Thursday 12 March 2009

الغرفة


 
مسموح لقراءة هذا الموضوع للأطفال تحت سن الخمس سنوات والكبار يمتنعون
هذه المشاهد حدثت بالفعل .. وقد عايشتها وشاهدتها بعيني .. ولا أتمنى رؤيتها او زيارة هذه الغرفه مرة أخرى .. والله على ما أقول شهيد ..
قد ينتابك شعور غريب عند رؤية هذه الغرفة .. ولكنك سرعان ما تلتقط انفاسك فزعاً عند رؤية صاحبها .. وبمضي الوقت قد تشفق عليه وترتفع يدك للسماء بالدعاء لهذا الكائن !
واسمح لي أن آخذك بجولة في هذه الغرفة الموحشة لتتعرف على بعض أسرارها الغامضة ولتقوم بدور " شيرلوك هولمز"  لعدة دقائق لن تكلفك شيئاً .. ولكن احذر قيامك ببعض المحاولات لمعرفة خطوة قبل الأخرى فذلك قد يتسبب بظهور بعض الشعيرات البيضاء في رأسك من هول ما ستراه !
فللوهلة  الأولى قد تظن أنك داخلٌ أحد الكهوف النائية في الغابة المظلمة .. لكن دعني أبشرك أن الأمر أسوأ من هذا بكثير !
ها قد وصلنا باب الغرفة الذي تعلوه لافتة كتبت بلون الدماء
Don’t disturb already disturbed
فهل نبدأ ؟؟
تمهل !! أُطرق الباب بحذر شديد كي لا تزعج الكائن شبه الآدمي القاطن بها والذي لن تستطيع أن تميّزملامحه أو حتى نوعه ، فهل هي عجوز شمطاء ، أم فتاة ذات رأس ميدوسا ، أم هو كهل تخطى العقد الثامن من العمر في انتظار ملك الموت ليخطفه في أية لحظة وكل لحظةٍ كطوق نجاةٍ فاقداً الأمل في الحياة وراغباً بشدة في مفارقتها بأية طريقة ممكنه من هول ما يعيشه من لحظاتٍ مرعبةٍ تقرِّبه من مصيرٍ غامض ولكنه محتوم !
ولكنك إذا دققت النظر فيه قد تجده شاباً أشعثَ اللحية يغطيه فرو رأسه من جميع الجهات ، بالكاد ترى بين عينيه المتقدة احمرارا وبين فتحات وجهه المتبقية التي نسجت فيها العنكبوت خيوطها ، تنبعث منه كافة الروائح الكريهة لتجنبه الماء فترات طويلة بسبب انشغاله بالاعمال طوال الوقت، تجده يتمتم بكلمات غير مفهومة اللغة بصورة مستمرة وكأنها تعويذة يرددها لاستدعاء كافة الأرواح لمساعدته في اجتياز طريق مظلم كتب عليه السير فيه !
تحيطه إضاءة خافتة صادرة من بعض شموع سوداء أو لهب متصاعد من " لمبة جاز" لا يكاد يرى بها ما ينكب عليه ليل نهار من كتل  ضخمة تحوي اوراقا صفراء اللون  بما عليها من نقوش لاتينيه تشبه البرديات المصريه القديمه متكتله بعضها فوق بعض يلتف حولها صغارها من الورق المتناثر في جميع الانحاء سواءً منفرداً أو مُجمعاً " كحجابٍ " مطويةٍ صفحاته والتي لم تمسسها أيدي بشرٍ من قبل ولم يجرؤ أحد على قراءتها  ، لكنها كتميمةٍ اعتاد جمعها بحرص شديد على ألا تفوته بنت كلمة أو جملة كُتبت على هامشها !
كما تجد أيضاً صندوقاً صغيراً يحتوي كافة الالآت الحادة متقنة الصنع ، وتجد أيضاً بعض بقايا العظام البشرية من الجماجم منزوعة الغطاء ، والفقرات المتآكلة ، و بقايا بعض الأطراف المتهالكة منتشرةً بأرضية الغرفة .. ولا يخلو الأمر من وجود بعض الأعضاء ملقاةً في جوانبها ! فاحترس أثناء تجولك بها ومشاهدتك ما عُلق على الحائط من لوحات سريالية رُسم فيها أناس أزيلت ملامحهم  وانسلخت عنهم جلودهم وانتُزِعَت أحشاؤهم وفُصلت أجسادهم بأسهم تشير لكل جزءٍ على حدة !
ولا تخلو الجدران من لافتات مُطمئنةٍ بعض الشيء لطرد شبح الفزع المسيطر على المكان متمثلةٍ في :
" الصبر مفتاح- المفتاح مرسوم - الفرج "
، " دي قصة كفاح مش جايه ع المرتاح "
،" يا صغير ع الجراح "
" يارب سترك ورضاك "
" العين – العين مرسومة برضه -  صابتني ورب العرش نجاني "
وترج أنحاء الغرفة روح و صوت الفنان الراحل عبد الحليم حافظ وهو يردد جملته الشهيره في ملحمة قارئة الفنجان " لكن سمائك ممطرة وطريقك مسدود مسدود مسدود مسدووووووووود يا ولدي "
وإذا انتهت هذه المقطوعة تكملها كلمات المطرب العالمي عبد الباسط حمودة  " انا مش عارفني .. انا تهت مني .. انا مش انا " لتسقط بها آخر دمعات هذا الكائن البائس منعزل الحياة وهو يرتشف اخر قطرات " كوز " القهوة الملقى بجواره ليذهب بعدها في غيبوبة من كثرة ما احتساه يسلم رأسه لأحد الكتب الضخمه والتي قد تمثل فرع من سلسلة الرعب التي ينبغي عليه حفظها بطنا عن ظهر !
هذا وقد نقلنا معكم بث حي مباشر من قناة الفزع المحلية من داخل غرفة
 طالب طب ليلة الامتحان !!!
الامضاء :
أحد الوالدين

