Wednesday 12 February 2014

الغباء له ناسه

كان فيه نكته قديمة بتقول مرة واحد ياباني إتحدى مصري .. تخيل اليابان بتتحدى مصر .. لأ ومش اي تحدي !! ده تحدي بالنكتة .. يعني جايين في منطقتنا وبيألشوا .. مش واخدين بالهم ان عدد صفحات الألش عندنا أكبر من مساحة قطر .. يلا معلش اليابانيين اخواتنا برضه .. خليهم يحلموا انهم في يوم يقدروا ينافسونا في حاجة .. 

المهم ان الياباني كان بيقول ان أغبى واحد عندهم بيصنع كمبيوتر طبعا كلكم عارفين فرعون المسخرة عند المصريين القدماء رد عليه وقاله ايه !! 
قال كمبيوتر قال .. انتوا مش عارفين ان عندنا ناس عينيها "الدوبلي " بتنور !! 
-معايرة مستترة للياباني ابو عين ضيقة عشان الرقابة الادارية -
وأننا أول شعب مارس رياضة الصيد بالليزر كأحدث أساليب اللعب في طيارات الجيش 
- إحنا مع عدم اللامؤاخذة عندنا أعلى معدلات الأمية والمرض والهبل ...
- ده إحنا عملنا ثورتين ودستورين وسجنا رئيسين وإتقسمنا في سنتين ..
- إحنا الحضارة والتاريخ المضارع المستمر في صناعة الفرعون .. قولنا هنبني وادي إحنا بنينا حوالي 3546785 هرم رابع بمنافعهم آيلة للسقوط في أي وقت طبقاً للمواصفات المحلية والسياسية 
- إحنا أصلا مش محتاجين نشتغل بأدينا .. عشان احنا الشعب الوحيد اللي بيشتغل " بالبوء " .. الغناء والكلام المعسول وطولة اللسان تبلغ الأمل
- من الاخر احنا معندناش حد بيشتغل بشهادته ولا بيشتغل خالص وبقينا بنجيب العيش من خبازين في الصين .. 
وعلى سبيل المثال لا الحصر أتخن دكتور عندنا بيهش وينش قطط
عشان كده إحنا مش بس حققنا الاكتفاء الذاتي من البيض ﻷ وبنصدره كمان ..
وفي الاخر تيجوا انتوا يا يابانيين تتحدونا في الغباء !!
انتوا مش عارفين أغبى واحد عندنا بيبقى إيه ؟؟
اللي مش عارف الإجابة رجاءاً ميتصلش عشان تليفوني متراقب ..


5 comments:

Unknown said...

حنا معندناش حد بيشتغل بشهادته ولا بيشتغل خالص وبقينا بنجيب العيش من خبازين في الصين :(


الشبكة الإجتماعية لشباب الخليج ودليل البن كودات
خدمة تفسير الأحلام والرؤي
خاص لأصحاب المواقع - أرقام الرسائل الرباعية
مراسلة ومشاهدة القنوات الفضائية
خاص للشركات - التسويق عبر الرسائل النصية

Unknown said...

رائع ربنا يكرمك
أرغب فى التبادل الاعلانى
رابط مدونتى http://dar-osama.blogspot.com/
اسم المدونة أوراق حائره
انا لسه مبتدأ على الله وشكرا
الايميل azmy.zero17@gmail.com

Unknown said...

رائع ربنا يكرمك
أرغب فى التبادل الاعلانى
رابط مدونتى http://dar-osama.blogspot.com/
اسم المدونة أوراق حائره
انا لسه مبتدأ على الله وشكرا
الايميل azmy.zero17@gmail.com

Unknown said...


thank you

سعودي اوتو

Unknown said...



thx

كشف تسربات المياة
غسيل خزانات
شركة نظافة عامة