Monday 15 November 2010

عزيزي وزير الصحة 2


عزيزي وزير الصحه

بعد التحيه ,,,

اكتب لسيادتكم خطابي الثاني والذي أعلم انه لن يصلكم ولكني اتمنى بل ارجو ذلك .. نعم فالرجاء سيدي اصبح مقدمة لكل طلباتي ووسيلة للوصول لحقوقي .. التي صعب عليّ ادراكها بشتى السبل
فأنا فخامتك .. واسمح لي سعادتك ايضا ان أبجلك .. فهذا اسلوب اعتدته مذ سلكت طريق الحق في هذا البلد .. كي احظى بفتات حقي .. التي قد تؤهلني لعيشة كريمه .. وأي كرامة بعد الرجاء والتبجيل
كرامة داخل صندوق فولاذي من الذل بكافة صوره
لن اطيل على حضرتكم .. فمنذ شهور قد استلمت نيابتي في تخصص لا اعرف لحسن ام لسوء حظي ان اعمل به .. وهو تخصص الاشعه فحسن حظي تكمن في انه تخصص سيادتكم من قبلي .. وسوءه هو ما واجهته منذ استلامي له وحتى الان .
حلمت كثيرا ان اخدم بلدي وعدم تركها مهما كانت الصعاب .. ومهما بلغ بي التعب من النحت بصخور العلم والتعلم .. وكنت ارى في هذا الاجتهاد متعه ما بعدها متعه
وعلى نهج ذلك استلمت عملي بمكان نائي .. بعيدا عن اسرتي التي تعتبرني قرة عين لها .. ولا يهنأ لها بال وانا فتاه بعيدة عن دفء بيتها .. سعيت كثيرا لانال اكبر قدر من الخبرة .. حتى اتمكن من ممارسة التخصص المطلوب على اكمل وجه .. كي لا أزج باي مريض للموت وليس للمساعدة على شفاءه
وكانت اولى خطواتي هي طلب العلم .. كما تشربنا بذلك منذ الطفوله .. وكما فرضته علينا اديان السموات
فماذا كان جزائي؟؟؟
جزائي كان كسر أنف ابا الهول .. وليس هذا الا جزء يسير في مجموعة الكسور التي لحقت بي من كسر الامل و كسر الادمية وكسر الكرامة وكسر المجاديف وكسر النفس
باختصار اردت ان التحق بالدراسات العليا .. والتي هي فرض عين على كل طالب طب بعد تخرجه .. واختياره تخصص في عدد محدد من السنوات .. لافاجىء برفضي من جامعة تخرجي بمنتهى الاستهتار.. وبعد ظهور نتيجة التنسيق متاخره جدا لبقية الجامعات .. حتى يفوتني اي فرصه للتسجيل باي جامعه اخرى .. ويتجمد حلمي مؤقتا لسنتين او ثلاث على الاقل دون ادنى مسئولية على اي مصلحة تقدمت بشهاداتي بها
وبمبالاة شديدة أجد وزارتي الصحة والتعليم العالي متواطئين في الحجر على عقلي وحلمي وهدفي الذي اراه ابسط ما يكن .. فقط اردت حقي في استكمال تعليمي .. او عفوا تحسين ادائي الوظيفي بمعنى اخر
لن اطيل على سيادتكم بتفاصيل رتيبه ومميته جدا .. كأي مكتب تقدمت بأوراقي لديه للمطالبة بحقي الشرعي جدا .. والقانوني جدا جدا .. والمنطقي جدا جدا جدا .. والمهضوم جدا جدا جدا جدا .
 سعادة الوزير احب ان ابشر سيادتكم بعد ما واجهته من اهانات واستهتار بسنون عمري .. وشغفي .. وحبي لعملي .. ومساعدة بلدي كرد للجميل
انتظروا مني رد الجميل في مريض قد اودي بحياته الى ابعد من الموت .. ومعاملته ابشع مما عوملت داخل اروقة الوزارة
وانتظر مني ايضا اللجوء لكافة الطرق الغير شرعية لأخذ حقوقي الشرعية
واخيرا بعد كل هذا انتظر مني ان اترك هذا البلد لسيادتكم غير آسفة ابدا
مخلفة ورائي اي هدف حلمت بتحقيقه وبذلك فقط يتحقق هدف اولي الامر منكم

امضاء
طبيبه للاسف

22 comments:

محب روفائيل said...