89 comments:

mohamed ghalia said...

هههههههههههههههههههههههههههه
إيه يابنتى جو الفزع ده
كل ده بيحصل ليلة الإمتحان ده الواحد معندوش دم بقى
ولا عمرى شوفت الحاجات دى ههههههههه
دمتى فى سعادة وبلاش فزع

mohamed ghalia said...

مبرووووووووووووووووك عليا أول تعليق فى مدونة لمااااااااااااااضة

عاشقه وغلبانه said...

ههههههههههههههههههههههه
ههههههههههههههههههه
ليه جو الرعب ده
كل واحد بياخد نصيبه يبقي ليه نعقدها فوق دماعنا
امتحان زي اي امتحان وبيعدي

ربنا يوفقك

اسلوبك جميل اوي

خمسة فضفضة said...

السلام عليكم ورحمة الله وبركاته

ههههههههههههه

والله يا لماضه انتي مالكيش حل

بس كان قلبي حاسس انه هايطلع كده في الآخر ماهو المؤمن يا بنتي لا يلدغ من الجحر مرتين وبما اني كلت المقالب دي هنا قبل كده فكان لازم اتوقع يعني


عموما يا ستي كفاره والحمد لله انك خدتي البكالوريوس بالسلامه


سلام

kochia said...

كل ده عشان امتحان ؟
امال انا امتحنت كتير .. محصلش يعني

المهم كدة اقولك حمد الله علي السلامة

تحياتي

simply me said...

ههههههههههههههههه
يابنت الايه

انا فى الاول افتكرته تخاريف امتحان
اتاريه طلع الدكتور نفسه
اول ماقريت "يلتف حولها صغارها من الورق المتناثر في جميع الانحاء سواءً منفرداً أو مُجمعاً " كحجابٍ " مطويةٍ صفحاته والتي لم تمسسها أيدي بشرٍ من قبل ولم يجرؤ أحد على قراءتها ، لكنها كتميمةٍ اعتاد جمعها بحرص شديد على ألا تفوته بنت كلمة أو جملة كُتبت على هامشها"

عرفت على طول انه احنا
هههههههههه

يعينى علينا

انتى كده هتخوفيهم من الدكاتره اكتر مش كفايه الاشاعات المغرضه علينا

الاانت يا لماضه زميله برضه
:) اهلا وسهلا

كفايـة طيبـة said...

