ايوه أنا لازم أروح بدري قوي عشان الحق التختة الأولى
أصلي لو قعدت في التختة الأولى من أول يوم يبقى هفضل فيها طول السنة
ولازم تكون التختة الأولى في الصف اللي في النص
وكمان هقعد على الحرف من الناحية اللي جنب الباب
أصل اللي بيقعد في التختة الأولى بيكون قدام المدرس على طول وبياخد باله منه وبيحفظ أسمه بسرعة
وكمان بيبعته كل المشاوير بره الفصل وبيخليه كمان يقف على الفصل لما بيسيبه
ده غير إن اللي بيقعد في التختة الأولى بيخلوه رئيس الفصل وبيكتب التاريخ و عنوان الدرس والأبله بتسيب معاه العصايه والطباشير أمانه
و كمان التختة الأولى بتكون جديدة وأحسن تختة موجودة
والعيال اللي بتقعد قدام وفي التختة الأولى بتكون اشطر عيال في الفصل
و في المرواح بيطلع أول واحد قبل الزحمة
ايوه أنا لازم اقعد في التختة الأولى
هي الابلة ليه قومتني وقعدتني في آخر الفصل
عشان عاوزه تقعد قريبتها مكاني في التختة الأولى
وعشان الاتنين اللي معايا نظرهم ضعيف مينفعش يقعدوا غير في التختة الأولى
طيب ما تقعد قريبتها في الآخر مدام جايه متأخرة وكمان طويلة وملهاش مكان في التختة الأولى
حتى ياربي التختة الأولى مبقتش بالحجز وبس و بقت كمان بالواسطة
أصلي لو قعدت في التختة الأولى من أول يوم يبقى هفضل فيها طول السنة
ولازم تكون التختة الأولى في الصف اللي في النص
وكمان هقعد على الحرف من الناحية اللي جنب الباب
أصل اللي بيقعد في التختة الأولى بيكون قدام المدرس على طول وبياخد باله منه وبيحفظ أسمه بسرعة
وكمان بيبعته كل المشاوير بره الفصل وبيخليه كمان يقف على الفصل لما بيسيبه
ده غير إن اللي بيقعد في التختة الأولى بيخلوه رئيس الفصل وبيكتب التاريخ و عنوان الدرس والأبله بتسيب معاه العصايه والطباشير أمانه
و كمان التختة الأولى بتكون جديدة وأحسن تختة موجودة
والعيال اللي بتقعد قدام وفي التختة الأولى بتكون اشطر عيال في الفصل
و في المرواح بيطلع أول واحد قبل الزحمة
ايوه أنا لازم اقعد في التختة الأولى
هي الابلة ليه قومتني وقعدتني في آخر الفصل
عشان عاوزه تقعد قريبتها مكاني في التختة الأولى
وعشان الاتنين اللي معايا نظرهم ضعيف مينفعش يقعدوا غير في التختة الأولى
طيب ما تقعد قريبتها في الآخر مدام جايه متأخرة وكمان طويلة وملهاش مكان في التختة الأولى
حتى ياربي التختة الأولى مبقتش بالحجز وبس و بقت كمان بالواسطة
طيب اعمل إيه عشان اقعد في التختة الأولى
57 comments:
احجز اول تعليق وتانى تعليق
واروح اعلق فى التالت
هههههههههه
ههههههه
لا بسيطه خالص
تاخديها معاكى البيت كل يوم وتجيبها معاكى الصبح
او تاجرى اتنين صعايدة بشوم كل اللى يقعد عليها ياخد شومة لحد ما تخلصى على الفصل كله
وتفضلى لوحدك فى الفصل
ومبروك عليكى التختة الاولى فى ابو زعبل
هههههههه
تحياتى وتقديرى
ههههههه
بما انى لوحدى فى المدونة
اخدها لحسابى النهاردة
اهو ممكن احجزلك التختة الاولى منا ما تيجى براحتك
اى خدمة وعدى الجمايل يا لماضة
ايه ده يا عم خالد
ده انت مش اخدت التخته الاولى بس لحسابك ده انت قعدت في تخت الفلص كله
اتاخر شويه يا اخي وقعد زمايلك
