فيه ناس سابت الراس واحتفلت بالرجلين او بمعنى ادق بالحذاء زي ما امتعنا الزايدي بالضربه الحره الغير مباشرة
لكن للاسف فيه ناس مصره تحتفل بيها عن طريق المفرقعات تقريبا كده والله اعلم في صغرهم من كتر ما كانوا بيلعبوا بالبمب ومسدسات الميه زي ما المثل بيقول ابنك على ما تربيه فطلعت تربيتهم دي على خلق الله عن طريق تسديد ضربات حره مفخخه على قلوبنا
ناس تانيه صاحبة مزاج عالي قوي بتحتفل برقص عفوا رأس السنه على انواع مختلفه من الاستقصاءات الي تجيب المرارة والحلاوة قصدي السكر في نفس الوقت زي مطرب العام وممثلة العام و..... العام وبلاش أفسر بدل ما نروح في داهيه كلنا
كل واحد فينا بيحتفل على طريقته
في طالب بيحتفل بمرور التيرم الاول بالتفكير في التخلص من كافه الكتب دون رحمه فور انتهاء امتحاناته
والد ورب اسرة فاضل بيدور على المرتب الفاضل في جيوبه وبيدعوا بالستر حتى طلوع النهار بأمان ليسرع في الحصول على مرتبه بعد الضرايب والحجوزات والخصومات ده اذا كان فيه فاضل
ناس مسافره وناس مفارقة وناس بتفتكر همومها وناس بتداري ندمها على سنه فاتت ويا سنه ما تمت
وناس بطلت تفكر وسلمت امرها للرب يدبر
اما انا فبتشاقى مع والدي زي كل سنه بنحتفل فيها بسؤاله حد يتولد في البرد ده ؟؟
كنت أصغر من كده
كنت أصغر من كده
بشوية سنين
بغلط كتير ف عدها
كنت أصغر من كده
والدنيا طولها
أد عرضها
كنت ممكن أحب ف اليوم
ألف مرة
وكل الحاجات كانت
تليق على بعضها
كنت أصغر من كده
بسنين كتار
كنت فاكر
إن الناس تسافر
بس عشان تحج
ماكنتش أعرف
شكل تصريح السفر
ولا ختم الدخول
ولا الباب الحديد
اللى ف صالة الوصول
ولا كنت لسه تعبت
من قسوة الانتظار
كنت أصغر من كده
والدنيا أولها هنا
حضن أمى
زى كوباية حليب
أو معلقة عسل
قبل الفطار
كل يوم بعد العشا
استراحة من تعب طول النهار
جدى لا كان عنده دهب
ولا عنده سهم محيره
فى سوق العقار
جدى كان عنده يقين
الله حى
والبركة دايماً ف اللى جاى
والبنات زى البنين
وهو ده المعنى الحقيقى للعمار
يفتح كتاب الحب
نفرح كلنا
يشرح لنا
ويقول لنا
وصانا ليه سيدنا النبى
على سابع جار
علي سلامه
بشوية سنين
بغلط كتير ف عدها
كنت أصغر من كده
والدنيا طولها
أد عرضها
كنت ممكن أحب ف اليوم
ألف مرة
وكل الحاجات كانت
تليق على بعضها
كنت أصغر من كده
بسنين كتار
كنت فاكر
إن الناس تسافر
بس عشان تحج
ماكنتش أعرف
شكل تصريح السفر
ولا ختم الدخول
ولا الباب الحديد
اللى ف صالة الوصول
ولا كنت لسه تعبت
من قسوة الانتظار
كنت أصغر من كده
والدنيا أولها هنا
حضن أمى
زى كوباية حليب
أو معلقة عسل
قبل الفطار
كل يوم بعد العشا
استراحة من تعب طول النهار
جدى لا كان عنده دهب
ولا عنده سهم محيره
فى سوق العقار
جدى كان عنده يقين
الله حى
والبركة دايماً ف اللى جاى
والبنات زى البنين
وهو ده المعنى الحقيقى للعمار
يفتح كتاب الحب
نفرح كلنا
يشرح لنا
ويقول لنا
وصانا ليه سيدنا النبى
على سابع جار
36 comments:
كل سنه وانتى راس
يوه قصدى طيبه ولمضه كدا زى ماانتى
والسنه الجايه تكونى فى احلى وحده صحيه مع تيرمومتر وسماعه وعيشى حياتك وانا زيك بردو
عام جديد سعيد بإذن الله
أنا بأحتفل كل سنة بشكل مختلف حسب المكان والزمان والناس ال بأكون معاهم
تحياتى
كل سنة وانتى طيبة وعام سعيد عليكى يا كبيرة
كل سنة وانتي طيبة يا دكتورة مروة
وكل سنة وانتي الى الله اقرب
وبصحة وسعادة وتقدم
وكل عام وجميع المسلمين بخير
واهنئ اخواننا الاقباط بأعياد الميلاد
تقبلي مروري مع التحية
كل سنة وانتى طيبة يا مروة
وعام سعيد عليكى وعلى مدونتك
كل سنه وانتى مسلمة نقيه قريبه من الله يالماضه
على فكرة انا بحبك جدا فى الله
صحيح لاشفتك ولاشفتينى
بس الارواح جنود مجندة
مش عارفه هتفتكرينى ولا لا؟
انا ايمان مصرى
كل سنه وانتي طيبه يارب وتكون سنه احلى من الي فاتت
كل سنة و انت طيبة يا مروة
كل سنة و باباكي بألف صحة يا رب و ربنا يباركلكم فيه
يلا سلام
كل سنه وانتى طيبه يا لمضه
السلام عليكم ورحمة الله وبركاته
كل سنة وانت طيبه يا لمضمض يا ختي
