بطاقة العجين
الوحدة المحلية لمركز ومدينة الجعان يحلم بسوق العيش
مسلسل : الجوع الكافر
مشروع توصيل الرغيف أبو شلن لحد باب الدار
قيمة الاشتراك : دم قلبك
اسم المشترك : المواطن مطحون
اسم المنطقة : الضرب في الميت
اسم الشارع : الطينة من الطينة واللتـّه من العجينة
اسم المخبز : الفرن الآلي نورت يا خالي
تاريخ الاشتراك : نفس تاريخ شهادة الوفاة
اسم المشترك : المواطن مطحون
اسم المنطقة : الضرب في الميت
اسم الشارع : الطينة من الطينة واللتـّه من العجينة
اسم المخبز : الفرن الآلي نورت يا خالي
تاريخ الاشتراك : نفس تاريخ شهادة الوفاة
مشرف المنطقة
الباشا الكبير
المفتش التمويني
لم يتم التعرف عليه
ختم المثلث أحلى مـالشرف مفيش
!!! بلد بطاقات صحيح
51 comments:
يا نهار ابيض انا الاول خير خير
حلوه قوى البطاقه التموينيه دى ولا دى فيلم..؟؟؟
بس عموما هى كدبه ابريل يعنى لو قلتى عليها برنامج اطفال حنصدقك
تحياتى ليكى سومه_87
دي صورة من البطاقة بتاعه العيش يا سومة
انا اخدت البيانات دي منها فعلا
لا يا لماضة
انتي ظالمة الرغيف معاكي
ده ايد الراجل اللي ماسكو هي اللي كبيرة يا شيخة
:D
اهو احنا دايما كده نبص للجانب المظلم
انتي يعني مش شايفة انجازات الحكومة ولا ايه؟
هما هيعملوا ايه ولا ايه يا عيني
غلاااااابة
:$
ايه ده يا لماضه
هم عاملين البطاقه شبه الرغيف ولا ايه
اناسمعت انهم عاوزين يوصلوا العيش للبيت اه
امنا اول مره اسمع عن البطاقه دى
هيعملوا بيها ايه
ولا ناوين ياخدوا عليها مصاريف تحصيل كل اول شهر من باب ايجار للبطاقه
دى البطاقة الحمرا بتاعة المواطن س
المهروس اللى هرستة الحكومة وفى الاخر تقول انا مع المواطن الغلبان وعجبى عليك يازمان ماتتديش لقمة للجعان
باقين على الكفاح
صامدون حتى النهايه
بوم بوم تم تم
وهناخد العيش يعنى هناخده
يزغر
يكبر
يطول
يرفع
باقين
بوم بوم تم تم
هاهاها
فعلا هى دى كذبة ابريل ..
ولو كانت مش كذبة..هتبأة حقيقة صعبة المنال ..
تحياتى على الموضوع الجميل ..وطريقة التقديم الرائعة :)
http://wa7di-ofakker-137.blogspot.com/
لماضه دايما متاخره لكن بتيجى لمضه بصحيح
الحمد لله حد غيرى عبر رغيف العيش ابو شلن
الوحدة المحلية لمركز : عض قلبى عشان اختفى رغيفى
الاشتراك : سف التراب
اسم المشترك : المفحوت مصرى
العنوان : حارة الملح من غير عيش
رقم : ما تعدش
المخبز : يا طابور الهنا يا ريتنى كنت انا
تاريخ تجديد الاشتراك : يوم شراء رغيفين ومعاهم مسمار هدية
مشرف المنطقة : جارى البحث
المفتش التموينى : شعرة بن ابى عجين
ختم النسر وجناحاته رغيفين وعبارة مأثورة : ان جالك الطابور حط ديلك فى سنانك واخلع
وحشتنى لماضتك
حبى ودعائى
هدى
لذيذ اوى البوست ده
هما مش ناويين يحطوا صورة على البطاقة؟؟
يعنى صورتك كدة وانتى بتاكلى رغيف عيش؟
طب هنعمل اية لو البطاقة اتسرقت؟
بس بجد بقى
يا ريت نحاول نبصلها من اى نحيه ايجابية
يعنى احنا مش عاجبناه انهم بيريحونا من طابور العيش باى وسيلة كانت؟
طب نستنى اما المشروع يتنفذ ونبقى نعدل فى براحتنا بعد كدة
لكن اننا دايما نبص للموضوع من الناحية السلبية بس
كدة اعتقد ان من كتر الاحباط نص الشعب هينتحر والنص التانى هيولع فى نفسه
تحياتى يا جميل
مرمر يا قمورتى
انتى موش واخدة بالك
أصلاً هما عاملين الرغيف فى الحجم دا على قد قرص الهامبرجر اللى هيتحط فيه للعيال و هما رايحين السكول الصبح !!!
