Wednesday 23 January 2008

لماضة في البرلمان

التاج ده مررهولي الله يمسيه بالخير ويديله الصحة والعافيه كان قاعد فى وسطينا في المدونة دي مهندس مصري اللى كان قرفان بس بيحب مصر كان لازم يعنى يقول انه قرفان الله اعلم هيحصله ايه خصوصا بعد التاج اللى مررهولى ده
والله يا لماضة وبقيتى نايبه فى البرطمان

استرها معانا يارب دنيا وآخره

وصيتى ليكوا لو جرالى حاجه توزعوا عصير قصب على الغلابة اللي هما المصريين
نجاوب بقى
استعنا على الشقى بالله
عشانا عليك يارب




دخلت مجلس الشعب من اوسع ابوابه ايه هو رمزك الانتخابى المفضل ؟

رمز المصاصة

كنت تفضل الدخول مستقل او تتبع حزب معين ؟

لا طبعا تبع حزب معين حزب اسمه كله من ده امال هعرف ادخل المجلس ازاى لو مش تبع الحزب المعين ولا كمان هصرف على الانتخابات من جيبى مثلا


اذا دخلت مستقل هل توافق على التوقيع للحزب الوطنى بعد نجاحك كمستقل ؟

قلنا هدخل تبع حزب كله من ده ومش هوقع للوطني طبعا امال انا داخله مجلس الشعب اتخانق مع مين يعنى


ايه اول حاجه هتعملها لنفسك ولاسرتك ؟

لنفسي هعمل حامل ايد جلد معتبر اعلق فيه ايدى عشان مرفعهاش بالموافقه ابدا لاسرتى ممكن اخلي بابا يحج ما انا هيبقى معايا دعاوى كتير بقى والباقى هشوف برضه مين نفسه يحج هديه مقابل انه يدعيلي ربنا يثبتني طبعا على الدين مش على الكرسي


ايه المشروع اللى ناوى تعمله لاهل دايرتك دون ذكر اسم الدائره ؟

والله كل مجال عاوزله مشروع البلد كلها محتاجه اعادة تأهيل بس اول حاجه هعملها هغير شعار الدايرة اللى منحوت بقاله سنين احترس مصر ترجع الى الخلف

قعدت فى المجلس جنب نائب مميز . من هو النائب ؟


أحمد عز اصلى نفسى اسأله بذمتك مش انا أحلى من شاهيناز انا اللى هي مصر محدش يفهم غلط


قدمت سؤال للحكومه ايه هو السؤال ؟
اكل وسممتوه بقر وجننتوه دعم ولغيتوه عمر افندي وبعتوه بنك مصر ونهبتوه نهر النيل ولوثتوه فاضل ايه تانى ناويين تعملوووه؟؟؟

طلب احاطه موضوعه ايه ؟؟؟ وبتقدمه لمين ؟
هقدمة لنظيف فين يا نظيف قرطاس اللب المصري اللى كنت باكله انا شايفه كله بيااااااكل جت عليا
انت واخده تاكل فيه لوحدك طيب وزع على شعب مصر الغلابة شويه من قدم شىء بيداه التقاه




انت مع الخصخصه ؟

انا لا مع الخصخصة ولا الجرجرة انا مع ربنا


هل انت مع قطع العلاقه مع اسرائيل ؟

قطع ايه العلاقة علاقة بس انا مع قطعها هي شخصيا حتت حتت ومجهزالها الا كياس كمان


هل تؤيد الحرب على العراق ؟

لا طبعا كده يبقى إرهاب مش حرب


هل تؤيد مرور الامريكان فى القناه ؟

قناة ايه اذا كنت مش موافقه على مرورهم على قناة استاكيوس بتاعتى بس ممكن نخليهم يمروا للتجارة

بتمرر التاج ده لمين ؟
كنت همرره لصانعة الحرية وهذا التاج
فرنسا هانم بس هي جاوبت عليه خلاص عشان ندخل المعتقل سوا واشرب معاها بقى كباية الشاى اللى مش عارفه اشربها معاها لحد دلوقتي ونقعد نرغي للصبح واكيد هيكون معانا كل اللى جاوبوا على التاج ده يعنى جمعاء ان شاء الله

39 comments:

http://kasperb4.blogspot.com/ said...

انا بسجل حضور بس
اشمعنى انا يعني
ما كل الناس بيسجلو حضور
ههههههههه

http://kasperb4.blogspot.com/ said...

