وصلني على حين غفلة كده تاج من أخويا ودفعتي دكتور حر وطبعا لا ممكن أبدا أزعلك يا دفعة
قوم أيه بقى نويت والنيه لله أجاوب قد ما ربنا يقدرني فيه وقد كانت المفاجعة
أسترها معانا يارب دنيا وآخرة
قوم أيه بقى نويت والنيه لله أجاوب قد ما ربنا يقدرني فيه وقد كانت المفاجعة
أسترها معانا يارب دنيا وآخرة
التاج عبارة عن أربع حاجات
أولهم وكأن حاجة بتقفشني من قفايا وبتقولي أنتي مين في عشر نقط
وصيتكوا المدونة
واحد ملوش تاني : مروة ضاكطورة جد الدنيا إحم يعني في إمتياز طب بشري أهو حاجة كده على ما قسم
اتنين : بلغت من العمر أرذله يعني عديت مرحلة الطفولة ورذالتها
تلاتة : مازلت عزبته وحاليا بكوم نفسي
اربعة : فارهة الطول حيث أتعدى المتر والنصف وبضع سنتيمترات
خمسة في عين اللي ما يصلي على النبي : بحب الناس وأصحابي بشكل جنوني
ستة عيب كده ستي بشعر : بحب الضحك والشقاوة واللماضة لأبعد حد
سبعة : مشروبي المفضل الكابتشينو من عند دكتور الكابتشينو في المنشية يليه عصير الخروب من عند خروب كلية الطب أنفيكشن أو الحلبي أو آمال يليه عصير القصب ولو مش متوافرين يبقى لا مفر من الشاي بحليب
تمانية : بحب كورنيش أسكندرية وبعشق رملها ويا سلام بقى على ايس كريم في بحري في عز الشتا
تسعة : عندية جداُ نفسي أكسر دماغي لأني بكره نفسي وأنا عندية
من الأول تاني واحد : كتابي المفضل القرآن الكريم
حداشر يلا انشالله ما عن حد حوش : لوني المفضل عللى الاطلاق الابيض ثم الابيض ثم الروز
حداشر ونص : امنيتي في الحياة اني أدخل الجنه وربنا يكون راضي عني وأتجوز وأربي عيالي بقى خلاص العمر بيجري هناخد زمانا وزمن غيرنا
تعبت من العد عدوا انتوا : نفسي قوي أكون انسانة ناجحة ودكتورة شاطرة بالفعل لا بالقول
ايه يا أخوانا التاج العجيب ده
مش عارفه اتلامض ولا اجاوب عليه
تانيهم أمرر التاج لخمسه في عين العدو عشان كده بمرره لناس عزيزة عليا جدا
مش عارفه اتلامض ولا اجاوب عليه
تانيهم أمرر التاج لخمسه في عين العدو عشان كده بمرره لناس عزيزة عليا جدا
أول خمس تعليقات
كل اللى بيكتبوا في جريدة الدستور طبعا عارفين نفسيهم ولا أطلعهم
كل الناس اللى هيجوزوني ولادهم من معشر التدوين
أي حد هيتلامض معايا في حاجة هيلاقي التاج فوق دماغه
أي حد نفسه ياخد التاج ده كادوا مني ليه والله ما يغلى عليه
تالتهم ورابعهم أني مرجعش الهديه الغاليه دي لدكتور حر تاني بس اروح وأنا خلاص هعيط واقوله راضي يا عم انا جاوبت التاج
44 comments:
يا سعاده الضاكتوره قد الدنيا ربنا يوفقك ..
