Thursday, 19 June 2008

!! موافق تتجوز دكتورة




منذ أيام قليله شنت حملة زواج الكترونية تدوينية بحته برعاية بعض الأخوة المدونين ومن ضمنهم
دكتورتي الغالية دكتورة مناجاة
بشمهندس العدة بتاعتنا واللي مش هسيبو في حالو
الجميلة كلاكيت تاني وتالت ورابع

وبهذه المناسبة قلت فرصه اقول حاجه غيظاني من زمان وبالمرة للرد على ضرورة وإلزام زواج المدون بمدونة والمدونة بمدون
واهو يبقى زيتنا في طاساتنا وعملا بمبدأ يا بخت من جمع بوستين في الحلال


قررنا نحن لماضة هانم توعية وإرشاد بعض الشباب من بعض الأخطاء التي قد تنحدر إليها أرجلهم عملا بالمثل اعمل المعروف وارميه في كومنت
لذلك وجب علينا الصراخ بأعلى صوت لمن يريد الزواج بدكتورة ذكر عيوب ومميزات هذا الزواج الصحي


في البداية الزواج بدكتورة يشمل مزايا الخط ومميزات الكارت
بمعنى آخر كونك تتجوز دكتورة هتستفيد بالاتي


أولا : اعرف انك مش هتحتاج تتعب ولا تمارس مثل هذه الألاعيب للتملص من شغل البيت لأنها باختصار فقساك فبالتالي ستتمتع بكافة الصحة والحيوية طوال العمر


ثانيا : ستنعم بيوم هادئ جدا وذلك لانشغالها طوال اليوم والليل بالمرضى وحتى بعض السويعات القليلة التي ستقضينها معا ستكون قد أنهكت من كثرة الشجار مع الممرضات ولن تحتاج لتنغيص حياتك


ثالثا : ستوفر عليك الكثير من الميزانية المنفقة في أدوات التجميل ليس لعدم احتياجها لها وإنما لعدم توافر مكان لها في جعبتها لان مخلة الدكتورة يا عزيزي تحتوي على كثير من الأدوات الطبية كالسماعة وترمومتر الحرارة وجهاز الضغط وخافض اللسان و بدله العمليات والبالطو وقفازات اليد و .... إيه تاني يا لماضة استنوا كده لما أشوف


رابعا : ستتمكن من اللعب بديلك كيفما تشاء وأنت مطمئن البال أنها لن تلاحظك أبدا ويرجع الفضل في ذلك لارتدائها ميكروسكوب ماركة " كعب الكباية "

خامسا والأهم : اضمن انك ستتخلص من متاعبك كلها في أول العمر ولن تحتاج لوقت طويل للعيش فيها حيث انك ستستشهد يا عزيزي ناقصا عمر والتفاصيل في تقريرنا التالي عن طرق التخلص منك


لازم تعرف يابني إن أول طريقة دي مجربه ومنتشرة وفعالة
وذلك باختصار لان حرمك المصون لم يكن عندها الوقت الكافي لتعلم فن الطبخ ولا لشراء كتاب السيدة الفاضلة نظيره لانكبابها على العلم الطبي وتركها العلم المنزلي لشخصكم الكريم وفي هذه الحالات فانك ستضطر للجوء للديليفري وهنا ستتجلي عظمة الطب في

المحافظة على جسمك من التسمم الغذائي وفي هذه الحالة حتما ستموت جوعا !

تاني طريقه وهي انك قد تستيقظ أو لا - الله اعلم ساعتها - على يد الست حرمكم وهي تطبق في رقبتك وتمارس عليك طرق التنفس الصناعي في ساعة متأخرة من الليل – ده لو كانت بايته في البيت بالصدفة – وهي تصرخ بأعلى صوتها مقتلتوش !

ثالث الطرق وأسهلها وأحبها لممارسي هذا المجال وهو موت الرحمة عارفه يا حبيبي لازم تعرف إن طرق التخلص منك كثيرة جدا وملكش دية

في النهاية أوجه شكري وامتناني لحضاراتكم والدعوة لي بظهر الغيب بالفوز بـــ


عريس يا أمآآآآآآآآآي

115 comments:

إيمان said...

أزيك يا لموضة
سعيدة كونى أول كومنت الخير
متهيألى اللى بيحصل فى الحالة دى
إن الزواج لما يحصل من الوسط الفنى بيكون أفضل
يعنى الدكتورة بيجوز دكتورة ويبقى
محلولهم فى شاشهم وقطنهم
والمميزات تكون له وليها
ويبقى فى تكافؤ فرص للطرفين
فى الموت الرحيم

ومشتاقة يا دكتورة لبوست الاحلام

تحياتى ومودتى

لماضة said...

موني
ازيك يا جميل
انا كمان سعيده انك اول كومنت
الزواج من الوسط الفني ده ربنا يستر عليه
في النهايه النصيب بيحكم
بوست الاحلام في الطريق ان شا ءالله
بس مش عاوزه اقولك البوست ده من اصعب البوستات اللى قابلتني
بس ولا يهمك احنا نفوت في الحديد

عصفور المدينة said...

ربنا يرزقك يا دكتورة
:)

dodda said...

ههههه
متخافيش يا لماضه
حتتجوزى ودكتور حلو كده
مش مدون ....

الكتاب على جوانتى مش فى بوست
ومميزات الدكتور انه مش حيطالب باى حاجه لانه مش موجود اصلا

اما اللمدون بقى!!
يجيلك الوحى تكتبى تلاقيه لازق فى الكى بورد
ودى تبقى عيشه دى؟؟؟؟

فليعد للدين مجده said...

دكتورة لماضة
أنا متجوز دكتورة من 15 سنة ولم يحدث لي ما ذكرتيه

يمكن فيه حاجة غلط
أو هي مش دكتورة اصلا

كلاكيت تانى وتانى said...

ازيك ياحبيبتى اسفة جدا والله رنيتى علية ومتصلتش ومن زمان مدخلتش بس فعلا مشغولة لينا نجحت وجابت 98فالمية فالاعدادية ويارب اشوفها زيك وزى خالتها دكتورة قد الدنيا وياستى اللى مش عاوز يتجوز دكتورة بلاش منة
وع رااى جدتى
من حبنا حبناة وصار متاعنا متاعة ومن كرهنا كرهناة يحرم علينا اجتماعة يارب يرزقك باللى تتمنية ويكون بيحبك مش بيفكر فاللقب ولا غيرة بيفكر فالأنسانة والقلب والروح بس
انا عملت بوست زى دة عن زواج المدونين بفكرة المفقوعة مرارتها وكانت فاشلة جدااا
مبروك الحلقة جميلة ووجودك اجمل
هتصل قريب تحياتى وتنياتى لكى بكل الخير والسعادة

لماضة said...

بابا عصفور
ربنا يخليك مش مستعجله (وش مكسوف(
,,,,,,,,,,,,,,,,,,,,,
دودا
هههههههه يسمع منك ربنا احنا وانتي في بوست واحد يارب
,,,,,,,,,,,,,,,,,,,,,
فليعد للدين مجده
ههههههه اكيد للاسف يا دكتور الجيل اليومين دول حاجه صعبه شويتين
وانا كان نفسي اوصلهم الرساله انهم يبقوا زي جماعه حضرتك فعلا حاجه جميله ومطلوب ترجع

لماضة said...