احب انا اوي الاجابات المختصرة دي
لا وكمان اجابات توضح مدى الغيظ اللي انتي فيه من الواقع الحالي

ربنا يسترها معاكي يا ست الضاكتوووورة
:D

Unknown said...

ايه يا محمود ده انت اخدت كرسيين كده فى المجلس
شكرا يا سيدى الله يكرمك
من ناحية متغاظه خليها فى سرك بقى

دكتور حر said...

اكل وسممتوه بقر وجننتوه دعم ولغيتوه عمر افندي وبعتوه بنك مصر ونهبتوه نهر النيل ولوثتوه فاضل ايه تانى ناويين تعملوووه؟؟؟


ميه ميه ولا يهمك

بس انا بزعل من اللي يجاوب عالتاج تاج ويخاف كده
سيبيها لله يا لماضه

وانت مش نجحت وخلاص

خلي راسك لفوووووووق
عشان مصر تفوووووووق

اجابات
short and accurate
very good

Empress appy said...

ههههههههههه لا كده بقى سجن مارينا
تعالى معانا يا دكتور بس اجاوبك على سؤال عز بداله انتى احلى (مصر يعنى ) ههههههههههههههههههه
مبروك النجاح مع انى قريت البوست متاخر

Anonymous said...

الله ينور
بوست جميل قوي في مضمونه ..تنفعي من اعضاء مجلس الشعب برضو
أحلى حاجه السؤال اللي هتقديميه لنظيف؟
وألف مبروك على النجاح تاني..أكيد بتكتبي دلوقتي بروقان عن الأول ..هههه
سلام
خليفة

Anonymous said...

الله ينور
بوست جميل قوي في مضمونه ..تنفعي من اعضاء مجلس الشعب برضو
أحلى حاجه السؤال اللي هتقديميه لنظيف؟
وألف مبروك على النجاح تاني..أكيد بتكتبي دلوقتي بروقان عن الأول ..هههه
سلام
خليفة

Unknown said...

لماضة في البرلمان
لو بداية سلسلة جديدة
يبقى عاوزة المرة الجاية لماضة في بيت العدل
أظن مافيش اسهل من كده
:))

Doba said...

بصراحة يا بت يا داكتورة لماضة انا جاية ابارك واهنى بالنجاح ولقيتك داخلة على اعتقال

فقلت امشى قبل ميقفشونى
روحك زى العسل كالعادة

تحياتى يا داكتورة
هبة

مي بهاء الدين said...

هههههههههههههههههه
جامدة الردود موت
دكتورة في اللماضة والله

وبعدين بلاش موضوع اللب ده
خدي معاكي سوداني أسهل لسة هاتقزقزي وتتعبي ...صباحك فل
:)

Desert cat said...

اجمل حاجه ضحكتنى انا لا مع الخصخصة ولا الجرجرة والله انتى لذيذه بالشكولاته
ابقى روحى انتى وفرنسا المعتقل وانا هجيب لكوا عيش وبربجر اصل الحلاوة بقت غاليه

مروة الزارع said...

داخلة اقولك

انتى وحشتينى اوى انتى فين ونسيانى لية


زعلانة

هه

بس

:(

Unknown said...

وكان هذا اخر ماكتبته لماضة
قبل ان تختفى ولايعلم بمكانها بشر
وانا لله وانا اليه راجعون

white Angel said...

اول حاجه خلتني ادخل مدونتك هو اسمك
وبعد ما قريت بوستاتك كررت اني هدخلها تاني كتير
انا بحب اللمضين اوي وخصوصا لما يكون عندهم وعي زيك يا قمر

يا ريت تفكري في موضوع لماضه فيي بيت العدل المقترح من قبل مناجاة اظنه هيبقي لطيف خالص

تحياتي

فرنسا هانم said...

عارفه المعتقل معاكى هيبقى شيراتون او هيلتون
وبعدين انا فداكى ياقمر
انا اللى عملت التاج ده
وانا اللى هاروح فى الكازوزه
بس لعلمك انا وظفت عيال صغيرين يلموا الكازوزه من البلد كلها
علشان منرحشى فى اى حته
اه
نسيت
خصخصه ولا جرجره ولا فجلله
كله محصل بعضه
اجاباتك كلها جميله جدا

فرنسا هانم said...

كنت هانسى
الف مليون مبروك على النجاح
وعندك كرتونه عصير
وصندوقين ساقع
وزعيهم بمعرفتك
سلام

مهندس مصري بيحب مصر said...

