحياتى
لماضه انتي تحفه
بجد مش ممكن حلوة أوي
بجد دحكتيني و أنا زي ما تقولي كده روحي مشرأبه
بس بجد طلعتي حكاية
* احنا زمايل في الكفاح علي فكره
صحيح انتي طب اية?
هههههههههههههه
ايخه اللى بيحصل ده
كملى حصل ايه بعد كده
كل ما تقرؤه تحت سقف واحـد
بجد بجد ... زرورنـا تجدون ما يسركم
قائمة كبيرة من شتى الكتب وبأسعار لا تقبل المنافسـة
أقل الأسـعار
بين أيديكم
دمك ثكر ثكر ثكر
بس في ملحوظه :
قل لن يصيبنا إلا ما كتب الله لنا
لن مش لا
تحياتي على البوست الرائع
ايه يا لماضة ده؟؟
موتيني من الضحك
بموت في جدعنتك و بساطتك يا بنتي
مستنية اللي حايتبع
:)
السلام عليكم
محدش مختلف معايا انك زي العسل
وان الضحكه جايه من القلب
بس عارفه في جمله
من الهم ما يضحك
انت قولتي واقع حقيقي ميه ميه
بس بدل الدموع بقينا بنضحك
لأن العيون جفت
هي لماضة بعقل دي لمضات هي مش تتقال كده بالجمع برضه
مش عارف
علي العموم سعيد اني دخلت مدونتك تحياتي
لولولولولولولى
الف مبروك يا ام لماضة بنتك بقت اجدع لماضة فى ميدان المدونيين
بقى كل واحد هيرمى الشنطة وينط عليها
ايه المشكلة منزل كوبرى يعنى
ممكن يركبو للأتوبيسات زحليقة احسن بعد كده
الا انتى هتتخصصى وتبقى داكتورة ايه ها
سلامنتوز
هبة
أنا أول مره أعدى من هنا
بس إيه ده لماضه لماضه يعنى
بجد مسخره
تحياتى
بت يالمضة يا وحشة
فينك وحشانى مووووووووووت
ولا بقيتى تعبرينى خالص خالص
اوعى تكونى بتذاكرى
يارب اشوفك اكبر دكتورة
ياريت تضيفى ميلى وتعرفينى بتدخلى امتى
سلامووووووووز يا لمضة
السلام عليكم ورحمه الله وبركاته
تقريبا البلوج بقى ليه نيو لوك بس شكله لذيذ
وكل سنه وانتى طيبه وتنعاد عليكى الايام بخير ان شاء الله
ثالثا حو اون مستنين باقى اليوميات بس ليه بالطو الافوكاتو :S
ههههههههههه
ايه يابنتى ده بس
بوست جامد اخر حاجه وقتلنى ضحك
ربنا يجعل كل ايامك اللى جايه حلوه ان شاء الله
هههههههههههههههههه
يه يا دكتور الجمال ده
بجد دمك زى العسل
ربنا يستر عليكى فى الطريق
ويعينك
بجد يا دكتور مدونة زى العسل وبوست رائع جدا
الله ينور
بجد ظريف جدا
انتى على فكره عندك قدره على الحكى
مهم جدا انك تنميها اكتبى ولو سمحتيلى ابقا اكتب رايي بتوسع بعد كده
بجد ظريف جدا
انتى على فكره عندك قدره على الحكى
مهم جدا انك تنميها اكتبى ولو سمحتيلى ابقا اكتب رايي بتوسع بعد كده
جيت اقولك كل سنة وانت طيبة
ويارب يارب تكوني بخير وسعادة
لا تنس فقيراً او يتيماً او محتاجاً في هذا العيد..
لا تنس ان تبادري بالصلح مع من تخاصمين
لا تنس قريب او قريبة بزيارة في العيد
لا تنس كف مرفوع ولسان يستغفر وعين تدمع..مع الله في هذا العيد
تك كير
(:
الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................
