من خلف الاسوار بكتبلكم
وخلاص الامتحان على الابواب
وطبعا عارفين المقوله الشهيره الى الناس دايما تقولها وفيها نوع من الذل
يوم الامتحان يكرم المرء او ياخد على قفاه
استر يارب
ربنا يعديها على خير
الواحد حاسس انه فعلا فى عنق الزجاجه وراسه محشوره زى جلبية الصعيدى
مش قادره اصدق ان السنين عدت بالسرعه دى وخلاص فى نهائى طب
حاسه انى كنت لسه يدوب مخلصه مدرسه امبارح وبدعى نتيجة التنسيق تدخلنى طب
ودلوقتى بدعى ربنا يخرجنى منها
انا بعتذر يا جماعه عن التدوين فى الفتره القادمه
لحين الانتهاء من
مش هواصيكوا يا جماعه
المدونه امانه فى رقبتكم وتقرولى الفاتحه
انا لله وانا اليه راجعون
88 comments:
السلام عليكم
ربنا يوفقك في الامتحانات
انا برضول لي اصدقاء في كلية الطب ومستنين يوم التخرج بفارغ الصبر
قومي ذاكري وسيبك من البلوج احنا حنخلص عليه
هههههههههههههههههههه
اقصد حناخد بالنا منه
وما تقلقيش من الارسولي
احنا برضه سدادين
ربنا يوفقك وعاوزين امتياز
ومستنيين الحلاوه
تحياتي وكل سنه وانتي طيبه
السلام عليكم
ربنا معاكي وإن شاء الله بالتوفيق والنجاح
وكويس إنك قلتيلنا في رمضان علشان الدعا اليومين دول مفعوله بيبقى أجمد
منتظرينك تطمنينا
ربنا معاكى وترجعى لنا بالسلامة
مع اننا حنتحرم من لماضتك
بس كله يهون فى سبيل نجاحك يا رب
منتظرين رجعة سالمة
يا رب بالتوفيق
و قلوبنا معاكى
son's egypt
اه والله انا عاوزاك تروح لصحابك دول تعزيهم وتتفرج بس على مناظرهم عشان احنا عبرة لمن لا يعتبر
دعواتك
اسكندرانى قوى
مش هوصيك على العيال امانه فى رقبتك
توكيل المدونه لعلاء
قصدى ليك
لو جرالى حاجه افتح الوصيه ووزع التركه حسب شرع ربنا
هو احنا رايحين فين مهو كله امتحان
وهناخد معانا ايه غير شويه قطن وشاش
كله فانى ولا دايم الا وجه الله
الا رسولى انا وكلتك بالنيابه عنى زى ما اتفقنا
ربنا معاكواااا
مش ه وصيكوا الفاتحه لما تفتكرونى وتدعولى
rack-yourminds
امتياز حته واحده قول يارب اعدى نظيف حسبى الله ونعم الوكيل
اموت واعرف مين زقنى
ليك عليا لو عملتها ازازه حاجه ساقعه لكل المدونين من ام جنيه وربع كل واحد شفطه
يلا يا عم شبرقوا نفسيكوا
ادعيلى بس
علاء سالم
ايوه مش هوصيك
فجر ظهر عصر
ساعه اكل البلح او عى تنسى اول حاجه تدعيلى
وفى التروايح وانت بتعيط
امانه عليك
بس الامتحان هيمتد لبعد العيد للاسف
ادعيلى برضه ساعه فجريه
Esmat
هتوحشينى قوووى
ربنا يعلم انا بعتبرك اخت كبيره ليا بجد
ومتقلقيش بكره اخلص امتحان واهريكوا لماضه لحد ما تقولوا حقى برقبتى
ادعيلى بس ربنا يعديها على خير
ايه الكلية اللي حالها متشقلب دي
الناس لسة بتقول يا هادي في بداية السنة وانتو هتمتحنوا
!!!1
هههههههه
ربنا معاكم كلكم وان شاء الله نجاح بتقدير حلو بإذن الله