هههههههههههههههههههههههههههههه
هههههههههههههههههههههههههههههه
بجد بوست جميل جداااا ومليان لماضة
انا هقول للأبلة بتاعتك على لماضتك دى
جمــــــيل اوى بجد البوست
تحياتى
رئيس جمهورية اسوان العربية
وياريت تشرفينى فى المدونة بتاعتى
بسم الله الرحمن الرحيم انا كنت لسه هنا من شويه ياجماعه ومكانش فى بوست اصلا اخرج وارجع الاقى بوست نزل والتخته الاولى والتانيه والتالته اتحجزو اقعد فين انا دلوقتى
مليش دعوه قوم ياهمس الاحباب من المكانين اللى قدام بدل ماانت منتشر فالتخته كدا
مش لازم الأولى
التانية أحسن
ثم هى البلد كلها كوسة ست الدكتورة
عاوزة تقعدى فى التختة الاولى
وكمان بقت بالواسطة
هو دة الحال كلة بالواسطة
تحياتى لكى
هو ده اللى مزعللك؟؟؟
و شايلاه فى قلبك كل ده؟؟
كله من الطب اللى عمل فينا كده..منه لله
ما هما دايما القصيرين كده هههههههههههههه
الاولي مش فى التخته الاولي فى المعرفه
مليئة بإحساس عالي جدا
مع نظام التعليم اللى زى الفل فى بلدنا
بيتهيالى التخته الاولى زى الاخيرة مبقتش تفرق
ده طبعا اذا كان فى حد لسه بيروح المدرسة
مش لما يبقى في تختة اولى تاني أصلا
هو بقى في تعليم أساسا
لكن بجد احساسها روعة بجد وتحفة
دمت مبدعة
السلام عليكم
موضوع التخته الاولي
انا في المدرسة كنت بكرة حاجة اسمها تخته اولي معرفش ليه
بس لو عاوزة التخته الاولي اكتبيها باسمك علشان محدش يخدها منك
انا عمرى ما فكرت فى التخته الاولى لسبب انى مكنتش فاضى للفصل وكنت بقرى قصص ادهم صبرى انا وفى الاعدادى فى الفصل انما الابتداى مكنتش فاهمها فى الثانوى مكنتش بحضر اصلا
بس ايه الفصل الجامد ده يا لماضة
:D
لاااا
دنتى باين عليكى كنتى من العيال الشطورة اللى بيقعدوا فى الاول دول
مامتك بقى كانت متطيقش تقعد قدام أبداً و لا فى الآخر
كنت بحب أقعد فى النص كدا
يعنى موش عاوزة أبقى مرئية قوى و لا مع الخايبين اللى غالبا بيقعدوا فى الآواخر دول
بس لما كبرت شوية استوعبت إنها موش بموقع القعاد
و لو خدتى درجات كبيرة المدرسة هتقومك من مطرح منتى قاعدة و تشيد بيكى
لو بتتكلمى على البعد الفلسفى السياسى يا مرمر
يبقى عندك حق
اللى هيعقد فى التختة الأولى دايما لازم يبقى عنده واسطة
او ياخدها وراثة مثلاً
و هذا و الله أعلم
بوسة على خدوك الصغنن يا طعامة
و حبيبة ماما
عمرو النوبي
الله يخليك يا عمرو امال انا شيفاه اي كلام ليه هجيلك ان شاء الله متقلقش
,,,,,,,,,,,,,,,,,,,,,,,
سمرالشافعي
شغل عفاريت بقى هههههه
خالد همس ده هنمده بالفلكه
,,,,,,,,,,,,,,,,,,,,,
دكتور فانكي
بلاش كلام في السياسه يا دكتور خلينا في الفصل على قدنا
يجعل كلامنا خفيف
,,,,,,,,,,,,,,,,,,,,,,,
رئيسة حزب الاحلام
قوليلي بالذمه نعمل ايه نموت نفسنا يعني عشان يرتاحوا حتى التخته مش رحموها
,,,,,,,,,,,,,,,,,,,,,,,
مهرة
تخيلي بعد 14 سنه خدمه في ثانوي بتقولي اقعد ورا ههههه
,,,,,,,,,,,,,,,,,,,,,,,
ابي
ماشي يا بوبي طيب اقلعي بس انتي الكعب وتعالي نقيس برضه كده بتحرجيني
احذر كل من اقترب :))
,,,,,,,,,,,,,,,,,,,,,,,
بابا عصفور
ربنا يخليك يا بابا دايما جابر بخاطري مين جابر ده :))
