Thursday 15 May 2008

مش مجرد لقاء








يا أهالي المدونات


تم بحمد الله تعالى نشر أول كتاب في سلسة مدونات مصرية للجيب


وسيتم عقد لا مش قران ده حفل التوقيع ان شاء الرحمن




بمكتبة عمر - عمر بوك ستور
شارع طلعت حرب من ميدان التحرير فوق مطعم فلفة
الموعد الخميس 22/5/2008 ـ
الساعه 6.30 مساء




والحاضر يعلم الغايب


يعني هي توك توك وتكونوا هناك


انا جااااااايه يا جدعان


وبجد نفسي اشوفكم كلكم


طبعا مش هقول ان ده حدث عالمي ودولي ومحلي والدقيقة ب 75 قرش


بس دي فرصة لا تعوض اني اكون متواجده في المحروسة ربنا يحرسها من العين


حقيقي اتمنى كلكم تحضروا وأناشدكم من مدونتي المتواضعه وأدعوكم لهذا الحفل البهيج بشرط المشاريب عليكم


وميضرش لو غدا لاني متغربة واكيد لو شوفتوني هصعب عليكم وتعشوني


اممم سامعه واحد بيقولي داخله على طمع


ايون بس المقابل اني هوقع على الروشتات قصدي الكتب


وكفايه انكم تشوفوني وجها لوجه أي والله زي ما بقولكوا كده ولا دي شوية ولا ايه ؟؟


هستناكم ان شاء الله


ها مين هيجي ويقولي كلمة السر؟؟


تحدييييييييييييييييييييييث


ما بعد اللقاء

بجد مش قادرة اوصف فرحتي قد ايه مش بس بالكتاب اللي نزل لكن اكتر اني قابلت ناس طول عمري بحلم اقابلهم

بجد متشكره جدا لاحمد البوهي واحمد مهنا وكل واحد كان سبب اني اشوف الناس دي

ماما فاطمه وبابا عصفور واستاذ احمد علي اللى كان اجدع عيل في مصر المحروسة ومعاه فداء خطيبي وسلمي


وشفت حمايا اللى مش عاوز يجوزني ابنه بشمهندس احمد ثروت يا مراكبي

دكتور حر دفعتي وولاء والقادم اجمل وأبي وخطيبها اسلام مبروك يا بوبي وربنا يتمم بخير والصباغ ومفقوعه مرارتها من حماتها ونبضات ودودي اهو ده عيبه وكمان قابلت احمد سكر هو فعلا سكر وابو همس خالد اللى بعتز جدا بمعرفته اخ وصديق حقيقي ربنا يخليك يا ابو همس ويباركلك فيها


وأوشااااا اللى ليها مكان كبير في قلبي هي وبنوتتها اللى زي القمر ودنيا محيراني قلتلها محيراكي ليه يا دنيا وداي لايت وهش وكلامه كلام هشام طلع اسكندراني يا جدعان كنت حاسه اني في غربة مصدقت لقيت حد اسكندراني ومستر كوفي ورودي وبيني وبينك بس بيني وبينكوا طلعت بنوته زي السكر


وشيماء الجيزي اللي موتتني من الضحك زي العسل

وحبيبة قلبي مي بهاء اللى بجد كنت مش مصدقه نفسي اني شوفتها هي وصاحبتها السكر دوده

مش بس كده لا وكمان نرمين كلاكيت يا جدعان وخلتني اكلم بنوتتها لينا دكتورة المستقبل ان شاء الله ادعولها عشان عندها امتحان يوم الخميس

وكمان البت ياسمين انسانه وهي انسانه فعلا وجميله هي وخطيبها كمان ربنا يتمملكوا بخير يا سمسمه يارب


مين تاني ياربي


وينكي واحمد مبارك صاحب التصميم بتاع لماضة يا جماعه اللى فوق ده بجد بشكره جدا

وادم المصري اللى ملحقش الكتاب ومضيتله فعلا على دفتر روشتاتي
وايمن بدر ومحمود الدوح يا جماعه من الشخصيات الهاديه جدا اللى قابلتها وكنت في منتهى السعادة

والراجل العجوز الطيب سوو اللى مبطلش شرب سجاير ولماضة معايا

وعارفين مين كمان


استاذ محمد عبد الغفار اه والله شفته يا جماعة

وأستاذ احمد كمال اللى كان قاعد جنبي شخصيه جميله مفيش بعد كده

وطبعا استاذ ابو خالد اللى بجد من الشخصيات اللى تحس لما تشوفها ان ربنا راضي عنك

واشرف توفيق واخف دم فعلا

والحاضربروحه الغائب بجسده السيد رئيس الجمهورية محمود اللى بعتلي كتاب امضي عليه بجد يا محمود كان نفسي اشوفك معلش ملحوقة


واللي شرفني بالحضور بجد استاذي محمد هشام عبيه وجاب معاه نانسي حبيب اللى زي العسل حقيقي كنت مبسوطه قوي بحضورك يا محمد