يانهار ابيض

بقي اول زيارة ليا للمدونة يحصل كدة
والصور متقنة جدا
انتى جايبة الصور دي ازاى

بس قوية

ربنا يوفقك يارب
:D

صاحب المضيفة said...

هو ايه ده

طيب ماشي

كده يعني

مش عارف اعلق اقول ايه


بس في النهاية


ربنا يسااااااااااااااااااااامحك

بنت الغربة said...

ههههههههههههههههههههههههه
حصلنا الرعب والفزع يالاماضه...
ليه الجو المرعب ده ..؟؟؟
حد قالك ادخلى كليه صعبه زى دى ؟؟؟
مالها فنون جميله ..؟؟لامذاكره ولابطيخ...
واااااخر روقااان..
انتى اللى عايز طب طب طب
ماشى ياعم الدكتورة استحملى بقه العذاااب..
انا باهزر معاكى ..اوعى تزعلى ..
وحشتينى ياجمييل
تحياتى

حواء said...

كل ده بيحصل ليلة الامتحان
أومال انا مش بيحصلي كده ليه
هههههههههههههههههههههههههههههه

صمت المشاعر said...

هههههههههههه

ياخبر كل دا ليلة الامتحان

لا ربنا معاكم

ست البيت said...

سلامتك يا لمضمض يا بنتي
كنتي بعقلك
هي الامتحانات كده
ألم لذيذ
بس بجد انا مش قادرة افهم هو طالب الطب بيحفظ ايه وازاي

صباح الصباح said...

صح صح

اكبر صح

عاملين زى فيلم ET

ههههههههههههههههه

انا حره said...

انتى لسه فاكره

اه ياقلبك

يابنتى انسىىىىىىى بقى

وخلينا فالايام الاكثر سوادا اللى جايه

اهى هيا دى بقى اللى هتطلع القديم والجديد علينا وتخلينا نمسك شبشب ونضرب نفسنا واحنا بنردد انا اللى جبت دا كله لنفسى

Mafrousa said...

انتى ايه اللى دخلك كلية الطب اصلاااااا؟
انتى المفروض تكونى بتحضري ارواح
جلا جلا
يعنى انا مش فاهمة انتى بتتكتبى القصة ديه علشان تخوفى مين؟؟
هههههههههههههههههه
انتى اللى حتروحي لوحدك (وش مطلع لسانة؟)
هههههههههههههههههههههه
ابقى قابليني لو نمتى اصلا
ههههههههههه
و بعدين الهيكل ده اللى بيذاكرو عليه


انا بقول فى البعثة بتاعتك تحولى لحانوتي احسن
ههههههههههههههههههههههههه

Unknown said...

على العلمين وسنينها
ايه يادكتورة هتقلبيها مدونة رعب ولا ايه
يعنى دلوقتى لو طالب ثانوى قراها مش مشكلة لأنه مش هيفكر يدخل طب .. بس الغلابة اللى فى أولى طب وجات رجليهم ممكن يموتوا من الرعب دلوقتى ولا أهاليهم
وياريته تعليم يادكتورة
تسلم ايدك

Unknown said...

هههههههههه يا جماعه المشاهد دي حقيقيه اسالوا اي حد في طب وجرب الامتحانات
الهي ما يعودها ايام
وبعدين لازم عنصر المفاجعه
امال هتبقى اليوميه ازاي

Ahmed said...

ههههههههههههههههه
هههههههههههههههههههههه
هههههههههههههههههههههههههههههه
جااااااااااااااامد جداااااااااااااا

يعيني دانتي عيشتينا في جو رعب انما ايه

بس الفكره راااااائعه

حاجــ عيال ــات said...

يا سلام كل ده بيحصل

ربنا يكون في عونك والله
يابنتي د انت فزعتيني...حرام عليك وعقابا ليك ممنوعة من اللعب معايا خمس مرات بس هه

حاجات جوايا said...

ههههههههههههههههههههههههه
حرام عليكى يا شيخة والله
نشفتى دمى
هههههههههههههه
أنا الأول فكرتها المشرحة
وبعدين لقيتها داخلة على جو شعوذة
قلت معقول لماضة تروح الاماكن دى ههههههههههههههههههههههه

يلا بقى ربنا يسامحك
ويعين طلبة كليات الطب

سلام يا قمر
سالى

صدى الصمت - عاشقة الورد - said...