نورمي كلاكيت تاني
تصدقي بالله
انا من امبارح بدخل مدونتك
والنت عندي مجنني
دخلتها فوق 10 مرات عشان اجيب لينك البوست ده لاني فاكره اني قريته عندك وعند مفقوعه
والف مبروك للينا
انا هكلمها بكره اباركلها
والله فرحتيني بجد
عقبال يارب ما تشوفيها احسن واحده في الدنيا

رئـــــيسـة حزب الأحلام said...

هههههههههههههههههههههههه
ههههههههههههههههههههههههليه كدة يابنت هطفشى العرسان حرام عليكى
بصى كفايه خفة دمك

لماضة said...

رئيسة حزب الاحلام
عااااااااااا يطفشوا ايه مش لما يجوا الاول
ربنا يكرمك يا شيخة روحي رافعه من معنوياتي

دعاء مواجهات said...

هههههههههههههههههههههه

والله يابت يادكتورة لماضة

انتى زى العسل او العسل هو الى زيك مش عارفة بالظبط

المهم ان العسل ف الموضووع يعنى

طفشيهم طفشى أصل الحكاية نااقصة...

ههههههههههههههههههههه

مستنياكى وحسك عينك متجييش انتى حرة بقى........

بيس

زُمُرده said...

انا عايزه اناااااااام

بس فوقت من بوستك

هو لسه في ناس بتفكر في الجواز من اصله
؟؟؟؟؟؟؟؟؟؟

علشان كل مهنه تتجوز مرايتها

دول حتى يزهقوا من الكلام في نفس المواضيع

ربنا يوفقك ويكرمك ونشوف كده هتعملي ايه
وحشاني يا عسل

ٍSOU said...

على الاقل هايوفر تمن العلاج و مشاوير الدكاترة يعنى احسن استثمار ممكن يقوم بيه فى حياتة كلها ..وهو الراجل عايز اية غير قرشين فى جيبة يبغددوة و ينغنغوه :))
ربنا يديك م اللماضة كمان و كمان :))

šσяšαяαα said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

لسا على فكرة الوصلة التانية

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بجد انا اللى شكلى عاوزة انبوبة اوكسجين من كتر الضوحك.. حلوة الفوكيرة دى يالموضة انتى كدا هتشجعى كل المدونات البنات..والبنبن برضو مايضرش..انهم يرفعوا شعار ميزات الخط ومميزات الكارت البلوجرى

شكلنا هنسمع عن اخبار الافراح البلوجرية دى قريبا وبكدا يحصل توحيد تدوينى وفض نزاع بين القبائل المتخانقة..هو ايه اللى بقوله دا:)

وربنا يوفق الجميع على اى حال

سلاااااااااااام

نعكشة said...

البقاء لله

يعني انتي جوزيتي خيرا
الله عليكي

هنعنس كدة يا اوختشي :D

يعني كلنا مميزات
لابنعرف نطبخ
ولا فالحين علميا
ولا منظر
ولا اي بتاع

يبقي قشطة

ابقي حطيني معاكي في لستة عريس ياماي :D

هق هق هق <<<< ضحكة بلهاء


دمتي سالمة

سلامون عليكي

Soooo said...

هههههههههههههههههه

بحب قوي لما تكتبي بالاسلوب ده
بتبقى ساخره جدا جدا جدا

واوعدك اني ادورلك على عريس صاحبي بس متخانقين مع بعض
وهراعي انه يكون كومباتابول مع الكارت والخط .. قصدي مع مميزاتك

عايزاه يكون بيدون .. ولا انتي اللي هتدوني عنه؟؟؟


ربنا يسعدك ويبسطك ويكرمك ويرضيكي دنيا وآخره على الضحكه اللي ضحكتيهاني عالصبح



سلاموووووووووووز

جمعاوى روش طحن said...

دكتورة ؟؟؟؟!!!!!!!!


مممممممممممممممم


بصراحة يا أخت لماضة

مش باين اصلا جواز


الواحد شكله حيقضيها صيام




هو الصيام وحش ؟؟؟؟؟؟؟؟؟؟؟؟؟؟؟؟

خمسة فضفضة said...

السلام عليكم ورحمة الله وبركاته

ايه يا بنتي انت كده هاتخوفي الناس
وتوقفي سوق الدكتورات


ماتصدقوهاش ياخوانا لولو بتهزر

فاتيما said...

و عاوزه ييجى يا فوزية ؟؟!!
أيه يا مرمر الكلام دا ؟؟
دول طفشوا اكتر ما هما طفاشنين و بيتلككو
فين المزايا ؟؟
إنه هيتعالج ببلاش هوه و اهله و أقاريبه و معارفه ؟؟
فين إنه لما يتكلم هيلاقى دماغ محترمة و متكلفة و تفكيرها عملى و عقلانى ؟؟
فين إنه هيتشارك فى المشئوليات موش هيبقى كل حاجة فوق دماغه لوحده ؟؟
و بعدين يا حبيبة ماما هما يطولوا
يوووووه
بلاش سيرة الطول دى
يا حبيبتى اللى هيتجوز دكتورة دا يا سعده و هناه
خصوصاً لما تبقى لماضة حبيبتى

الطائر الحزين said...

اقر انا الموقع ادناه ان هناك عرسان كثير يقبلوا هذا الوضع ولو تحبى اعرضهم عليك نفر نفر

دون ادنى مسئوليه علينا


تحياتى

لماضة said...

دعاء مواجهات
هههههههه ايوه يا اختشي الحكايه ناشفه قوي قلت انشفها زياده
انا جيت وزرت كمان على حريتنا سيبت كومنت وبعدين النور قطع
,,,,,,,,,,,,,,,,,,,,,,,,,,
زمردتي
احنا وانتي يا جميل يارب عريسك عندي خلاص يلا اتغطي كويس
صباح الفل
,,,,,,,,,,,,,,,,,,,,,,,,,,,
sou
انا عارفه والنبي مش كفايه موفرين ميه ونور وعلاج عاوزين ايه هينهبوا
نورتيني يا جميل
,,,,,,,,,,,,,,,,,,,,,,,,,,,,
صرصارة ام شنبات
ههههههههههه ماشي يا بت عجبك كده
اهو الحاله ناشفه على الاخر وشكلنا ولا هنشم ريحة خطوبه حتى
خصوصا بعد البوست ده
,,,,,,,,,,,,,,,,,,,,,,,,,,,
نعكشة
هنعنس هو احنا لسه ما احنا عنسنا من زمان وبقينا من القواعد من النسااااااااء هههههههههه ربنا يديكي يارب ويفرحنا بيكي
,,,,,,,,,,,,,,,,,,,,,,,,,,,
الراجل العجوز الطيب سوو
عندك بجد يا سووو طيب الهي يسترك دنيا واخره امسك فيه لحد ما اجيلك
جوزهوني يا أماااااي
,,,,,,,,,,,,,,,,,,,,,,,,,,
جمعاوي الروش
صيام وغض بصر وحياتك لما خلاص شكلنا هنقضيها زهد ورهبنه
,,,,,,,,,,,,,,,,,,,,,,,,,,,,
دكتورة فضفضه
ههههههههههه انا اللى هوقفه برضه هو لسه هيقف هو واقف واقف الحاله ناشفه على الاخر
,,,,,,,,,,,,,,,,,,,,,,,,,,,
ماما فاتيما
يادي الكسوف يا ولاد
تعرفي بابا بيقولي ايه انا لازم اقوله على كل حاجه لازم اوعيه تخيلي ابويا بيقول كده امال الراجل هيقول ا يه ههههههههه ابويا ناوي يوقف حالي فرحان مش عاوز يجوزني وانا قلتله مش هسيبك على قلبك طول العمر
وبعدين انا حاجزه يوسف انتي ناسيه ولا ايه
,,,,,,,,,,,,,,,,,,,,,,,,,,,
الطائر الحزين
يقبلوا الوضع ده
وش مبرق
لا ياعم يفتح الله
لو يقبل بلماضة بس افكر
;)