و بلاش افترا على الناس بقى
هيعملولكو أكتر من كدا إيه بس؟؟؟
لماضتك دى مجننانى يا طعامة
صغير ومش عاجبك وبرضوا هتقفي طابور عليه
تحياتي
محدش بياكلها بالساهل
ده غير قرار المحافظ بإن توصيل العيش للمنازل يكون بصورة البطاقة العائلية
يعني للمتزوجين فقط
انما الأرامل و المطلقات و العزاب ملهمش عيش عنده
و يحرم عليهم الدليليفري و لازم ينطحنوا في الطابور
ههههههه
لماضة وحشتنا لماضتك بجد
ومبروك عليكى البطاقة
ويار ب ما تكونش كدبة ابريل بجد
وفعلا احلى مالشرف مفيش
ولا حتى رغيف العيش
هههههه بجدهى لماضة
تحياتى وبلاش غياب كتير
خالد
بحب سخريتك الاذعه ولماضتك
بضحكيني في عز الالم
بيقولوا هم يضحك وهم يبكي
وقدرتك رهيييييييبه بجد
لو مضحكناش هنموت من الغم
وحشتيني
اسم المخبز : الفرن الآلي نورت يا خالي"
"
ههههههههههههه
طيب ليه مسموهوش علي اسم جده !! :D
بلد بتاعت شهادات صحيييييييح
يافرحة قلبي
البلد بتتقدم
ايه يا لماضه
البوستات التلاته دول بتوعك
وانا معلقه عليهم عندك
خصوصا بتاع القرد
والشغل
انتى بتتسرقى ولا ايه ؟؟؟؟؟؟؟
لماضة يا طعامة
متزعليش يا حبيبتى انا دخلت عندهم قولت اللى يقدرنى عليه ربنا بس عالله يسيبوا التعليق ميحذفهوش ...و لو انها موش بعيدة مهما لا مؤاخذة خالص
بس موش معقول كدا ..
دا حتى نص حقوق الملكية موش مغييرين منه حرف ..
دا الكسل دا نقمة سودة ...
متقلقيش يا مرمر ...
دول نفسهم قصير و موش هيكملوا ...
و الا هنفضل وراهم ...
و ايه حكاية ماتش الاعتزال دا ؟
متخوفينيش بقى و توجعى قلبى و تقولى حاجة تحسرنى على بنتى حبيبتى
ههه
ادينى مستنية البوست الجاى أما أشوف
لا يا لماضة دي مواضيعك انتي وكلنا عارفين كده
وكمان المدونة العقيمة اللي سرقاهم دي ملهاش زوار اصلا
يعني مش هتفرق معاكي
انا شايف انك تكبري دماغك
وسيبك من حكاية الاعتزال دي
انا اعرف ان مخك اكبر من كده بكتير
الا لو كان فيه سبب تاني
!