ايه يابنتى جو الرعب وأفلام الأشباح والمومياوات دى
هوه إحنا ناقصين فزع وكوابيس
ههههههههههههه
ربنا معاكى ويوفقك دايماً
تحياتى

عاشقة الورد

فوبيا - سايكولاند said...

خمس سنين ايه يا لماضه دا انا خلاص عجزت وكنت مرعوب من ليله الامتحان اقصد من الصور اللى انتى حاطها بس على فكره انا وانا زمان وانا رايح الامتحان الليه بتاعه الامتحان كنت بحلق دقنى واكوى هدومى عشان هشوف زمايلى تانى يوم اقصد زميلاتى سورى وما كنتش عامل الرعب ده كله لانى ما كنتش بذاكر اساسا وكان فيه واحد صاحبى كان قاعد جنبى الله يمسيه بالخير كان بيقوم بالواجب ويبرشم المقرر كله وكمان كان بيجى شارب بانجو فى سنه من السنين شيلنا ست مواد بعد كده خليته يبطل يشرب مخدرات قبل الامتحان بعد الامتحان ماشى عشان نعرف نحل بس

وردة said...

يا شيخة حرام عليكي
انا صدقت انك بتحكي عن فلم رعب
ومنتظرة حتفجري المفاجأة وعماله اخبي وشي
ده انتي لمضة لماضة
وبعدين عادي يعني
ما الواحد مر عليه ابتدائية واعدادية وثانوية عامة وبكالوريوس
وزي الفل اهه
احم
افضلي انت افجعي فينا لغاية شعرنا ما يبيض من الخضة
ما تبصيش كده
من الخضة امال ايه
كبرنا يعني
سلام بقي

nigro said...

الحمد لله الذي عافانا مما ابتلى به كثيراً من خلقه و جعلنا مهندسين

Anonymous said...

ازيك يا لماضه
ممكن معلش تقولى لى كفر الدوار كانت نسبتها كام فى نتيجه التكليف اصلى مش لاقياها على النت
ده لو كان توقعى صحيح وانتى منها
شكرا يا جميل

د.دغيدى said...

وبعد دة كله يودوه يشيل الغام فى العلمين
اوينفوه الى اقاصى سوهاج فى بلاد على سفوح جبال البحر الاحمر
او الى المناطق الحدودية المتنازع عليها
فى مثلث حلايب او فى وادى حلفا
او يموت شهيد برصاصة طايشة من قناص مترصد فى رفح
وانا لله وانا اليه راجعون

فاتيما said...

يا كبدى يا بنتى
إيه الفزع دا كله يا حبيبة ماما ؟
إبس نتى كدا قلقتينى
أصل يوسف كان بيحب يلعب بأدوات الدكتور
و يقعد يكشف عليا أنا و الدباديب بتاعته و يدينا فى حقن لما يبانلنا أصحاب ...
فقولت فى عقل بالى
مش بعيد يطلع ضاكتور اد الدنيا
تقومى تيجى ترعبينى كدا ؟؟
لأ ... خلاص
كفاية عندى لماضة بنتى جبيبتى دكتورة
و الواد يشوفله سكة تانية
و لازم الواحد نتعظ
خالص حبى يا مرمر

*البت المشمشية *حلوة بس شقية * said...

ايه يبنتى الجو ده
انا افتركتك دخلتى المشرحة والله
وعمالة اتخيل بقه
ده كلو طلع عشان الامتحان
ايزى يبنتى ولا يهمك

blue-wave said...

فقر فقر يعنى:))

همس الاحباب said...

هههههههههههههه
ههههههههههههه
انت حسيت انى فى بيت الاشباح
ومش ناوى اخرج تانى
دلوقتى عرفت كل حاجة
ربنا معاكى يا اختى

قلب الأسد said...

تنفعي مخرجة أفلام رعب !!!

Unknown said...

غير معرف
كفر الدوار للاسف مخدتش ولا واحد في التكليف
والا كان زماني رحتها
رغم انها عاوزه 30 دكتور
وطبعا مفهوم منزلتش تنسيق ليه
عشان الكوسه عندنا كتير انتي عارفه الاراضي الزراعيه حوالينا

Dr. Osama Deif said...

lazem tefakareena ya3ny

ahy ayam we ben3eeshha

ليس كل ما يذاكره المرء يفهمه
و تاتي الامتحانات بما تحتوي الكتب

الفراغ said...