ربنا يوفقك
يعني بجد مين اهم المدونة ولا الامتحانات
شدي حيلك و ركزي في المدونة هي دي الي بقيالك
بس امتحانات و شهادات و تخرج.. كل دي حاجات فاضية
:)
:)
بالتوفيق ان شاء الله
وربنا معاكي
وترجعلنا بالسلامة من معتقل الامتحانات
تحياتي
آلام وآمال
وااااء
لازم تفكرنى بالمأسآه دى
قرايبى كل ما اقولهم انا عندىامتحان يفكرونى ملاحق
اقولهم الشر بره وبعيد
واقعد ساعه اقنع فى الناس اندى امتحانات اخر السنه عندنا بس نظام كليتنا كده لازم يذلوا الطالب
صحيح
محدش بياكلها بالساهل
ادعيلى بس
اسكندراني في الغربة
اى والنبى يادى الجدع عندك حق
هى الواحده مننا ليها ايه غير بيتها وجوزها والمدونه
خلى بالك من العيال يابو محمد
انا مش هعوق كتير كلها شهرين تلاته وربنا يفك سجنى
ادعى انت بس
نعمل ايه بقى اكل العيش مر
بلد شهادات صحيح
قلبي معاكي يا بنتي
شددي حيلك
ربنا يصبرك وياخد بايديك خصوصا وانتي بتحللي الامتحان؟
حسنه قليله تمنع بلاوي كتيره..
قصدي مزاكره كتيره تمنع بلاوي برضه كتيره..
على العموم انا مطمنه عليكي وحاسه انك شاطره
ربنا يوفقك يا رب ويرزقك فهم النبيين وحفظ المرسلين والهام الملائكه المقربين...آمين
ربنا معاكي
هانت خلاص وتخلصي
ربنا ييسرلك أمورك ويشرح صدرك للمذاكره يا رب
وامتياز ان شاء الله
أوشه
ربنا يخليكى ياجميل
ادعيلى بس ليلة الامتحان 3/10 الساعه 10
الصبح هكون بين ادين ربنا
استر يارب
اللهم لا سهل الا ما جعلته سهلا وانت تجعل العسر ان شئت سهلا
بلا عنوان
ادعى ربنا يكرمك
يارب اخلص على خير ويفتح نفسى للمذاكره بجد احسن انا خلاص هطلع من السقف بقالى اكتر من 26 شهر متواصلين مذاكره مفيش حد يستحمل كده فى الدنيا بدون اجازات
لأااااااااااااااااااا
مستحيل
مستحيل
مش قادر اصدق
ازاي هدخل ع الانترنت اصلا بعد كده
لماضه خلف الاسوار
مكنش يومك يالماضة
مش كنتي اتلامضتي ضوية ع الدكاترة ويدوكي امتياز من بره بره
لا لا لا
امل مين اللي هيتلامض معايا
وبعدين انتي ماقولتيش الحبسه دي قد ايه
....
سيبك انتي
انتي تبصي لورقة الامتحان بصه من اياهم هتلاقيها اتحلت لحدها
وبعدين ما انتي مش محتاجة
مووووس
تلاقيكي قاعده تاكلي في الكتب دلوقتي وتقرقضي بسنانك
ع العموم لو عايزياني اشرحلك حاجة اما افيدك اوي
دم وكبد ورئة وقلب بس الله يخليكي ابعديني عن البنكرياس
عشان عمل معايا حركة مش ولا بد من كام يوم
الواد ابن اختي كان راح يشتريلنا ربع كيلو بنكرياس من كارفور
لما جابه عملناه على شوربة
بس جابلي حموضة
معنكيش دوا للحموضة
اصلها ساعات بضايقني لما اكون صايم ومش بعرف اخد دواء
بالنسبة للدواء بقا انا اكتشفت دوا ظريف اوي للبرد والانفلونزا
بصي بصي
انا مش هطول عليكي
عشان مشغول موووووووت
...........