,,,,,,,,,,,,,,,,,,,,,,,,,
دودي اهو ده عيبه
مش كده بذمتك اهو فعلا ده عيبه بس هنعمل ايه دنيا
,,,,,,,,,,,,,,,,,,,,,,,,,
صاحب المضيفه
فيه تخت اولي كتير بس الشاطر اللي يلحق يقعد فيها :))متنساش الزمزميه وانت جي الجو بق حر اليومين دول
,,,,,,,,,,,,,,,,,,,,,,,,
ابن مصر وانا اخته
هي بقت تمليك دلوقتى و دي ايجار جديد هههههه ايوه فع كنت بكتب اسمي عليها عشان محدش يغيرها مين قالك السر ده
,,,,,,,,,,,,,,,,,,,,,,,,
السيد رئيس الجمهوريه
يا عيني عليك ياريس اصل اختك كانت دحيحه بعيد عنك وكانت واهبه حياتها للعلم يارتني عملت زيك من زمان انا كنت برجع ورا في حالتين بس اكل سندوتشات او متذنبه على الحيطه :))
,,,,,,,,,,,,,,,,,,,,,,,,,
محمود الام وامال
ااه كنا في اولى تالت ههههه
اي خدمه يا محمود
,,,,,,,,,,,,,,,,,,,,,,,,
ماما فاطمه
دايما قفشاني وفهماني
فعلا انا قصدت اسقاط سياسي لكن ده لايمنع ان فعلا ده كان تفكيري في وقت من الاوقات قبل ما ابيع القضيه وابدا نط من على السور
بسيطة خالص خدي التختة الاولى
واقعدي بيها ورا في الكورنر
حتى زاوية الرؤية هتبقى مفتوحة
وتحسي انك مسيطرة على الفصل كله
!!!!
السلام عليكم ورحمه الله وبركاته
موضوعك ظريف واسلوبك جميل
ربنا يكرمك يارب
اما بخصوص مضمون الموضوع نفسه
فلا تعليق
هههههههههههههه
على فكرة التختة الاولى مش حلوة في كل الاحوال انا مرة في اولى ثانوي قعدت فيها وكانت اول مرة في حياتي اتهريت اسئلة وتهزيق ومشاوير ....كرهتها
تحياتي
بصي يابنت انتي يالمضة من ززمان وانا عاوزة ادخلك بس مش بتيح الظروف وهب اقفشتك عندي في مدونة البنات قلت لازم اطب عليها وزي ما تيجي اجي الاقيكي بتحجزي التختة الاولى بسيطة قويم عاملة نظارة حفظ وقوليهم دي نظر وتتمكني من التختة الاولى وباستمرار
أنا ما كنتش بحب التختو الأولى،وخصوصا اللي في النص، مش عارف ليه، كل العيال كانوا ييجوا يتخانقوا عليها وفي الآخر تخلص بالكوسة كما ذكرت، وأنا أدخل أبص عليها بقرف وانتقي تخت تكون شرحة وبرحة والهوا بيخش لها من سبع جهات واحتلها..
يمكن ما كنتش بحبها لأني عارف انها بتخلص كوسة.. ممكن
فى حقيقه الأمر
مبتفرقش خالص كله محصل بعضه
السلام عليكم ورحمه الله وبركاته
وربنا انتي بنت زي السكر وعليكي لماضة بتفكريني بنفسي لما احب اتلامض ههههههههههه
تعرفي يا لماضة ان التوبيك عاجبني فيه حاجتين اسلوب التورية اللي فيه والتصوير للواقع بشكل تاني والحاجة التانيه انك رجعتيني لأيام زمان لأني كنت من هواة التخته الأولى بس بجد عمري ما اخدتها بواسطة بس نظام لماضة مني بقى ووضع يد وإلا هعملهم مشاكل لا في مدرسة قدرت اسكت ولا في جامعه ولا في الحياة
بس حتى لو التخته الاولى بقت بالواسطة المهم اننا نحاول ناخدها بقدرتنا احنا وبعدين لو الواسطة معاهم بشر وسلطات واحكام احنا واسطتنا ربنا يبقى مين اللي هيكسب قولى يارب
بجد سعيده بتوبيكاتك قوي شكلك شقية وسكر اوي بحب انا اللي اقعد العب معاه في لماضته السكر دي
ربنا يبارك فيكي يا قمر
في رعاية الله يا قمراية
ظريف اوي
لما كبرت بقيت محبش التختة الأولى ..
