عملوها الرجاله
عملوها لابطال
فرحه فرحه فرحه
مش مصدقه نفسي يا جدعان
زيدان لمها وابو تريكة حطها وجون الكاميرون معرفش يصدهاااااا
صحيح يا جماعه الفرحة غاليه والله اليومين دول
امبارح أصريت اني اشوف المتش بزاوية مختلفه
قمت اتصلت بزمايلى الشيخه رحرح ودودة وزرزر وقلتلهم يلا نجهز العدة
العدة لزوم رسم علم مصر على ادينا بمنتجات طبيعيه ميه الميه رووووووووج وقلم كحل مش بحطهم محدش يفهم غلط برسم بيهم و باكلهم بس
والمَزه كانت كالاتي
عصير قصب
لب مصري فاخر سوبر يعني
سفندي ابن عم البرتقان
حاجة ساقعة بيبس كولا
جاتون
سندوتشات لا دي اكلنا في بيوتنا
وهاتك يا اكل قصدي يا تشجيع
وجون وجون وجون
شوية واحنا قاعدين نتفرج فى الصيدلية بالمناسبة لاقينا ست كبيرة معدية بتقولنا مبروك لمصر
قمت نطيت وقلتلها زغروطة يا أم محمد
والله الفرحة غاليه يا جماعة قد كده متش كورة جمع الشعب ده كله صغير وكبير بنات وشباب مسلم ومسيحي
تفتكروا السبب ايه؟ وليه مش بيتجمعوا على مثلا حاجه زى السكر اللي غلا ولا المرتب اللى نقص ولا على الكادر ولا ولا
متهيألي لان دى الحاجه الوحيدة اللى هتيجمعوا عليها من غير خوف
ولا عشان االفرحة بقت غاليه وقليلة
على رأي مواطن بيكلم اخوه المواطن وبيقوله كويس انهم لسه مغلوش الهوا علينا او باعوه
ايييييه دنيا
صحيح نسيت اقولكم
تشيكو شيكو رونو واوا
يعنى الف مبروك بالغانى
بحبك اوي يا مصر وبحب ولادك كلهم
الله عليكوا يا شباب حقيقي شرفتونا
55 comments:
هييييييييييييييه
مدرج أول
و راجع بعد مقرأ
و تيت تريتي تي
مصررررررررر
و الله و عملوها الرجالة
و رفعوا راس مصر بلدنا
بييب بييييييييب مصر
بصي مهما اقولك علي الفرحة
و السعاده
احنا مصريين
شوفي الناس
و الله شعب و عزوة
جعانين مش مهم
المهم العزوة و الله
بجد ربنا يحميكي يا مصر
و يحمي شعبك
و زغروووووووطة حلوووووووووووووة
لولولولولويىىىىىىىى
ربنا يسعد ايامك يا لموضة
و ان شاء الله المرة الجاية
نكون معاكي
عشان ناكل السفندي
و الجاتوووووووون
و تيت تري تتي
مصر
:D
CONGRATULATIONS EGYPTO!!!!!!!!!!