انا احتفلت بالراس تحت اللحاف والبطانيه
بقي بالزمه الواحد هايكون له نفس يعمل اي حاجه تانيه في الظروف المنيله اللي احنا فيها دي
يارب يالماضه تكونن 2009 احسن ولو شويه صغيرين من 2008
كل سنة وانت طيبه
سلام
كل سنة و انتي طيبة يا جميل
يعني مفيش احلي من علي سلامة
كل سنة وإنتى طيبة يا لماضة
وإن شاء الله السنة الجاية تبقى سنة سعيدة عليكى يا رب
انا بقى .. وعيلتى الكريمة طبعا بنحتفل بالراس .. إن ماما بتعمل بليلة .. ونفضل نفرقع فى بليلة وناكل لغاية ما نتسطل
هههههههههه
ايوة أحتفال بالراس بقى مش أى كلام
كل سنة وانتى طيبة
كل سنة وانت طيب والسنة الجاية تكون فى احلى صحة
كل سنة وانتى طيبة
واسرتك بخير
وسنة سعيدة عليكى
وتسلم اختياراتك
تحياتى
كل سنة و انتى طيبة و لمضة يا لمضة
و كل سنة و باباكي طيب و بخير
و ربنا معاه فى لماضتك
انا عايز اتكلم فى نقطتين يا ست لماضة النقطه الاولى انتى غلطتى لما قلتى ان الجزمة بتاعة منتظر الزيدى كانت ضربة حرة غير مباشرة لانها كانت مباشرة يعنى لو كانت جت جون كانت تتحسب على طول
النقطه التانية بحييكى على القصيده الجميلة وعلى حسن اختيارك ليها
Kol sana we enty tayba ya Lamada
Hope u the best in 2009 keda isa
كل سنة وانتى طيبة يا قمر
يارب السنة دى تكون احلى واجمل من اللى فاتت
كل سنة وانتى طيبة يالموضة وكل سنة تبقى لمضة اكتر من الاؤل
وكل سنة وعمو
قصدى باباكى طيب وبخير
وابقى تعالى ياختى زورينى السكة مش بعيد
كل سنه وانتوا يارب بالف صحه وسلامه
ويارب السنه الجديده تكون افضل من اللى فاتت
بعتذر منكم عن انشغالي
ادعولي بالتوفيق الفتره الجايه
ضروري
اياك حد ميدعيش
كل سنه وانت طيبه يالاماضه
انت كلامك زى العسل وظريفه قوى
ووسط كلامك بالاقيك مخك كبير قوى وتعبيراتك ليها معنى عميق
انا بجد مبسوطه انى عرفتك
تحياتى ليك ولباباكى
وكل سنه وانت طيبه ياقمر
كل سنة وحضرتك طيبة يا دكتورة
ربنا يحقق كل أحلامك
كل سنه وانتى لمضه يا لماضه هانم ولا اقول يا دكتوره لمضاه؟
انا اعجبت جدا بلامضتك وانا جديده فى الدتوين بس فرحت قوى لما شفتك وكنت باتفرج على مدونتك وانا مستمتعه بيها
يارب الحياه العمليه ما تاخدكيش مننا وانا اكيد هتعلم من لماضتك كتير بعد اذنك انا اضفتك عندى ويسعدنى انك تزورى اول تدويناتى
ربنا يوفقك ويزيدك لماضه
كل سنة وانتي طيبة بوست جميل
احلى حاجة في السنة اللى عدت هى الحذاء اللى فش غل ناس كتير وختم السنة وخدمة بوش بالجزمة
دكتورة مروة ليكى تاج عندى روحى خودية
كل سنه وانتى طيبه
مش عارف فاكراني اصلا ولا ايه
تحيات بهيه
gloves lesa 3ndy
كل سنه والسيد الوالد بخير
وانت طيبه
والسنه دي احسن من الي فاتت وهاادعيلك الفتره الجايه ضروري
:)
بنت السحاب
قبل اي حاجة
الله عليك يا عم علي
كل سنة و أنت طيبة و السنة الجية
تكون علي الأقل زي الي قبليها ان شاء الله
كل سنه وانتى طيبه
ودايما فى الراس
غنوة غزه
happy death day to us!!!!
كل سنة وانت طيبة يا لماضة
http://modawen5ana.blogspot.com/2009/01/blog-post.html
ده الموضوع بتاعك معموله سكان شوفيه وقوليلي رايك بقا
ممكن نحطها على الفته
وبعدين نكسرها بايد هون جامده
ونكلها
لماااااااااااضة
معقول زورتيني
مش مصدقة
انا كنت بجيلك كتير واعلق عندك زمان وبعدين كانت ردودك عليا بحس انك مستغلساني فبئيت اتابعك من بعيد لبعيد وبصراحة كشيت منك
اصل انا على اد منا كمان لماضة بس مش مع كل الناس
كل سنة وانتي طيبة يادكتور وسنة احلى من سنة يارب انشاء الله
دمتي بكل جميل .. واسعدتني زيارتك بشدة
ربنا يخليكوا ليا
كل سنه وانتوا كلكم بخير يارب
انا هاجي اتلامض مع كل واحد في مدونته
عقابا انه اتلامض معايا هنا
ويارب يزيح الغمه عن العالم العربي وعن غزة بالاخص
أحب أتلامض معاي
على سلامة كتاباته جميلة الناس مش واخدة بالها منها معرفش ليه
بحس انه مقهور على البلد وبيكتب احساسي بس بكلماته هو
أول مدونة ألاقي فيها كلامه مكتوب
معلش بكتب في مدونات قديمة بس بيعجبني اتصفح من جوة المدونة مش آخر موضوع بس
تحياتي
Post a Comment