بعد خمستاشر سنه خدمه في بشري هلبس نضاره ... تقريبا ده ذنب الرجالة اللى عايرتهم بالعمى هنا .. ومبقاش حد احسن من حد
خلاص بقيت خليفة شعبولا في الملاعب .. اقول ايه في نفسي وانا بقى فيا كل العبر
دكتورة .. وقصيرة .. وبنضاره !!! ناقص ايه تاني أقرع وأبقى بكرش ؟!!
20 comments:
اويك يا قمر
بقالي كتير مش بشوفك
وبعدين مالهم اللبسين النضارات بيشوفوا احسن من اللي من غير
ولا ايه يا دكتورة
ايون طبعا احسن
بس حوار عصير البرتقان بالجزر الي قعدت اشربه ده طلع فااااااااااااشل
مش هقولك مش بالشكل.
لأن مجتمعنا بياخد بالشكل
بس أحيانا الطريقة والأسلوب والأخلاق تطغي علي اي حد .
ربنا يوفقك ويكرمك قادر يا كريم
امييييييييييييين يارب
كلنا لها
عن قريب
:)
كلها 4 الاف جنيه وليزك وتبطلى تبقى زى شعبولا
ربنا يهديلك وزارة الصحة تزود المرتبات
يا اما تصرف لكم بدل عيون
:)
ياااااااااااااااه
هى النضارة وحشة قوى كده
انا لابسة نضارة من اجازة 3 اعدادى
يعنى نص عمرى قضيته ورا الازاز
وعادى وميت فل واربعتاشر
اهم حاجة فالدنيا ان احساس الطشاش يختفى
وبعدين النضارة دى زى البالطو يونيفورم يعنى
اهلا بك يالماضة ومرحبا فى عالم الفاترينات
خشى برجلك اليمين واقعدى جمب اخواتك
اقرع وبكرش
ههههههههههههههههه
والله انتى سكررررررر
وبعدين انا مشوفتش دكتور قبل كده من غير نظارة
ده حتى يبقى عيب فى حقه
سبع سنين مذاكرة وتمقيق لعنيه فى القواميس والمراجع وميلبسش نظارة
ده حتى الناس تفتكره دكتور اى كلام ومكانش بيذاكر
ههههههههههههه
وبعدين مالها النظارة
دى موديلاتها والوانها جميلة
اسالينى اناااا
عشرة عمرررر
هههههه
تحياتى ليكى :)
ههههه معلش كلنا لها
دا حتى النضارة بتتدى هيبة بردو :)
ده أنا لابس نضارة من قبل ما أدخل المدرسة أساساً
وفي الكلية العتيدة دي بقى عندي واحدة كمان للقراية فقط
وهبقى بكرش قريب
وفي طريقي للصلع بمعادلة جينية بسيطة وبعض المظاهر الاولية المبشرة جداً
الحمد لله إني مش قصير كمان
:(
يامرحب بيكي في عالم النظارات
!
على فكرة، لو عيونك مش جافة ممكن تلبسي عدسات لاصقة
أصل أنا لابسة نظارة من خمستاشر سنة كدة، وما بالبسش العدسات إلا في المناسبات عشان عندي جفاف في العيون بعيد عنك
عقبال ما يرفعوا المرتبات عشرة اضعاف ويبقى الليزك بمرتب شهر كدة بالكتير
;-)
يرفعوا المرتبات بمناسبة إيه ؟
مش باين كده خالص
مصر كلها حالتها في النازل
ممكن يرفعوا مرتبات الرقاصات أو لعيبة الكورة
لكن الدكاترة ... معتقدش
أصلهم مش مهمين لدرجة إن الدولة تديهم فلوس يعني
ههههههههههه مرحب بشعب النضارات
المشكله اني كنت فاشله في الكليه خلي النضارات للناس الشاطره بس
كلنا لها يا دكتوره نحن السابقون وانتم اللي لحقتونا
هههههههههههههههههه
بالعكس
دا النضاره بتعمل كدا كاريزما ديفيرينت
وبتدي ايحاء ان صاحبتها دي حاجة خيال خيال
^^
توكلي على الله يادكتور
كل سنه وانت طيبه
وسنه جديدة سعيدة
^^
looooooool
your systematic in talkin are very beautiful
dont worry i wear it but iam very handsome
its not matter
thank u doctor ^_^
كلنا لها
بس على فكره عصير جزر مرتين فى اليوم هايل
و أنا مجربه
الحمد لله
قدر ولطف
تختلف المعطيات والنتايج متقاربة
يعني شاشة الكمبيوتر والتليفزيون
والمذاكرة واللي بيحضر دراسات عليا
كلها تؤدي الي النظارة
لكن هل هذا يسبب مشكلة كبري أم أزمة عالمية-أقرع وبكرش - ده تهديد
يمكن شكل الانسان بيتغير من فترة لأخري
مع وجود بعض الاكسسوارات والكمليات
بتتغير الشخصية والشكل
ههههههههه مين عيب ابتلى ممتكلميش على اصحاب الكروش ما تعرفيش ايه اللي ممكن يحصل .. زي العسل يا دكتورة :)
ألنضارة اتكسرت يا جدعان
احم احم احم
بصي للجانب الايجابى
1-شكل حلو
2-صورة اوضح
3-معاكي جراب نظارة "اهو حاجة تتحط فى الشنطة وخلاص"
4-عندك مشروع تفكرى فيه ألا وهو تعملي عدسات لاصقة
وبعدين لعلمك كلنا هذا الرجل :)
Post a Comment