بيب بيب بيب
اي والله سيبك من كل حاجه الواحد مش عارف يفرح فعلا الا كل فين وفين
في سؤال ليكي في التدوينه السابقه
ابقى شوفيه
طب الله يكرمك فرحتيني
بصي بقى طلب كمان
ابعتيلي تليفوناتهم على الميل بتاعي
لأنها كانت معايا وفقدتهم من زمن
وهما كانو عشره طويله معنا في قطر
وقوليلي اخبار أبوهم بايجاز كمان
لو مفيش تقل
ربنا يخليكي يا دفعه
لا لا لا
انا شايفة زيادات في التدوينة
الله الله الله ايه الخامات الطبيعية دي
و الله هااايلين
انا مفكرتش في كده خالص
كان نفسي ارسم انا كمان
بكرررررررره لما اخرج باه
هيييييييييييييييه
مصر
مصر
مصر
:)
يا لموضه يا حياتى
مبروووووووووووووك
مبروك لكل المصريين ولكل العرب
بجد بجد انا حسيت ان الناس فى الشارع مصدقوا حاجه بقى علشان نفرح
بس انا زعلانه منك
طيب اعزمينى معاكم ولو عزومه مراكبيه
ادى واحده عليكى يا ستى بس سماح المره الجايه مش هتنازل ابدا
تشيكو شيكو رونو واوا
;)
تى تيريتى تيت
مصرررر
الف مبروك يا ماروو
زيدان لمها وابو تريكة حطها وجون الكاميرون معرفش يصدهاااااا
ضحكتنى اوى
عارفة ليه احنا مش بنتلم كدة فى الحاجات اللى انتى قلتى عليها مش مسألة خوف لا بس لاننا خلاص زهقنا من كتر الأرف نفسنا نشم نفسنا ونفرح
تحياتى يا قمرة والف مبرووووووووك
اه نسيت اقولك
تشيكو شيكو رونو واوا
:)
والله وعملوها الرجاله ورفعوا علم مصر فى غانا
الف مبروك يا لماضه وعقبال 100 بطوله جايه
السلام عليكم ورحمة الله وبركاته
الف مبروك يا لماضه
عقبال كده يا لماضه ياختي مانفرح بيكِ انت والشله كلها
بس مين اللي قالك انهم لسه ماغلوش الهوا
امال القنوات المشفره دي تبقي ايه مش بفلوس برضو
يبقوا غلوا الهوا ولا لسه ؟؟؟
والقادم اجمل
ايه ده يابت انى احتلليتى 3 كراسى فى الملعب هطلعك اوف سايد ههههههه
الله يبارك فيكى مبروك لمصر
وتعالى ارسملك العلم على ايدك ووشك كمان ببلاش :)
,,,,,,,,,,,,,,,,,,,,,,,,,,,,,,,,,,
david santos
thx. alot :)
,,,,,,,,,,,,,,,,,,,,,,,,,,,,,,,,,,
دكتور حر
علم وينفذ ايوه فعلا الفرحه بقت قليله
,,,,,,,,,,,,,,,,,,,,,,,,,,,,,,,,,,,
دنيتها الجميلة وانا كمان
وعندك واحد عصير قصب لاحلى دنيا وحتتين جاتون وسندوتش بسطرمه :)
,,,,,,,,,,,,,,,,,,,,,,,,,,,,,,,,,,,
فاطمه
تشيكو شيكو رونو واوا نتي كينو يعنى مبروك لينا كلنا:)
,,,,,,,,,,,,,,,,,,,,,,,,,,,,,,,,,,
سهر الليالي
ايوه سمعت الناس بيغنوها عجبتنى اوى انا والعيال وقعدنا نقولها شفتى لهبل الرسمي :)) نفسي بنا يحققلى الامنيه دى ونتلم فى حاجه جامده اكتر من كده
تشيكو شيكو رونو واوا نتي كينو يعنى مبروك لينا كلنا ,,,,,,,,,,,,,,,,,,,,,,,,,,,,,,,,
صوت من مصر
يااااااااااارب تبطل سجاير انت كمان :))
,,,,,,,,,,,,,,,,,,,,,,,,,,,,,,,,,,
دكتورة فضفضة
حتى الفراخ خدوه
الفراغ يعنى :(
مبروك لينا يا دكتوره وليه ادعوه دى انا سمعتها مليون مره امبارح كانى عنست:) يسمع من بوقك ربنا
تشيكو شيكو رونو واوا
تشيكو شيكو رونو واوا
يا مصرين
تحياتي
هى مصر كلها بتقولى بطل سجاير لما مصر تاخد كاس العالم ابطلها يا لمضه هانم
تشيكو تشيكو رونو واوا
يعني زي بوس الواوا؟
لماضتى الجميلة
وريحة الحبايب
تشيكو شكيو رونو واوا
ويالا بقى
ارقص يا حضرى
الف الف مبروك
احمد مبارك
تشيكو شيكو رونو واوا نتي كينو يعنى مبروك لينا كلنا يا هندسة
,,,,,,,,,,,,,,,,,,,,,,,,,,,,,,,,,,
صوت من مصر
هاتولي العصايه هتتمد النهارده على رجليك :)
,,,,,,,,,,,,,,,,,,,,,,,,,,,,,,,,,,,
ياسمين حميد
موتينى من الضحك
لا دى نكره ودى نكره التانيه الواوا بتاعتها مش عاوزين نبوسها خالص الحقيقه
تشيكو شيكو رونو واوا نتي كينو يعنى مبروك لينا كلنا
,,,,,,,,,,,,,,,,,,,,,,,,,,,,,,,,,,,
ايه
الحضري بس
على الواحده كله يرقص
تشيكو شيكو رونو واوا نتي كينو يعنى مبروك لينا كلنا
يعنى نقلبها غم و خلاص
ماهى مش هتتعدل لو أم محمد عدت من قدام الصيدلية وهى بتصوت و تقولك السكر غالى يا دكتورة
ألف مبرووووووووووووووك لمصر
وعقبال البطولة الجاية في أنجولا
كلنا كنا بنشجع مصر يا جماعة
والعدة بتاعتنا ما كا نتشي لب ..ولا عصير ..ولا سانداويتش
لا كانت حجات تانية .....زي طبلة ..وأعلام ...وصواريخ ..