ربنا معاكي يا لماضة ويوفقك ان شاء الله وتعزمينا على حفلة التخرج والنجاح
محمد سمير
بالتوفيق
ناجحه بأذن الله
أهم حاجه المجموع عاوزه مجموع كبير
عشان تدخلى بعد كده
معهد تطريز اقصد تمريض
هههههههه
بضحك معاكى
ناجحه وهتقولى أوسه قالت
ولو إني مش فاهم إزاي في البروفايل شغالة في المحاسبة وإنتي بتقولي هنا إنك في نهائي طب .. لكن مش مشكلة . مصر ممكن يحصل فيها أي حاجة
:-D
بالتوفيق إن شاء الله
أوسه
ربنا يكرمك يا اوسه يارب
ادعيلى كده ياختى وانا اتعلم طبيخ وغسيل كمان
يا مراكبى
يادى النور يادى النور
محاسبة ايه والنبى ما اعرف حاجه فى الحساب احنا بتوع جثث بس
هشوف ايه الحكايه اللى بتقولى عليها دى
ولا تصدق انهم طلعوا كليه جديده فى مصر
اتخرج مهندسه مدكتره ههههه
هقدم فيها بعد ما اخلص طب
شرفتنى قوى
بزيارتك
ربنا يكرمك ويكرم كل ممتحن
وربنا يخلصك من الدراسة النظامي
كل سنة وانتي طيبة
غمض عنيك واحلم معايا
خليتك الاخر لغرض فى نفس يعقوب
معلش بقى هنحرمك من طلعتنا البهيه شويتين كده قد شهرين احفظ التاريخ ده ده تاريخ خروجى من المعتقل
11/11
الاقيك جايب البلد كلتها ومستنينى بالطبل والزمر قدام باب السجن
عاوزنى اتلامض مع الدكتور
اتلامض مع مين يابا حرمت
اخر مره الدكتور قالى لو مخرجتيش دلوقتى هديكى 6 من 7ونص وكانت حكايه يتحكى بيها فى تاريخ اللماضه والكليه
بس ربك نصفنى وطلع تشخيصى انا صح والدكتور مع احترامى الشديد وحبى ليه غلط ورحت قلتله
تخيل بقى
هههههههه
كان هيدينى بالقفا
قالى طيب تعالى
وقام واخدنى مصلحلى درجتى ومزودنى
اه والله ايام
الهى ما يعودها استر يارب من اللى جى
ادعى مقعش فى ايده تانى
نفسى ابص لورقه الامتحان مره الاقيها ولعت ويقولوا الطالبه الحارقه
وبعدين مين قالك تاكل بنكرياس انت مش عارف ان السكريات غلط عليك وانت عندك القلب ( بعد الشر عليك طبعا بهزر)
دوا انفلونزا ايه ياعم اسالنى انا
مدوباهم اتنين
بعالج كل الناس اللى فى منطقتنا
محسوبتك تخصص حقن وقياس ضغط
بس ميمنعش برضه ايه هى التركيبه؟
اعزمك يا عم على حفلة التخرج وتجيب معاك كيلو شكولاته جالكسى من اياها اللى بحبها
وكيلو برتقان
وكيلو سفندى
وصندوق كوكاكولا
وقد 3 او 4 سبت ورد بلدى
وتجيب فرقه حسب الله معاك
انت بس ادعيلى اعدى نظيف
د. حندوله
كل سنه وحضرتك بالصحه والسلامه شكرا لتشريفك ليا
يارب بس يخلصنا على خير احسن احنا خلصنا على الاخر
بالتوفيق يالماضة ان شاء الله
وان شاء الله هتتخرجي وتبقي دكتورة أد الدنيا
وتخصلي علي نسبة الفاقد المسموح بيها
تحياتي
ربنا يعينك يا لماضة وتخلصي من اللى انت فية دة - وهادعيلك والله من الارض الطاهرة دى
انا طالع عمرة فى اخر رمضان وهاحطك ضمن القائمة عشان ربنا يسهلك كدة
بس عندى سؤال
هو انتى لما تتخرجي وتبقي دكتورة اد الدنيا - هاتبقى دكتورة اية ؟
عشان احجز يعنى من دلوقتى
ههههه
بالتوفيق ان شاء الله
القلم السكندرى
اهلا اهلا
ادعى انت بس وانا اول ما اخد النسبه دى هشبرقكم بيها
Echo Of Silence
ربناااااااا يكرمك يارب