هههههه

اه احب اتلامض طبعا ( ده ردا على دى

لو تحب تتلامض اتفضل ؟ رأيك يهمنى)

عموما أنا مش عارف أقول أيه

يعنى انا قالولى أدخل طب والحمد لله جت من عند ربنا وتنسيق المرحلة الاولى مكنش كويس فدخلت حاسبات من علمى رياضة

هل فعلا كليات القمة بقى بيحصل فيها كده ؟

أنا خايف بصراحة على نفسى لحسن يجيلى شلل أطفال

ربنا يصبرك يا دكتورة على اللى انتى فيه ويقدملك كل خير

تحياتى
الكاتب محب روفائيل

sal said...

كل عام وانتم بخير

بنجاواتى said...

الله المستعان

ما تشعرين به هو احساس عام يكابده كل طبيب فى هذه البلد

فمنذ بدأنا الامتياز ولم نر كرما من أى أحد ويستمر هذا السلوك تجاهنا حتى جحدنا هذه المهنة فى هذه البلد

تحياتى

نبض اسكندرية said...

مخلفة ورائي اي هدف حلمت بتحقيقه
هذا ما فعلتة انا ايضا
شعور سخيف انك تكون رمز الشحاتة وتبنى وزارة للشحاتة
على رأى الخج
انصحك تسمعى جحا يمكن يفك همك شوية
الله المستعان يادكتور

romansy said...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

أنا - الريس said...

كل سنة وانت طيب يا لماضةة

عيدك مبارك :)

Unknown said...

يا جماعه دي نفحة من الوزارة

AhmKashwa said...

لا املك شوى العجب من كل هذا

فقد اصحب فعليا هذا حال مصر كلها

فعلا انا كان نفسى اقعد فى البلد دى انا كمان

بس اكتشفت حاجه واحده

لو عاوز اقعد وناس تحترم شغلى وتنفذه لى يبقى مفيش قدامى غير موسسه الجيش المصرى لانه الموسسه الوحيده المصيريه اللى مسموح ليها بكده

غير كدا يبقى السفر بره لاى بلد محترمه علشان تقدر العلم بس

هديـــل الـروح said...

لماضه للأسف مش عاوزه اقللك انى جبتيلى احباط بجد والله بعد ما كنتى بتفرحينى ..معقوله اول ما اتخرج هلاقى الصعوبات دى كلها ..ربنا يسترها معانا ومعاكى يا رب بس انتى ادعى ربنا كده ييسرلك أمورك يا رب

كل عام وانتى بخير

Unknown said...

دعوه عامه ونصيحه لوجه الله
محدش يدخل عياله طب ومحدش يدخل طب تاني ابدا

ana ga3an said...

اجيبلك عقد عمل في الخليج وكام سنة وترجعي تفتحي وزارة صحة

Unknown said...

جعان باشا

ابعته بالبريد المستعجل

قلم رصاص said...

ربنا يبشبش الطوبه اللي تحت راسك ياسعد
وصدقت ياخويا حين قلتها وارتحت:

مفييييييش فايده

!


احترسي يادكتوره ..مصر ترجع الى الخلف


بكل أسف مفيش ادامك الا ان تسلكي الطرق الملتويه او ع الاقل تستخدمي الاسلوب التقليدي لعله يجيب نتيجه لحين ماربنا يسهل

جربي تبعتي شكاوي كتير لكل الجهات العليا وعلى رأسها رياسة الجمهويه
صحيييييح مفيش فايده زي ماسعد صديقنا العزيز قالها يجي من 100 سنه بس حاولي مش هتخسري حاجة..حاكم ساعات الناس بتستجيب أصلهم بركه..وناس طيبين أووووووي
على رأي عادل امام

ربنا يسهلها معاكِ يارب

وكل سنه وانتي طيبه وعيد سعيد

ع الاقل عيشي اللحمه اليومين دول وليكن مايكون فيما بعد

^^

Unknown said...

عمركم تتخيلوا موظفه عشان مش راضيه تمشي طلبي وعاوزه توقفه باي شكل مع انه من حقي قانوني جدا اعمله
انها تغير شكل امضتها عشان الموظفين الي بعدها يفكروني مزوره امضتها
حد يتخيل كده
ولما الموظف انتبه ان الامضاه متغيره راح سالها قالتله اه امضتي عشان مش عاوزه امشي الطلب ده
مع ان مفيش بيني وبينها اي شىء
كل ما في الامر انها مستغربه ليه انا بجري ومبهدله نفسي عشان امشي مصلحتي ليه مسكتش واستنى سنتين زيي زي بقيت الناس الي قعدت في بيوتها واستسلمت للامر

عمرو يسرى said...