طبعا فيه ناس كتير اساميها مذكرتهاش معلش بقى الهس هس والزمن والى بيعمله فينا ومن فرحتي فاكره اشكال والاسامي على لساني بس مش عارفه اقولها بس انا عارفه مدوناتهم هروح اتلامض معاهم فيها

وطبعا شكر خاص لآهل مصر اللى توهوني يا جدعان

بقيت ولا اوبريت الليلة الكبيره فعلا دي وصفه سهله دي وصفه هايله

واول ما شفت مقلة لب عرفت اني تهت وضعت

بس الحمد لله بعت نداء استغاثه لمحمد اخويا جه انتشلني وانا واقفة بشحت على أول نفق المترو

بس ولا يهمكوا فداكوا


77 comments:

Empress appy said...

لماضه مبروك وهشوفك يا 95سم انتى لانى نازل ليه معاكى فى اول عدد بوستات انا كمان لسه مبلغنى امبارح
وانا مبسوطه انى هشوفك علشان اضربك
القاهرة بنت خالتى ام عز هتنور بيكى

إيمان said...

تنورى القاهرة يا لموضة يا جميلة
أنا من أهالى المحروسة وسوف أحاول جاهدة أن أحضر...حفل توقيع القرآن أقصد الروشتات يووووووووه غلطتينى أقصدالكتب
وياريت يا ست الدكتورة تنورى مدونتى


تحياتى ومحبتى

حل وسط said...

الف الف مبروك
هاحاول بشده اني اجي

همس الاحباب said...

ههههههههههههه
بجد الدنيا دى صغيرة قوى
مش كده برده يا دكتورة والارض كروية وتلف حول نفسها
عامة انا اجى باذن الله واشترى الكتاب طبعا وعليه توقيعك وبصمتك كمان
نورتى المدونة والمدونات المجاورة
وتنورى المحروسة واهلها كمان
ودال واو نون
تحياتى
خالد

دكتور حر said...

يا دكتوره لمااااااااضه


انا الاعلان ده جالي من السما

انا هسرقه بعد اذنك
واوعي تقولي لا


عشان هنزله برضه


ماشي ولا ماشي

(احمد سكر ) said...

امممممممم

شفت الولا احمد

لسا انبارح قايلى متعرفش حد بالميعاد

هههههههه

وكانه سر حربى

عمتا الف مبروك

ودى فرصه سعيده جدا

انى التقى بالمدونين

بس ربنا يستر ماتجيش سفريه مفاجئه

زى كل مره

وواكيد طبعا هتننورى القاهره يادكتوره

تحياتى

احمد سكر

المـــفـــــــقــــــــوعـــــة مــرارتـهــا said...

كان نفسي اجي بس مش نافع ورايا غسيل

اهو ده عيبه said...

مبروك يا لماضه

والنبى ابقى خدينى معاكى فى ايدك انا كمان هاجى من بلاد الواق واق مخصوص علشان معاكم فى الليلة دى

هى كلمة السر دى اختصار ايه

انا اتفقت مع ابى انى هقف اقول انا حله وهى بقى تحط وردة فى عروة الجاكته

وربنا يستر

اهو ده عيبه said...

طبعا انا بهزر فى حكاية كلمة السر دال0واو0نون
لا تقولوا على قله بجد ولا حاجه

ربنا يوفق الجميع ان شاء الله

فاتيما said...

لا يا بيبو بجد محش هيزعل بس أنا برضو قريتها كدا بالمعنى التانى إياها ...
يعنى أنا أروح لماما أقولها إيه ؟؟
طب يحطوا ميم فى الأول تبقى مبلوعة شوية ...
يللا المهم الحلم إتحقق خلاص
ألف مبروك يا بنات
و هحاول ىجى عشان أشوفكم و لو ان المسألة عاوزة تخطيط من دلوقتى لإنجاح المهمة و ربنا يسهل
مبروك يا لماضة يا قمر الف مبروك يا حبيبتى

مروة الزارع said...

مبروك يا سكرة

هسأل بعلى وهحاول أجى عشان أشوفك عشان وحشانى جدا

مي بهاء الدين said...

لولولولولييييي
خبرين ورا بعض جامدين يالمضتي...الدستور وبعدين الكتاب
ألف مبروك وانشاءالله هايكون لقاء جميل
انا فعلا نفسي اقابل الجميع وانتي أولهم
وناخد توقيع بسرعة قبل ماتنسينا
ونقابلك بمواعيد ياست الداكتوووورة

:):):)

AHMED SAMIR said...

ربنا يسهل ان شاء الله
تحياتي

و القادم....أجمل said...

مبروووووك يا جميل
و الله كان نفسي آجي
بس مش عارفه
أولا مش هعرف أوصل
ثانيا خايفة أتأخر
:\

ربنا ييسر الأمور
إحترامي و حبي

:)

Unknown said...