اوعى بس تنسى ولا تدعى عليا
وانت قدام المقام
ادعى ربنا يعديها على خير ويسهل الامتحان ويرضى الدكاتره عنى واعدى نظيف
هههه
اما بقى للتخصص احنا كل ده بناخد كل حاجه لما نخلص الامتياز ان شاء الله نتخصص وانا الحقيقه بفكر فى تخصصين شوف انت تحب تكشف فين وتعالى
اول تخصص طب اطفال لو جالك حصبه ولا حاجه تعالى
تانى تخصص طب شرعى ده بعد الشر بعد ما حد يموت اشرحه ونعرف ده مات فى حادثه ولا لازق فى جزمه
ههههه
رئيس جمهورية نفسه حفظه الله
ربنا يكرمك انا سعيده قوى بزيارتك دى
ادعيلى بس
كل عام وانت بخير
سعيد بمعرفة مدونتك
ربنا يوفقك فى الامتحانات
وفى كل حياتك
تحياتى وتقديرى
استاذ حسن مشالى
وحضرتك بالصحه والسلامه
انا اللى سعيده بتشريف حضرتك
دعواتك بس ربنا يعديها على خير
إيه ده يا لماضة
بقى إنت مشروع دكتورة قد الدنيا و بتخميني بصورة بنت صغيرة
ربنا يكرمك في الإمتحانات و تنجحي نضيف و بتقدير كمان بعد ما بقيتي سادسة قديم
بص نصيحة بعد دش الإمتحانات ركزي في التدريب العملي أكثر لأني شايف زمايلي دفعتي المتخرجين من طب بعضهم كان بيصم الكتب و يجيب تقديرات و دلوقت ما تلاحقيش على جثث المرضى اللي خارجة من تحت إيديهم
و البعض التاني و دول قلة كانوا تمام في العملي بس تقديرهم مقبول وإتفرجي دلوقت على الناس اللي بيعالجوها و هيا بتدعي لهم
أما اللي بيقدروا و بيكونوا شاطريين عملي و نظري و فاهمين و مش حافظين فدول ندرة غالباً بيتظلموا لحساب أولاد الدكاترة و المحاسيب
عموماً ربنا يكرمك في الإمتحانات و تحققي ما تتمنيه
و على فكرة أنا عايز قزازة ساقع ليا لوحدي
مهندس مصرى
ايه يا هندشة ما احنا لشه شغيرين كلها كام شنه ونطلح على المحاش بش يعنى مش حاوجيز يعنى
اما بقى للشطاره الحمد لله انا بحاول وانا بذاكر كل تركيزى انى ابقى دكتوره شاطره عملى لان حكايه التقديرات دى زى ما انت قولت ليها ناسها
يجعل كلامنا خفيف عليهم
اهم حاجه عندى وامنيه حياتى انى فعلا ربنا يجعلنى سبب لشفاء الناس باختصار
دكتوره شاطره
ويا عم اجيبلك حاجه ساقعه وسخنه ونص نص كمان بس ادعيلى ربنا يكرمنى
مش عارفة ليه بس لماضتك بتفكرنى بنفسى زماااااااااااااان
ربنا يوفقك ويكرمك وتخرجى على خير من المعتقل واوعى تبصى لورا المدرسة بقى والتنسيق والكلام ده - كبرى وامشى خطواتك دايما للامام
ويارب من نجاح لنجاح دايما
هتوحشينا يا لماضة
سلامى وتحياتى -- هبة
الهي و انت جاهي تنجحي يا بنت يا لماضة و تجيبي تقدير قد الدنيا
و عشان غلاوتك عندي بس هقلك على دعوة كده كنت بقلها قبل كل امتحان و اتشهرت بيها...ايام الشقاوة بقى
" يااااااااااااااارب الامتحان يجي سهل و يهدي الدكتور علينا و لو جابهولنا صعب ولاده يقعوا في دكتور رخم زيه يجيبلهم الامتحان صعب برده و ميعرفوش يحلوا فيه زي ما هيعمل بعد الشر فينا و ربنا يكرمه و يوقفله ولاد الحلال لو جبت في المادة دي امتياز" بس يا ستي دي الدعوة اللي كنت بدعيها قبل كل امتحان و طبعا كنت بفوت اول ربع ساعة عشان ادعي
