Monday, 26 May 2008

أنا في انتظارك




يا من كنت لي سببا في البقاء
فأجب على تساؤلاتي الحمقاء
عندما اشدوا لك بعض ترانيم العشاق
كما تغنت به سيدة الغناء
كم تمنيت أن أراك كما عودت عيني على رؤياك
يا واحشني إلى متى هذا الجفاء
أتذكـُر كم ليلة حب قضيناها سواء ؟؟
وكم تعذبت بعيد عنك في كل هذا الغلاء
أبعد هذا العناء
!! غداً ألقاك

نعم هذه ليلتي من بعد ليالي الشقاء
سأجعلها من ألف ليلة وليلة
وأهمس في اشتياق

مرتبي بعد الزيادة أنا في انتظارك كالعادة

48 comments:

دكتور حر said...

لا إله الا الله



عوضك عى ربك


مفيش زياده يا خاله

على قديمه واربط

هو ده الي وصلنا

والف مبرووووووووووووووووووووووووووك
وقطعتي قلبي

واحد بيدور علي قلبه said...

لأ انا مش هتلامض المره دي انا هحيكي لاني بجد بموت في الست وهجبني انك دخلتي اسامي اغانيها في كلامك باسلوب هايل هاااااااااايله بجد

فاتيما said...

كده يا مرمر
بقى نا قريت اول تلت أسطر قولت إيه دا ؟؟
البت لسه متأثرة من الجو العاطيشفى اللى كنا فيه و بتقول شعر طالع من معاميق البطين الايسر للقلب
تقومى آخر سطر تصدمنى كدا ؟؟
و تطلعى بتناجى زيادات المرتب
موش بتناجى الحبيب المجهول ؟؟
لا حول و لا قوة الا بالله
ربنك يعدلها
و يا دكتور محمد
متديش البونية بالصدمة فى وشها واحدة واحدة كدا
هاتهلها بالراحة ...
دى لسه يا كبدى سنة أولى دكترة
وتحياتى يا طعامة يا حبيبة ماما

Unique said...

على ايه والله مايستاهل حبك وشوقك ده كله وبعدين انتي مش وصلتلك برضو رسايل التهديد بخطفة وهو في السكة من قبل ما يوصل.. البقاء لله

سمر الشافعى said...

ازيك يالمضه يازميله الكفاح
متخافيش ياستى فى زياده وهنقبضها الاسبوع الجاااااااى ...هما اللى قالولنا انا مليش دعوه والله....بس يعنى هيا الزياده دى تستاهل يتغنالها وكمان اغانى الست حته واحده دول يدوووووب اربعين جنيه مفيش غيرهم انا افتكرت بقى بتشعرى للحبيب المجهول على رأى فاتيما بس معلش خيرها فغيرها
تحياتى

رئيس جمهوريه نفسى said...

بجد والله اشتغاله صح والكلمات والفكره روعه

mohra said...

و الله انا كنت فاكراكى فى حاله حب و فى الاخر طلع علشان المرتب ابو علاوه ...يا بنتى مرتبك مش هيزيد 30 جنيه على بعض ..ربنا يعوض علينا

إنـســـانـة said...

ههههههههههههههههههه

صباح الصياعة والاشتغالات والناس الجامدة دى

معلش يابنتى .. هى دى مصر يا عبلة

حبى واحلمى بالمرتب من هنا لبعد بكرة .. ده حتى لو طلعلك جناحات وجبتى كل اغانى الست .. بردو اللى عايزنه هما هو اللى حيحصل يابنتى

مهما اتلامضنا

ومهما قولنا

وقولنا حنبنى وادى احنا بانينا السد الوااااااطى
:D

واقعدى بالعافية فى مصر
!!!!!!

عصفور المدينة said...

وهنا صحيت لماضة من النوم

ربنا يفكها عليكم يا بنتي

أحمد كمال said...

أنا الأول قلت مصر غيرتك ، و كنت حاقولك عودي يا هاميس ، أتاريكي تشكين تباريح الغلا ، فلا تعودي لهذا و لا تنتظري المرتب ، فقد شفطوا الزيادة .

نور said...

ربنا يجبهولك بسرعه يا مرمر
و تفرحى بيه بعد الزياده اللى مش زياده
انا فكرتك قاعده بتقول شعر فى الحبيب الغامض اتاريه المأسوف عليه المرتب
بس اشتغاله جامده تحياتى ليكى وللمرتب سلام

amal said...