همس الاحباب said...

هههههههههههه

هههههه
الحمد لله انى متجوز
والحمد لله انى فى الاول كنت اتجوز دكتورة بس ربنا ستر
ههههههههه
ايه يا بنتى ده خفة الدم مع انها مش جديدة عليكى
بس اسلوبك يجنن
وفطستينا من الضحك يا لماضة
انا كده افكر انى ابعد همس عن الطب خالص ياستى
هههههههههه
ربنا يسعدك ويكرمك يا دكتورة ويوفقك ان شاء الله
تحياتى وتقديرى لاحلى واطعم لماضة فى الدنيا

عًٍمًرٌٍوٍ آلنْوٍبٌَِى said...

اولا كده وقبل اى حاجه تانية
عايز اقولك انك كنتى منورة برنامج مساءك سكر زياده
اه انا شوفت الحلقة متأخر عندك بس كانت حقلة جميلة جداااا وانتى كنتى مية مية بتتكلمى بثقة جامده اوى
**************
نيجى بقا لحكاية الجواز والمميزات الى قولتيها
خديها منى كلمة بعد البوقين الحلوين الى قولتيهم نص بنات كليات الطب هيعنسو ياختى وشكلهم هيحولو على حقوق ويلحقو نفسهم
هههههههههههههههههههههههههههههههه
بجد انتى عسل وبوستاتك كلها اجمل من بعض

سمر الشافعى said...

ربنا يسامحك ياشيخه دا كلام بذمتك هيا الحكايه ناقصه وقف حال بدل ماتقولى كلمتين حلوين وبعدين مالهم الدكاتره حد يطول عالاقل بعد الشر لو تعب هيلاقى اللى يعالجه

وبعدين شكلم بتاخدى night shifts كتير ولا ايه بلاش كدا عشان العرسان مبيحبوش اللى تبات بره بيتها حتى لو فالمستشفى

فالنهايه ياجماعه متسمعوش كلام لماضه هيا بس بتحب تهزر كتير.....وش بيجز على سنانه

عاليا حليم said...

هاهاهاهاىىىىىىىى

انتوا بتكلموا بجد و لا أيه
طب حيث كده انا عايزة اجوز طيار او بحار او فنان فى اى مجال من مجالات الفنون مافيش
؟؟؟؟؟؟

فككوا يا جماعة الجواز ده مشروع فاشل و يا بخت من فرق راسين فى الحلال
البلد مش ناقصة جيل معقد

ايام العمر said...

لا بس انتى كدة بطفشى بجد
بس هى اخلى حلجة لما تعيا تلاقى واحدة دكتورة جمبك
بس هو مش ممكن يعيا بتخصص غير بتاعها
ولا هى تكون زعلانة منة شوية
فتروح مديالة شوية علاااااااج اخر ظبط
تخخليييييية هو الى يتمنى الموت الرحيم
هههههههههههههههههههههههههههههههه
تدوينة جميلة
دمك خفيف
وعجبتنى الحلقة بتاعتك otv
سلاااااااااام

blue-wave said...

بما انى دكتور وخاطب دكتورة وبعد كلامك الجميل قررت افسخ الخطوبه:)
تحياتى

واحــ الفكر و القلم ــة said...

ههههههههههههههههه
والله انتى سكر يا مروة والله
يا بنتى مش مهم أصلا لا اكل ولا اى حاجة المهم خفة الروح والدم اللى تجنن دى


عجبتنى اوى المميزات دى
رابعا : ستتمكن من اللعب بديلك كيفما تشاء وأنت مطمئن البال أنها لن تلاحظك أبدا ويرجع الفضل في ذلك لارتدائها ميكروسكوب ماركة " كعب الكباية


تاني طريقه وهي انك قد تستيقظ أو لا - الله اعلم ساعتها - على يد الست حرمكم وهي تطبق في رقبتك وتمارس عليك طرق التنفس الصناعي في ساعة متأخرة من الليل – ده لو كانت بايته في البيت بالصدفة – وهي تصرخ بأعلى صوتها مقتلتوش !

ثالث الطرق وأسهلها وأحبها لممارسي هذا المجال وهو موت الرحمة عارفه يا حبيبي لازم تعرف إن طرق التخلص منك كثيرة جدا وملكش دية

سكررررررررررررر
ربنا يوفقك يا مروة فى عريس ابن حلال لمض زيك وتجيبوا عيال لمضين وتبقى حياتكوا كلها لماضة فى لماضة
هههههههههههههههههه

دمتى بخير حبيبتى

سالى

اسكندراني اوي said...

انا مش حقول حاجه
ماليش في اللعبه دي
اختك كلاكيت حدفتني بطوبه من عندها
ههههههههههههههههههههههه

مـــــــــــــي said...

أولا

كنتى زي القمر و كتكوتة و مسمسمة في ال otv يا لماضة

ثانيا عجبنى أوي البوست ده بس كان ناقصه عبارة: عريس لله يا ولاد الحلال

بطوط حبوب said...

ههههههههههههههههه
دا مميزات كتيره بجد
يا بخته الى هيتجوز دكتوره
اكيد اكيد امه



لا مش داعياله
دى اكيد ماتت

ayman badr said...

اكيد طبعا تعددت الأسباب والموت واحد إما بحقنة أو بمشرط تغزيه بيه أو تسخنيه على البوتاجاز على سبيل التعقيم
وفيه طرق اكتر لقتل الرجالة اكيد
وعند لماضة الخبر اليقين
تحياتى

ahmed a.aziz said...

slamo 3lekom
nice blog

صاحب المضيفة said...

طيب الرصيدالموجود للحياة معاها بعد كده هايكون قد ايه

وفي فترة سماح ولا مافيش

بالنسبة للأكل .. أظن انه ممكن اعدة شحن الجسم كل فترة من خلال العروض اللي هاتيجي فجأة كده


ربنا يستر عليه يا لماضة فعلا منك


هههههههههه



تحياتي

ahmed_k said...