المهم الامكان وليس المكان
التختة الأولى انا حطمت أسطورتها خلاص
عاد هيما وزخنق الفشلة هو الحل
مكانش حد متوقع ان انا اتفوق وانا فى التختة الأخيرة
ولكن التحدى :(
أنصحك قعدى برة الفصل خالص
متعديش فيه
وأخبار الربع جنيه الزيادة اللى انتى بتنظريه إيه
د/هيما
يا سلام على التخته الأولانية
و اللى كنا بنعمله عشان نقعد فيها و احنا صغيرين فى ابتدائى
هيه يا لماضه يا اختى
كانت ايام
بس لما كبرنا و دخلنا اعدادى و ثانوى
و بئى عددنا قليل
يعنى بالكتير صفين الا دكه
كنا بنتخانئ على مين اللى يقعد جنب الحيطه و يركن ضهره عليها
لعدة أسباب
منه يتقى هزار الأخرين المباغت من الخلف
و يتولى هو تنظيم الهجمات الهزارية على الأخرين
و كمان يبقى حاطت التخته ورا الكمر عشان يبقى فى جنب رجله مخزن صغير بعيد عن عين المدرس يقدر يحط فيه اللى هو عاوزه
منك لله يا لماضه
فكرتينا بالذى مضى
التختة الأولى من أحلامى واللى هتلاقيها
فى بوستى تاج الاحلام اللى مررته ليكى يا لماضة واللى هكون مشتاقة اعرف اجاباته ....انى اتنفس فى بلدى بدون واسطة
تحياتى لكل جمال وخفة دمك يا لموضة
خدي درس مع الأبلة ، مش حاتحتاجي التختة الأولى .
اسالينا احنا بقى على الحركات دى
سهلة جدا تروحى اى فصل بعيد انتى واتنين
معاكى على اى فصل بعيد
وتجيبوا اى تختة بايظة وتحطوها ادام اول تختة بتاعت العيال التانية
وتعالوا بدرى واقعدوا عليها حتى ولو نص قعدة
طبعا هم حييجوا الصبح حيلاقوا تختتهم الحلوة بقت التانية والتختة البيظة هى الاولى ومش حيحبوا يقعدوا عليها
وحيرضوا بالامر الواقع
وبعدين تروحوا نفس الفصل البعيد وتستنضفلكوا تختة تانية
ايه رايك فى الفكرة دى
بسييييييييطة جدا ..بما انك لمضة يبقى اعملى اضراب..و اعدى اهتفى التختة الاولى يا بلاش تختة غيرها ماتنفعناش :))
باتي هناك من بليل وريحي نفسك
انتي حنيتي لأيام المدرسة تاني ولا أيه؟
:)
عايزة تقعدي في أول تخته؟
زني على بابا وماما يعملوا لك نضارة حفظ نظر عشان مش شايفةكويس
ساعتها هيبقى من حقك تقعدي في أول تخته
وإن كانت مش ميزة زي ما أنتي فاكره
لأنه فصل مش بالكون في سينما
:)
خالص تحياتي
انا شكلى كده مش هلحق ولا تختة وهيرجعونى بيتنا بس مش عارف احنا كنا بنحب التختة اللى ورا تفتكرى ليه؟
التختة الأولى دى خنيقة قوى وطول عمرى بكرهها دايما المدرس فاقس اللى قاعدين فيها ومش ينفع يتكلمو ولا يعملوا اى حاجة تحسى بمراقبة كاملة
ما احلاها عيشة الجرية والقعاد فى الآخر واحلى دماااااااااااغ
سيبك يا بنتى من التختة الأولى وخليكى فى الأولى من الخلف
أروق
أهدى
تروحى بروقاااااااااان
وتنامى براحتك
ااااااااااخ
انا نسيت انك داكتورة
يعنى من الدحاحييين
ربنا يوفقك بقى
سلام يا قمرة
هبة
من غير أي لماضة
كل واحد يجيب تخته معاه
وبعدين مالها التختته الأخيرة ماهي حلوة
قوم ايه بقى ... كان اخوكى فى الله بيقعد فى التخته الاولى بحجة انه نظره ضعيف وبردو بالواسطة
لكن على مين دا لحد بس ماعرفت اساسيات الانحراف وبقيت احجز التخته الاخيره عدل
ـــــــــ
هى التخته دى اللى هى ايه .. ؟؟ هو ايه اللى انا كنت بقوله ده ؟؟
ـــ
انا كنت جاى اقول نورتينا يوم حفلة التوقيع.. اه والله
ــ
اخوكى احمد البوهى
دى اول مرة اجى عندك يا لماضه
