اللهم اجعله خير

مذكـــــــــرة

مقدمة إلى عدالة الحكومة
للرد على طلبات قليل من الأحلام في البوست السابق

الوقائـــــــــع

نحيل بشأنها إلى ما جاء بعريضة الدعوى منعا من التكرار وحرصا على وقت عدالة المحكمة

الطلبــــــــــات

تحقيق أحلامهم اللي حلموا بيها معايا وهي كالآتي

أولا : ستت كل من بشمهندس مصري ود/ دغيدي وانكسارات واسكندراني وزورادق ومكنتش هسكت إلا لما اطمن عليهم في بيت العدل
ثانيا : فتح فرن بلدي وشامي وفينو لكل من مروة جمعه والراجل اللي بيحب مصر زيي وشيري ودواير هفتحله قسم حلواني مخصوص عشان يبني مصر تاني وأنا همسك التوزيع بدل ما الناس تموت في طابور العيش

ثالثا : عمل قرعة حج لأسر بحالها مش أفراد بس لكل من قبلة الحياة و لدنيا الجميلة وأسماء زيد

رابعا : محمود وآي جي ناس فيها الخير هتتبرع بالنص بس أوعوا تقلب معاكم زي النكتة بتاعه مي بهاء

خامسا : ناس مصدقتش نفسها يا جماعه وأغمن عليها من الصدمة أولهم أنا ومستجدة وعبد الرحمن ياسين ومدحت محمد وإنسان وعرين الغضب و أنين الحزن حد يشممهم ربع جنيه

سادسا : خالتي فرنسا ودكتورة فضفضة وبشمهندس يا مراكبي حمايا وأستاذ عادل صاحب أحلى كراكيب وبانجو و ويكا وفضفضة قالولي شخشخى جيبك شوية مليون ميعملوش حاجه في الزمن ده والله عندهم حق لكن الحقيقة المرة يا جماعه إن لما حد بيسألني على فكه عشرة جنيه بقوله الحقيقة أنا محتكمش عليها لو كان الأمر أمري لو كان فيه شيء بيدي

سابعا : ناس بقى لمضة بجد زي احمد سعيد بسيوني اللي عاوز يسيب الكلية وصوت من مصر عاوز يشتري سجاير واسكندراني متغرب اللي عاوز يقفلنا البلوجر دول بقى هيتحرموا من الميراث

ثامنا : آفاق الحرية وهمسة قلم فكروا في فلسطين رغم كل ده أقولهم يا جماعه الناس دي اغني مننا صدقوني على الأقل بيشوفوا معونات وبتوصلهم إحنا المعونات بنسمع عنها بس

تاسعا : همس الأحباب والراجل العجوز الطيب سوو وأمين سر افتكروني لما اتنغنغوا والله فيهم الخير وهيشغلوني كمان في المستشفى اللي هيفتحوها بس أكيد مش استثماري روحوا ربنا ما يقطعلكم عادة

عاشرا : عاشقة الفردوس وكلاكيت تاني وتاني ومروة سلطة فكروا في ناس موجودين معانا وغايبين عننا زي المسنين والأيتام والمجانين فعلا الناس دي محتاجه مساعدتنا وتواجدنا معاهم مش بس بالفلوس

من الأول نعد تاني : أنا وفاطيما وشاهي ومشمش اللي ناوي يبهدل في أخوه اهو أولى من الغريب فكرنا في مساعدة اقرب ناس لينا لرد ولو جزء بسيط على وقوفهم جنبنا أخواتنا وآبائنا وأمهاتنا

ثانيا مكرر : دكتور اشرف حمدي و دكتور حر ومحمد شدو والآم وآمال وعاليا حليم وثورة كان تفكيرهم عملي بحت فكروا في الشهادات والمشاريع والكتابة والفن بحييكوا الحقيقة

ثالثا : أيار واجدع بنوتة ناويين ياكلوا بمليون جنيه مستنياكوا في العيادة نستفتح بيكوا

رابعا : نيرفانا وجعتينى خليها على الله ربك لما يريد على رأي عم منير

خامسا : عبد الرحمن فارس وعتاب عاوزين عمارة من بابها وخيخه عاوزه شقة واحده فيها و بمناسبة عيد الأم الكرسي الهزاز عليا يا حماتي بس الشقة ومنشر الغسيل عليكي وهنوده عوزاها على الكورنيش وماله بس اعملي حسابك أنا اهجيب العوامة والجردل معايا وليا أسبوع في الصيف

الدفـــــــــاع

يتمسك الدفاع بالدفوع السابق إبداؤها بمذكرات دفاعه أمام حكومة أول درجة وما جاء بعريضة
الطلبات و نصمم على الطلبات الواردة بعريضة الدعوى ومذكرة الدفاع
ومنها نستنتج ان احلامنا بسيطه قوي والله وان اول حاجه فكرنا نعملها دي بالظبط اتجاه ومحور حياتنا وهدفنا اللى حطينه قدامنا وبنسعى ليه ويمكن مش واخدين بالنا منه خلينا نسعى ونخلي النيه لله اكيد بكرة أحلى ان شاء الله

بنـــــاءا عليـــــه

قررت لماضة حضوريا برفع الدعوى لصاحب الأمر من قبل ومن بعد
ولو بأيدي كنت وزعت 70 مليون تقريبا على الإخوة المدونين ده على ماوصل إليه عداد التعليقات اللمضة حتى الآن لكن العين بصيرة 6/6 الحمد لله والجثة كلها قصيرة وبدون تكليف أي حد يسلفني أتنين جنيه أروح بيهم

الحلم خلص خير اللهم اجعله خير

,,,والله ولي التوفيق

وكيل المدعين

لماضة والأجر على الله