مستنياكم كلكم يا جماعة ان شاء الله ومفيش اعذار
انتوا عزوتي في الغربة
لازمن حتمن كلكم تيجوا بجد هكون مبسوطه جدا

Miss. Sosa said...

طالما فيها عشا يبقي لازم نيجي ...هو احنا كل يوم بنتعشي ولا ايه ... بس يا سلام بقي لو يكمل الجميل وتوفروا سكن للمغتربين ... والف الف الف مبروك وعقبال جمبع البلوجرية ما ينشورا يارب ... ينشروا بقي يغسلوا ... المهم انها تبقي حاجه نضيفة ... علي فكرة وبعيد عن التهريج مدونتك بجد بسيطة وجميلة

رئيس جمهوريه نفسى said...

لو كان الخميس الى قبل الى فات كان ممكن اجى بس انا لسه راجع من القاهره ودول 11 ساعه سفر للاسف كان نفسى اكون معاكم

رئـــــيسـة حزب الأحلام said...

ربنا يسهل ونقدر نيجى كلنا
وتحياتىلكى

الـسـيـدة نـون said...

انا مش هاعلق على البوست ده يا لماضة
انا جاية اعلق على بوست ميم نون

بيقولك
واحد موظف بعد ما قبض المرتب ومعاه العلاوة الجديدة
راح السوبر ماركت يشترى طلبات البيت
لقى كل الاسعار زادت
طلع برة ورفع ايده وقال
الله يخرب بيتك يا سيد
مخبر سمعه راح لطعه على قفاه
وقاله
وكمان مش عارف اسم الريس

بس خلاص
تحياتى
واشوفك على خير يوم حفل التوقيع
اختك خيخة

Soooo said...

الف الف الف مبروك
وعقبال ما ينزللك كتاب خاص بيكي لوحدك يارب



كلمة السر كتكوت

سوكتوم بوكتوم




سلاموووووووووز

Unknown said...

بوبي
وانا كمان مبسوطه والله اني هشوفك يا ابي
,,,,,,,,,,,,,,,,,,,,,,,,,,,,
ايمان
نورك يا جميله ياريت تيجي هستناكي
,,,,,,,,,,,,,,,,,,,,,,,,,,,,
حل وسط
خلاص هستنى
,,,,,,,,,,,,,,,,,,,,,,,,,,,,
همس خالد
انا عارفه انها فرصتك للانتقام ههههه لما اشوف اللى قلت عليه هيحصل ولا لا
,,,,,,,,,,,,,,,,,,,,,,,,,,,,,
دكتور حر
البيت بيتك يا دفعة متستأذنش
,,,,,,,,,,,,,,,,,,,,,,,,,,,,,
سكر باشا
لا ان شاء الله الجو هيكون ملبد بالغيوم ومفيش ولا طيارة هتطلع
وهتيجي ان شاء الله
,,,,,,,,,,,,,,,,,,,,,,,,,,,,,
حماتي ملاك ياااااارب
سيبي الغسيل لحماتك وتعالي
,,,,,,,,,,,,,,,,,,,,,,,,,
دودي اهو ده عيبه
ايوه هستناكي
وايه المعنى الوحش ده والله ما اخدت بالى غير بعد ماما فاطمة ما علقت ومت من الضحك لا انا اقصد تدوين
,,,,,,,,,,,,,,,,,,,,,,
ماما فاطمه
ياريت تيجي بجد هكون مبسوطه جدا لو جيتي لاني نفسي بجد اشوفك واتعرف عليكي ربنا يخليكي تحاولي تيجي
ههههههه وبعدين انا مقصدتش المعنى الوحش والله
,,,,,,,,,,,,,,,,,,,,,,
مروة سلطه
مبروك يابت ربنا يتمملك بخير يارب وياريتك تيجي انتي وزوجك
,,,,,,,,,,,,,,,,,,,,,,,
مي
هستناكي يا مي بجد
حاولي قد ما تقدري تيجي حقيقي نفسي اشوفك ودي فرصه اني اكون في القاهره لاني صعب قوي انزل
,,,,,,,,,,,,,,,,,,,,,,,,
احمد سمير
هستناك يا دكتور
,,,,,,,,,,,,,,,,,,,,,,,
ولاء
حاولي تيجي يا ولاء ربنا يكرمك
,,,,,,,,,,,,,,,,,,,,,,,
ميس سوسة
اه والله عندك حق
مرتبه ولحاف يبقى زي الفل
مستنياكي يا سوسه اشوفك انتي زي العسل
,,,,,,,,,,,,,,,,,,,,,
السيد رئيس الجمهورية
الجيش بيقولك اتصرف
لازم تيجي يا محمود بجد حاول
,,,,,,,,,,,,,,,,,,,,,
رئيسة حزب الاحلام
ياريت والله انا هستناكي بجد هتسعدوني جدا جدا
,,,,,,,,,,,,,,,,,,,,,,,
خوخة حماتي
ههههههههه ايون عرفاها النكته دي
ربنا يستر
مستنيه اشوفك يا حماتي بفارغ الصبر وحشتيني والله
,,,,,,,,,,,,,,,,,,,,
الراجل العجوز الطيب سووووووو
الله يبارك فيك يا ريس
مبروك لينا كلنا
هستنى اشوفك يا سوو
لاني كان نفسي اشوفك يوم معرض الكتاب وسألت عليك كل الناس بس انت مجتش
حاول تيجي اشوفك ربنا يخليك دي فرصه اني انزل القاهره

هشام علاء said...