أشكرك علي التنبيه المهم وعلي كل واحد حيتجوز دكتوره يمضيها علي تعهد بأنها مسئوله عن صحته ومتخليهوش محتاح لزيارة طبيب طوال حياته ههههههههه مدونتك ظريفه ودمها خفيف وأدعوكي لزيارة مدونة دردشة عرب, وتقبلي تحياتي والسلام ختام

واحدة مفروسة said...

لماضه.... انا عندي عريس لقطه
موافق على كل البوست
ههههههههههههههههه
ربنا عملك الخير كله يا رب

خاطبة المدونات said...

نريد متطوعون لإنجاح فكرة المدونة
ومن يجد في نفسه حب الخير فليتفضل
elkhatbah60@yahoo.com

الجواز و سنينه said...

انا شفتك على التلفزيون على فكره
و ماكونتش عارفه المدونه بتاعتك
بس الحمد لله لقيتها عند بطوط حبوب
بجد كانت حلقه تحفه
اما بالنسبه للعريس فاعرفى ان كلهم فى البيت واحد

أحمد كمال said...

يا دكتورة لماضة كل الدكاترة بيتجوزوا ، مش فاضل لك غير مشكلة واحد بس : اللماضة

سؤال : هو انتي لسه بتزوري رحايا العمر؟

لماضة said...

همس خالد
بقى كده ياعم طيب يارب همس تكبر وتشوفها دكتوره قد الدنيا
,,,,,,,,,,,,,,,,,,,,,,,,,
عمرو النوبي
ربنا يكرمك يا باشا انت اللى جميل واالله خليهم يعنسوا يستاهلوا حد قالهم ادخلوا طب
,,,,,,,,,,,,,,,,,,,,,,,,,
سمر الشافعي
ههههههههههه مالك خايفه كده ليه يابت هو الحال واقف واقف وناشف على الكل
,,,,,,,,,,,,,,,,,,,,,,,,,
عاليا حليم
مش كده والنبي يااختي الناس مش ناقصه
,,,,,,,,,,,,,,,,,,,,,,,,,
ايام العمر
هههههههه ربنا يستر والحال ميقفقش اكتر مهو واقف مش ناقصه عشان خاطر ابويا وامي بس ناس غلابة بيصعبوا عليا
,,,,,,,,,,,,,,,,,,,,,
بلو ويف الموجه الزرقا
هههههه انا قلت جواز انا جبت سيرة الخطوبة لا الخطوبه امان متخفش بس الجواز ابدا اقلق
,,,,,,,,,,,,,,,,,,,,,,
واحة الفكر والقلم
امييييييييييييييييييين
والله انتي حد جميل
,,,,,,,,,,,,,,,,,,,,,
اسكندراني أوووي
ههههههه لا يا هندسه قول متخفش وانا وراك عشان الطوب يجي فيك
,,,,,,,,,,,,,,,,,,,,,
مي
ههههههههه ما انا بتكسف بقى وقلتلهم عريس يا اماي بس في الاخر مع حمرة خجل
,,,,,,,,,,,,,,,,,,,,,,
بطوط حبوب
ههههههه شوف بقى الراجل ده عمل ايه وحش في حياته وربنا بيعاقبه
,,,,,,,,,,,,,,,,,,,,,
ايمن بدر
ايون وبعدين انت وكيلي تطلعني منها زي الشعره من العجين
,,,,,,,,,,,,,,,,,,,,,,
احمد عبد العزيز
مرسي ليك يا ا حمد
,,,,,,,,,,,,,,,,,,,,,,
صاحب المضيفه
هههههههه ولما تزهق منه تحرق الشريحه
,,,,,,,,,,,,,,,,,,,,,,
احمد ك
ربنا يخليك يا احمد ان شاء الله ازوركم قريب
,,,,,,,,,,,,,,,,,,,,,,
واحدة مفروسه
هو فييييييييييين
ابعتي ياختي اكسبي فيا ثواب المهم ميكونش نكدي عشان مرميهوش من الشباك
,,,,,,,,,,,,,,,,,,,,,,,
خاطبة المدونات
ده بجد ولا حقيقة
انا جيالكم اشوف ايه الموضوع ده
,,,,,,,,,,,,,,,,,,,,,,,,
الجواز وسنينه
نورتيني يا جميل
وكويس انك لاقيتيني بطوط ده مش عارفه اودي جمايله فين
,,,,,,,,,,,,,,,,,,,,,,
استاذ احمد كمال
متابعه يا افندم والله من الريدر
بس للاسف التعليقات مقلة فيها اعذرني
انا جيالك حالا مقدرش ازعل حضرتك

آفاق الحرية said...

يااه
ده الواحد يبدأ يغير رأيه
مادام فيه مصلحة يبقي لازم ناخدها في الاعتبار برده ولا ايه

طارق الغنام said...

لماضة
بوست رائع
اكيد بعد البوست دة السما شتت عرسان
وانتى الان قاعدة تنقى ومعندكيش وقت لحاجة تانية
الله يكون فى عونك
بجد مدونتك رائعة
تقبلى تحياتى
ودعواتى لكى بالعريس

كاتب مصري said...

تحيتي
الصراحة لم أقرأ البوست لأني الآن على عجل ولكنني سأعود حتما لأقرأه وأضع تعليقي
هذه المرة الأولى لي هنا وأحب أن أدعوك بدعوة مصحوبة بالفل والياسمين لزيارة مدونتي آملا أن لا أرد دون إجابة الدعوة ..
أنتظر زيارتك وتعليقك قريبا..أظنها ستروق لك
تحيتي
مدونتي هناhttp://kanyatklam.blogspot.com/

Hosam Yahia حسام يحى said...

فكره غريبه بس عجبتنى

بس صعبه جدااااااا

:d

Noha El-arabi said...

مش معقول كده احنا حنعد نطفش لغاية امتي هما صحيح كتير ( كده و كده ) بس الوقت برده مش في ادينا يعني عاوزين ننجز مش عاوزة ابتدي اكتب عن مشاعري و انا عانس

mohra said...

ايه الطعنه الغادره ديه يا لماضه؟؟؟ بقى تيجى منك؟؟ انت اللى بتقول علينا كده؟؟
طب تعالى عندى شوفى نوعيه العرسان اللى بتتحدف عليا
و فى النهايه اقولك آآآآآآآآآآآميييييييين

snohe said...

والله يا دكتوره كلامك ينطبق على معظم الفتيات . الدكتورات منهن وغير الدكتورات
الاحياء منهن والاموات
ومن لم يمت بالزواج من دكتوره مات من الزواج بغيرها
تعددت الفتيات والموت واحد
اقصد الزواج واحد
ويحضرنى قول المرحوم الشاعر
خطا كتبت علينا
ومن كتبت عليه خطا مشاها
مش عارف ايه علاقة بيت الشعر ده بالبوست ؟ما علينا المهم
المشكله مش فى طبيعة عمل الزوجه المشكله تكمن وخدى بالك من كلمة تكمن دى
تكمن فى ثقافة مجتمع يربى البنت على نصائح تودى فى ستين داهيه
مثلا فكرة ان الجواز تهذيب وتأديب واصلاح للزوج طبعا
وفكرة ان الزواج نهايه سعيده لكل مشاكل البنت السيكلوجيه والفسيولوجيه والبيلوجيه والملوخيه
ونهايه سعيده وقبله حاره على الشاشه بين البطل والزوجه
مش عايز اطول عليكى رغم ان الموضوع زو شجون
تحياتى يا لماضه

Ahmed Al-Sabbagh said...