أهم حاجة انتي موضوع الطول ده عامل معاكي ازمة ليه ؟؟
طولك متر ونص وكام سم
طيب يابنتى دا انتى اطول من اى محامى فى البلد ب نص متر
اجابات لمضه زيك
مع انى من اول 5 تعليقات الا انى مش هجاوب على التاج لانى لسه مجاوبه عليه
ربنا ينولك اللي في بالك
ويطولك كمان وكمان
وأشوفك باشمهندسة قد الدنيا يا داكتورة
يعنى انتى قولتى وصيتكوا المدونة و سكتى على كده طب مش توزعى التركة قسمة العدل
نصيبى انا قد أيه بالظبط ؟:)))
لمااااااضه
هتعيشي
وتموتي
وتبعثي
لمضه
:))
أشكرك على إجابة التاج السريعه
انا قلت بس اديكي حاجه تفوقي قبل دورة الجراحه ما تخلص
الحاجه الجميلة اني ملقيتش حد مش بيحب كورنيش اسكندرية
كنت بقول ان الناس البعيده عنه بس اللي بتحبه لكن وضح ان حتى الناس صحابه بيموتوا فيه
وربنا ينولك كل ما تتمني يا ضاكطوره
يا دكتوووووووووووره
جميل اوي انك عديتي المتر ونص وبضعه سنتيمترات
موتيني من الضحك
ههههههههههههههههههههه
احمد مبارك واستاذ احمد الكاتب بالرصاص وعاليا حليم والبشمهندس اسكندراني قوووووووي
لبستوا التاج جاوبوا بسرعة
كده فاضل واحد
فرنستي
ممكن تجاوبيه مره تانيه :)) افترى بقى
دكتورنا الحر
اي خدمة يا ريس
كده فاضل واحد
ها ؟؟
مين صاحب التعليق الذهبي رقم 5 اللى هيلبس التاج
عسل يالموووووضه
أجدع بنوته
لبستي التاج يا قمر
يلا اجري جاوبي عليه بدل ما اديكي حقنه
هههههههههه
إجابات لميــ ..
احم
جميلة
كالعادة
أنا خطبتك ليوسف
و بعدين فسخنا الخطوفة
و الواد شافله شوفة تانية
بس لسهأنا و إنتى حبايب برضو
و انا جاوبت التاج
و الجواز قسمة و نصيب
يا لماضة يا طعامة
وحشتينى بجد
كويس اني مكنتش من اول 5 تعليقات
الحمد لله نجيت من الفخ
هههههههههههه
ربنا يكرمك ويعزك
تحياتي
نسيت اقولكوا
انا بعشق الشوكولاته مووووووووووووووووووووووووووووووووووووووووووووووت
خصوصا لو جالكسي بالمكسرات
حاجه كده تملا العين
ههههههههه
جبتي الطول ده كله منييييييين ؟؟ :D
حتي في الاجابات بتتلامضي :D
كل سنة وانتى طيبة يا احلى دكتورة فى الدنيا
ربنا يكرمك ونشوفك أكبر دكتورة قد الدنيا
ونفرح بيكى وباللمضين الصغيرين
وحشتينى يا قمرة
وحلو اوى التعريف ده
تشرفنا
ههههههههههه
لماضه بجد بموت فى خفه دمك
وبعد كل اللى قولتيه ده
مش عاجبك التاج علشان مش عارفه تتلامضى
يا شيخه حرام عليكى
امال لو كنتى تلامضتى كنتى عملتى ايه
فين التاج بتاعي ؟؟؟
انت مش علقتي ؟؟؟
يبقي لازم تاج
ولا انت بتختاري ؟؟؟
.
.
.
ساميلي
وش مطلع لسانه
ادم
التاج بتاع استاذ شقير جامد قوي
صعب عليا اجاوبه
وبعدين اجي ايه جنب اجابتك ياعم
انتى جميله يا مروة :)
يا دكتورة :))
انتى جميله يا مروة :)
يا دكتورة :))
ازيك يا لماضه
كيف حالك
اكثر الله من امثالك
عجبتنى اجابتك خصوصا فارهة الطول
متر ونص يا مفتريه
هههههههههههه
لا بجد برافو عليكى يا دكتوره
واسف لغيابى غير المبرر دراميا الفتره اللى فاتت
وباذن الله نتابع كل ما هو قادم
تحياتى
السلام عليكم
ازيك يا دكتورة لماضة
انا اول مرة اعلق عندك ويريت تقبليني ضيفة عندك في مدونتك العسولة دي
انا معرفتش مدونتك الا من اسبوع تقريبا بس من ساعتها وانا ماسكة مقال مقال عمالة اقرأه ومفيش مقال عدى الا لو فطست علي نفسى من الضحك
ربنا يكرمك يارب ويدوم عليكي لمضتك دى علي طول يا قمر
انا مالش فى اللماضة
بس انتى ضاكتورة زى العسل
انا كمان اندبست فى تاج من دول وربنا يكون فى عونك
ههههههههه
بجد اجابة لمضة من اجدع لماضة فى الدنيا
ربنا يوفقك
ونشوفك اجدع دكتورة فى الدنيا
ومتخافيش على المدونة
فى الحفظ والصون
تحياتى يا دكترة
خالد
أنا عندي مغص يا ترى العلاج ايه ..
أنا جاوبت التاج عندي ..
