Wednesday, 30 May 2012

دخان


حبيبتي أنا عاوز نرجع لبعض تاني

هي : معاك سيجارة

آه طبعا

هي : طيب طلع واحده ودخنها .. بس بمزاج

حاضر يا ستي مع انك  دايما كنتي بتطلبي مني أبطلها

هي : ها حلوة ؟! مستمتع بيها وأنت بتطرد دخانها بره منك ؟!

طبعا .. دي احلى حاجه فيها

هي : هطفيها أمتى ؟

لما تخلص أكيد

هي : طيب ارميها قبل ما تحرق أيدك

يلقيها على الأرض ويدهسها بكل ما أوتي طرف حذائه من قوة

ها قولتي ايه ؟ نرجع لبعض ؟

هي : عارف السيجارة دي كانت أنا ودخانها كان روحي .. عموما ردي كتبتهولك على ورقة البفرة اللي حرقتها

ملحوظة :

لم أستخدم ضمير الغائب " هو " عن عمد حيث يشترط استخدامه للمفرد فقط وخاصة المذكر

8 comments:

موناليزا said...

ده بجد !!
مش مصدقة ان لماضة تكتب بوست كده :)

البطلة قوية وحاسمة موقفها
أحييها جدا على اعتزازها بنفسها وكرامتها

لماضة said...

اي خدمه يا مون مون :D

Mohamed Amer said...

:)

يا مراكبي said...

فكرة جديدة وجرئة وحلوة

حقيقي رد فعل تعليمي وقوي

وحلوة الملاحظة اللي في آخر البوست دي
:-)

سومه...مجنونه فى بلد عاقل said...

حلوه يا لماضه حسيتها احنا ووضع البلد اللى احنا فيه

الدرة المكنونة said...

الكلام حلو أوى وتشبيهك جميل جدا


ده أول رد ليا عندك
لانى لسة مشتركة فى المدونة دلوقتى
بس ان شاء الله مش هيكون الاخير ^_^

لماضة said...

ايون بقى حبه تشجيع كمان وهنطلق الى مالا نهايه

MindEktomia said...

انا وصلت هنا بالصدفة ..بس بجد فرحان جدا
التدوينة مش مختصرة ..لأ دى مركزة بطريقة عبقرية
شكرا :)