خلاص يا ستي خدتي تقدير من صانعة التاج فرنسا هانم
مين قدك يا دكتورة
بس ايه انتي مختفية علشان توقعى قلوب المعلقين و لا رحتي في الكازوزة بجد
:D
اجبات 100 مية و مدعمة بالصور و الكاركتير

انتخبوا رمز المصاصة
خير من تلامض مع الحكومة

حل وسط said...

المصاصة

واللب

كنت لسه بازاز دلوقتي مع كباية شاي

لو كنتي بدرتي شوية

سكرةانت

M A K I said...

رب لمض لم تلده أمك يكون ألمض منك
ايه ده يا بنتى انتى رائعة
ومدونتك رائعة جدا و النونة اللى فوق ده ربنا يحميه
حلو أوى الاستجواب ده
و معبر عن ثقافة أيدلوجية نموذجية
للبرلمانى المصرى فى بلدنا الحر الديموقراطى
و بالنسبة لعصير القصب مالقيتش ينفع سوبيا... ههههه

Unknown said...

دكتور حر
ونعم بالله بس برضه الامر ميسلمش انا بهزر على فكره مقصدتش خوف زى ما وصلك على رايك خليها على الله هياخدوا مننا ايه اكتر وبعدين اختك ليها سوابق فى اللماضه ايام انتخابات مجلس الشعب بلذات ربك يسترها بقى
,,,,,,,,,,,,,,,,,,,,,,,,,,,,,,,,,,,
آبـــــــــــــي
بذمتك يا ابى مش حاجه تكسف لا واحدة زى خلتى شاههيناز د يدفع فيها ده كله وعندنا بنات زى الورد زيك وزي القطه الله يبارك فيكى يا قمر
,,,,,,,,,,,,,,,,,,,,,,,,,,,,,,,,,,,
دكتور خليفه
وعليك يا ريس الراجل هو وبقيت الاعضاء قاعدي يقزقزوا لب فى المجلس الموقر تقولوش هما اللى قاعدين يتفرجوا علينا فى التليفزيون مش ااحنا اللى بنتفرج عليهم
واى روقان يا سيدى عقبالك يارب
مش ناوى تعمل مدونه بقى ولا ايه
,,,,,,,,,,,,,,,,,,,,,,,,,,,,,,,,,,,
دكتورة مناجاة
ههههههههه هي سهله بس مش لما يبقى فيه يوميات في بيت العدل والله فى دماغى فكرة قريبه منها بس مش ليا ان شاء الله انزل حاجه فيه قريب بس مش فى دماغى تبقى يوميات لانى عاوزه خلص طالب الطب الاول
عموما يا ست الكل هقدم طلب احاطة ونشوف راي بقية ا لاعضاء :)
,,,,,,,,,,,,,,,,,,,,,,,,,,,,,,,,,,,
دوبا
الله يبارك فيكى يا حماتي
ربنا يسترها معانا بس اوعى تنسى مرات ابنك وافتكرينى بقرص عجة اناوخالت فرنسا
,,,,,,,,,,,,,,,,,,,,,,,,,,,,,,,,,,,
مي عمر
اصل اللب ده المتعارف عليه فى مجلس الشعب لازمكل الاعضاء يقزقزوا ويرموا القشر على قفاالشعب سلو المجلس يعنى ههههه
,,,,,,,,,,,,,,,,,,,,,,,,,,,,,,,,,,,
قطة الصحرا خربببببببببببش
فى انتظار العيش البرجر تحيا القطه هو انتى مش معانا ولا ايه ما انتى اول واحده جوابتيه يعنى بعد فرنسا على طول فى ترتيب القبض عليهم
,,,,,,,,,,,,,,,,,,,,,,,,,,,,,,,,,,,
مروه سلطه
زعلانه ليه يابت طيب والله انا متابعاكى اول باول بجد بس فى حاجات مببقاش عارفه ارد والاقى الناس قالت كل الكلام ليكى عندى كباية عصير قصب حلاوة النجاح جاوبى طيب على التاج ده مبعوتلك انتى كمان وانا ارفع ايدى معاكى بالموافقه
,,,,,,,,,,,,,,,,,,,,,,,,,,,,,,,,,,,
دغيدي
ههههههههه وصيتك العيال اوعى تنسى عصيرالقصب توزعه من بعدى
,,,,,,,,,,,,,,,,,,,,,,,,,,,,,,,,,,,
الملاك الابيض
الله اسم جميل اوى يا جمي المدونة وصاحبتها تحت امركانا كما هاجى ادعبس عندك زى ما دعبستى عندى هفكر والله ده شكله طلب احاطه بجد بقى ههههههه
,,,,,,,,,,,,,,,,,,,,,,,,,,,,,,,,,,.
فرنسا هانم
زغروطه يا حبايب
ايه الكلام ده كبيراو عليا والله طيب عطيان الكازوزه دى ممكن نعمل منه مشروع ونننافس حديد عز ونكتر بقى من عشش الصفيح ونخلى الشباب يتجوز بدل مهم هيحبوا على روحهم
الله يبارك فيكى دايما موجبه معايا جامد انتى :)
,,,,,,,,,,,,,,,,,,,,,,,,,,,,,,,,,,,
مهندس مصري
انا عملت اللى عليا وخلصت ذمتى من ربنا وفرنسا صراحه عامله معايا احلى واجب انا هنا متقلش مستخبيه تحت السرير