بطلي بقى اللماضه دي
ماله الرغيف ولا مؤاخذه
انتي فين صحيح محدش بيشوفك ليه
اولا انا اول مرة اشوف كدبة بالصدق دة
ثانيا
ودة الاهم انتى ليه مش سامحة بالتعليق فى موضوع البوستات المسروقة
كل الناس عارفة انك صاحبة البوستات دى والحرامية التلاتة هم اللى سارقينها ومافيش دليل اكتر من عدد زوارك واصدقائك المدونين وانتى لو انسحبتى من المعركة دى وانتى صاحبة الحق حتخلى فرصة لامثالهم انهم يظهروا
ياجماعة انا عندى اقتراح باطلاق حملة الدفاع عن لماضة
ونحاول نشوف طريقة علشان ننظم جهودنا واللى عنده فكرة او اقتراح ينشره على البوست
وادى اول اقتراح
1-كل واحد يدخل عندهم يقول اللى ربنا يقدره عليه
2-كل واحد يكتب فى مدونته عن الحكاية دى
واللى عنده اقتراح تانى يجيب
فيه عندي مقالة كنت كتبتها اسمها
طهقان وطهقانة هموم تدوينية وياريت تقريها
يالماضة لا تدعي أحد كهذا يتسبب في اعتزالك، كذبتهن مكشوفة للجميع وجميع من يقرأ مدونتك يعرف ذلك، ونحن سنقوم بالواجب ان شاء الله في فضحهن على الملأ
وعلى فكرة، بوست عيد الأم اتحذف
!!!
تحديث: وبوست القرد أيضاً
!!!!
السلام عليكم ورحمة الله وبركاته
ماتزعليش نفسك يا لمااضه دا ان كان يدل فايدل علي ان الكلام اللي انتِ كتباه مميز
عاوزه اقولك ان الناس اللي زي دي بيبقي عمرها قصير ومابتقدرش تستمر علي الكدب كتير
انت عارفه انهم سارقين برضو بوست الوجه الآخر للضحوكه دائما بتاع د/ اجدع بنوته
ومسامينه العمر لحظه ..هنا
http://3crazygril.blogspot.com/2008/03/blog-post_8105.html
يعني مش انتِ بس
اما اروح اشوف يمكن يكونوا سارقين من عندي حاجه انا كمان ، ولا ون يعني موضوعاتي ماتجيش حاجه جمب الكلام الجميل بتاعكم
سلام
ماما فاطمة
الله يكرمك ويعزك يا رب
انا لاقيت التدوينات اتحذفت ملحقتش اشوف التعليق كما توقعتى حذفته طبعا بس كان نفسي اشوفه
:))
دكتور دغيدي
الله يكرمك يا باشا
انا عارفه والله بس بجد انا مدايقة جدا من اللى حصل ده لانها مش اول مرة
ومش عارفه اعمل ايه
انت ناوي تعمل ثورة ولا ايه
لا ياعم الكلام ده كبير
بابا عصفور
شفتها دلوقتى
بس حاجه تحزن حقيقي
انا مقتنعه برأي حضرتك
بس مش بالشكل ده
دول مش سايبين كلمة
حتى كلمة حقوق الملكيه اللى كتبتها لما شفت موضوعاتي فى المنتديات
نقلينها بالحرف
ياسمين حميد
سيدي يا سيدى
والله يا سمسمه انا عارفه اني ورايا بنات جدعه زيك
:))
بس قوليلي ليه مش بعرف اعلق عندك اكتر من مره وعلى المدونتين بدخل مش عارفه اسيب تعليق
يمكن النت وحش من عندي لان فيه ناس سايبه تعليقات
بجد انا مش عارفه اعمل معاكي ايه ولا اشكرك ازاي انتى وكل الناس الجميله دي
دكتوره فضفضه
الله يخليكي ويكرمك يارب
ايوه انا جالي الاحساس ده برضه
انهم مش كاتبين ولا كلمة من عندهم
روحي شوفي واتاكدي
وبعدين يا جميل انتى موضوعاتك مميزه وقاتله بجد حلوة جدا وانتى عارفه مش لازم اقول