وإحنا رسمنا على وشوشنا ...بس بألوان المية ..
المهم كانت ليلة حلوة
وعقبال المرة الجاية في 2010
تحياتي لكم
عملوها الرجاله
عملوها الابطال
فرحوا شعب مصر
الف مبروووووووووووك
سفندى ولب سوبر وعصير قصب وجاتوه
طيب مفيش حاجه قاعده منهم على الماشى كده
مشوار السويس بيعطش
هى دى مصر يا عبله قصدى يا لمضه
عارفه ابن اختى بيبى كلمنى علشان يقولى تيت تريت تيت مصر وهو نونو لسه معندوش سنتين
هههههههههههههههههه
انا بموت لما باجى مدونتك
بموت من الفرحة ومن الضحك
وببقى مش عارف اعلق على ايه ولا ايه
انا متعود اركز كلامى على جزئية او اتنين فى البوست
انتى باجى عندك بيبقى كل حرف محتاج كومنت
طب نجيب ورق منين بقى ؟؟
وكمان بتاكلى الروج
وانا اقول الروج شاحح من السوق ليه اتاريكى
انا كمان ساعات بحب طعمه
بس بشمة بس
هههههههههههههههههههههه
مبرووووووووووك لمصر
مبرووووووك
مبرووووووك
مبرووووووك
مبرووووووك
مبرووووووك
مبرووووووك
تحياتى
بعد طووووووووووووول غياب
الحمد لله عودة للتدوين عبر دينامو الإخوان
أتمني التواصل بلا إنقطاع
انا بحبك موت يالماضة وبحب خفة دمك ومبروك علينا
بعد السلام عليكم
أزيك يا لماضة
يارب تكونى بخير
معلش انا أسف على تأخيرى بس كنت بأمر بفترة صعبة وأهى خلصت والحمد لله
ألف مبروك ليكى ياستى ولينا ولكل المصريين
تحياتى
بضم صوتى لصوتك بحبك اوى يا مصر وبحب ولادك والف مبرووووووووك لمصر
تحياتى لاحلى لمضه فيكى يا منطقه
السلام عليكم
الف قليل قوى ممكن نقول الف مليون مبروووووك
ويارب كدا دايما مشرفينا
تحياتى
على فكره يا لماضه انا اتخرجت من المدرسه عام 1911 يعنى عيب انى اتمد بالخرزانه
وكمان السجاير دى ضيقتك فى حاجه ده حتى دخنها حلو موت
فى سجاير بالشكولاته اجبلك
الف مليووووووون مبروك
دشليون مبروك
وعقبال كاس العالم
تقبلى مرورى
احمد سكر
لماضة لو سمحتى متقولوش انتو كلتو اية تانى الا اذا كنتى هتشتركى فى خاصية البلوجر الجديد وهى ارسال الطعام او ريحتة عبر الانترنت
ايقى زورينى بقة عشان تردى لزيارة وتدخلى عليا وفى ايدك 2 كيلو مووووز
يلا باى
الف مبروك يا بشرية
غير معروف
لا طبعا لو ام محمد صوتت وانا وانت صوتنا اكيد السكر مش هيغلى وبعدين ربنا ما يجيب نكد ربنا يديم الفرح
,,,,,,,,,,,,,,,,,,,,,,,,,,,,,,,,,,
عبد الرحمن يا سين
مهو المشكله انى ملقتش العدة بتاعتكم دى وملقتش حد يرسملي فاتصرفت بالمتاح :)
,,,,,,,,,,,,,,,,,,,,,,,,,,,,,,,,,,,
خالتشى فرنسا
طيب سمعينا زرغوطه حلوة :))
,,,,,,,,,,,,,,,,,,,,,,,,,,,,,,,,,,,