طبعا طبعا

اتجوز دكتورة

( على جثتى )

ده يبقى ليا شرف

( الشهادة )

تحياتى

♡الطبـيـبـه الأديـبـه♡ said...

السلام عليكم ورحمه الله وبركاته

ههههههههه بقى كده يا لماضه دى آخرتها بتطيرى العرسان من ايدينا هههههه
بس جميله والله الأسباب اللى جبتيها كويس انها لحد كده بس احنا بنلاقى تهزيئ كتير أوى على المنتديات الطبيه كلها ،،
ربنا يرزقك يا رب بزوج صالح وذريه صالحه واحنا معاكى متنسيناش
هههه
دمتِ على خير
السلام عليكم

مجرد خواطر said...

السلام عليكم
لمضة لمااااضة على فكرة انا اخى طبيب ومصمم ميتجزش غير طبيبة بس بشرط تقعد فى البيت . والله مبهزر بتكلم بجد

مناجاة said...

على فكرة يالماضة وخديها مني حكمة الدكتورة والمهندسة والمحامية وربة الصون والعفاف واي حاجة بتكون في الآخر زوجة وبس وخلي الطب للمستشفى والمرضى

مش عارفة يالماضة الجهود عمالة تزيد يمين وشمال والعملية مازالت ناشفة مش عارفة ليه مش عارفة العرسان راحوا فين
الحمد لله ربنا اكرمني قبل مالدنيا تنشف كده :)

tote said...

الصراحة دمك خفيف بس انا مش عارفة هو كره للداكترة ولا من عقدة من الجواز نفسه بس فى كلتا الحالتين الجواز هو الجواز هو بغباوته وبشكله العكر وشكرا واتمنى منك زيارتى

سنووايت said...

هههههههههه تحفة الموضوع دا

وانا بأؤيدك وبشدة وبأضم كومنتي لموضوعك
بس اكتر ميزة عجبتني الاولي
فاقساك
ههههههههههه
انتي ناوية تشغليه في البيت ولا ايه؟!!

الفراشة الصغيرة said...

حرام عليكى يا لماضه
انتى كدة بتوقفى حال
البنات الدكاترة
هههههههههههه

لماضة said...

افاق الحريه
ايوه غيره بس هتغيره تتجوز يعني ولا لا؟؟
,,,,,,,,,,,,,,,,,,,,,,,
طارق الغنام
ولا نقطت ولا شفت اي بشاير ولا زعابيب امشير حتى ادينا قاعدين ادينا على خدنا لما نشوف اخرتها
,,,,,,,,,,,,,,,,,,,,,,,
كاتب مصري
زرتها بالفعل
,,,,,,,,,,,,,,,,,,,,,,,
حسام يحيي
الله المستعان
,,,,,,,,,,,,,,,,,,,,,,,
نهى العربي
هههههههه انا بدات ا كتبها من دلوقتى
,,,,,,,,,,,,,,,,,,,,,,,
مهرة
هههههه معلش طيب ابعتيلنا شوية من اللى بيتحدفوا دول
,,,,,,,,,,,,,,,,,,,,,,
سنوهي
ايه الكلام الكبير ده انجليزي ده يا مرسي
بس والله عندك حق للاسف شوية افكار مترسبه نفسي تتغير
,,,,,,,,,,,,,,,,,,,,,
صبااااااغ
بقى كده خايفه ادعي عليك واقولك ولا بلاش
وبرضه عاوزه اقولك ا نت تطول بس للاسف من ناحية تطول تطول
,,,,,,,,,,,,,,,,,,,,,
الطبيبه الاديبه
اميييييييييين ا حنا وانتي يا جميل
,,,,,,,,,,,,,,,,,,,,,
مجرد خواطر
فين اخوك ده
,,,,,,,,,,,,,,,,,,,,,
دكتورة مناجاه
عندك حق انتي عارفه اني بهزر بس ده لا يمن عان ف علا النوعيه اللى بهزر فهيا دي موجوده الا من رحم ربي
ايه الحاله ناشفه على الاخر الواحد بدا يخاف على نفسه من الفتنه
,,,,,,,,,,,,,,,,,,,,,
توتا
هههههههه تعددت الاسباب والموت واحد
,,,,,,,,,,,,,,,,,,,,
سنووايت
ليه وهو مش ناوي يساعدني في شغل البيت كده مش لاعبه
,,,,,,,,,,,,,,,,,,,,
الفراشة الصغنونه
ههههههه هو مش محتاج يقف كده كده واقف واقف

aba7a said...

ya laaaaaaaaahhhhhhhhhhhwwwwwwwwwwwwwyyyyyyyyyyy
ya lamadaa e7na n2seeen y bet n3anes
da el wa7ed 2al 7'alas kalasna w rbna fata7ha 3lena
hn3anes y bet, allah yhedk, tab lama ashofik y to7fa f el mostashfa.
3la el 3omom lazm tsa7asy 3'ltetk w tfahmehom enena lesa fena shwia....b3d....faswet amal (ila 7d ma)

Anonymous said...

الموضوع جميل جدا
بس انتي بتحكمي على كل دكتورة ... يعني عايزه تخربي بيتهم .... وبعدين اهمال الزوجه لواجباتها في بيتها مالوش دعوه في كونها دكتوره او موظفه عاديه او حتى لو كانت ربة منزل ...فالي عايزه تعيش حياة زوجيه سعيده حاتستخدم كل الطرق علشان تحافظ على حياتها الزوجيه ... انا مش عايز اطول الموضوع بس رأيي في الموضوع ان كل بنت بغض النظر لكونها دكتورة او بنت عادية بيدها سعادتها وتعاستها في الحياه الزوجيه

اهو ده عيبه said...

ايه يا لماضه حرام عليكى انتى بتطفشى الناس ولا ايه
مالهم الدكاترة البنات مهم زى الفل وجمال وعقلهم ما شاء الله والدليل انتى

ربنا يوفق الجميع ويوفقك وياستى يبعتلك اللى يعرف قيمتك ويقدرك ويبقى شغلك على قلبه زى العسل

تحياتى يا احلى لمضة

sebofy7alo said...

يعني في أعلانات الزواج
أبحث عن عروسة بها جميع المواصفات والأطباء يمتنعون
ههههههههههههههههههه
مش ممكن دة يحصل
تحياتي للبوست وصاحبة البوست

موجة said...

ازيك يا لماضة
ازيك يا دكتور
انتي فين يا دكتور

خالص تحياتي
مجرد موجة
أحمدــــد

alexandrany said...

يا ستي وماله
دكتورة مهندسة تجارة أداب
اهوه كله من عند ربنا
والحمد لله في السراء والضرااااااااااء
ههههههه
انا موافق عموما
بس بلاش حكاية الجواز من الوسط الفني دي
عشان مش هتاكل معانا خاالص عشان الهندسة مابتمشيش مع بعضها خالص
ويجعله عامر

عروسة ننوسة said...