اللى ا نا مستغرباه ان اللى بتكبه مش ذو اهميه انه يتسرق وينتشر بالشكل ده
تحديث: تم حذف البوست الثالث أيضاً
طلعوا جبناء
حسك عينك تجيبي سيرة الإعتزال دي تاني
مش كفاية مشغولة في الإمتياز و قبلنا و عصرنا على نفسنا لمونة و قلنا ماشي
لا دا انتي لو قبلتي تنسحبي من قدام الحرامية يبقى نفسك قصير قوي
و انتي مبدعة متميزة يا بنتي
و دي ضريبة التميز و الإبداع
عادي كل ما تلاقي حد سارقك قولي لنا و احنا نخش نضبطه بكلمتين على دماغه و نسيح له و نفضحه
انما تعتزلي
لا و الف لا
احنا ما نقدروش على كده
:)
دي طلعت حرامية على كبير يا بنتي
سارقة منك و من أجدع بنوتة و من غادة برايد
دي طلعت محترفة سرقة
يعني ما يتبكيش عليها و لا يتزعل منها
أحسن حاجة نقيم عليها الحد
:)
تحديث
دول كمان غيروا اسم المدونة
الله ينور ياشباب
كدة فى امل
عقبال الحرامية الكبار
دول بقى مش تلاتة
دول كتير وبس مش سرقوا بوستات من مدونة
لا دول سرقوا شعب اصحاب المدونات كلها
بس ياخوفى بقى يغيروا اسم البلد والشعب
ويفضلوا هم
الحمدلله يا لماضه انا قلت الي فيه النصيب وربنا قدر وفعلا غيروا كل حاجة حتى الاسم
كلنا معاكي
ومش عايز اسمع ماتش اعتزال ديه مره تانيه
بجد المختصر المفيد ربنا يسترها علينا ويعدى الايام دى على خير
أحلى مـالشرف مفيش
---
الواحد بيشوف "مفيش" في كل حتة في البلد
على فكرة أنا جاي أعلق على موضوع سرقة موضوعاتك واللي أكتشفت مع السف إن المدونة المذكورة سارقة كاريكاتير لي ومشوهاه ومغيره التعليق كمان
هذا وإن دل يدل على إفلاس فكري وإن فكرة المدونة عند البعض أنها زيها زي الموبايل واللاب توب والايميل
يعني اكسسوار من ضمن مظاهر الوجاهة
يعني شخص عمل مدونة لمجرد أنه عنده مدونةمش مهم يملاها أيه .. حتى ولو لطش موضوعات وصور ورسومات من مدونات تانية
أما حكاية ماتش اعتزال لماضة
فرجاء لا تلعبي هذا الماتش
:)
خالص تحياتي
البوست دمه سخيف جدا وكمان مسروق بطلي بقي الاحسن تعتزلي يبقي اكرملك بلا خيبة
لماضتي أنا مش عارفة اللي بيحصل بالظبط بس أوعي تستسلمي كلنا عارفين الحقيقة ومعاكيييييييي
ماتزعلينيش منك
الناس دي عمرها ماهاتقدر تخدع حد إنتي عندك شك فينا ولا إيه؟
ولا إيه؟
ولا إيه؟
معلش يا لماضه انا مليش حق اني ارد على حد في مدونتك من غير اذنك فاسمحيلي علشان انا هتشل من الناس العجيبه ديه
الاخ المجهول
واسمحلي لما تبقى تقول اسمك ايه وانت مين ابقى اتكلم متفتكرش نفسك شجاع
ثانيا
اذا كان البوست سخيف والبوست مش كدة اصلا .. فطريقتك الي بتتكلم بيها اسخف من اي شيء تاني.. واظن لو كان البوست مسروق يا عم مكنوش شالوه الناس الي سرقته .. واذا كان مسروق من حد غيرهم اثبت دة .. وفي الاخر كلنا عارفين انك مش صادق
ثالثا
معلش يا دكتورة اعداء النجاح كتير .. ودة واحد من الي قلبهم متغاظ .. كلنا معاكي وبنجب كتاباتك وسيبك منه
في مثل بيقول
دع القافله تسير والكلاب .. تعوي