فعلا انا رثيت لحالة هذا المخلوق
ربنا معاهوليه شوب نسكافيه من عندى جديد لانج
ومستعده اساعده كمان
الناس لبعضها
ربنا معاه

maha zein said...

يوه جتك ايه بقه
لا بجد
جتك ايه
بقه بعد الهس هس اللى عيشته
وقال بقرا براحة عشان دستور يا سيادنا ميحسوش بوجودي في بيت الرعب ده
وفي الاخر تقوليلي معرفش ايه
بلا بتاع بقه
لا لا خلاص بقه

روحي كده

فراشة said...

لمضه لمضه بجد
يا شيخه حرام عليكى ايه الرعب ده
بس هايلة وعرفتى توصلينى انى اتخنقت بجد
سناريو محبوك جدا
استدراج للفكر ولمعايشه الوضع عشان نعرف ونستوعب ما تعانونه يا طلبه الطب
تهانئى للدكتورة لماضه
وربنا يكرمك

Sweet Violet said...

هههههههههههههههههههههههههه

ينهار ابيض ده انا عشت اللحظة

بجد انتى مشكله فعلا

هديـــل الـروح said...

السلام عليكم

والله انا كنت حاسه ان الموضوع ده بيتكلم عننا أكيد فعلا والله بتبقى حالتنا يرثى لها يلا معلش كله بثوابه إن شاء الله

يا مراكبي said...

أنا قلبي حاسس من الأول إن النسب ده مش هيعدي على خير .. وأنا ماعنديش غير هو ولد واحد .. أقوم مدبسة التدبيسة المفزعة دي؟

arsenalwy said...

ياصباح الرعب

يادكتورة

فى كده عالصبح

ربنا يسامحك

صيدلانيه طالعه نازله said...

مالك يا بنتى كنتى زى الورده ايه اللى جرالك و ايه الرعب اللى انتى عاملاد ده
يعنى الافلام الرعب شغاله ليل نهار على ام بى سى تو اطفيها الاقى الفيلم بتاعك بدأ
ربنا يسامحك

Maha said...

ظريفة جدا يا لماضة :) والاسلوب خفيف الدم

تحياتي

حاجــ عيال ــات said...

السلام عليكم

ايه ده أنا دخلت فلن رعب ولا ايه
لالالا لالالا ..انا كنت داخلة ياجماعه هنا لواحدة اسمها لماضة خلاص أنا أسفة مش هاجي هنا تاني ..

على فكرة يادكتورة مروة ..كلميتن كده على انفراد ..
انت فعلا بتكتبي قصة كويس ..وحاسكي متمكنة من أدوات القصة .حاولي تكتبي بجد في المجال ده ..وتلاقي نفسك فيه ..أنا متأكده انك تقدري
وربنا يوفقك يارب ياحبيبتي

سلام يالمضمض

Anonymous said...

انا فوق الخمس سنين معلش بقى غسيت وقريت عديهالى المره دى
بوست ظريف اوى بس هل ياترى كان بيسمع اغنية عبدالحليم حافظ طريقك مسدود مسدود ياولدى زى ماكان سعيد صالح بيعمل فى العيال كبرت

ومن طلب العلا شاف الجثث

أبو العريف said...

الغريبه بقي في الموضوع الغريب ده
اني علقت قبل كده
وبعدين مش لاقي التعليق
ايه دااااه
هي التعليقات بتروح فين
وكل امتحان وانت مهيسه

أبو العريف said...

الغريبه بقي في الموضوع الغريب ده
اني علقت قبل كده
وبعدين مش لاقي التعليق
ايه دااااه
هي التعليقات بتروح فين
وكل امتحان وانت مهيسه

Ahmed Al-Sabbagh said...

هههههه
روعة
عمل أدبى رائع بجد

Hannoda said...

ههههههههه


يا بنتي انت مش أخدتي البكارليوس ؟؟
بتعملي فزع لباقي الناس ليه بس حرام عليكي
:))

عاوزين نتفق على المكان بتاع التجمع

Asmaa mahaba said...