كلام جميل ماقدرش اقول حاجة عنه

النكتة بتاعة بت خيخة جامدة جدا

و اتفق مع سووو ان كلمة السر هى كتكوت

تحياتى يا لماضة على الاعلان الجامد و نلتقى حميعا فى الحفل الساهر
:)

هش

كلاكيت تانى وتانى said...

http://mahmod123.blogspot.com/
لماضة ازيك وحشتينى جدااااا من زمان معلقتش عندك طبعا انشاء الله هشوفك الخميس وكلمة السر ابى بلانيت هى اللى اعرفها واحمد الصباغ هتلاقينى معاهم
المدونة اللى فوق مدونة صديقتى مشوارى مع متلازمة داون
ادخليها وانشريها عندك ياريت
تحياتى

Unknown said...

هشام
ربنا يخليك يا هش ان شاء الله نتقابل
واشوف ايه حكاية كلام هشام اللى واجع دماغنا بيه ده :))

,,,,,,,,,,,,,,,,,,,,,,,,,,,
كلاكيت تاني وتاني
ياربي بجد وحشاني جدا وياريت تجيبي بنوتك معاكي كمان هقنعهالك
ومدونة صحبتك جميله جدا انا متبعاها فعلا
وهحاول انشرها باذن الله

بحبك يامصر said...

مبروك يا لماضه
وان شاء الله لو عرفنا نيجى هنيجى على رايك كفايه اننا هنشوفك
تحياتى

يا مراكبي said...

هو إنتي جاية؟

مادام كده يبقى أنا غيرت رأيي ومش جاي

هههههه

ألا صحيح .. كنتي بتدعي على مين في البوست اللي فات؟ اللي كان فيه محطة مصر كلها بتقول وراكي: أمين؟

Unknown said...

انا بقى معنديش توك توك فى المنصورة وطبعا لازم اجدى عشان أشوف الدكتورة لماضة واتلامض معاها والله عمال افكر من دلوقتى هزوغ من الشغل ازاى ده لو فيها رفد لازم اجى
تحياتى

Unknown said...

ما شاء الله
الف مبروك ان شاء الله حعمل كل جهدى عشان اجى

صيدلانيه طالعه نازله said...

مبروك يا لمضه و عقبال ما تتلامصى فى كتاب وحدك ان شاء الله
و انتم السابقون و نحن اللاحقون

Unknown said...

بيحب مصر وانا كمان
ربنا يخليك يارب هتنور والله انا كمان هبقى سعيده جدا لو جيتوا
,,,,,,,,,,,,,,,,,,,,,,,,,
حمايا يا مراكبي
ماشي يا عم احمد طيب ابعتلي خطيبي
كنت بدعي على مين مش هقولك كده من اولها عاوز تخلص من مرات ابنك
,,,,,,,,,,,,,,,,,,,,,,,,,
ايمن بدر
ياريت والله تقدر تيجي وتجيب كل الناس معاك
هكون سعيده جدا
,,,,,,,,,,,,,,,,,,,,,,,
عالياااا
الله يبارك فيكي يا جميله بالله عليكي يا عاليه تيجي بجد هتبسط قوي لو شفتك
وبعدين انا باجي القاهره كل سنه مره يبقى بلاش تنسوني بالمرة
,,,,,,,,,,,,,,,,,,,,,,,,,,,,,,
صيدلانيه مدوخه نفسها
ربنا يخليكي يا قمر عقبال يارب ما تشاركي انتى كمان
حاولي تيجي هستناكي

بيتنا القديم said...

مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك

بيتنا القديم said...

استني لسه مش خلصت......

مبروك يا دكتورة لماضة...!!!

وان شاء الله من نجاح الى آخر باذن الله

ان عرفت هجيب سهيلة واجي..!!

(:

Ahmed Kamal said...

ألف مبرو يا دكتورة ، و ربنا يتمم بخير :) حتنوري الناحيه كلاتها

Unknown said...

سمسم
منور والله ياريس ببيتك القديم
ياريت والله بجد هفرح جدا جدا
,,,,,,,,,,,,,,,,,,,,,,,
استاذاحمد كمال
يا خبر اخيرا يا افندم شرفتني مدونتي المتواضعه
ياريت كمان تشرفني بالحضور
عشان نشوف نور مين فينا هيغطي على التاني
وش مطلع لسانه

*سمر* said...