ابيييييييي
ههههههههههه والله ابن اختك ده سكر ربنا ايحميه بوسيهولى وشكلى عينى هتزوغ عليه واخطبه هو كمان
,,,,,,,,,,,,,,,,,,,,,,,,,,,,,,,,,,
صبااااااااااغ
منورني يا ريس والله انت تكتب براحتك عرايض ميهمكش
انا شفت الكرنفال اللى انت عمله يا عم فداك مليون صوبع رووج بالمناسبه عندى 2 طازه احوشلك واحد يبقى عيش وروج قصدي ورز
,,,,,,,,,,,,,,,,,,,,,,,,,,,,,,,,,,,
دينامو الاخوان
حمد لله على االسلامه
,,,,,,,,,,,,,,,,,,,,,,,,,,,,,,,,,,,
مشمش
الله يخليكى انا اكتر مبروك لينا كلنا :)
,,,,,,,,,,,,,,,,,,,,,,,,,,,,,,,,,,
ابو صلااااااااااااااح
وسعوااا يا خبر والله ليك وحشه كبيره فينك
كنا مفتقدينك بجد الحمد لله انها عدت على خير وعوزينك ترجع بقى
,,,,,,,,,,,,,,,,,,,,,,,,,,,,,,,,,,
اونلي سبوت
مبروك لينا كلنا ويارب دايما فرحانين
,,,,,,,,,,,,,,,,,,,,,,,,,,,,,,,,,,,
محمد
اه والله عندك حق الف واحده مش كفايه ربنا يديم علينا الفرحه
,,,,,,,,,,,,,,,,,,,,,,,,,,,,,,,,,,
صوت من مصر
انت بتغريني يعنى ولا يه برضه بكرهها عمى عمممممى وياريتك بجد تبطلها انت اخويا ويهمني صحتك ومصلحتك جدا انت لا تتخيل المناظر اللى بشوها كل يوم فى المستشفىقدامي بسبب السجاير دى حاول تفكر تانى ربنا يكرمك
,,,,,,,,,,,,,,,,,,,,,,,,,,,,,,,,,,
سكر
ربنا يسمع منك يارب دايما فرحانين كده
,,,,,,,,,,,,,,,,,,,,,,,,,,,,,,,,,,
صحفية روشة
ههههههه انتى داخلة على طمع ولا ايه
ديالك حالا طبعا عشان الموز اللى جالك اكله كله تصدقي ده احاجه الوحيده اللى نسيتها فى القاعده دي يلا تتعوض البطوله الجايه ان شاء الله :)
,,,,,,,,,,,,,,,,,,,,,,,,,,,,,,,,,,
ابو العساقيل
بشرية بس وكل المجرات كمان
ايه بشريه دىعشان انا يعنى طب بشري ولا ايه :))
برافوووووووووووووووا
اخيرا نقدر نقول ان شاء الله ان فيه امل اننا ندخل كاس العالم
الف مبروك لكل المصريين
ومبروك لجدو مبارك صانع جوول ابو تريكة مش دي برده اول ضربة جوية والاخيرة
دن ددن دن مصر
اية يا بنتي العدة الجامدة دي
وبتاكليهم كمان
ههههههههههه
بجد زي العسل والله
انتوا كدة بهدلتوا الصيدلية
علي العموم الف الف مبروك وعقبال كاس العالم
ألف مبروك لمصر
ويارب فى فرح دائم
مبروك علينا يا حبيبتى و عقبال كاس العالم ..انا جربت الفرحة فى 90 بس متهيألى الجيل بتاعكو لو وصلنا هيخلى للفرحة طعم تانى ..كنا زمان نكسف نعلى صوتنا والجيران يسمعونا .. دلوقتى هو دا أحد الاهداف الرئيسية من التشجيع انك توصلى صوتك لأخر مواطن عل حدود السودن و ليبيا ..