كل سنة وانتم طيبين
lamadaaa:
ye7'reb 3a2lek post zay el 3asalal o mn hena o raye7 ana hatlamed ma3aky ya dr o rabena yewaf2ek
kol sana wenty tayeba ya sokar
salomz
دكتورة كل سنة وانت طيبة والسنة الجاية يبقى مفيش باص ولا سندوتشات
دكتورة كل سنة وانت طيبة والسنة الجاية يبقى مفيش باص ولا سندوتشات
كل سنه وانتى طيبه وتنعاد عليكى الايام بخير
كل سنه يارب وكلكوا طيبين وبخير وصحه
انا مش عارفه اشكركم ازاى واقولكم ايه انكم افتكرتوا العابده لله
وان شاء الله ارد على التعليقات فى القريب العاجل
لك الله يا لماضة
بجد اسعدتونى بارائكم جدا
يلا اديكوا على العيديه بقى
لا يا ستي ملكيش عيدية عندنا هو تعليق و غرامة ولا ايه ؟
:)
بصراحة ضحكتيني جداً
إحنا كنا بنسمي الأتوبيس المهكع ده كركر
بس كان كركر ده عامل معانا أحلى واجب و بيوصلنا الكلية فشر السوبر جيت
ههههههههههههههههههههههه
ربنا يكرمك يا لماضة و يفرحك دايماً زي ما فرحتي الناس كده
خالص التهانى القلبية بمناسبة عيد الاضحى المبارك
كل عام وانتم بخير
happy feast
full of meat
friends meet
relatives greet
clothes gdeed
money bel3abeet
afrah w zagharit
w tarabatateeeet
كل سنة وانتى طيبة بمناسبة عيد الاضحى المبارك اعاده الله جميعا باليمن والبركات
البوست رااائع
وبجد دمك خفيف جدا يا سكر
ودى كانت اول زيارة لمدونتك الرقيقة وان شاءالله ماتكونش الاخيرة
تحياتى
شيماء
ايه ده يا لماضه
يومياتك عسوله زيك
كل سنه وانتى طيبه يا دكتوره
هههههههههههههههههههههههههههههههههههههههههههههههه
بجد ضحكتينى .. اضحك الله سنك
بس عجبتنى اوى حتة
فيه ازازة مية جنبك و فيه فتحة
هههههههه
فجأة اتحولتى من دكتورة الى تباع فى الاتوبيس
ههههههه بجد بوست جامد
جامد...جامد...جامد...جامد
اربعة جامد
هههههههههههههههههههههههههههههههه
بوست جميل والله
انا نفسي مره أسوف حد في طب ويكون ماشي كده مبسوط ومرتاح.
ربنا يوفقك وتكملي اليوميات بنفس الأسلوب الشيق ده.
..........