ههههههههههههههه يا عينى يا بنتى ربنا معاكى يا رب يا دكتوره انا افتكرتك بتشرحيلنا المشرحه عنكم فى الكليه شكلها ايه:))

Beram ElMasry said...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

ReEm said...

طول الموضوع بحاول اخمن ياترى هو ايه يطلع ايه

يقوم يطلع طالب طب كويس اني راجعت نفسي و بطلت

اول زيارة و ان شاء الله مش الاخيرة

Unknown said...

ان شاء الله سيتم اصدار كتاب قصة حب سرية للكاتب عمرو الجندى مع بدايات شهر ابريل ان شاء الله

مع شكر خاص لطاقم العمل

اللينك
http://www.amralgendy.blogspot.com/



http://www.facebook.com/inbox/readmessage.php?t=71789721807&mbox_pos=0#/topic.php?uid=45243591058&topic=7688

متمنين التوفيق للجميع

سكندري said...

أنا أول مرة أقرأ موضوع هناعلي المدونة الجميلة دي ويطلع رعب,يظهر أن الرعب ورايا ورايا
لو كنت بقرأ الموضوع ده ومش عارف مين اللي كاتبه لقولت أنه (أحمد خالد توفيق) ذلك الكاتب المتميز والطبيب أيضاً
علي العموم الموضوع جميل وأسلوبك متميز أما الصور فهي معبرة جداً
علي فكرة أن سني أكبر من 5 سنوات وبرده أقريت الموضوع
بالتوفيق دائماً

Batoooot_soso said...

ايه الرعب ده انتى كتبتى البوست وت فى مقبرة ول ايه
اما بنسبه للسن وينفعش سنه ونص هههههههههه
مدونه جميله تسلم اديكى
واول زيارة احيكى فيها
تحياتى بطوووط

Unknown said...

مش كده يعنى الجو ده

ههههههههههههههههههههههه

والصور كمان مشكلة

بس بجد الموضوع تحفة وبعدين لو كل الامتحانات كده يبقى بلاش منها :)

ربنا يوفق ويبارك يارب :)

شاب كــ طخين ـــــا said...

السلام عليكم

ههههههههههههههه
رعب رعب من بتاع زمان
هههههههههه
وعايزين تانى رعب من دة اصلة خلصان من السوق

مسلم said...

جميله قوي......فعلاً

بس ده طالب طب عاده؛ و لا عين شمس؟؟

أصله لو عين شمس؛ يبقي أعتقد إن الوصف ده هيبقي قليل بالنسبه ليه؛ و هيبقي لازم تقولي؛ إن بتوع طب عين شمس

هتلاقي الناب؛ طال و إستطال حتي صار يسابق لحيته؛ أيهما يسبق الآخر

كما أن أذنيه يصيبها بعض التحور؛ من جراء ال
donkey work
اللي بيعملوه

حنين القلب said...

لمااااااااااضه

ازيك كنت مبسوطه اوى انى شوفتك امبارح وقعدت معاكى واتكلمت معاكى اكتر من المرة اللى فاتت
وكنت اتمنى والله اقعد للاخر اليوم بس انتى عارفه بقى

المهم انى شوفتكم
وحشتينى

hasona said...

السلام عليكم

ايه الرعب ده
الحمد لله اني شعري أبيض وإلا كنت هأحملك المسئولية كاملة

أينعم هو تساقط من الخضة

،،،،
فعلا العلم لا يكيل بالذنجان

دي أخرة الطب وسنينه
وبعدين بيطعلوا كل اللي شافوه ده علينا

شفـقــة و إحســــان said...

حرام عليكى يا لماضة انتى فزعتينى بجد
ايه الصور المفزعة المرعبة دى
الواحد جاله صرع

Hanan Elshafey said...

بجد بجد انتي سكر
اولا دمك زي العسل
برغم اني مقعدتش كتير ولا اتكلمنا مباشر
بس انا مش بقعد كده مسهمه
لااااااااااااااااااااااا
ثانيا البوست رعب رعب يعني
ربنا يكون في عونكم الصراحه
كنت سعيده جدا اني شفتك وكان نفسي نتكلم اكتر
بس ملحوووووووووووووقه
ان شاء الله

ودي يا سكر

Anonymous said...