حلو اوى اوى يا احلى دكتور.....بس هى المواصفات دى بجد يا لماضه؟؟
لو كده انا هاجيبلك عرسان اد كده

سومه...مجنونه فى بلد عاقل said...

ههههههههه الله يكرمك يا لماضه
يا بنتى دا كل اللى طالع فى دماغ الشباب دلوقت عاوزها حلوه ودكتوره والطلب جامد قوى على بتوع صيدله
تقوليلو طب بشرى يقولك لا متانعرين....او هو يكون عنده عقده نفسويه ومش عاوز واحده تعليمهااكبر منه
ايييييييييييه دنيا سوق الجواز اصلا جبر ولا للدكاتره ولا للصوانعيه
اللى تلاقى عريس تبخره
على فكره المميزات جميله برضوا يعنى انا خالتو اول ما عملت رز بعد الجواز عملته حبه وحبه حبه محروقه وحبه نيه هههههههه دكتوره برضو عشان كدا ربيتنا علمتنا نعمل رز حلو
تحياتى ليكى سومه_87

عيله مفتريه سابقا said...

عرسان!!!

فين دول

ليمينى عليهم

انا مش دكتورة والله مش هيحصلهم حاجه

بس دمك بصراحه خفيف قوى يا لموضه

ايه الحلاوة دى يا سكره

المهم قوليلى الحمله دى
بدل مالواحد دايخ

سلامى

بنوتة said...

لموضة حبيبتي
**********
انا عن نفسي فارس احلامي مش دكتور الاسباب
1
علشان ساعات بيبقى عنده نبتشيات
2
افرد لو شاف واحدة حلوة في عيادته حيبقى ايه الحل؟؟؟؟
***********************************
اما بالنسبة للوسط الفني فا لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
يا ايمان
الاسباب
1
حيجي بعد نص الليل و حيتحجج بأنه كان في الاستوديو
والذي منه
**********************************
اما بالنسبة أني اجوز واحد لمض فا ديه حاجة رائعة علشان لمضتي على لمضته حتطلع لماضة
ههههههههههههههههههه
**********************************
تحياتي ليكي و يارب تلاقي فارس احلامك

صيدلانيه طالعه نازله said...

نتى بس تشاورى على اللى انتى عايزاه و هوا يجى جرىىىىىىى
و كفايه انه حيبقى عنده
تامين صحى اجبارى و مجانى و ساعه ما تحبى تخلصى عليه مش حيتوجع حتبقى زى شكه الدبوووووس
مستنياكى عندى يا قمر

Music Lovers said...

Dr lamada , Marriage is a gift from Allah , I ask God to give you the best husband

egyboy said...

دكتور لماظه

أول مره أرد وأفتح عندك يبقى موضوع على الدكاتره
بالمناسبه أنا رايح إن شاء الله تانيه
الواحد بقى هيفكر فى الجواز ولا الفسيولوج والله الواحد يأس

مصطفى

كتابنا said...

اللى عنده اى كتاب قرأه او عجبه فى اى جزئيه يرسلها عن طريق الايميل اى قصيدة


شعريه اى حاجة قرأتها وعجبتك ارسلها وأكتب اسم الكتاب واسم المؤلف

HARD TIMES said...

اتيت للتحية والسلام
واعتذر من عدم متابعتي لكل ما هو جديد وجميل في لماضتك الرائعة
وذلك لأنقطاعي التام عن المدوانات والحياة الاكترونيه
يعني حبة خقنة علي حبة زهق من الاخر كدا اتجننت انا عاوز حد يعلجني
ها يادكتور تفكر هعيش وفي علاج عندك لحلتي دي
تحياتي لكل ما هو لماضة

لماضة said...

قباحة
هصلحها بس بلاش ضرب
,,,,,,,,,,,,,,,,,,,,,,,,,,
غير معرف
اتفق معاك ميه الميه بس ياريت تعرفني بحضرتك
,,,,,,,,,,,,,,,,,,,,,,,,,
اهو ده عيبه
يادي الكسوف يا دودي احرجتيني ربنا يخليكي يا جميل ويرزقك الطيب يارب
,,,,,,,,,,,,,,,,,,,,,,,,
شيكو مش هسيبك في حالك
ليه يا شيكو كده انت بالذات عروستك عندي
وش مطلع لسانه
,,,,,,,,,,,,,,,,,,,,,,,
موجة
انا هنا يا موجة انت اللى بتغطس كده محدش بيعرفلك حاجه ابقى طمنا عليك
,,,,,,,,,,,,,,,,,,,,,,,,
اسكندراني
هههههههه ده عملا بمبدا اللى يجي من عند ربنا كويس والحمد لله الذي لا يحمد على مكروه سواه
,,,,,,,,,,,,,,,,,,,,,,,
عروسة ننوسة
هاتييييي موافقه بس هما فين
,,,,,,,,,,,,,,,,,,,,,,,
سومة
هههههههه اي خدمه يا جميل
,,,,,,,,,,,,,,,,,,,,,,
عيله مفتريه
ههههههههههههه هاتيلي معاكي
,,,,,,,,,,,,,,,,,,,,,
بنوته
انتي اللي سكر والله ربنا يرزقك ويرزق كل البنات يارب
,,,,,,,,,,,,,,,,,,,,,
صيدلانيه طالعه ونازله مدوخه نفسها
بس بذمتك مش عندي حق
جيالك حاضر متقلقيش
,,,,,,,,,,,,,,,,,,,,,
عاشق الموسيقى
طبعا ربنا يرزقنا واياكم يارب
,,,,,,,,,,,,,,,,,,,,,
الواد المصري
لا انت بالذات خليك في الفسيولوجي والبيو دلوقتى لما تكبر
,,,,,,,,,,,,,,,,,,,,
هارد تيميز
عودا احمدا من ا لاوقات الصعبه دي
نورتني

عمرو الطاروطي said...

لماضة
يا ترى انتي خدتي الشهادة بتاعتك من أنهي شفخانة.. قصدي جامعة؟
يا لهوي
ايه الرعب دا؟
أنا حصلي رعب من صنف البنات كلهم وقررت امد اضرابي عن الارتباط حتى اشعار آخر
دا طبعا من غير متجيبي سيرة المشارط والمقصات والمناشير وغيرها من الاسلحة البيضاء المستخدمة في اوضة العمليات رأفة بذوي القلوب الضعيفة ومرضى القلب والفشة
واذا كنتي سجلتي مدونتك في الشهر العقاري.. احب اقولك ان انا كمان سجلتها عندي كدليل قاطع ودامغ وملموس في حالة اذا ما تكعبلت في واحدة من اللي بينادوا بمساواة المرأة بالرجل رافعي شعار.. اعطني حريتي واركن شوية
حسبي الله ونعم الوكيل فيكم
وعلى رأي المثل.. يا مآمن للحريم، يا مآمن للمعزة في البرسيم
شااااااااااااااو

بيتنا القديم said...