ما شاء الله عليكى
انتى شكلك دمك خفيف بجد
دى اول زياره ليا عندك
بس المدونه جامده ياست الدكتوره
بس انتى شكلك هتقضيها انتظار ههههههه

HARD TIMES said...

انا من اهل سكان مكتوب سمعت وانا هناك عن لماضه وهي من سكان المدوانات قلت اجي اشوف وجيت بصيت من بعيد ولمحت شيء لذيذ لقيت صورة بو وانا بعذها من سنين قلت تبقي صديقه واللماضه اخرتها شطارةههههههههههههه
والشاطر اللي يكسب في الاخر
معلش بقي طولت عليكم يا اهل المدونات
بس حبيت احي لماضه ونتعرف
وسعدت اني تعرفت عليها
انا كنت موجود في الحفل بس للاسف
مكنتش اعرف حد كتير
يلا مش مهم نتعرف بقي بعد الفاصل قصدي الحقله القادمة
اسف علي الطالة يا لماضه

صاحب المضيفة said...

ياسلام على اللماضة الجامدة


لكن يارب ما تكون بعيد هنه حياتك عذاب بقى


يامسهرني زي ما انت مسهر كل الغلابة


تحياتي

محمد عبد الغفار said...

انا فى انتظااااارك مليت

تم ترم تمتم

appy said...

لماضه قرى واعترفى انتى عندك امل قولى الانكار مش هيفيد
آآآآآآآآه
طيب خدوها من هنا دى مش قاعده على ارض الواقع هجووووووووم

fahd said...

احلمي

لو بطلنا نحلم نموت

فكرة حلوة

نوع متقدم من اللماضة

GeHaD said...

بجد تولفه جامده
متشتغلي شاعره بجانب الطب تعملي شاي بلبن فظيع

هما الدكاتره محتاجين زياده دول بسم الله ماشاء الله الدكتور منكوا تلاقيه راكب عربيه موديل سنتها
مش بحسد

ولا انتوا شغالين في التربيه والتعليم؟؟
جمع العجله تكسب الكادر هههههه

رئـــــيسـة حزب الأحلام said...

اية الجمال دة يالماضة
انتى حتة سكرة
وبتغنى للمرتب اية الحب دة ياقمر
دمتى مبدعة

sebofy7alo said...

لا بجد حقيقي وبصراحة وبشفافية وإخلاص ووضوح وصدق( قال زيادة قال).ظ
ههههههههههههههههههههههههههههههههه
ربنا يديكي ... ويدينا
قولي آمين

HERO said...

ياسلااااام على الشعر الممزوج بالاغاني المنبثق منه المعاني الللي بتنم عن التسامي وعجبي

فهمتي حاجة من اللي انا كتبته

تحياتي

شهاب الأزهر said...

إيه يا جماعة.. إنتم لسه ما دفعتوش الزيادة في المواصلات والأسعار؟

الزيادة -وبزيادة- تم دفعها قبل قبضها

mero-moory said...

السلام عليكم ورحمة الله وبركاته

وااااااااااااااو بجد تحفة يا لماضة وانا من عشاق أم كلثوم بجد انتي هايلة الكلمات حلوة اوي وخفيفة على الأذن وسلسة في تعبيراتها
تسلمي يا قمر
وسعدت بوجودي بمدونتك اللمضة السكر دي

إيمان said...

إية الجمال والابداع ده بجد رائعة

بس تصدقى ميستهلش منك كل كده

ياريت كان يستهل كان ألفنا زجل وشعر

واوبريتات ومسلسلات .,،،،،بس ينصفونا مرة

أنا بردو زيك هذه ليلتى وغدا سوف القاه..واشوف زيادة 30% هتكون شكلها اية

تحياتى ومودتى يا لموضة

د.دغيدى said...

كل شئ راح راح وانقضى
قال وانا اللى عشمت نفسى وقلت خلاص كل مشاكلى حتتحل بعد الزيادة الرهيييبة دى

أخت مسلمة said...

هههههههههههههههه
للدرجة دي بتنتظريه لدرجة انك تغنيله كل اغاني ام كلثوم؟
يارب يكون فيه زيادة
و يبارك فيها
و ما ينهبهاش التجار و رجال الاعمال

مدونة لمضة اوي
جميلة جدا
ربنا يكرمك

اهو ده عيبه said...