بس متقلقيش بتجيب نتيجة و مجرباها 4 سنين..و اديني دلوقتي اهه عاطلة قد الدنيا...عقبالك كده متشرفينا على القهوة بتقدير كبير...اصل القهوة دي مقامات برده...امتياز و جيد جدا بيشربوا شاي بفتلة اما المقبول بقى بيشربه الغلب كاسات كاسات..اصلها هتبقى بطالة و خيابة كمان
يلا مطولش عليكي عشان تذاكري كويس
و يارب يحنن قلب الدكاترة عليكي يا بنتي...و يوقفلك عيانين ولاد حلال
و طبعا طبعا اول 20 سنة كشف هيبقى ببلاش...احنا زباينك برده و لا ايه
ههههه
انا ظبط الرجاله وهنعلقلك الزينة والشادر والفرقة من بوم 10 نوفمبر عشان نزفك
ونقولك با ضكتووورة
انا كمان حجزت 30 علبة جالاكسي جواهر احجام مختلفة وتواريخ منتهيه عشان الناس تاكل وتنبسط وبطنها توجعها ونجيبليك زباين على باب الكلية
وكمان عكشتلك كده كام واحد رابطهم عندي لغايه ما حالتهم تسوء عشان تظبطي وتكشفي عليهم تاني
عدي انتي بس الجمايل
doba
والله يا هبهوبه كانت احلى ايام حياتى بجد مش فكره انى ابصلها واتحسر بالعكس دى كانت احلى ايام انا عندى مبدا ان كل وقت وله ادان وكل وقت لازم نعيشه صح ونفرح فيه والا هنندم عليه بس الحمد لله انا مسبتش اى حاجه الا لما عملتها انا والعيال المقاطيع اصحابى سواء فى المدرسه او الكليه
وان شاء الله اللى جى احلى
ادعيلى بس
شرفتينى بزيارتك قوى
mony
ههههههه
يخرب عقلك
الدعاء ده بالذات دعائى المفضل قبل الامتحان وبعده كمان انا ادعى والعيال اصحابى يامنوا ورايا
واضح اننا فى حاجات مشتركه بينا كتير
ربنا يستر واديهم تطلع خفيفه
ادعى انتى بس وانا جايه اشرب الشاى معاكى على القهوه
غمض عينك تاكل ملبن
ايوه يا رداله هو ده الشغل ولا بلاش
مش عارفين نودى جمايلك فين ياعم
نردهالك فى الامراض
TOP PORTUGUESE UNIVERSAL WRITER: CRISTOVAO DE AGUIAR.
He has, also, translated into Portuguese the Wealth of Mations by Adam Smith.
He has been awarded several prizes.
Don't forget the name of this great author, you'll be hearing of him soon.
Thank you for spending time in Universal Culture.
Please don’t erase this coment from your blog.
Thanks for visiting
lapa
الاخ لابا يا جماعه دمه خفيف موت
وبما انك حطيت كومنت عندى يبقى اكيد بتعرف عربى ومصرى كمان عشان كده انا متعمده
يا جماعه فى ناس لذيذه جدا
منهم الاخ اللى على طول يكتب جمال عبد الناصر ده
والاخ التانى التركى اللى يدخل يكتب جمله واحده وابتسامه very nice blog
الناس دى مش فاهمه احنا اصلا بنكتب ايه ودليل على كده ان الجمله كوبى وبست فى كل المدونات
انا عاوزه اعرف هما عاوزين ايه
ينتشروا بينا
بس العيب فيا انا بعترف
انا لازم اتعلم لغات
واشوف الناس دى بتفكر ازاى
وبتقول ايه فى مدوناتها
والله لو طلع كلام كويس على راسى من فوق
اما لو طلع غير كده يبقى اعرف اتكلم بلغتتهم
ارد بقى على الاخ لابا ده
mr lapa
thank u very much for ur visiting
i will not earas ur comment
but can u help me to understand what art u r talking about?