ربنا يسهلك امورك يارب
ويسهللك اجراءات الحكومه يارب

قلم رصاص said...

كلامك الأخير عن موقف الموظفه ..قمة الفساد الإداري اللي تغلغل في شرايين الدوله

بجد حاجة تفقع المراره وتزعل
يعني دا موقفها وبكل برود اعصاب عشان انتي اختلفتي عن الاخرين؟

مش هقول لو احنا في بلد كذا او كذا ونقعد نتمنى بقى ونولول ..بس بشكل عام اوعي تسكتي على الموضوع دا
صدقيني ان شاء الله هتغيري من الامور امور وهتفيدي غيرك اللي هيجي بعدك بموقفك ان شاء الله ان لقى صدى عند اللامسئولين

وركزي على ضرورة التحقيق مع الموظفه دي بأي شكل لو هتبعتي فاكس للنائب العام واهو العيار اللي ميصيبش بيدوش

ماهما كدا كدا ضروك لمجرد انهم عطلوا ورقك في الكليه هيعملوا ايه تاني

توكلي على الله وخدي خطوه

سلام عليكم

Unknown said...

خلاص اصلا الحركه راحت عليا وهضطر استنى سنتين
الحركه الجايه
وياعالم اكيد نفس السيناريو هيتم
فيه شوية موظفين وقوانين في بلدنا عاوزه الحرق
انا بقالي 3 سنين مخلصه كليه ودراسه ولحد دلوقتي مسجلتش وكمان سنتين هستنى يعني خمس سنين بعد الدراسه
النتيجة مخي وقف وبقيت ولا كوز الدره
ومنتظرين منا نواكب التقدم ونبقى اشطر دكاتره طيب ازاي اصلا

مهندس مصري بيحب مصر said...

بس أوعي تطلعيه على العيانين :)
و نصيحة سافري لو تقدري أحسن 1000 مرة
ربنا ييسر لك ما فيه الخير

dr.mimo said...

معلش يالماضة
كلنا هذا الرجل
شكلك كده دفعتى انا كمان بقالى 3 سنين باشتغل
بس احب اقولك ان انا اتقبلت فالدراسات العليا فى جامعة تخرجى للاسف
ودا طبعا لان الوزارة المبجلة وجهت كل واحد على جامعة تخرجه غصب عنه رغم ان اول رغبة ليا كانت جامعة تانية
كنت باحاول امشى على مبدأ لايلدغ المؤمن من جحر مرتين ونسيت ان وزارة الصحة واقفة بالمرصاد لاى حد يشم نفسه شوية
اخيرا اوصيكى بالصبر
وان شاء الله فى تقديم للدراسة فى شهر 5 ابقى قدمى وربنا يوفقك المرة دى

Dr Rania Bedair said...

أنا عندي صديقة دفعتي مرت بظروف مشابهة لكدة هنا في كلية طب الاسكندرية و اضطرت إلى تأجيل التسجيل إلى شهر ٩ السنة القادمة و لكتها بعد مادعبست و سألت و حاولت كتير إنها تسجل بطريقة غير شرعية (يعني تدعي إنها طبيب حر و هى نائبة فى وزارة الصحة) وصلت إن في حاجة ما حدش يعرفها اسمها التعليم الطبي المستمر و ده عبارة عن نظام دراسة بنظام الساعات المعتمدة يمكن ل أي أحد التسجيل فيه على حسابه و لأي عدد من الساعات و بعد كدة لما يسجل رسمي يتم خصم هذه الساعات من الساعات المقررة بعد ذلك
You can try this and if u r interested i can give u her contacts for more detailed information,,,,best of luck

Unknown said...

طيب ياريت يا دكتور رانيا
انا فعلا يئست خلاص وقاعده مستنيه الحركه الجايه ولسه هلف في نفس الدوامه

naftalilagattuta said...

Mr. Pai Gow Poker | Casino, Dining, Gaming, and More
Casino, Dining, Gaming, and 여수 출장마사지 More. Enjoy your stay at the casino 안산 출장안마 and dine your eyes on 평택 출장샵 the beautiful surroundings in 경산 출장마사지 our picturesque deluxe 군산 출장샵 accommodations.