Friday 18 December 2009

فيتامين واو



فيتامين واو
سريع المفعول
مسكن للاحلام ومضاد للشهادات







التركيب
أقراص سحرية للواسطه تحتوي على كمية كبيرة من الأشخاص المهمه والمناصب المفزعه وبعض الفكة
الخواص
فيتامين واو أحد مضادات التفكير وتقليل الصبر ومساعد هام في تدمير الاصرار والأمل كما انه خافض للروح المعنوية ويمتاز بأنه سريع المفعول والاختراق لكافة المصالح والهيئات ويصل لآعلى مستوى له في الخدمات الحكومية خلال اقل من نصف ساعه عند اعطاء فيتامين واو المركب والممتزج بالبنكنوت ولا يوجد اي طريقة للتخلص منه لا عن طريق الهضم ولاحتى التبول اللاارادي
 الجرعة و دواعي الاستعمال
تختلف كمية وحجم الفيتامين حسب نوع الخدمة وكفاءة المركز المنتج للفيتامين
الآم البطالة ، كدمات المرور ، بعد عمليات الاغتصاب المادي والمعنوي ، يحمي الشباب من اليأس المبكر
الالتهابات المصاحبة للأنتخابات ، حالات ارتفاع درجات التنسيق ، حالات عسر الترقيات ، وإصابات الطوابير
كما انه مفيد في تسليك أي طريق مسدود
الاحتياطات
لابد من التأكد من ثقل الفيتامين في التأثير وشرط  تغطية بعض المناصب الحساسه
يمنع استخدامه مع المرضى الذين يعانون من حساسية مفرطة من الكراسي القيادية والحالات المصابة بالضمير الحي لذلك يراعى عدم استخدامه بجرعات كبيرة لاحتمال حدوث تشنجات
الاعراض الجانبية
قد تحدث بعض الاضطرابات البسيطة بمجال العمل وبعض القيء والبصق من فئات المجتمع الدنيا والتي يمكن تلافيها اذا تناول الفيتامين مع الاطعام
كما قد يحدث طفح وهرش لدى الشعوب نتيجة للقهر وغالبا ما يحدث فشل في النظام
العبوة
كبسولة او اثنين على الاكثر كما يتوافر الفيتامين بالأشكال الاتيه
أقماع وأمبولات وجيل وشراب معلق وقريبا على هيئة محلول 



يحفظ بعيدا عن متناول الأعين
إنتاج ج.م.ع جمعية معاك علبة

21 comments:

Unknown said...

بجد مش عارف أقول إيه ؟؟

بس للأسف صحيح 100 % الكلام ده

ربنا يرحمنا بقى من الفيتامين ده و نلاقيله مضاد
:(

عين فى الجنة said...

احلى لماضة

Cute Kitty **sookra said...

ازيك يالماضه
اخبارك ايه
والله حلو اوى البوست بتاعك دا ودمه خفيف بس جواها واقع اليم كلنا بنحياه
تسلمى على طرح الموضوع بالجمال دا وخفه الدم دى
مساكى شيكولاته بفيتامين واو

Ahmed Fayez said...

فكرتيني بموقف مع رائد شرطة
كان بيكلمني و عينيه بتقولي اديني عشرة عشرين جنية و انا هعمل معاك احلى واجب

و بمجرد ان اي حد يعرف انت تبع مين و لا معرفة مين تبقى البيه الباشا و ينضربلك تعظيم سلام و كل طلباتك اوامر

بلد بتاعة فيتامينات صحيح

Anonymous said...

7elw awy el mawdo3 ya marwa begad go ahead

عاشقه الرومانسيه said...

حلو جداااا
ههههههههه
تسلم ايدك يادكتوره
فعلا المهنه بتاثر على صاحبها جدا

إنتاج ج.م.ع جمعية معاك علبة
********
دى كمان حلوه قوى كنت فاكراها انتاج حاجه تانيه

مهموهة أحمد said...