يا بنتى انتى لسه مش عارفه ان كل حاجه فى البلد دى بقت بالوسطه
يعنى كووووووسه تعرفيها؟؟
ربنا يرحمنا من الواسطه والكوسه
ومعلش تلحقيها السنه الجايه
ههههههههههههههههههه
سلام يا دوك
مالها التختة الاخيرة !؟
على ما ييجى عليكى الدور وتتسألى من المدرس الرخم اللى جايب معاه خرزانة يكون جرس الحصة ضرب
وفى التختة الأخير لو معاكى سندوتش تقدرى تاكلية فى الأستخوبص
وفى التخته الاخيرة تقدرى تكلمى زميلتك اللى جنبك وماحدش واخد باله
اجمل تختة هى الأخيرة
وعلى فكرة هى بتاعة العباقرة
هو لسه فى حد بيروح المدرسه يالماضه؟؟
ايه يابنتى ده حيلك حيلك ... طيب منا كنت بقعد فى اخر تختة خاااالص فى الفصل وكنت رئيس الفصل ورئيس الشرطة كمان وكنت باقف على الفصل وكنت مندوب الرحلات وريس جمعية المستهلكين ومندوب الامم المتحدة ...لا طلعت واسعة دى
مش مهم بس برضه يعنى مش بالتختة الاولى لمؤاخذة يعنى ... دى بالفكاكة والمفهومية ومامتك تكون مدرسة فى المدرسة ... هههههههههههههه ... واسطة يعنى .. ايه عندك مانع
ايه ده كله ايه ده كله
علي راي الاستاذ محمد صبحي هههههه
ده انا كدا مليش لزمه
بس يلا
نتلامض معاكي شويه
ده انتي بقي مجهزة كل حاجه التخته الاولي وفي الوسط وعلي الحرف وكمان بقي بقت بالوسطه
بصي اقلك علي سر بيني وبينك محدش يعرفه وبلاش فتنه ماشي يا لماضه
دلوقتي الافضل التخته الاخيره
قوليلي ليه هقولك ليه
علشان تبقي مشهور بالشقاوة والبلطجه وكبير الفصل وتاخد ضريبه من العيال والمدرس ميعرفش يتكلم معاك بكلمه واحده ولا تجيب كشكلول ولا حتي قلم تبقي باشا وتاخد كمان شندوتشات من العيال ومن المردس لو عاوز كمان
ومن يومك تبقي باشا هي الدنيا كدا
مش كدا احسن يا لماضه بردو
ولا تخته اولي ولا وسطه
تقبلي تحياتي
لازم يكون ليكى وسطه او نظرك ضعيف
روحى البسى نظارة وتعالى يابنتى
يا ستى التاختة الاولى الاخيرة...كله محصل بعضة
عارفة انى كنت بحب اقعد فى الاخيرة دايما؟؟
انا كمان ف الابتدائي كان نفسي اقعد ف التخته الاولى واقف ف اول الصف عشان الكلام اللى انتي قولتيه دا ويمكن واقعي الى حد كبير ان اللى ف الاول هو الشاطر وانه تحت عين المدرس
جيت ف الاعدادى رفضت فكرة التخته الاولى دى خالص ف الثانوي بقي كنت ف التخته الاولى ف الصف اللى ف النص بس كنت بسيب تخته واقعد ف االتخته التانيه بس مدام الاولى فاضيه يبقي انا ف التخته الاولى
بس بشوف عقليات كتير
فى اللى يحب يقعد ورا عشان يتكلم ويلعب ومحدش ياخد باله وكل واحد بيرتاح من زاويه معينه
بس مهواش قانون يعني
واديكي بقيتي حكيمه هوالتخته اللى خلتك حكيمه ؟؟
حلوة اوى التخته الاولى دى...شكلك شاطرة اصل الخايبين بس اللى بيحبوا يقعدوا وراء
ايه يا دكترة أنتي حنيتي لايام الطفولة ولا أيام المدرسة. بس بجد ربنا يكرمك فكرتيني باالأيام الجميلة دي الي عمرها ما هتتعوض ....بس اشمعني يعني التختة الأولي انتي كنتي نفسك تقعدي عليها بس الأبلة مكنتش بترضي تقعدك
علشان تقعد قريبتها ههههههههههه
تعرفي أنا عمري ما جربت أعد علي التختة الأولي علشان كنت طويلة والأبلة دايما ترجعني ورا ههههههههههه بس القعدة وراء حلوة برضه سلطنة عايزة تركزى تركزي عايزة تنامي براحتك عايزة تلعبي برده براحتك محدش واخد باله هههههه
ليت الطفولة تعود يوما
ياجمال التخته الاولى
