Saturday 22 January 2011

رسالة من الوالي

شعبي الطيب المبارك *1 نأسف لما يحدث لكم طوال سنوات مضت في ظل حكومتنا الديكتاتورية .. وعلمنا منذ دقائق فقط بأستيائكم الطفيف لبعض الاحداث القدرية مثل غلاء الاسعار .. وارتفاع ضحايا الموصلات بأنواعها الشتى .. البريه والبحريه والجوية ..
وزيادة الضرائب , وبخس المرتبات , وقلة العلاج وتفاقم الامراض , وبعض التجاوزات والسهو الامني , و ...

يتناول المسئول شربة مياه معدنيه من كوب كريستالي انيق ويستكمل خطابه ..

لذا قررنا التخلي عن راحتنا في بروجنا المشيدة .. والتي لم يشأ للموت أن يدركنا بها بعد .. لتستمر مسيرة عطاؤنا , ولنقدم لكم مزيد من الخدمات الغير محدودة لمحدودي الدخل منكم وتتمثل في الاتي :

اولا : تطوير كافة المناطق العشوائية وتحويلها الى منتجعات سياحيه .. وبورتو على اعلى مستوى .. وذلك في ضوء تشجيع السياحة الداخلية القطنيه والنايلون.

ثانيا : نؤكد على مجانية التعليم .. والاهتمام بالتعليم العالي والواطي على السواء .. وتشجيع مجموعات التقوية لزيادة دخل المعلمين والمعلمات*2

رابعا : زيادة عروض السلع الغذائية المتوفره بكارفور وفتح الله ماركت .. وذلك لسد احتياجات الاسره من مخزونها الاسبوعي الاول من كل شهر

خامسا : توفير فرص عمل, وشقق مفروشه فاخره , وتسهيلات للقروض البنكيه , لسد احتياجات الشباب .. سواء رغبوا في الزواج او زهدوه .

سادسا : استخدام الطاقة الشمسية في كافة الصناعات , والميادين , ووسائل الموصلات .. والاستغناء عن اي مصدر طاقة آخر قابل او يساعد على الاشتعال*3

سابعا : منح صلاحية العلاج على نفقة الدولة لكل المواطنين بلا استثناء .. ودون اي شروط صحية*4 وتوفير كل الادوية .. خاصة المسكنات , ومضادات الاكتئاب .

ثامنا : الغاء كافة الضرائب وتخلينا تماما عن مصلحتك .. وعودة الجنيه الورقي بشكله القديم مقاس متر في متر وربع .. بدلا من الجنيه المعدني أبو دهبي في النص .. وذلك لشكوى كثير من المواطنين من ثقل , وامتلاء جيوبهم , وتدافع النقود وتسابقها بالهروب من فتحات ملابسهم المتفرقه*5.!!

تاسعا : فتح ابواب المعتقلات , والغاء قوانين القبض العشوائي على المواطنين , وتحويل السجون الى مكاتب ادارية لتعذيب كل موظفي الدولة المرتشين , وأي مسؤل يزيد مقاس بنطلونه*6 عن أربعين حسب القياس الفرنسي وليس المصري

عاشرا واخيرا : نعلن تمسكنا بكم , وتولي حكمكم مهما حدث , وتحويل كافة الطائرات الى تكاتك بعجلتين من ورا !!


ثالثا : حذفت للمحافظة على مشاعر الشعب وعدم استفزازه
=============================
1* مبارك : كلمة ترمز للقب الشعب حيث الشعب أسره واحده
2* المعلمين والمعلمات : بفتح العين نظرا لضياع لغة الضاد ( العربية )
3* يساعد على الاشتعال : المقصود طبعا الاكسجين أي هنزل ونكتم انفاسكم يا ولاد الـــ ....
4* صحية : اي يشترط موتك والتأكد من صعود روحك للسماء
5* المتفرقة : مرادف المفرتقه أو المرقعه في اللغة الدارجه
6* مقاس البنطلون : يساوي = الكتله x نصف قطر الكرش تربيع

9 comments:

Unknown said...

اصحى يا ست القهوة بتشطب

dr.mimo said...

حلوة قوى يالماضة
بس ياريت تقوليلى بتحبى الحلاوة الطحينية سادة ولا بالمكسرات
عشان اعمل حسابك معايا
والله وهاتبقى من اللى بيفهمو فالحلاوة
ههههههههههههههههههه

AhmKashwa said...

اللى عجبنى حاجتين

الاولى ان رقم ثالثا اتلغت وده مع المبدا اللى بيقول حد اتنين سبعه

الشى التانى
ان حضرتك بدأتى تتخلى عن الطب وفى توجهات يا تكون تربيه قسم لغه عربيه" وده بيظهر ان كان ممكن نلاقى حصه نحو فى البوست " او بعد الشر يعنى هندسه " ده بقى عندى الكلته فى نص قطر الكرش تربيع "هما لو خيروا حضرتك بيع تربيه وكليه هلوسه تحتارى ايه ؟

وبصراحه وبدون انحياز لكليه هلوسه دى

مع العلم انى هندسه برده



سورى يا دكتوره بس البوست كان ساخر شويه فرديت باسلوب ساخر

Unknown said...

بسم الله الرحمن الرحيم

الاجابه

تونس

محب روفائيل said...

ههههه جميلة جدا ومية مية

تقبلى مرورى

صيدلانيه طالعه نازله said...

شكلك بتحبيها بالفسدق يا لموضتى
بس انا مش هجيب زى غيرى
انا هبعتلك كيلو كباب وكفته يا حبى ترمى بيهم عضمك و تزودى مقاس نصف القطر
و تستحملى كم الاحترامات الرهيب اللى هينزل يرخ على قققق قصدى ايدك

يــوم جــديد said...

هو لغة الضاد فعلا واضح إنها ضاعت خالص
المعلمين ( بضم الميم) مش (بفتح العين) لأن الـمُعَلّمين والـمِعَلّمين الاتنين بفتح العين
بس أكتر حاجة عجبتني بجد : كلمة ترمز للقب الشعب حيث الشعب أسره واحده
جامدة بجددددد

Unknown said...

انا اقصد الي انت فهمتيه برضه المعلمين بتوع القهاوي مش المعلمين وفهم التبجيلا

باحث عن حب said...

تدوينه جميله
مبارك
لآ يقرأ ولا يشمع
ولا يتكلم
الا مع
الامن