الف مبرووك يا لماضة...بجد فرحتلك جدا ...
هتنورى القاهرة
وعقبال كتابك ان شاء الله

Unknown said...

سمر
ربنا يخليكي يا جميله
ياريت تيجي هستناكي

Anonymous said...

ألف مبروك
بس ياخساره كنت نفسى احضر

موجة said...

لمااااااااااضة

كان نفسي اروح و اشوفك و اشوف كل المدونين اللي عرفتهم في العالم الجميل ده .. يارب تستمتعس باليوم ده
طب انتي فين
انا عندي امتحانات يوم السبت في الماستر .. يعني لما انشغل شوية ما تساليش عليا

خالص تحياتي
احمد توفيق

jessy88 said...

مبروك يا لماضة انا ياسمين القاضي بتاعة بيني وبينك وسعيدة انى اتعرفت عليكي انهاردة ويا رب نتقابل تانى

ياسر سليم said...

دخلت كذا مدونة

لقيتهم بيتكلموا عن الحدث التاريخى ده

ولما جيت هنا .. افتكرت فيلم الطريق إلى ايلات

لما واحد منهم خاف ينزل الميه .. وبعد لما نفذوا العملية بنجاح

راح قال بحرقة

ياريتنى كنت معاهم
ياريتنى كنت معاهم

:)
بس ما باليد حيلة
لأن موضوع التكتوك من امدرمان لطلعت حرب صعب شويتين

و القادم....أجمل said...

كان يوم راااااااااااااائع
بجد سعيدة إني شوفتك يا جميلة
و إن شاء الله نتقابل تاني و تالت و رااااااااابع

ربنا يوفقك و يسعدك
مبروووووووووك

:)

Ahmed Mubarak said...

لماضه لمضه لماضه
كان مكسب كبير اني شفتك اليوم ومبروووك بجد انا كنت فرحان ليكي موووووت

واتمنى في كل عدد ينزلك حاجة
شفتي الدعوه ديه علشان متقوليش حرمتك من حاجة

وشكرا على الروشته
;)

همس الاحباب said...

اجدع والذ دكتورة فى الدنيا
لماضة هانم
منورة مصر المحروسة وشوارعها
طبعا انا فى قمة السعادة انى قابلتك
وكمان اخدت اهداء منك على الكتاب وده شرف ليا طبعا
وانا اللى باعتز بصداقتك ومعرفتك جدا جدا
مع اننا معرفناش نتكلم معاكى بس ملحوقة ان شاء الله الجاى احسن والمناسبات الحلوة كتيرة
وعلشان خاطرك اجيب همس معايا مخصوص
تحياتى وتقديرى
خالد

Unknown said...

مواطن زهقان
معلش تتعوض المهم اشتريت الكتاب ولا لسه ؟؟
,,,,,,,,,,,,,,,,,,,,,,,,,,,
احمد موجه
ربنا يكرمك يارب والله يا احمد انا فعلا مقصره في حقك اعذرني
خلينا بس نشوفك واشتري الكتاب وقولي رايك ايه
,,,,,,,,,,,,,,,,,,,,,,,,,,,
جيسي بيني وبينك
والله كنت مبسوطه يا سمسة قوي اني شفتك
,,,,,,,,,,,,,,,,,,,,,,,,,
ياسر سليم
شفت بقى فاتك نص عمرك
معلش تتعوض ان شاء الله
,,,,,,,,,,,,,,,,,,,,,,,,,,
ولاء والقادم اجمل
انا مبسوطه اكتر والله يا ولاء ربنا يخليكي
بس انتى مشيتي من غير ما اسلم عليكي
قعدت ادور عليكي يابنتي مش لقيتك خالص
,,,,,,,,,,,,,,,,,,,,,,,,,,,
احمد مبارك
انا مبسوطه والله يا احمد اني شفتك حقيقي
ربنا يكرمك ويوفقك
ابقى قولي رايك في الكتاب

Unknown said...

همس خالد
ربنا يخليك يا خالد
بجد نعم الاخ والصجيق
ربنا يديم المعروف وسلملي وبوسلي همس ومامة همس

mostafa rayan said...

مبروك يا لماضة علي الكتاب
انا فرحان قوي اني شوفتك واتعرفت عليكي واخدت منك امضاء كمان
ربنا يوفقك في حياتك كلها
اخوكي : مصطفي

رئيس جمهوريه نفسى said...

w333333333333333333333333333333a
كان نفسى بجد والله اكون معاكم بس يا خونا انا من قنا شوفوا حل يا تتجمعوا فى الاقصر يا تنقولونى القاهره
الف شكرا يا دكتوره على توقيعك للكتاب والف مبروك وعقبال كتابك الخاص ان شاء الله

رئـــــيسـة حزب الأحلام said...

ولله يالماضة انتى عسل وسكر
انا حبيتك اوى

إيمان said...