ايه يا لماضه الحلاوة دى
انا قلت قصيده غزل
طلعت عصيده غزل فى المرتب

لا حول ولا قوة الا بالله
صحيح حلم الجعان عيش :)

تحياتى ليكى

dodda said...

هههههه
انا اشكر الغلاء
الذى جعلك من الشعراء

كمااشكر سوومه
التى ابدعت فى الغناء

المرتب كويس
والا مايستهلش العناء

ayman badr said...

زيادة ايه دى هتبقى سادة وسودة ومضلمة وهتفضلى فى انتظارها لغايةعمر طويل ان شاء الله
بوست لذيذ تحياتى

عاليا حليم said...

ازيك يا لماضة

مبروك على العدد الاول

حلو اوى التناغم و التعشيق ده ما بين كلماتك و اغانى ام كلثوم

على فكرة شكلك غير ما تخيلتك خاااااص

شفتك عند الصباغ و مى بهاء

ياسر حسين said...

مبروك على أول كتاب
جميلة قوي الجولة الكلثومية دي
والختام المرح ده
:)

خالص تحياتي

شــــمـس الديـن said...

لا حول ولا قوة الا بالله

اكتر من كدا و ربك بيزيح :)

همس الاحباب said...

هههههههههه
بجد انا صدقت فى الاول
وقلت لماضة بتعيش جو رومانسى وخيالى
بس بجد جميلة قوى وفكرة رائعة
تحياتى وتقديرى
خالد

واحدة مفروسة said...

ههههههههههههههههههه
كل ده علشان المرتب
ربنا يباركلم فيه

سكــر said...

ههههههههههههه

ازيك يا دكتوره

يااللى بتتكلمى كلمتين ومش نلاقى عنيكى

لماضة ايه
دى اكبر خووووودعه

ههههههههههه

زى البوست دا كدا

قلت بس لماضه كاتبا حاجه حلوه تعيشنا حالة شجن

هوووووووو

تصحينا على مر زيادة المرتب

عارفا انا زدت كااااااام

48 جنيه

العربيه بس زياددة البنزين الشهرى فيها
80 جنيه

تحياتى ياارق دكتوره

بجد كنت سعيد جدا لما سلمت ع حضرتك

بس معرفناش نتكلم

انتى السبب بئه

وشك كا بيقلب الوان الطيب من الاحراج

اخيكى

احمد سكر

.:.-=- ELGaZaLy-=-.:. said...

ههههههههههههه

حقيقى لماضة وجميل الشعر الحلمانتيشى دة والاجمل تناغة مع ام كلثوم

صحيح بالمناسبة مبروك العدد الاول

Sherif said...

لذيذة ومبتكرة فى نفس الوقت

الف مبروك العدد الأول .. وعقبالى وعقبال الجميع

لماضة said...

دكتور حر
ليه كده بس يا دفعه طيب اديني أمل
,,,,,,,,,,,,,,,,
واحد مش لاقي قلبه
ربنا يخليك يا ريس ده من ذوقك
,,,,,,,,,,,,,,,,
ماما فاطمه
ههههههه معلش بقى الحب خدعه والنبي تدعيلي الاقي
الاقي المرتب طبعا
,,,,,,,,,,,,,,,,
يونيك
جميل الاسم ده
يا شيخه يستاهل ونص وصلتنى رسايل التهديد عشان كده بناجيه من دلوقتى
,,,,,,,,,,,,,,,,
سمر الشافعى
ازيك يا دكتره روحي يا شيخه ربنا يجبر بخاطرك اخيرا الزياده هتنزل
,,,,,,,,,,,,,,,
السيد رئيس الجمهوريه
اي خدمه يا ريس;)
,,,,,,,,,,,,,,,
مهرة
يا ستي خلينا نعيش الامل للحظات قبل الصدمة
,,,,,,,,,,,,,,,
انسانة
هههههههههه ماشي يا سمسمه يابنتي خلي عندك امل ده ربنا كبير
,,,,,,,,,,,,,,,
بابا عصفور
ههههههه امييييييين يارب يفكها من عنده وميطلعش حلم
,,,,,,,,,,,,,,,
استاذي الفاضل احمد كمال
انافي انتظار الزياده عشان اسدد ديون الزياده التانيه منهم لله البعدا
,,,,,,,,,,,,,,,
نور
ياااااارب يا نور ربنا بس يجيبه بالسلامه بدون خصومات تولات حجوزات
,,,,,,,,,,,,,,,
امل
ليه بس يا اموله ربنا يرجع البعيد قولي امين
,,,,,,,,,,,,,,,
اوقات صعبه
يا خبر يادي النور يادي الهنا
منورالبلوج سبوت كلاته
نورتني بجد ومعلش الحفلة كانت زحمه وكان التنظيم شويه ملخبط بس ولا يهمك ملحوقه المهم متقطعش الزياره
تحياتي ليك حقيقي شرفتني
,,,,,,,,,,,,,,,
صاحب المضيفة
ربنا يقرب البعيد قول امين