& who is this man ? is it u?
i visited ur blog
do u understand what am talking about in my last post?
i think no
any way
thx 4 ur commercial
ربنا يوفقك يا لماضه
الطب مشواره طويل ومذاكرتو مابتخلصش
ربنا يقويكي
زوجه مفروسه
اه والله المشوار طويل قوى ياريته بيخلص
اموت واعرف مين زقنى
ربنا يعديها على خير
مبسوطه قوى انك شرفتينى بالزياره
دعواتك
حتى فى الامتحانات لمضه يا لماضه على العموم ربنا يوفقك بس انتى هتبقى دكتوره ايه مش تقولى علشان الواحد يبقى يعمل حسابه فى الامراض اللى تجيله اهو نستغللك شويه با التوفيق
يا رب تنجح يا تتح
مفيش نت اوكيه...ركزي
اوروفوار
ربنا يوفقك
بس ابقى طمنينا عليكى
بالتوفيق إن شاء الله وتتخرجي دكتورة شاطرة ومش بتأذي الناس على أج م بيتعالجهم
ربنا يباركلك في المذاكرة ويقويكي ويقدرك
كل سنة وحضرتك طيبة ورمضان كريم
يا خبر ابيض ربنا معاكى ان شاء الله
بس امانة عليكى اول لما تتخرجى ان شاء الله عايز فيزيتا هدية
:D :P
متشكره قوى يا جماعه والله انا فعلا حاسه انكم اهلى
اعذرونى للارهاقى الشديد وضيق وقتى ان شاء الله هرد على كل واحد فيكوا بس ادعولى تعدى على خير
لاننا خلصنا بجد
والنهارده كان اول امتحان الحمد لله عدى على خير بفضل ربنا ودعواتكوا معايا
خلف الاسوار
ده عنوان اجمل واصدق ما كتبت في مدونتي ...مع فارق بسيط
لكن عموما كلها اسوار ياعزيزتي لماضه
وعجبي
ربنا يوفقك ويكرمك
بالتوفيق
تحياتى
ادعوك لزيارة مدونتي والاطلاع علي قصيدة مبارك يا من ذا الذي في مصر الجديده
شكراا
السلام عليكم
ربنا يوفقك ويكرمك
هاادعيلك وماتخافيش ان شاء الله الدعوة مستجابة
salam alikom...
مش عاارفة مش عجبتني كلمة ذل...في البوست..
لان مفترض مناااخدش الامتحاان على اساس النقطة دي...
مفترض نحس بمتعة اكتر عشاان نعرف نجيب سكور عاالي ونستفيد...
المهم ربنا يوفقك ياارب...عملتي ايه..تبقي تطمني الشعب
ربنا معاك يا لماضة و انشاء الله يوفقك و ترفعي راس الاسكندرانية كلهم
تحياتي
صباح الفل يا جميل ..ربنا يوفقك يارب يا لماضة وتبقى داكتورة قد الدنيا ..يارب ..
يارب تعدي على خير :)) ان شاء الله
يا امورتنا لماضة
طمنينا عليكى
تعليق جماعى
واحد كل كام يوم
وقولى عاملة ايه
نفسنا نطمن عليكى
يا رب كله يبقى تمام معاكى
وربنا معاكى يا رب
الحمد لله يا اسمت
امتحنت اول ورقه فى الجراحه يوم الاربعاء اللى فات والحمد لله كان كويس
وعندى لسه امتحان يوم التلات الجى بعد بكره
ادعيلى
انا بس مزنوقه مش بدخل نت الا يدوب خمس دقايق وبخرج ونفسى ارد على الناس كلها بس غصب عنى
ادعيلى بس اخلص على خير
لانى قربت اختفى مش هتصدقى شكلى بقى عامل ازاى ولا وزنى
يارب يكرمنا كلنا
يا حبيبتى ربنا معاكى
وربنا يوفقك
يا رب
يوم الثلاثاء الامتحان يكويس ساهل عليكى
بالسلامة يا رب