تحياتي
الاخ مجهول
فيه مثل وحش مش هقدر اقوله
بس فيما معناه مش عارفه ايه تلهيك وتجيب اللي فيها فيك
انا هكمل يا جماعة ومفيش ماتش اعتزال ان شاء الله
وبجد بشكركم من كل قلبي
وان شاء الله اول ما اروح البيت هنزل البوست
اعذروني لاني بتابع بس من الشغل
حمدالله على سلامتك يا لماضه
وحشتينا والله
اولا ياستي احنا ولا سارقين ولا الكلام دا كل الحكاية عجبتنا كام موضوع اخدنا على سبيل الاقتباس مش سرقة والكلام الكبير دي وبعدين المدونة بتاعتنا احنا بس اللي كنا بندخلها يعني ولا هنتاجر بالكلام بتاع حضرتك ولا غيره واحنا ناس محترمة ولسة داخلين عالم المدونات جديد كنا متشركين في منتديات كتيرة وكنا احينا بنقتبس حاجة نحس انها ظريفة ومناسبة مش معني كدا اننا حرامية لكن الكلمة دي عيب احناونقسم بالله منقصدش اننا ناخد حاجة وننسبها لنفسنا وبعدين احنا حذفنا كل الموضوعات اللي تخصك مش معني اننا اخدنا كاريكتر تم تعديله من عندنا اننا عندنا افلاس فكري ابدا اولا احنا صحفيين والحمد لله ونقدر نكتب كويس واننا حذفنا الشات ووقف التعليقات لان الكلام كان جارح
حاجة اخيرة ربنا يوفقك واحنا غيرنا كل حاجة لان احنا اصلنا نيتنا سليمة منقصدش شيء ولو حضرتك تحبي تبقي تشرفينا في مدونتنا الجديدة يسعدنا علشان تتبقي برضوا تتاكدي اننا مش اخدين حاجة منك ولا من غيرك وسلام عليكم
الصحفيين التلاته
اولا يا ستي انتوا سارقين فعلا
للاسباب الاتيه
اولا انتوا مش كاتبين ان المواضيع حتى منقولة
ثانيا بعض المواضيع نسبتوها لنفسكم فعلا ولو تحبي امارة موضوع عيد الام اللى اعتذرتي على التأخير فيه قال ايه عشان يوافق عيد ميلاد والدتك بالمرة وقمتي نازله بالقص واللزق بتاع موضوعي افتكر دي سرقة علني ولا رأي حضرتك ايه ؟
ثانيا يا ست الكل لو مش في نيتك حاجة مش اولي تستأذني صاحب الشأن قبل ما تنقلي بالحرف كلام كتبه ولا ده ملوش اعتبار عند حضرتك
ثالثا وده الاهم
انك مكتفتيش بنقل المواضيع فقط انتى كمان نقلتي كلمة كارت ارهاب اللى انا حطاها ب تاعة حق الملكية الفكريه
يعنى حتى دي كمان عندك ناقصه مش عارفة تكتبيها
واسمحيلى لو انتي صحفيه
انا بشكك في كل كتاباتك ولو عندك الشجاعة اظهري اسمك
واظهري كتاباتك اللي مش مسروقة عفوا منقولة
انتي المفروض صحفيه واكتر الناس ادرى بحق الملكية الفكرية والكتابات يعنى ننخلي الكلام ده لحد جاهل او ميعرفش
رابعا
انا ميشرفنيش يا ستى انى اشترك معاكم في حاجة
من غشنا فليس منا
انتى هتموتينى من الضحك يا لماضة
لو مت وصيتك العيال اللى هتيتميهم وذنبهم فى رقبتك
كدبة ابريل صحيح
انا مخدتش بالي والله ان الموضوع توزيع العيش على البيوت دا في ابريل
انا بس اللي عايز اعرفه,, هل بعد كده الدقيق مش هيتسرق برضو ؟
مجرد تساؤل أهبل
شكرا لماضة
فعلا بطاقه تمونيه ميه ميه
بس دى على انهو رغيف بالظبط؟؟؟؟؟؟؟؟؟؟؟؟
Post a Comment