"طرق التخلص منك كثيرة جدا
وملكش دية"...
.
.
.
ربنا يوفقك

عيش وحلاوة ان شاء الله


(:

egyboy said...

ايه الواد المصرى ده يا دكتوره طب انا مسمى نفسى كدا مفروض تحسيسينى إن أنا دكتور أصل أنا كل ما اروح الكليه أحس أن أنا سباك

مصطـــــــــــــــفى

حنين.. said...

دا الفكره بقت بجده,هههههههههههههههههههه, بجد انتى عثوله ولمضه على الاخر, وبوست هايل,,,,,, تقبلى مرورى مع خالص الشكر والجرير اختك حنين

miro said...

انا رايي الدكتورة تتجوز دكتور حتي تبقي في ميزة كمان انهم يروحوا مع بعض الشغل بالعربيه واهم يوفروا ان كل واحد يحط بنزين بعد ما غلي كده :D:D:D
تقبلي مروروي.

Dr- Hema said...

لا طبعاً دكتورة إيه

قطيعة

د/هيما

ذربونة هانم said...

واضح انك فعلا هتلاقى العرسان عليكى اد كداهو
:)
ده انتى هتبقى السبب فى عنوسه كل طالبات طب
:D

على الزيبق said...

الدعوة لحظر الحزب الوطنى

لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى


قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه

ان مثل هذا الخبر كفيل بزلزلة عروش وقصور
هذا الخبر فقط يستطيع أن يفكك أوصال السادة اعضاء هذا الحزب وقياداته

اتمنى أن نناقش هذه الفكرة وأن نبحث فى سبل تحقيقها
والباب مفتوح لتقديم مقترحات وأفكار أخرى من أجل أنجاح هذه الفكرة
ومعاً من أجل حظر الحزب الوطنى ( الديمقراطى )

Anonymous said...

يا لماضة ما تستعجليش موضوع العريس ده

متبقيش زي غادة عايزة اتجوز هاهاهاها

وعموما كل شيئ قسمة ونصيب

وبعدين دكتورة مش دكتورة مش مهم المهم في البنت دينها اولا واخيرا
وياما دكاترة ازواجهم قرروا انهم يقعدوا في البيت لتربية الاولاد وتركوا كل حاجة عشان كده

abo salah said...

بعد السلام عليكم

أولا أزيك يا لماضة
وبأعتذر عن غيابى الطويل

ثانيا أيه يابنتي دا كله
يعني بعد ماقدمتى الكتالوج الهايل دا فى الأخر بتطلبى دعوات بحضور العريس

طيب ازاي
دا انتي كده طالبة منتحر مش عريس
هههههههههههههههه

يالا ياستى ربنا يرزقك بأبن الحلال

وعلي فكرة نسيت اقولك
مبروووووووووووك
علي الحلقة الجميلة
ونورتى الشاشة

تحياتي ليكي

حاتم عرفه said...

مش هتلامض قوى يعنى ..
لا يلمض ولماضة فى المدينة
بس عاوز أقول إن لو فى حب بينهم هايتجوزها حتى لو هاتعمل فيه ده كله
ده لو فيه بقى
وربنا يوفقك
و كل (شاورما) وانتى طيبة

من القائد والزعيم والمصمم المحترف (حاتم عرفه) تحياتي

نرجو التواصل

ابتسم من فضلك said...

موضوع هايل ربنا يوفقك من حسن لاحسن

Abd Al-Rahman said...

أضحك الله سنك أختى الفاضلة
فقد خففتى عنى بعضا من جو الكآبة الذى كان يغمرنى منذ لحظات
أسلوبك فكاهى جميل جدا ، وكلامك منطقى جدا ، لذلك انا أصلا مقرر انى لن أتجوز طبيبة بشرى أبدا ، قد أتزوج طبيبة أسنان أو صيدلانية لانهما أخف بكثير مما تحدثتى عنه
تحياتى لك
وإن شاء الله سأدوام على زيارة مدونتك المحترمة

حبيبـــــــة القمـــــر said...

السلام عليكم
ازيك يا لماضه
اخباراتك ايه ياقمر
بقى دي تنبيهات تقوليها
كده مفيش واحد هيفكر ينتحر قصدي يتجوز دكتورة هههههههههههه

خليه يفكر في اهم الايجابيات اللي حضرتك نسيتيها وهي انه هيوفر تمن الفيزيتا وما ادراكي بالفيزيتاوما وصل اليه تمن الفيزيتاااااااااا

ربنا يوفقك دايما ويسعد ايامك ياسكر زي مابتسعدينا بكتاباتك الجميله دي

شفقة هانم واحسان بك said...

انتى فين يا دوك ......شكلك كده جالك عريس

غني يابهيه said...

من غير لماضه
بهيه بتقولك ربنا يوفقك وتتجوزى واحد دكتور يعقم لك حياتك ان شاء الله

بجد كان نفسى أتعرف عليكي من زمان وفعلا انتى شخصيه جميله جدا

تحيات بهيه

Amgad said...

وانا اللي كنت فاكر اني لما اتجوز داكتورة هيبقي فيها عيوب اتاريها كلها مزايا ومش اي مزايا

كعب كباية ودواء وعيانين وبتاع
نايس صراحة وبجد احييكي علي صراحتك تجاة ابناء كارك وعلي لماضتك

بحبك يامصر said...

دكتوره لماضه
انتى خفة دمك ملهاش حل
وانا كنت سبق وعلقت على البوست بتاع زيتنا فى دقيقنا دى عند كلاكيت تانى وتانى
والبوست كان هدفه كويس بس للاسف الناس اللى بتهاجم التدوين والمدونيين هيخدوها زريعه للهجوم اكتر علينا واتهامنا بتهم وحشه جدا وبالنسبه للبوست الهايل ده خفة دمك بجد ملهاش حل انتى بتجيبى الكلام ده منين ؟عالعموم تسلم ايدك
تحياتى

بسنت said...

ايه النصايح الحلوه دى
ليه يا بنتى كدا بس
الصراحه كلامك صح جدا جدا

مدونتك جميله اوى بس كلاها لماضه فعلا
سعدت اوى بالزياره دى ولى زيارات للماضتك طبعا

اختك فى المجال

على الزيبق said...

الدعوة لحظر الحزب الوطنى

لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى


قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه

ان مثل هذا الخبر كفيل بزلزلة عروش وقصور
هذا الخبر فقط يستطيع أن يفكك أوصال السادة اعضاء هذا الحزب وقياداته

اتمنى أن نناقش هذه الفكرة وأن نبحث فى سبل تحقيقها
والباب مفتوح لتقديم مقترحات وأفكار أخرى من أجل أنجاح هذه الفكرة
ومعاً من أجل حظر الحزب الوطنى ( الديمقراطى

ست البيت said...