مبروك يا لموضة يا جميلة...أنا كان نفسى اشوفك جدااا
بس معلش أكيد ممكن تتعوض إن شاء الله
ونراك فى المحروسة ...أو نجيلك فى اسكندرية ....فاتنى انى اطلب من فاتيما تجبلى نسخة من الكتاب وتوقعى ليا...أنا بعيط دلوقت لا لحقت كتب ولا روشتات

تحياتى وربنا يديم عليكى الفرحة

Ahmed Kamal said...

متشكر على ذوقك يا د. لماضة ، أنا ماشي على الروشته ، و على فكرة أنا عرفتك أول ما شفتك من قبل ما تقولي :)

Unknown said...

مصطفى
انا اسعد والله بجد فرحتي متتوصفش
امشي بقى على الروشته كويس
,,,,,,,,,,,,,,,,,,,,,,,,,,
السيد رئيس الجمهوريه
معلش يا محمود ملحوقه وتتعوض ان شاء الله هتلاقي توقيعي على الكتاب امشي عليه بالحرف الواحد
,,,,,,,,,,,,,,,,,,,,,,,,,,
رئيسة حزب الاحلام
والله يا جميل انا اللى اسعد والله اني شفتك واتعرفت عليكي ربنا يديم المعروف
,,,,,,,,,,,,,,,,,,,,,,,,,,,
ايمان
خاااااااااينه مش قلتي انك جايه
انا استنيتك مجيتيش ليه كان نفسي اشوفك
معلش تتعوض ان شاء الله
,,,,,,,,,,,,,,,,,,,,,,,,,,,
استاذ احمد كمال
ههههههه ربنا يخليك يا افندم والله انا سعيده اني اتعرفت بحضرتك
الروشته اللى كتبتهالك اخبارها ايه ؟؟

محمود الدوح said...

انا سعيد جدا بمعرفتك يا دكتور

بجد استمتعت باليوم جدا جدا

واحــ الفكر و القلم ــة said...

مبروك يا قمر
عقبال كل عدد ان شاء الله
دمتى بخير اختى
سالى

Unknown said...

لا نسيتى واحد مهم جدا لساله يومين ويتطلع صورته على الجنيه ولو انه عام لغاية ما باش وهو العرضحالجى
مش مشكلة المرة الجاية تفتكرينى ان شاء الله
تحياتى

Unknown said...

لا نسيتى واحد مهم جدا لساله يومين ويتطلع صورته على الجنيه ولو انه عام لغاية ما باش وهو العرضحالجى
مش مشكلة المرة الجاية تفتكرينى ان شاء الله
تحياتى

قوس قزح said...

لماضة اكيد انا شوفتك بس معرفتكيش
لانى كنت واقفة مع اغلب الناس اللى قلتى عليها
بس يظهر حظى وحش :(

Unknown said...

اخصصصصصصصصصصصصص عليكىىىىىىىىىىىىى

طب ده انا واقفة جمبك .. نادى عليا وقوليلى تعالى شوفى المدونات دى كلها

بجد كان فى ناس كتيرة اوى وكان نفسى امشى اسأل واحد واحد انت مدونة ايه ياكابتن ههههههههههههههههههههه

يا بختك بجدددددددد

بس ان شاء الله ملحوقة فى والعدد القادم

اما انتى بقا فحتة سكر بجد وعسولة اوى

ربنا يكرمك يارب وفرحت اوىىىىىىىى انى شوفتك

شــــمـس الديـن said...

لماضة

بجد انت عل يالنت غير الحقيقة خالص

سبحان الله بجد فعلا

و ايه حكاية انك تمضي علي الجوانتي و علي دفتر الروشتات

ما طبعا اللي فيه طبع مش بيغيره

بس بجد سعيدة اوي اني تعرف عليكي يا جميلة

و ربنا يديم المعروف يا رب بينا كلنا :))

فاتيما said...

لماضة يا طعامة
حمدالله على السلامة يا مرمر
ألف شكر على إهداء الكتاب و الجوانتى أنا معلقاه على التسريحة من فوق
و القطة بتاعنا هيموت عشان يشده يلعب بيه موش قادر يوصلله قولتله عيييييييييييب
دا من لماضة يا بنى
و محدش يستجرى يهوب نواحيه
سعيدة قوى أنى شفتك و ان شاء الله تتكرر تانى و تالت و عاشر
تحياتى يا حبيبة ماما

المـــفـــــــقــــــــوعـــــة مــرارتـهــا said...

لا كدة ماينفعش انا عاوزة حفلة تانية
انا كنت هناك بس ماشوفتش الناس الجميلة دي كلها

Soooo said...