ازيك يا مشروع دكتورة جمهيلة جدا شكرا ع كلامك مع لولو جدا سلام وصلنى بس انا فعلا نفسى تدخل طب زى خالها وخالتها بس هى عاوزة تصميم ومصممة علية وانا مش بفكر غير فى انها تتفوق بس وتجهيب مجموع واى كلية تحهبها تدخلها شكرا ع كلامك المهشجع ليها وتحهياتى وتمنياتى انك تتفوقى وتتخهرجى انشاء اللة
و انت فاكرة إن بعد ما تخلصي حترتاحي
إستحالة إلا لو الكلام غلى جواز و قعاد في البيت
لسة العمر اللي حتقضيه طبيبة امتياز و العمر اللي حتقضيه عشان تاخدي ماجستير عشان يبقى عندك حاجة تحطيها تحت إسمك في اليافطة اللي على باب العيادة
الله يكون ف عونك لسة وراكي هم
الحال من بعضة يالماضة
بس انا بقي في خامسة
وفعلا
كل ما افتكر قد ايه انا كنت عايز ادخل طب
قد ايه باتمني ان انا اخرج منه سليم معافي
بس العزاء الوحيد اللي عندي
ان مهنتنا دي
مش اي مهنة
دي رسالة
وكفاية تشوفي فرحة مريض بعد ما يشفي
السلام عليكم
لسه مصر فيها لمضيين!!!....دي حاجه كويسه ...بدل تكبيرة الدماغ
اسم مصري اكيد ومدونه جميله جدا
عامله شاطره وبتتلامضي علينا
متشدي حيلك على الدكاتره
وانت قدها وقدوود
يادوب ابره لماضه في الوريد كله يبقى تمام
ربنا معاكي ويوفقك واكيد هيكرمك
وترجعيلنا بالشهاده الكبيره
وترفعي اسم مصر فوق سطوح الجيران او فوق برج الحمام
المهم ترفعيه وخلاص
اشوفك بعد 3-4 سنين من التخرج
ياخوفي تغني ظلموه وتحصلي اللي سابقوكي
وتقولي يوم واحد من زمان
ربنا معاكي
وعيد سعيد عليك وعلى كل المسلمين
ويارب السنه اللي جايه نلاقي لماضه ويانا في المسجد الأقصى
طب
؟؟؟؟؟؟؟؟؟؟
!!!!!!!!!!!!!!!
انا كمان
:(
:(
:(
:(
اخر سنة
ربنا يستر
طيب عاملة ايه
طمنيني
=\
ياستى بدل الزياره اسعدتك انا بكررها تانى وربنا يوفقك ان شاء الله وبلاش تنسينا فى حفل التخرج بتاعك ان شاء الله والساقع بتاع النجاح على فكره البوست بتاع سوره الكافرون عظيم بجد فكره وموضوعا كمان
أزيك يا لماضة ؟ ماعرفتش أعلق فى البوست الجديد مش لاقية كلمة تعليقات فيه ، جزاكى الله خيرا يا حبيبتى أهى هى الماضة المطلوبة
ربنا يخليكوا يا جماعه والله ما عارفه اقول ايه بس اخلص امتحانات وارد على تعليق تعليق شخصيا واتلامض عليه
البوست الاخير فعلا انا قافله باب التعليقات فيه معلش
اية اخر اخبار الامتحانات
دي اخر سنة مش هزار
يلا مستنين الامتياز
وتكوني لمضة في الاجابات
استااااااااذ عادل
ايه النور ده
كراكيبك منورانى والله
حضرتك بالذات جيت على بالى امبارح كنت بفكر فى مشروع
وشكلى هتراخم واتلامض عليك
المهم ياعمنا
الامتحانات والله حبه فوق وحبه تحت
اما من ناحيه اللماضه فى الورقه
يا نهار ابييييييض
ربنا يستر
اصلى مش عاوزه اقولك انا السنه دى مخنوقه قد ايه وبطلع ده فى الاجابه
الورقه تموت من الضحك
ياما الدكتور هيرقف بحالى وخنقتى ياما هيودينى عنبر
6
النهارده مثلا فى امتحان النسا بيسالنى عن تعريف كده فى راس العيل
انا من كتر استعجالى كلمه انجليزى عصلجت معايا قمت كتبهاله
يعنى عظظم راسه بتركب على بعض
عشان يعنى وانا براجع افتكرها وارجع اصلحها