لماضة said...

استاذ محمد عبدالغفار
ايوه والله يا حمايا منتظراه على احر م الجمر الواحد كل يوم يبص في النتيجه
,,,,,,,,,,,,,,,,,,,,
ابي
خليني احلم يا بوبي هو ده الحاجه الوحيده اللى ببلاش
,,,,,,,,,,,,,,,,,,,
فهد
مش كده بذمتك هو ده الكلام يا زعيم
,,,,,,,,,,,,,,,,,,
جهاد
هههههه شاعره بجانب الطب لا ياختى مش لاعبه وايه النفسنه دي هما الدكاتره بقوا شعرا من شوية الا من الشحاته اللى بقوا فيها بذمتك عمرك شوفتي دكتور مش شحات :))
,,,,,,,,,,,,,,,
رئيسة حزب الاحلام الجميله
ايوه لو مكنتش انا ادلعه مين هيدلعه ويدلعني
,,,,,,,,,,,,,,,,,,
سيبو في حالوووووو
ياعم خلينا نحلم وونناجي الحبيب المجهول الغايب
ربنا يرجعه بالسلامه بدون خصومات ولا جزائات
,,,,,,,,,,,,,,,,,
هيروووو
طبعا يا بطل عيب اختك تفهمها وهي طاير ه قبل ما تخبط في الشباك
,,,,,,,,,,,,,,,,,
شهاب الازهر
مهو عشان كده مستنيه الزياده اسدد بيها الزياده اللى حصلت :))
,,,,,,,,,,,,,,,,,
ميرو ميوري
انا اسعد يا جميله بجد كلك ذوق ومتشكره على متابعتك وتعليقاتك بجد اسعدتيني جدا اني عرفت اسعدك ربنا يسعدك دايما قولي امين
,,,,,,,,,,,,,,,,,
ايمان
كلنا يا مون مون في الانتظار لتعويض الفاقد من الجيوب الشهر اللى فات منهم لله يارب بس يطلعوا قد كلمتهم وميشيلوش منه حاجه
,,,,,,,,,,,,,,,,
دغيدي
ليه راح بس هو احنا لسه شفناه
اول ما يطلع المرتب امانه في رقبتك تبلغني عشان اطير عليه والبس الحته اللى على الحبل
,,,,,,,,,,,,,,,
أختي المسلمه
هههههههه ايوه يستاهل الغنا الشهر ده اصله كان طويييييل بشكل خصوصا بعد زيادة الاسعار بنا يرجعه بالسلامه
,,,,,,,,,,,,,,,,,
اهو ده عيبه
ايوه يا دودي جعان وطالع عينه كمان خلينا نحلم بالسوق كله مش العيش بس فيه خضار ولحمه وفاكهه كمان
,,,,,,,,,,,,,,,,,
دودا
ههههههههههه مش انا لوحدي اللى بقيت شاعره
الله ينور يا جميل هو ده الشغل
ربنا يرجعهولنا بالسلامه يارب

لماضة said...