عصفور المدينة said...

لا أنا مش جاي معاكو أنا اروح السجن مع حد رمز المصاصة
يعني بدل اللب حنقلبها مصاصة

ا بـن عــمــر said...

السؤال اللى هتسأليه للحكومة عجبنى أوى
جزاكى الله خيرا
اجابات رائعة

Unknown said...

حل وسط
طيب انا عندى حل وسط انت تدينى حقى ناشف وانا اتصرف اجيب شوكولاته اجيب جاتووه ناكلوا كل اللى بنحبوه
,,,,,,,,,,,,,,,,,,,,,,,,,,,,,,
ميويه
ايه الكلام الجامد ده لا لا انا مدرش على كده ربنا يارب يبارك فى اولاد وتشوفيهم احسن منى مية مره ويبقى شبة النونه اللى انا حطاها
,,,,,,,,,,,,,,,,,,,,,,,,,,,,,,
بابا عصفور
لا حضرتك تجيب المصاصه وانا اكلها وانا اعمل العكس اخد قرطاس اللب من عمنا نظيف اللى مستولى عليه واديه لحضرتك تبادل منفعه بقى
,,,,,,,,,,,,,,,,,,,,,,,,,,,,,,
ابن عمر
الله يكرمك نعم ايه بس مو مناللى بنشوفه

عابد الرحمن said...

موافقة
ههههههههههههه
بس بصي فعلا لمضة لمضة ورخمة على الحكومة اوي
ربنا يجعل كلامك خفيف عليهم
هههههههه
مش العكس واخدة بالك ؟

صوت من مصر said...

لماضه بجد انا عايز فى الدايره الى انا فيها ومش منها مش عارف ازاى انهم يخلوها مستقله ممكن تقولى الكلام ده ولا بتخافى

أسد مسجون said...

اخت لماضه بدايه انا اول مره اشارك في مدونه اصراحه موضوع جميل
ثانياموضوع ده بيتلخص في مثل ظريف جدا وهو يفرعون ايه اللي فرعنك قال ملقتشي حد يلمني مشكله اني شعوب الجميله الظريفه السلبيه سلبيه تموت القلب والجسد اني هما اتربوا علي سلبيه جميله وعاشوا علي كلمه عيش ندل تموت مستور فاطبيعي اني يحصل كده وحسبي الله ونعم الوكيل

MKSARAT - SAYED SAAD said...

لماضة ازيك بقالى فترة مش بشوفك قولت يمكن مشغولة لقيتك دخلتى مجلس الشعب مش مشكلة اهو بقي لينا ضهر
هتخدي الحصانة ومحدش هيقدر يكلمنا
مستنيكي متغبيش كدة وبلاش لماضة
تحياتي

DR.HAMAS said...

ههههههههه

كلامك ظريف و الله أختنا ربنا يكرمك

و عقبال ما نشوفك نايبة قد الدنيا فى البرطمان



د.حمــــاس

رئيس جمهوريه نفسى said...

رغم انى اجاباتك على الاسئله كوميديه بس كوميديا سوداء لخصتى فيها كل حاجه بس ممكن اعرف نوع المصاصه سيما ولا لومبو

لـــى لــــىِ said...

يانهار ابيض

عندك احق تكتبى التحذير اللى قبل التاج
ده كده كلابوش صنع في بلاد ابن بوش

جميلة يالماضة
انا هاروح اقرا باقي مدونتك

ابقي زوريني

لي لي

Gid-Do - جدو said...