سلاااااام
السلام عليكم
اجابتك جميلة وظريفة زيك بوستاتك
ربنا يوفقك في الامتياز
السلام عليكم
انتى اول ما قولتى فارهة الطول
انا قولت بس دى هتكون 170او180
تقومى تقولى 150وكام سنتمتر
لماضه بجد
انا جى اتلامض للاول مره
يارب يسترها يارب معاكى ومعانا
يارب
تحياتى
ROONEY
متر ونص..ما شاء الله
انتي طويلة جدا زي فاطمة بقى؟؟؟
عفارم عفارم
بالمناسبة يعني ايه عفارم دي ؟
جاية من اللحمة المفرومة غالبا
المهم
التاج ده بيظلم اللي بيلبسه
عشان حاجة من اتنين و انت بتتكلم عن نفسيتك
يا اما بتجاملها يا اما بتظلمها
قوليلي بقى
انتي كده جاملتيها و لا ظلمتيها ؟
اسف لتاخرى فى التعليق
انا مش حقول غير
رحم الله امرئ عرف قدر نفسه
بسم الله ماشاء الله
ماتجيبى حبة طول
ربنا يحميكى يارب وتبقى اشطر دكتوره فى عالم التدوين
ههههههههههههههههههههههه
عثل يالماضه
طيب تعالي اتلامضي معايا انا كمان بحب اللاماضه
وبيسموني ام لسانين
هههههههههههههههه
سلامي
حزلووووقه
ههههههههه انتى خمسه وتسعين سم
ههههههههههه بطلى كدب
بس سكر والله
لالالالالالالالا
واضح من الاجابات ان اللماضة واخده وقاطعه فيكي قوي
ربنا يستر من أول مرة زيارة كده
تحياتي لمدونتك الجميلة
اهلا يا مروه
وحشتينى جدا
جميل جدا التاج ده لأنه عرفنا اسمك وشخصيتك الجميله وانتى بتحبى ايه
وحكايه الطول دى بقى
انتى فعلا فارهه الطول
مدونتك حلوه ومرحه جدا يا لماضه
بحبك جدا
إزيك يالمضة فينك؟ أنا جاوبت عالتاج ده برضه بس مش هاعرف أنافسك في اللماضة أكيد
ياللا اظهري بسرعة مش واخدين احنا عالغيبة دي؟
:)
ياست الدكتورة ربنا هيوفقك ان شاء الله في حياتك
وعلي فكرة القصر مش عيب يعني
انا يعتبر زيك برضو وعادي بسلك في اي حتة
اجاباتك كانت جامدة علي فكرة
وابقي تعالي
السلام عليكم ورحمه الله وبركاته
ما شاء الله يا لماضه مدونتك حلوه أوى أنا متابعاها من فتره بس كل مره بكسل أعلق انتى مجربه تأثير الطب بقى هههههه بس والله الكلام اللى كتباه عن الطب ده بيفكرنى بنفسى هههههه خلاص الواحد معدش فيه دماغ أناكان عندى امتحان فسيو النهارده ادعولى عندى شفوى الجمعه هئ هئ ربك يستر إن شاء الله هحاول أنزل مذكراتى فى الكليه دى بس فى مدونه خاصه ده الكليه والله يتكتب فيها أساطير ههههههه يلا ربنا يوفقك
سلاموووووز
بداية..سلامو عليك :)
يمكن تكون دي أول مرة ازور الدونة دي..
بس لو كانت اللماضة بخفة الدم كده..بج..هاكون هنا على طول..حقيقي جميل جداً..
شكراً ليكي :)
لماضة الجميلة...على فكرة أنا متابعكى من فترة طويلة بس يمكن ده تانى تعليق ليا
وعجبانى اسلوبك التلقائى العسول ده
بيفكرنى بطالبة كانت عندى فى القسم
دايما لما أدخل مدونتك أفتكرها
بالنسبة لاجاباتك....فهى جميلة وبسيطة
وربنا يرزقك بحد كده إبن حلال ويكون دكتور زيك لأنك واضح إنك بتحبى شغلك
إلا إذا كنتى مش عايزة حد من الوسط الفنى
...ويارب أشوفك أجمل وأرق وأشطر دكتورة فى مصر
بتحبي خروب الحلبي
يا شيخه حرام عليكي
خليكي في خروب أمال على طول
اينعم انا سايبه كان بجنيه ومش عارف اكيد طبعا غلي مع المووجه
بس ماشي
انا عرفت من التعليقات انك دلوقتي في الشهرين بتوع الجراحه يعني في المييري
ربنا يقويكي يا بنتي
يووووه
ربنا يقويكي يا ست الضكتورة
:)
Post a Comment