بقى كده تتطلعي اسكندرانية وزميلة كفاح كرتونية ومارد وشوشية
وملحكيش في اللقاء ...نورتي كعادتك ولو أني من كتر الذهول اللي اصابني نسيت انتي كنتي بتتكلمي في ايه....بس لماضة ..لماضة يعني...
وبعدين مالو لما يتجوز داكتورة اهو بردك ممكن يشتغل لها تومارجي واهي تبجي سبوبة
أنت أجمل من أني اتكلم عنك
اعرف ان وراء هذا الوجهه الجميل روح اهلي وأجمل كعصفور لا تستطيع إلا أن تفتح له القفص فقد ولد حرا

Soooo said...

عندك بجد يا سووو طيب الهي يسترك دنيا واخره امسك فيه لحد ما اجيلك

-----

والله يالماضه ياختي لما قلتله انك عايزه تاخدي جتتي بعد مااموت وتعمليها صدقه جاريه .. اختفى من الحياه ومش بيرد عالموبيل
تعتقدي في حاجه منعته؟؟

وبعدين ايه ده .. فين جديدك يابنتي
يعني انا داخل عشان اقرى حاجه تخليني انبسط .. مالاقيش حاجه
ده تهزييير



سلاموووووووووز

الحب الجميل said...
This comment has been removed by the author.
Abou Omar said...

موضوع ظريف بس أنا عمري ما هتجوز دكتورة

شفقة هانم واحسان بك said...

انتى لقيتى عريس ولا ايه يا لماضة؟؟
وحشتينا فينك؟

لماضة said...

انا جيت يا جدعان
هنزل موضوع جديد ولا ارد على تعليقات الناس الجميله دي كلها
هعمل الاتنين حاضر بس التعليقات استنوا عليا شويه
الجهاز بيموت في ايدي

زهرة الياسمين said...

كده يا لولو تخوفيهم مننا
طيب نعمل ايه يعنى
نمارس طرقنا العلميه فى البحث عن عريس شايل كفنه على ايده
و لا نعمل ايه بالظبط يعنى

أية الشقية الشعنونة said...

يا بنتى دنتى غلباوية
ان شالله ما حد اتجوز
هههههههههههههههه
تحياتى

amal said...

الدكتوره للدكتور ان شاء الله
ربنا يرزقك بدكتور حلو وامور ولمض كدا وتعيشوا حياتكو بقى

بالتوفيق يا جميل وانا هدعيلك اهو
واحب اقولك ان البوست رائع وانتى عرضتى الفكره بشكل لذيذ وخفيف الدم

حاتم عرفه said...

كنتى فين يا لماااااااضة
كنا بندور عليكى

ده أنا قولت اتخطفتى بجد المرة دى
و كنت هاكلم علاقاتى يفرجوا عنك
واضح أنك ماتخطفتيش


....

شكلى هاكلم علاقاتي

M!DO said...

البوست ده جامد جداً و عجبني جداً و أحب أعمل لينك بالمدونة بتاعتك كلها عندي جداً جداً :)

Bobbos said...

أنا عاوز أقول .. ما تفتكروش يا بنات إن الجواز راحة .. فاكرين الأغنية دى(دى بقه نصيحة) .. والمشكلة التانية إن الدكتورات بيعاملوا الرجالة كانهم محتاجين يتعقموا..

قلم رصاص said...

بالعكس يادكتورة مروة

مش بالضروري حتى الدكتورة في الوقت الحاضر ، حتى لو اشتغلت هتبقى مشغوله عن بيتها

فمابالك بقى لو مشتغلتش
ههههههههههههههههههههه

ماعلينا

بجد البوست هايل جدا وفكرته حلوة

تقبلي مروري

أحمد سعيد بسيوني said...

دكتورة

ليييييييه

هي ناقصة

ههههههه
باهزر طبعا

والله الموضوع قسمة ونصيب

وللقلب حسابات اخرى

دمتم

semsema said...

الحمد لله اتفضحنا على ايدك ياست لماضه
ربنا يفتح عليك....يلا بجملة السمعة
الطيبة

شمس said...

دكتوره لماضه
السلام عليكم ورحمة الله وبركاته
بعد ما قرأت قررت ألا أتجزوج دكتوره نهائى
بس بجد نصائح كويسه جدا

شاذلي دنقل said...

ايه اللماضه دي بس بجد كويس خالص انك نبهتي عن عواقب الزواج من دكتوره محدش عارف كمان يمكن تغز الواحد في بطنه ولا تخيط له وشه
لا وكمان نممكن يخلفو ولد حقنه
بس دا ميمنعش انه عمره ما هيشتكي من مرض لانه جنبه دكتوره بس يا خوفي لا تكتب له دوا غلط عشان تخلص منه كمان في ميزه جامده ان الزوج هنا سيتمتع بحق ادارة ريموت الكنترول الخاص بالتليفزيون ودي ميزه جامده جدا الايام دي
بس المشكله ان اللماضه مع الدكاتره ممكن تودي في داهيه
تسلم دماغك يا يا دكتورة لماضه

واحد لمض اسمه شاذلي دنقل

abdo said...

السلام عليكم
الموضوع جميل جدا
بس حضرتك فى حاجات كتير قوى مذكرتيهاش مترتبة على الزواج من دكتورة
وربنا يرزقك
,
انا بقى بالنسبة ليا رفضت المبدأ ده تماما وهو انى ارتبط بدكتورة وذلك للأسباب اللى حضرتك ذكرتيها وحاجات تانية كتير ,إلا بقى اذا كان نصيبى يبقى فى دكتورة فده حاجة تانية وفى الحالة دى ان شاء مش هتشتغ وتنسى انها كانت دكتورة
مع اعتذارى واحترامى لكل الدطبيبات

صمت المشاعر said...

ههههههههههههههه بوست دمه خفيف اووووي يا لماضه

وياااااااااارب يرزقك بابن الحلال اللي يحافظ عليك ويكون من الوسط بردوه

dr_medovet2006 said...

هههههههههههههههه
موضوع جامد كالعادة يا لماضة هانم
وربنا يرزقك يا أختي بالعريس
ويكون دكتور تخدير كده قد الدنيا
عشان قبل ما ينام يخدرك بحقنة بنج
وينام قرير العين
مطمئناً علي حياته لاجل قريب
هههههههههههههه

Rannona said...

ههههههههههههههههههههه
حلوة خالص يا لماضة انا اول مرة ادخل مدونتك والله وعرفتها من جوزي متابعك على طوووووووول قرايه

حلوة والله المميزات بس فعلا الرجالة مش بيحبوا الدكاترة نفسي افهم ليه...
ما هم ستات برده
يمكن عشان النضارة و الاتبه وقلبهم جامد
ههههههههههههههه

على فكرة انا صيدلانية
و حديثة التخرج وبرده حديثة الجواز

funky girl said...

ههههههههههههه
بجد توحفة الموضوع

dr.mimo said...

الله يسامحك يالماضة ياختى
انتى مش وقفتى حالك بس لا انتى وقفتى حالنا كلنا
(قال يعنى كان ماشى اصلا)
هههههههههههههههههههههههه

sara ahmed said...

الشبكة الإجتماعية لشباب الخليج ودليل البن كودات
خدمة تفسير الأحلام والرؤي
خاص لأصحاب المواقع - أرقام الرسائل الرباعية
مراسلة ومشاهدة القنوات الفضائية
خاص للشركات - التسويق عبر الرسائل النصية