فيييين
فى اخر الامتحان ببص
قلت ايه الهباب ده
يدوب بصلحها وبكتب معناها بالمصطلحات الطبيه
لاقيت الراجل بيشد الورقه قبل ما امسح العربى
وامتحان جراحه من اللى فاتو
نسيت معنى كلمة شاش ايه بالانجايزى قمة كتبهاله بالعربى احط شاش هههههه
طبعا مش قلة معرفه الحمد لله بس من كتر ربكه الامتحان واللهوجه الامتحانات طويله جدا جدا
وتقيله والوقت قصير
ربنا يستر على المصحح والله انا خايفه عليه يجراله حاجه من ورقتى
نفسى يحققوا امنيتى قبل ما اموت ويغيروا نظام التعليم الفاشل ده يا جماعه احنا مش راديوهات
احنا بنى ادمين وهنتعامل مع بنى ادمين
كل سنه وانت طيبه
الايام بتجرى
وان شاء الله تنجحى بتفوق
وتبقى دكتوره نفتخر بها
اسلوبك جميل لماضه لذيذه
تحياتى لك
متشكرة يا لماضة على وقوفك جنبى و الله مش عارفة أقولك أيه كتر ألف خيرك
ذاكرى بأه كويس عشان خاطرى و لازم تبلغينا بالنتيجة ها ؟
aliwa
هقولك الدعوه اللى العيانين بيدعولى بيها لانها احلى كلمه بسمعها من عيان
الهى ما يدخل المرض جسمك ابدا
طهقانه
يارب يا طهطوهه يارب
مفيش نت يعنى اعدام واحنا مش ناقصين ده المنفس الوحيد
قطة الصحراء
ربنا يخليكى شكرا لزيارتك يا قمر
الاستاذ
يسمع منك ربنا
سويدى
ربنا يخليك
اول فزيته بس
اعيا انت وملكش دعوه ههههههه
عتاب
صديقتى الانتيخ
او الشيخه رحرح كمان اطلقت عليها
معلش يا ستى
ربنا يفك زنقتنا انا وانتى
ما احنا اصحاب خندق واحد
ولا ايه
تامر نبيل
ربنا يكرمك يارب
نور هتلر
ان شاء الله ازورك واشوف القصيده ربنا يستر علينا بقى
سهر
ربنا يخليكى ادعى ليل نهار ونهار ليل
veticohaya
اكيد طبعا ده من باب الهزار مش اكتر
بس دى حقيقه امتحاناتنا مش ممكن تخطر على بال حد من صعوبتها وضغطها النفسى الشديد علينا اعذرينى
وشكرا لزيارتك يا قمر
هنوووووده
يارب ياهنوده الاسكندرانيه وكل جيرانهم كمان
مرمورتى
اللى اسمها غالى عليا مروه جمعه
ربنا يخليكى
كلاكيت تانى وتانى
ربنا يخليكى ويباركلك فى بنوتك وتشوفيها زى ما تتمنى يارب
طبعا دى اختى الصغيره وانا تحت امرك وامرها اى وقت
وش مكرمش
متقلقش كل شىء معمول حسابه ادعيلى انت بس
ربنا يكرمنى ويعينى اكون زوجة وام صالحه ودكتوره ربنا جعلها سبب لشفاء الناس
الاصيل
جميل قوى ان المعنى ده عندك ربنا يكرمك ويكرمنا كلنا ونقدر نادى الرساله اللى علينا بما يرضى الله عز وجل
فعلا الضحكه مع المريض بالدنيا واللى فيها
زمرده
يسمع منك ربنا
وانا اجرى بالعلم كمان مش ارفعه وبس
كل سنه وانتى طيبه يا قمر
شرفتينى
لؤلؤة
ربنا معاكى فى امتحاناتك يا جميل يارب
ويعديهالك على خير ياولاء احنا وانتى
قولى يارب
رئيس جمهوريه نفسه
والله بكون سعيده بزيارتك قوى
يارت تكررها لو عشرين مره
والحاجه الساقعه بس
جاتوه وشكولاته كمان
عاليا حليم
اه فعلا انا قافله البوست
معلش بقى
ربنا يخليكى وتنورينى دايما بزيارتك
متغيبيش علينا
كلمات
الله يخليك فرحت بزيارتك واهتمامك قوى
Post a Comment