كتبت الرد دة على تعليقك عندى وقلت اكتبة عندك يمكن تقرية
---------
لماضة

مبروك التخرج يادكتورة بتدى حقن ـ

نازل امتى ـ دة سر ـ ومطار اية ـ المطار السرى ـ اسمة كدة ـ وانا عارف انك جاية علشانى مش علشان الشوكولاتة
ماركة الشوكولاتة بصراحة انا نظرى ضعيف ومش عارف اقرا الكتابة لكن انا اشترتها من البيعين السريحة فى مترو انفاق القاهرة من سنتين ـ ومحدش من اصحابى رضى ياخدها وعلشان كدة كلها ليكى ـ شايفة انا بعزك ازاى ـ تحياتى والف مبروك على التخرج مرات ومرات

اسكندراني اوي said...

ههههههههههههههههههههه
خلي بالك بيقفشو بره

احذري

اسكندراني اوي said...

الف الف مبروك نجاحك
اسف انها متاخره ولكن تهنئه واجبه


تحياتي

سندباد said...

لماضة بخفة دم
تحياتي ليكي

Abd-Alrahman said...

ردودك يا لماضة بجد جميلة جدا وفي محلها
ارئك كويسة وظلك خفيف
مدونتك كمان جميلة جدا
استمتعت فيها بوقتي خلال زيارتي ليها لاول مرة

مجهودك جميل

يا مراكبي said...

لماضة في القصر العيني

لماضة في البرلمان

بعد كده فيه إيه؟

ربنا يستر

مدونة يلا نفضحهم said...

الحرية للمدون الدكتور ابراهيم الزعفرانى
وقع على وثيقة الالف مدون للافراج عن الطبيب المدون
www.dahayaa.com

مدونة يلا نفضحهم said...

الحرية للمدون الدكتور ابراهيم الزعفرانى
وقع على وثيقة الالف مدون للافراج عن الطبيب المدون
www.dahayaa.com

Unknown said...

الاستاذ عابد الرحمن
ربنا يستر انا مش واخده بالى وبس انا واخده شنطة هدومي استعداد لاى حاله قفش
,,,,,,,,,,,,,,,,,,,,,,,,,,,,
صوت من مصر
ممكن اقولك بس تدفع الشلن اللى عليك الاول
,,,,,,,,,,,,,,,,,,,,,,,,,,,,
أسد مسجون
خليها على الله هتفرج زى ما عم محمد البقال دايما يقول
,,,,,,,,,,,,,,,,,,,,,,,,,,,,
سيد يا مكسرات
فينك انت اللى مختفى بقالك فتره انا هن متقلقش لما اخد انا الحصانه هجيبلك حمارة
,,,,,,,,,,,,,,,,,,,,,,,,,,,,
دكتور حماس
انت تدعيلى ولا بتدعى عليا ياعم الشر بره وبعيد
,,,,,,,,,,,,,,,,,,,,,,,,,,,,
رئيس جمهورية نفسى
اى حاجه انا واد خلاص كيييف مصاصة وواخدا وراثه مص المصاصة
,,,,,,,,,,,,,,,,,,,,,,,,,,,,
لى لى
ربنا يسترها بقى وياخد اللى فى بالي
,,,,,,,,,,,,,,,,,,,,,,,,,,,,
جدووووووو
اضحكتنى جدااااا سريحة الله يكرمك وماله بس انا كان نفسى ادوج الشاكاليطه المستورده ربنا يرجعك بالسلامة يارب وتطمنا عليك دايما
,,,,,,,,,,,,,,,,,,,,,,,,,,,,
اسكندرانى اوى
ههههههه ربنا يستر انا محضره شنطتى اهو الله يبارك فى حضرتك
,,,,,,,,,,,,,,,,,,,,,,,,,,,,
سندباد
ياكزوفى الله يخليك ده بس من ذوق حضرتك
,,,,,,,,,,,,,,,,,,,,,,,,,,,,
دكتور ان لاين
الصورة انتحرت ههههههه ضحكتنى جدا الله يكرمك ده بس مجرد تفريغ ضحنة من حالنا المتدرج من سىء لاسوء تحياتى ليك ومتقطعش رجلك بقى من المدونة
,,,,,,,,,,,,,,,,,,,,,,,,,,,,
يا مراكبى
ازيك يا حمايا
ادعي يبقى فيه لماضه فى بيت العدل
,,,,,,,,,,,,,,,,,,,,,,,,,,,,
يلا نفضحهم
ان شاء الله يخرج بالسلامه ومعاه قلبا بلاش قالبا