والله العظيم انتي زي العسل

انا اول ماشفتك حسيت انك لماضه بجد
بس شكلك مش بتتلامضي بقالك فتره وكنتي محتاجه شوية تسخين

وسعيد جدا جدا جدا جدا اني شفت اختي الصغيره اللمضه


ملحوظه
يابنتي انا ماكنتش باشرب سجاير .. ده كان عود بخور مولعه عشان ماحدش يحسدكم
انا فرحت قوي قوي قوي اني شفتكم يا جرعاااااااااان



سلامووووووووز

محمد عبدالحي بتاع بيطري said...

مش عارف ليه حاسس أن أنا كنت في حفلة تانية

كل ما أروح عند حد ألاقيه بيقول قابلت الناس كلها

أنتوا كنتوا قاعدين فين

أنا قعدت أسأل الناس زي العبيط : أنت مدون في الكتاب يقولي مدزن بس مش في الكتاب
لحد ما جاني إحباط و روحت

عموما آدينا أتعرفنا يا دكترة و ملحوقة زي ما قلتي ، و هتمضولي على نسختي يعني هتمضولي عليها

بنوته مصرية said...

والله يا مرمر انتي اللي زي العسل وكسوفة اووي

يا ماعه لماااضه بتتكسف جداا وحاجه كدا رقيقه ولزيزة

بجد مبسوطه اني شوفتك انا اول ما وصلت وانا سالت عليكي والله لاني كان نفسي بجد اشوفك وخصوصا اني مشوفتكيش في المعرض الكتاب

وميرسي علي الهداء وهمشي علي الروشته بحذفيرها بس انتي مقولتيش 3 مرات في اليوم قبل الاكل ولا بعد الاكل
هههههههههههه

اللماضة فعلا في دمك

ربنا معاكي يارب في الامتحانات واعبال ما نشوفك دكتورة ناجحه

تحياتي

إبـراهيم ... said...

..... كلام محمد عبد الحي فكرني بسؤال كنت سألته لنفسي ف عز الزحمة، هوا لوج حد قال لي أنا كنت ف حفل التوقيعج، هعمل فيه إيه ؟؟؟قطعًا كنت هكتـله، وهنا أتذكر مشهد عثوري على مي قصاقيص مثلاً ....
ما علينـــا أنا سعدت جــدًا إني قابلتك يا مروة أو يا لماااضة، وعلى فكرة ناس كثييير سألوني عنك أتمنى تكوني قابلتيهم .............

وألف ألف مبرووووك لينـا كلنــا
وعقبال الإصدارات التالية كلها يااااارب

mohammed alsha3r said...

كان يوم جيد
مع ارتفاع درجه حراره المكتبه
والزحمه الجامده
بس كان يوم جميل
والواحد ملحقش يسلم ويتعرف على الناس كلها
بس البورصه جمعتنا بعد الحفل
وفي كل بوست تغطيه للبوست منورة يالماضه ... عامل قلق ليه

على العموم الف مليون مبروووووووووووووك

وخلى الشعب يعيش

Unknown said...

محمود الدوح وايمن بدر
والله يا جماعه انا كتنت مبسوطه جدا لما شفتكم
واعذروني لان الاسامي كانت كتير جدا انا زودت اساميكوا دلوقتى دي بجد حاجه تسعدني
,,,,,,,,,,,,,,,,,,,,,,,,,,,,,,,
سالي ام دودو
حبيبي انا كمان ربنا يخليكي يا ست الكل ان شاء الله المره الجايه نروح كلن سوا
,,,,,,,,,,,,,,,,,,,,,,,,,,,,,
قوس قزح
انا اللى حظي وحش بجد كان نفسي اشوفك معلش تتعوض ان شا ءالله
,,,,,,,,,,,,,,,,,,,,,,,,,,,,
سمسمه الانسانه
والله يا ياسمين انتي اللى زي السكر بجد كنت مبسوطه جدا جدا جدا اني شفتك يابت انادي عليكي تقعدي جنبي مش راضيه اخص عليكي
,,,,,,,,,,,,,,,,,,,,,,,,,,,,
شموسه
الله يكرمك يا جميل بجد انا كنت اسعد مكنتش مصدقة نفسي اني شفتكم طبعا الجونتيات بتجري في دمي
,,,,,,,,,,,,,,,,,,,,,,,,,,,,
ماما فاطمة
هههههههههه القط طمعان في الامضاء بتاعتي ولا ايه المهم تمشي على الروشته كويس تعرفي ان بجد فاتتني اخد امضاءات الناس دي كلها معلش تتعوض المره الجايه ان شاء الله
,,,,,,,,,,,,,,,,,,,,,,,,,,,,,,
مفقوعة مرارتها
هههههه يا سلام يا سلام انتي بالذات مش مصدقة اني شفتك وبجد طلعتي زي السكر ربنا يخليكي لحماتك ويخليكي لينا
,,,,,,,,,,,,,,,,,,,,,,,,,,,,,
سووووو
انت يا راجل يا عجوز انا مضيتلك ولا لا كنت عاوزه اخد توقيعك بتبخرنا طيب وماله ومش شر حاسد اذا حسد
بس مطلعتش عجوز ولا حاجه ده انت اخر روشنه
,,,,,,,,,,,,,,,,,,,,,,,,,,,,,
استاذ محمد عبد الحي
ههههههه معلش تتعوض ان شاء الله
ده انا اجي لحد عندك وامضيلك
,,,,,,,,,,,,,,,,,,,,,,,,,,,,
ابراهيم معانا كلنا
والله يا ابراهيم انا اسعد بجد
لا فين الناس دي غير الى انا كتبه اساميهم ولا ايه هزعل قوي انا كنت كل ما حد يقولي سال عليكي اطلع ادور عليه ملقيش حد معلش تتعوض ان شا ءالله
,,,,,,,,,,,,,,,,,,,,,,,,,,,,
شاعر
ههههههه مش عامله قلق ولا حاجه والله
ده انا غلباااااااااان سعيده اني شفتك يا شاعر