ايمن بدر
ليه بس كده يا عم ايمن طيب اديني امل ولو طفيف عل الاقل اسدد بيه ديوني
,,,,,,,,,,,,,,,,,,
عالياااا
الله يخليكي يا جميل شكلي طبعا حطم كل الامال والاحلام الصباغ صورني من غير ما اعرف فوجئت بالصوره عاااااا
معلش بقى اديكي شفتي الدنيا بتعمل ايه في الناس
كان نفسي تيتجي سالت عليكي وينكي
,,,,,,,,,,,,,,,,,
استاذ ياسر حسين
ربنا يخليك يافنان من بعض ما عندكم
ادعيلوه بس ربنا يرجعه بالسلامه
,,,,,,,,,,,,,,,,,
شمس الدين
هههههههه يزيح ايه يابنتي حرام عليكي احنا ناقصين ازاحه اكتر من كده عاوزين مد وجزر بقى
,,,,,,,,,,,,,,,,
همس خالد
اي خدمه يا ريس بس بذمتك مش يستاهل
,,,,,,,,,,,,,,,
واحدة مفروسه
ايوه واكتر من كده عشانه كمان بس هو يجي بالسلامه
,,,,,,,,,,,,,,,
سكر باشا
ليه كده بس يا ريس الاحراج ده
طيب استر عليا الهي يسترعليك
مبروك عليك الزياده وعقبالنا يارب
,,,,,,,,,,,,,,,
الغزالي
الله يخليك ده من ذوقك الله يبارك فيك ويرزقك الزياده
,,,,,,,,,,,,,,,,
شريف
ربنا يخليك الله يبارك فيك عقبالك يارب
قولي ايه رايك في العدد الاول

alexandrany said...

انتي هتفضلي لمضه كده على طول يا بنتي
حتي المرتب ما رحمتيهوش
بس تعرفي جامده جدا
وخصوصا الاغنيه اللي زي العسل
أغدا ألقاك
وخصوصا لما يكون بكرة اخر يوم في الشهر وخلاص المرتب هيييييجي ان شاء الله

معلش جت متأخرة بس الف مبروك على الكتاب وحفل التوقيع بجد الواحد كان نفسه يحضر بس اهوه بقي الغربه وحشه
:)
الف مبروك

الفراشة الصغيرة said...

وحياتك يا لماضه
حتى الزيادة ما بقت نافعه
ده احا عايشيين فى البلد دى بمعجزه الاهيه
عموما مبروووووووووك
يا قمر على الكتاب
وشيدى حيلك فى الامتحانات

Dr-hema said...

اولا فى أول زيارة ليا هنا

مدونة لذيذة وخصوصاً البنوتة العسولة الطعمة اللى فى البانر دى

----------

ثانياً

ألف ليلة ولية كتيرة على من تنتظرين :)

د/هيما

Anonymous said...

ايه الحاجات الجامده دى يا دك

لما كنت بشوف كلام زى ده كنت بقول الحب

ولع فى الدره بس درة ايه بس هيا

الناس لاقيه تاكل اساسا

بجد حاجه حلوه مش بسبوسه يعنى

شغال يا دك بجد

dr_hero

لماضة said...

اسكندراني
الله يبارك فيك يا ريس كلك ذوق معلش تتعوض ان شاء الله
,,,,,,,,,,,,,,,,,,,,,,,,,
الفراشه الصغيره
امتحانات اييييييييه بس حرام عليكي
انا خلصت من زمان ومصدقت
سيادتك انا معايا بكالريوس طب وجراحه دلوقتى يعني عديت الحمد لله
,,,,,,,,,,,,,,,,,,,,,,,,
دكتور هيما
الصوره اتفضلها متغلاش عليك يا ريس
الله يبارك فيك
,,,,,,,,,,,,,,,,,,,,,,
دكتور هيرو
الله يبارك فيك يا ايهاب
عقبالك كده وشد حيلك في الامتحانات

mero-moory said...

السلام عليكم ورحمه الله وبركاته


أوك يا قمري
اللهم آمين يسعدك ويسعدني ويسعد المسلمين جميعا

عسولة بجد
ومتابعة موضوعاتك يا قمراية

كنت اتمنى اكون معاكم في اللقاء ده اشوف عالم المدونين لايف يلا موش في نصيب
بقى

sheerif said...

ممكن حضرتك تألفي كتاب في مميزات التخته الأولي ومأختيش بالك ان الموجه لما بيدخل بيجيبوا الشطار يقعدوهم في التخته الأولي والفاشلين ورا ولما الفصل كله ينضرب بيبدأ بالتخته الأولي والمدرس بيتعب لحد ما يوصل التخته الأخيره
في ناس بتاخد التختة الأولي بالدراع سياسة البقاء للأقوي
سلام سلاح. لمضة اوي سياتك

حبيبـــــــة القمـــــر said...

الله عليكي الله
وربنا عيشتيني في دنيا ام كلثوم
وفوقتيني على صدمة المرتبات والزيادات المأسوف عليها