ربنا يكرمنا عشان تفرحوا كمان وكمان تحياتى يا قمورتى
مبلاش التماحيك دي
واية يعني المعلم من عندكوا
طب ما المنتخب كلوا من عندا
من مصر يعني
:)
مبروك وعقبال متخدوا الكادر بتاعكوا بدل منتوا بتشحتوا كدة على كل المحطات الاخبارية
صعبتوا عليا
يا ريت تعملوا شعار موحد على غرار طعاطفك معانا مش كفاية .... اتبرع للدكتور ولو بي حقنة
:)
:)
تحياتي
تعرفى يا لماضة كنت كل لما اسمع اى خبر وحش احس انى او عشت فى اى بلد كان يبقى احسن
لكن فى اليوم ده اكتشفت انى بحبها اوى وانا فى وسط الناس وعمال بشجع وبهتف باسمها
وتانى لما صحباتى كانوا بيكلمونى على النت كنت فخورة بانى مصرية فى وسطهم وهما كمان كانوا فرحانين لينا اوى وكل واحدة وصفت لى اللى حصل فى بلادهم مع انهم مش مصريين بس كل العرب كانوا فرحانين لنا ... وقتها حسيت بجد بمدى عظمة البلد دى ... ربنا يهدى الحكومة بقى ويبطلوا يسؤا فى سمعتنا
مبروك مبروك مبروك
والله كل ده
علشان تعاطفنا مع غزه وسجدنا لله شكرا
والله وعملوها الرجاله
في كام مونتاج كده للأهداف عايزك تمري على مدونتي
وتحمليهم
وتشوفيهم
وتقوللي ليه رأيك
تحياتي
:)
طيب الف الف مبروك
وان شاء الله دائما من فرح لفرح ومن نصر لنصر
وانا اول مره ادخل عند حضرتك
مدونه رائعه جدا ماشاء الله
وجزاكم الله كل خير
مبروووووووووووووووووووووك مبرك يأحلى بلد فى الدنيا مبرووووووووووووووووك
الناس ما بتصدق تلاقى حاجه تفرحها وسط الظروف الاقتصاديه و الاجتماعيه دى يا لماضه
و من نزولهم الشارع بالاعداد دى ده معناه ان جواهم طاقه بس يا ريتها كانت اجابيه عشان ينزلوا فى مظاهرات ولا حاجه تنفعهم و تنفع مستقبل البلادى
موضوع جامد كالعاده
تحياتى
طبعا يا لماضة مين يشهد للعروسة
او بمعني ادق مين يشهد للمعلم
..