أعرف جيدا كل تلك الاحاسيس التى حولتيها بمنتهى المهارة الى مشهد حى

فزوجتى طبيبة .. وكثيرا كاكنت اذاكر معها واسمع لها اثناء الخطوبة .. وحصلت على مرتبة شرف

لا اخفيك اننى حمدت الله على انى مهندس .. فقد هالنى بعض ماحكيتى انت هنا .. خصوصا الطب الشرعى ومشاهد الجرائم المختلفة (ربنا يجعل كلامنا خفيف عليهم) آمين يارب العالمين

بوست جميل .. وواقعى .. ومرعب

وعلى هامش البوست يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

أسير الجراح said...

لماضة

سعيد جدا بمعرفتى بحضرتك


وفرصة سعيدة يا دكتورة مروة


كل الود


اسير الجراح

د. إيمان مكاوي said...

ههههههههههههههههههههه
إنت رسمت لوحه سيرياليه للي بيحصل بالضبط....زي العسل
لكن قوليللي في موضوعات العياده هي قفلت ولا إيه
تحياتي

الملاك الحزين said...

كل ده عشان امتحان ؟
حسبى الله ونعم الوكيل
هههههههههههههههههه
ربنا معاكى ويوفقك دايماً
واتمنى الزيارة
تحياتى

خالتى بمبة said...

انا حسيت لاول وهلة انك دخلتى بيت الاشباح انشالله عن حد ما امتحن دا هيلبسه عفريت في الاوضة دي

عاشقه الرومانسيه said...

يمكن يكون ده البوست الوحيد اللى ما حاولتش اقراه
لانى جبانه
واحده بتحب الرومانسيه مالها ومال الرعب ده
شفت اسمه وماعلقتش ولا قريت
بس لما قريته دعيتلك والله
ربنا يكون فى عونك
كان مالك انتى بالب وسنينه بس
انتى كتكوته مالكيش فى الكلام ده
بس عموما مصر كسبت دكتوره جميله
الهدف من الزياره بصراحه هو العتاب

ليه مش بتزورينى يالماضه
ياريت تنورى لى المدونه بطلتك البهيه

Anonymous said...

إلى مدوني مصر الأحرار
السيد الفاضل صاحب مدونة /لماضــــــــــــة

تحية طيبة وبعد

شباب مصر الأوفياء
أمل الحرية وبناة المستقبل
ندعوكم للمشاركة معنا في
التحالف الوطني ضد التزوير
تحالف يضم كافة القوى الوطنية الموجودة على الساحة المصرية
نهدف إلى فضح وتوثيق كافة أشكال التزوير التي تتم في الانتخابات المصرية
نهدف لنشر الوعي الانتخابي وثقافة المشاركة و مبدءا المساواة والحرية
ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
شاكرين لكم حسن تعاونكم معنا

موقعنا www.sgelalmozwreen.com سجل المزورين

لتحميل إعلانات الموقع هنا
http://sgelalmozwreen.com/images/e3lan-1.gif
أو
http://sgelalmozwreen.com/images/e3lan-2.gif
أو
http://sgelalmozwreen.com/images/e3lan-3.gif

لتحميل إعلانات قناة سجل المزورين على اليوتيوب
رابط القناة http://www.youtube.com/Sgelalmozwreen

الاعلانات
http://sgelalmozwreen.com/uploads/you tube.jpg
أو
http://sgelalmozwreen.com/images/1.gif
أو
http://sgelalmozwreen.com/images/1%5C%27%5C%27%20copy.gif
أو
ولتحميل إعلان جروب الفيس بوك
رابط الجروب http://www.facebook.com/group.php?gid=57329097688
الاعلانات
http://sgelalmozwreen.com/images/11%5C%27%5C%27.gif
والسلام عليكم ورحمة الله وبركاته
سجل المزورين

rtrcbh said...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

ذو النون المصري said...

كل دي امتحانات
و النجاح شكله ايه؟
و الرسوب فيها شكله ايه؟؟؟

*الطالبة عفو الله *زوزو said...

انتي فين يا لماضة كل دي امتحانات

طولتي الغيبة خير يا بنتي طمنينا عنك

ننتظر عودتك بشوق

في رعاية الله

Ehab said...