ياحلاوة التخته الاولى
ياوجع مميزات التخته الاولى
وياخنقتي لو حد تجرأ وقومني من التخته الاولى
اينعم دي معناها ان كل اقلامي بجميع الوانها تروح فدا عيون الابله
وكمان تبييض دفتر الابله
ولو فيه عيل تهنني فيه وتدلعي فيه وتضيعي مصروفك عليه خصوصا لو امور ودمه شربات
وطبعا لازم تبقى شطورة عشان متزعليش الابله
ويفضل الموضوع يتطور لحد مايوصل للبنش في الجامعه
وبدل الابله تبقى الدكتورة
ياااااااااااااه والله زمان
تسلمى يالماضه عالبوست الجميل دا
بجد رجعتي ذكريات جميله
الحل انك تروحي و تختتك معاكي
وتحطيها مطرح ما يعجبك
هههه
انا بقى بصراحة ماكنتش بتاع التختة الاولى خااااااالص
من اول يوم ليه فى المدرسة لغاية اخر يوم فى الكلية و انا حاجز فى الاخر
مابحبش اقعد قدام خاااااااالص
بس ربنا ربنا يوفقك و تقعدى فى التختة اللى قدام
انا ممكن احجزهاللك و بعد كده ابقى ارجع ورا
ههههه
تحياتى
هش
أنا عن نفسى كنت بحب تانى صف عشان المدرسين بيسوقوا الرخامة ويحطوا الطباشير والبشورة عالبينش الاولانى ويوسخولى الكتب والكشاكيل وأنا بقرف
هههههههههههههه
اما بالنسبة للواسطة فحدث ولا حرج
كان معايا واحدة زميلتى مامتها بتيجى بدرى تطلع الفصل وتقعد فى البنش اللى عليه العين والنية لغاية ما بنتها تطلع وتستلم الحكم بدالها ... قصدى البينش مكانها
ناس فاضية بصراحة
ههههههههههههههههه
مدونتك لذيذة يا لماضة
أتمنى تنورينى
دمتى بخير
سالى
سيبك من موضوع التختة ده .. اللي ذاكر كان ذاكر من أول السنة
المهم في الكلية كنتي بتقعدي فين؟
مافيش أغنية للتختة زي أغنية المرتب اللي في البوست اللي فات؟
الله على ده موضوع جامد جدا
انتى يا لماضه ممتازه مواضيعك حلوه بجد
والواسطه جننتنا دخلت فى كل حاجه فى حياتنا
تحياتى
لمـــــــــــــــــاضة
والله طول عمري نفسي اقعد في التختة الاولى
من فضلك لما تحجزيها احجزيلي معاااااكي
بصراحة مدونتك يا لماضة جميييييييلة جدااااااااااااااا و عجبتنى جدااااااااااا جدااااااااااااااا و ابقى بقى احجزيلى جمبك فى التختة الاولى اوكى اتفقنا
و فعلاً تصدقى ظلموكى لما قالوا عليكى لمضة
يونيك
تصدقي فكره جهنميه :))
=============================
دكتور والد يحيي وادم
ربنا يكرمك يا افندم وبلاش اقولك تشوف يحيي وادم زيي
=============================
هيرو
ههههههه هي اقدام اصلها
=============================
قلوب حائرة
ليه بس حرام عليكي انا مش بلبس نضارات خالص الحمد لله كده مش عاوزاها التخته دي
==============================
شهاب الازهر
شفت بقى يعني مجبتش حاجه من عندي :))
=============================
استاذ محمد عبد الغفار
عندك حق دلوقتي فعلا مش فارقه كتير
=============================
ميرووو
ايون كده الله ينور عليكي لازم وضع اليد والكراكريس كلها كمان :))
=============================
محمد
جامدة الكلمه دي الامكان وليس المكان طيب مش لما يبقى في الامكان
=============================
دكتور هيما
ايون انا عملت كده في ثانوي فعلا وده اللى دخلني طب للاسف التخته الاخيره
الربع جنيه اتابجته الحمد لله وبلاش نق
=============================
بلانك ميند
اي خدمه والله كانت عملالي عقده في ابتدائى
=============================
محمد مفيد