بلد كلها فيتامينات
و للنجاح كلها مضادات
و شعب محتاج تحليلات
حقن و حبوب و تحميلات
هو الشعب من شوية مات؟؟
ده بيبلع بدل الفيتامين فيتامينات
و ياكل و يشرب من سكات
و لو نطق يبقى العمر عليه فات
و سلملي على الحكومة احلى سلامات

تسلمي يا لماضة و بجد موضوع حلو جدا و ملموس ومحسوس و عامل حساسية بالقوي --- هاهاهاها-- انا بتابع مدونتك و اتمنى نتابع بعض و شكرا يا قمر و الف سلامة عليكي من الفيتامينات

Anonymous said...

كلما انتشر الفساد زادت الواسطه

ده حتى طابور العيش بالواسطه

تحياتي

شريف القاضى said...

نسيتى تفيدينا بسعر العلبة

موضوع متميز ..لكى كل التحية

خمسة فضفضة said...

السلام عليكم ورحمة الله وبركاته

ماهو يا لماضه لو انتي بت مفتحه كده كنتي عرفتي تخزني كام كرتونه من الفيتامين ده علي كافة اشكاله وتهادي بيه اخواتك الغلابه

بس اتأكدي من تاريخ الصلاحيه اصل في ادوية كتير مضروبه اليومين دول

:))))

blue-wave said...

الله عليكى يا بتاعة الأقماع انتى:))

ameen said...

فيتامين واو

على راى هومر سيمسون

اغغغغغغغغغغغغغ



ههههههههههه


انتى كده بتشككى فى البنيان الاجتماعى بتاعنا


بلاش تلعبى بالواو

الا هتروحى ورا الواو على طول


سلاااااااااام

البيروني said...

ماشاء الله كلام جامد أوي و في الصميم
و المشكلة ان الدوا بقي في الوريد و متداول في كل حته
جزاكم الله خيرا

karim said...

يارب بس حد يقرا و يفهم مع انى متاكد انهم عارفين بس ودن من طين والتانية من طين بردوا يارب طينها عليهم بقى

قلم رصاص said...

طيب الدوا ده اتجرب على حد ولا لسه ؟

عاوز اطمن بس الاول

هههههههههههه

كل سنة وانتي طيبة يادكتور

في حفظ الله

dr.lecter said...

طبعا اتجرب علينا بقفاله 30 سنه

Me7'o said...

هههههههههههه

ظريف قوى البوست ده

hazem shalaby said...

الاقيش معاكى علبة يا دكترة الله يكرمك إن شالله حتى لبوس زهقت من الغربة و نفسى ارجع بلدنا بقى بس طبعا من غيره حانضم لطابور العاطلين اللى مستنيين العلاج بفيتامينك السحرى

جميلة و لسانك ده حيوديكى فى داهية قريب بس و لا يهمك كلنا معاك يا مرسى

خالص مودتى و تقديرى

حنعيش يعنى حنعيش said...

ولسة يالاماضة حيطلع منها استنشاق وسفوف بس ماهو طول عمر الفيتامين دة موجود من ايام نجيب الريحانى فى فيلمة مع تحية كاريوكا مش معنى كدة ان احنا نسلم بس برضة مش معنى كدة ان احنا نكتئب ...وعموما الفيتامين دة مبقاش موجود عير فى الحكومة ف القطاع الخاص مش موجود وانت جربتى دة ودة واكيد عارفة

sal said...

شكرا ع التوضيحات المرفقة
تدوينة حلوة ياريت توافينا بباقى انواع الفيتامينات ولو كل شهر مرة وتبقى دى حاجة خصوصى ما تلاقيهاش الا عند الدكتورة

Ayman Ahmed AbdelAziz said...

مجاملة جميلة من شخصية جميلة
بارك الله فيكم وعمّر صحيفة حسناتكم يوم القيامة

اشكركم على حسن تعليقكم
واتمنى دوام التواصل والمشاركة
بس منصحكش يبقالك بطاقة
بصراحة لانى لى تجربة مريرة مع البطايق.......
بعدين احكيهالك