كلام على بلاطة said...

واحنا اصبح فاضل لنا الا اللماضة
تحاتى ولماضاتى وهمساتى

بيتنا القديم said...

على فكرة انا كنت هناك..!!

(طب وايه يعني)

امممممممممم

طيب ومش عرفت اسلم عليك

(طب وانا هعملك ايه؟!!)

امممممممممممم

طيب مبروك يعني دي كل الحكاية..!!

(ياسيدي وانت من اهله...)

امممممممممممممم

طيب انا مش شفت لاماضة زي كده..!!

(:

د.دغيدى said...

عملوها الوحوش ياريتنى كنت معاهم
بس ربنا اعلم اللى الواحد فيه

NIDAAL .R said...

مبروك عليكوا الكتاب يا لماضة
و كان نفسى اشوفك و اشوف ناس كتير بس انا جيت متأخر بعد ما الناس راحت على البورصة .. بس غصب عنى و الله الشغل بقى
بس حكاية الامضاء على الجوانتى دى
افتكاسة جديدة من افتكاساتك ولا ايه
دمتى بالف خير
مش دومتى الجبنة علشان انا عارفك ان اول حاجة هتفكرى فيها
ههههههه
تحياتى
نضال

تامر حسين said...

بقالك كتير مش بتشرفي مدونتي بزيارتك اتمني اشوف ولو تعليق صغنون عندي
تحياتي

Hossam Nasr said...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

أم أحمد المصرية said...

اه ياني يا دكتورة كل ماافتح مدونة النهاردة اجدها بتتكلم عن هذا اللقاء الجميل اللهم لا حسد بس يارب المرة الجاية اكون معاكم

حزيــــــــــــــــــن said...

مبروك يا دكتورة ويا ريت متقطعيش الاخبار فى مدونتى بقى
احمد مهنى

Unknown said...

كلام على بلاطه
مش كده بذمتك ربنا خد مني كل حاجه واداني اللماضة
,,,,,,,,,,,,,,,,,,,,,,,,
سمسم صاحب البيت القديم
بجد كنت هناك يا خبر
طيب والله كنت على بالي وقلت الراجل ده قال انه جي وهيجيب سهيله لا جه ولا بعت سهيله بجد انا زعلت اني مشفتكش
معلش تتعوض ان شاء الله
,,,,,,,,,,,,,,,,,,,,,,,
دكتور دغيدي
الله يعينك يا دكتور
تتعوض ان شا ءالله
,,,,,,,,,,,,,,,,,,,,,,,
نضال
كده يا نضال مشوفتكش
ماشي يا سيدي يارب بس تكون بطلت سجاير
,,,,,,,,,,,,,,,,,,,,,,,
تامر حسين
وانا اقدر اتأخر يا ريس
هجيلك حاضر
,,,,,,,,,,,,,,,,,,,,,,,
ام احمد المصرية
تتعوض يا ست الكل نشوفك المره الجايه ان شاء الله انتي واحمد
,,,,,,,,,,,,,,,,,,,,,,,
مهنى
الله يبارك فيك مبروك لينا كلنا بجد ليك الفضل بعد ربنا انت والبوهي في السعاده اللى حققتوها للناس دي كلها
بحييكم حقيقي على المجهود والفكره الجميله دي

moory-mero said...

السلام عليكم ورحمة الله وبركاته

بجد انتي زي العسل ايه ده عسل وربنا خفة دمك سكر وطريقة كلامك حلوة أوووووووي
انا كمان كان نفسي أشاهد الحدث ده مبسوطة كتير بمقابلتكم لبعض وعقبالي انا كمان لما اتعرف على عالم المدونين العباقرة دول ولو اني لسه جديده بقى

بس حقيقي يا لماضة انتي بنوتة زي العسل

Anonymous said...

ياه ده يا دك مصر المحروسه .. المحروسه من العين

يعنى يا دك نعتبرك دلوقتى دكتوره محروسه

عالميا ودستوريه ويا رب تكونى اهلاويه

مش زملكاويه

اتمنالك كل خير يا دك

dr_hero