ماشي يا ستي عرفنا انه بلدياتك
و مبروك على الفوز اللي رفع راس كل مصري
صحيح طلعت بعد الماتش ادور على اي حد كاميروني اغيظه
يس ما لاقيتش
يالا ما علينا
"متهيألي لان دى الحاجه الوحيدة اللى هتيجمعوا عليها من غير خوف"
هو ده بالظبط
وكله بيخاف اليومين دول
ومن صفرتاشر ألف سنة
مبرررررررررررررررروك لمصر
وليكى يالماضه
افاق الحرية
يجعل كلامنا خفيف عليهم مبروك عليكى يا مصر
,,,,,,,,,,,,,,,,,,,,,,,,,,,,,,,,,
عبد الرحمن ونور
شفت بقى مش اى اى ولا زي زي :)
,,,,,,,,,,,,,,,,,,,,,,,,,,,,,,,,,
ابن عمر
الله يبارك فى حضرتك يارب دايما الافراح
,,,,,,,,,,,,,,,,,,,,,,,,,,,,,,,,,
ماما فاتيما
اه والله نفس بجد صوتنا يعلى فى كل حاجه كده
,,,,,,,,,,,,,,,,,,,,,,,,,,,,,,,,
اسكندراني متغرب
كده كده
اه المعلم شحاته من عندنا زعلان ليه
وكمان ان شاء لله هناخد الكادر وهبقى اعزمك على كابتشينو كمان
وش مطلع لسانه
,,,,,,,,,,,,,,,,,,,,,,,,,,,,,,,,,,
قطة الصحرا
قطتي انا بحبها كل يوم اكتر من اللى قبله لما بشوف ناسها الغلابه وقلبهم الطيب وشقاوة شبابها وخفة دمه
وقطه الصحراواجدع ناس
وسمعنى سلام
,,,,,,,,,,,,,,,,,,,,,,,,,,,,,,,,,
امير الهدوء
عنينا هشوفهم حاضر
مبروك ليك
,,,,,,,,,,,,,,,,,,,,,,,,,,,,,,,,,
الفاتح الجعفري
امين يارب
الله يخليك ده من ذوق حضرتك احمد الله ان مدونتي عجبتك
,,,,,,,,,,,,,,,,,,,,,,,,,,,,,,,,,,
بيحبك يا مصر وانا كمان
مبروك ليك ولينا كلنا ولمصرنا
اغنيه شعبولا الجديده :))
,,,,,,,,,,,,,,,,,,,,,,,,,,,,,,,,,
شريف طلال
اه والله شعب غلبان ما بيصدق اى لحظه فرح الله يخليك مبروك ليك
,,,,,,,,,,,,,,,,,,,,,,,,,,,,,,,,,
رجل المطر
الله يبارك فيك ومبروك لمصر ولينا كلنا
,,,,,,,,,,,,,,,,,,,,,,,,,,,,,,,,,,
خبيب
للاسف نفس منخفش الا من اللى خالقنا بجد هنتغير كتير
,,,,,,,,,,,,,,,,,,,,,,,,,,,,,,,,,
الشااعر
الله يبارك فيك
مبروك لينا كلنا :)
بجد روح قوية جداا
ووطنية ما شاء الله
عقبال اما نحارب يا رب
و بس
و سلام عليكم
ادم
هههه الله يخليك
هنحارب بعصيرالقصب برضه
ربنا يسمع منك
تشيكو شيكو رونو واوا
انا ناوى اقفل الكوفى شوب واسافر غانااتعلم غانى واجى تانى
خلى بالك من الكابتشينو والزباين
طب اقول ايه الف مبروك علينا كلنا
بس حرام عليكى بهدلتى الصيدلية بقشر اللب
خالد
خالد
لا امال مين هيجيب الكابتشينو
وبعدين انت ناوى تستورده ن هناك ولا ايه
:)
السلام عليكم
مدونة اكتر من رائعة
ربنا يوفقك يااااااارب
الف الف الف مبروك علينا كلنا
وانتى بقى من كفر الدوار كده الواحد يرفع القبعة لسيادتك لان دى بلد حبايبى الحلوين
وفيها ناس بحبهم جداً
فعلا كفر الدوار بتطلع مواهب
النجم القادم
الله يكرمك
ده من ذوقك بس
تنورني اى وقت
والوحش من عندنا احنا كمان
بيب بيب بيب
حسن شحاته يابو الكباتن انت من المساكن
مبروك لمصر وللمصريين
ممممممممممممم... اول حاجه لفتت نظرى الصوره... تحبى اقولك الترتيب... من اليمين رضوى, دعاء ,مروه.. ولو اتجهت ناحيه الشمال شويه هتلاقى الدكتور صاحب الصيدليه موجود... اما لو كنت بتتفرج من مدرجات الدرجه التالته فهتشوفى طشاش كده قاعده جوا المعمل . ياجماعه اصلى كنت موجوده بس انسحبت بدرى عشان كنت خايفه يضربونى... اصل كنت بشجع الكاميرون :))
روز
Post a Comment