هههههههههههههههههههههه

يا بنتي حرام عليكي حولتي طلبة طب لمصاصين دماء
مع انهم مش كده خالص
ده لما بيكبروا بس بيتحولوا مصاصين دماء

سلااااااااااااااااااااااااااام يا دراكولا
اخوكي ايهاب

dahlia.. said...

ازيك يا لماضة؟ايه فيلم الرعب دة..بس عسل و الله.. أتمنى تكوني بخير و استقريتي في شغلك طمنيني عليكي

قلم رصاص said...

ومالها بقى كلية الحقوق
هههههههههههههههههه

كلية العظماء برضه مهما كان
احم احم

هههههههههههههههههه

شكرا جزيلا دكتورة مروة على البوست الرائع ده .. وحصل لنا الرعب

في حفظ الله

بنجاواتى said...
This comment has been removed by the author.
بنجاواتى said...

السلام عليكم

على فكرة مش كل اللى فى طب بيحصلوا كده..

ده ممكن يحصل بس للطلبة اللى طول السنة ما فتحوش كتاب ولا مذكرة

اما الطلبة الشطار اللى واخدينها جد من البداية بيحصلهم ده واكتر واكتر وبتكون ايام الامتحان عليهم اصعب واصعب

واللى انتكتب ع الفورهيد لازم يشوفه الاورجان اللى فوق الخد

وتقبلى فائق احترامى

mahmoud said...

لا بجد رعب رعب مش هزار

Hossam said...

hahahahahhahahahahahahahahhahahahahahahahhahaaaha
really u r soooooooo blith.
بجد جامد اخر حاجة
بس ده كتير اللى بيحصلك يوم الامتحان وانا اللى كنت فاكر نفسى اكتر حد بخاف من الامتحنات
تحياتى صديقتى لماضة
سلام

بنت الغربة said...

ايه يالاماضه انت فين ياجمييل
لسه بتمتحنى ولا ايه؟؟؟
وحشتينى

فراشة said...

ايه يا لماضة روحتى فين ايه الغيبه دى
وحشتينا

صدى الصمت - عاشقة الورد - said...

انتى فين يا لمضة
ومختفية لية
لعل المانع خير
تحياتى

aMr saYed said...

سبحان الله انا قولت اول زيارة ليه هتبقى لمدونة الاشباح كده مش معقول عمالة توصفي توصفي انا قولت بقيت في القبر وشوية وهلاقي اكاليل الزهور متعلقة عليا ومضروب بمطوة تحت رقبتي

ايه جو الرعب ده مش ممكن كده

عموما

افزعتيني

aMr saYed said...

شوفتي عملتي ايه فيا نستيني اقولك

تحياتي ومقبرتك جميلة

dr-abdullah said...

بصراحة هايلة
اسلوب راااااااااااااائع
ماتسيبك من الطب وتشتغلى فى التأليف
الطب مابيأكلش عيش
ومبقاش رسالة زى زمان

كلام ابن عم حديت said...

ازيك يا لماضة

اخبار العلمين ايه بتحيهم كل صباح ولا لأ

انا متابعكى من زمان وقررت اخيرا اعلق علشان بصراحة انتى ما لكيش حل

كل تدويناتك رائعة ربنا يكرمك يارب

كلام ابن عم حديت said...
This comment has been removed by the author.
Ahmed Fayez said...



اه
فعلا
بس محدش هيقدر يتخيل الكلام ده
لازم تكون في طب
مهما الواحد يوصف الواقع محدش بيتخيله زي اللي عاشه

واحده من قسم المعذبون فى الارض said...

بجد اسلوبك تحفه وفكرتينى بأيام الشقا الى شفتها على ايدين اختى الحمد لله
بس هيا كانت بتشرحلنا الضفادع فى البيت

نفسى اكتببلكم بقى يوميات طالب هندسه عشان تحسوا بينا احنا كمان
بجد استمتعت جداااااااااا بقريتا ياقمر

انا عايزه استأذنك انقل اليوميات دى فى جروب ليا لاصحابى يقروها
وطبعا هقول انها من هنا
:)
ممكن؟

Unknown said...

ممكن اكيد