فكره برضة :))
=============================
الفنان ياسر حسين
ليه بس كده انا خرجت من طب من غير نضارات ا لحمد لله كده هكره التخته دي
:))
=============================
ايمن بدر
عشان انتخه يا عرضحالجي
=============================
دوباااا
مهي التخته الاخيره دي يا حماتي لما قعدته فيها في ثانوي هي السبب في دخولي عالم الطب شفتي الاذيه بقى :))
==============================
يا عالم يا هوووو
تعرف سر بقى لما رحنا كليه وعقدة التخته الاولي دي لسه عندنا جبنا فعلا كراسي من البيت عشان نقعد في المدرج قدام شفت العقد بقى بتاعه الطفولة :))
==============================
بوهي
كده برضه يا راجل تطلع منهم
وتكون بتقعد بالواسطه
الحفل كان جميل الحمد له شكرا ليك انت ومهنى حقيقي
==============================
حنين القلب
ما خلاص بقى بعد ايه ليت الشباب يعو يوما كنت قعدت في الفصل كله لوحدي
==============================
ياسر سليم
ايوه عندك حق بس فيهه مدرسين لؤمه كانوا بيبدأوا من ورا :))
==============================
الشاعر
دي كانت على ايامنا بقى يا شاعر ليت الشباب
==============================
Eldebug
يا جاااااااااامد لا كنت جامد فعلا مش اي حد برضه يقعد في التخته
==============================
هارد تيمز
ياريتك كنت قلتلي من زمان بس برضه لما بلطجت في ثانوي وقعدت ورا دخلت طب شفت الاذيه بقى
==============================
عاوز يبقى دكتور
ليه كده حرام عليك مش عاوزه التخته الاولى خلاص كرهتها :))
===============================
الغزالي
مش انت لوحدك واضح ان كل الناس كانت بتحبها الا انا تقريبا:))
===============================
ملكة النيل
اخيرا لقيت حد معايا باين عليكي كنتي بتحبيها زيي احترس مصر ترجع الي الخلف
===============================
جنه
هههههه مش شاطره قوي متتخدعيش
===============================
دكتور رورو
يابت الايه لئيمه ايوه ما انا عملت كده في ثانوي وده اللى دخلني طب شفتي الحظ
================================
حبيبة القمر
هههههههه فكرتني بالاقلام اللى كانوا بيضربوا عليها المدرسين ويتشرطوا كمان اجيبلهم الوان معينه وفعلا عقدة التخته الاولى فضلت معانا لحد الجامعه بس لحد سنه اولى بس
================================
عم اسلام الجعان
ههههههه فكره والله يا ابو فرح انا كنت بخبيها في اوضة الفراش على فكره مش بروح بيها قوي يعني
============================
هشام
هههههه ماشي يا هش تاخد كام
============================
سالي
ههههههههه موتيني من اضحك فكرتيني بالذي مضى هجيلك حاضر بس ادفعيلي اجرة التاكسي
=============================
حمايا المراكبي
دايما فاقشني كده
في الكليهاول كام سنه كنت بجيب كرسي من بيتنا عشان اقعد قدام برضه شفت الرخامه بعد كده مبقتش احضر خالص
==============================
بحبك يا مصر
ايوه والله بهدلتنا حتى التخت يا جدع مش سيباها
==============================
حمادة زيدان
بعد ايه بقى ليت الشباب يعود يوما وانا احجزلك
===============================
القطقوطه الصغنوتوته
الله يكرمك يا جميل انتي بس اللى سكر
هحجزلك جنبي على طول متخافيش بس الطباشير عليكي النهارده
Post a Comment