كل سنه وانتي طيبه وعيد سعيد عليكي وعلى الجميع
تحياتي
كل سنهوأنتى طيبه يا لمظه
بسرعه كملى أنا عماله أضحك من وقت ما قرأته
ألحقينى بلى بعده
ازيك يالمضة ياكسلانة فين باقي اليوميات؟
كل سنة وانتي لمضة وطيبة وبخير
شكلي هابقى زبونة مستديمة
انت في سنة كام دلوقتي ؟
فكرتيني بايام البالطوا الابيض
ههههههههههه
هههههههههههههههههههههههههه
يخرب عقلك موتتينى من الضحك والله العظيم
اسلوبك يجنن ودمك زى العسل
يلا كل سنة وانتى طيبة
حضيفك عندى علشان اعرف اجى كتير
سلام بقى
والله يا جماعه ما عارفه اقولكوا ايه بجد
ومكسوفه جدا من نفسى انى مش قادره اعلق على كلامكوا الحلو ده
الواحد كده يتغرغر بقى
ههههههه
انا خلصت طب السنه دى الحمد لله
وشاهىمخصوص عشانك يا قمر اليوميات الجديده النهارده باذن الله لما ارجع من الشغل
اسعدتونى جداااااااااااا
اهم حاجه ان البالطو اتلوووووث
وشرف الدكتور ف بالطيه
مش هقلك اكتر م كده
سو سو سو نايس بوست يالماضه
والله مش عارف اقولك ايه بجد هتخدى ثواب كبير فيا لانى ما ضحكتش كده من زمان ومبروك على التخرج عقبالى يارب وانت بصراحه دمك زى العسل وان من النادر انى الاقى طالبه طب ودمها عسل كده ونفسى اجوز واحده يكون دمها زى العسل زيك يارب يارب
ههههههههههههههه
هههههههههههههه
ههههههههههههههههههههههههه
انتي رهيبة و سكرة اووووووووووي
اسلوب تحفةةةةةةةةة يا لموضه
عايزين تااااااااني
هروح اجري اقري اللي فاتني
ربنا يسعدك يا سكرة
:)
الأخت اللمضة
أعجبتنى لماضتك
خالص تحياتى
فكرتيني يا لماضة بايام الكلية لما كنا بننسى رقة البنات في آنسة في الدنيا زى القمر تقعد على الموتور يلا في الاخر هنبقى دكاترة باذن الله
اوكيه يمكن مكونش قدك في اللماضة ويمكن انتي برضوا متكونيش قدي في الشقاوة موش مهم
المهم اننا احنا الاتنين بنحب مخلوف اللي اتحول لشجرة في وسط البلد
اكيد عرفت دلوقتي انا دخلتلك منين وعرفتك ازاي
تحياتي وشكرا على خفة دمك
فكرتينى بايام الكلية بتاعة زمان... ,و فكرتينى بالأوتوبيسات .. أنا ركبت واحد من شهرين و هو الخالق الناطق إللى بتوصفيه بغباوته.. عمار يا مصر .. ثابتة على موقفك صحيح.
حقيقة الموضوع روعة يا لموضة
وأنا زعلانة لأنك معدتيش علية وأنا كنت مستنياكي .. متنسيش المعاد المره دي وعنوان مدونتي ميتوهش
كانت أياااام
بس بالنسبالي كانت الحياة أحلى من كدة شوية
لا أتوبيسات مستهلكة و لا محاضرات مبالغ فيها
بس أيام حلوة
الطب من الكليات الظريفة اللي بتجمع بين العلم و الاخلاق و المرح للي عاوز
لامؤاخذه يعنى مالهم بتوع الصنايع يعنى
هو ايه اللى ما بتوع الصنايع بيلبسوا بالطو هو انتى فاكره ان الصنايع 3 سنين بس زى ما بيقولوا
ابدا والله فى صنايع عشر سنين
انتوا كده يابتوع تب
تبا لكم
اسف طبعا
لامؤاخذه يعنى مالهم بتوع الصنايع يعنى
هو ايه اللى ما بتوع الصنايع بيلبسوا بالطو هو انتى فاكره ان الصنايع 3 سنين بس زى ما بيقولوا
ابدا والله فى صنايع عشر سنين
انتوا كده يابتوع تب
تبا لكم
اسف طبعا
ههههههههههههههه
بجد تحفة جدااا
انا كمان مكانى المفضل الموتور لدرجة انى بخاف اجى اقوم فى مرة الاقينى لزقت
انا بس عاوزة اطمن على البالطو لحسن اول واحد ده بيبقى اجمل واحد دا انا فى سنة اولى جبت يجى 7 بلاطى (جمع بالطو) كل اما اركب ميكروباص ولا اتوبيس اسيبه لعمو السواق تذكار يعنى ^_^ الله اعلم فى تانية هجيب كام
ممكن تلاقى عم جبر عنده واحد منى XD
على فكره يادكتوره انا عايز انقدك بتقبلى النقد ولا نقد بناء طبعا
بقبل يا افندم اتفضل بس بلاش ضرب
Post a Comment