Saturday 30 August 2008

رمضان جانا وغسلناله


دائما ما يهل علينا الشهر الكريم بنوبة عالية من النسمات الايمانيه العطرة والأجواء النقية وأستشعر معي بعنايه لفظة نقية فشهر رمضان يشهد حملة نظافة عالميه ودولية وبيئية و اجتماعيه واقتصاديه وفردية ونفسيه وعصبية .


لكل فرد نصيب في اكمال هذا " الفوم " الضخم من الغسيل و" نشره " وانجاحه على جميع المستويات فتجده يبدأ بمشاركة الأطفال ويتدرج ليصل لأعلى المناصب والأعمار.




فنلاحظ صغار السن يقومون بحملة غسيل مدوية لكافة الشوارع والحارات وإزالة ما بها من مخلفات والتسابق في تزيينها بأجمل الألوان والاضواء ورفعها بنفس شكل " حبل الغسيل " لربط نفوس شفافة ناصعة البياض بين البيوت المتجاورة والحارات.




وتشمر عن ساعديها ربات البيوت لتبدأ في غسيل أركان المنزل والمفروشات كواجب منزلي سنوي متبع لأستقبال العزومات وأيضا غسل أركان الثلاجات لأستقبال الكميات المهولة من اللحوم ومنتجات الألبان بمختلف أنواعها  ويمتد ساعدها لغسيل " الدوالايب " وازالة الملابس القديمة استعدادا لاستقبال جديد الاعياد .




اما الباعة فيبتكرون فنون في غسيل بضاعتهم الباليه الباقيه من العام الماضي وتجميلها للقيام بمعاهدة غسيل منزلية دولية مشتركة بينهم وبين ربات البيوت ضد رجل الأسرة البسيط المشارك  بكل ما يملك من محتوى الجيوب في هذه الحملة وإستلامه اياها بعد الشهر الكريم أنظف من الصيني بعد غسيلة.




ويأتي دور الشباب في هذا الحدث بغسيل السنتهم من الالفاظ البذيئة والمعاكسات وغسيل اعينهم وآذنهم من مشاهدة الكليبات وايضا غسيل اجهزتهم المحمولة من اللقطات والنغمات واستبدالها ببعض الابتهالات والقراءات.




أما عن الشابات فيشمل غسيلهن فقط الوجوه من أطنان مكياج الخدود والعيون والشفاه واستبدال كل ما يشف ويصف بغسيل بعض الملابس الواسعة المهملة طيلة العام.




وهنا يأتي دور الاعلام الفعال بجهازه الشغال بكل بيت لتغسل كل قنوات التلفاز ما قدمت من أعمال وتستعد لأستقبال شلال من الدراما والبرامج الحوارية والأذاعية ويتسابق كل فنان في غسيل مظهره وحنجرته ليشدوا بأعذب الكلام تيجوا نصوم شهر رمضان.




أما رجال الاعمال  فواجب علينا الا ننكر دورهم المؤثر في حملة الغسيل القوميه بالقيام بغسيل كل الأموال والقيام بموائد الرحمن على مد الابصار مفخخة بكل ما لذ وطاب على أعلى المستويات خاصة رغبة الراقصات التائبات العابدات في غسيل أموال " نقطتهن " بمثل هذه المائدات.




وذلك بعد تجلي دور رجال الدين في إصدار فتوى بـ " إن من يفطر من عابري السبيل عليها دون أن يدري لمن هي لا حرج عليه، أما من يذهب إليها خصيصا للإفطار هناك وهو يعلم أن القائمة عليها راقصة فلا يجوز."




فبهذا نجد ان حملة الغسيل حملة قومية فنية أجتماعية فردية يشارك بها كل كائن كان




وهذا كله تحت رعاية حكومة عظيمة يكفي أن يحمل رجلها أسما نظيفاً



ويكفي ان الكون كله يُغسل من الشيطان الم يحن الوقت ليُغسل الأنسان

46 comments:

خالد كامل said...

أول تعليق
كل سنة و انتى طيبة
و ان شاء الله يكون رمضان أحسن من اللى قبله
و نحس بيه
علشان بصراحة انا محستش برمضان اللى قبله

خالد كامل said...

تانى تعليق
بقولك ايه
مش عاوزة يتحرق دمك ؟؟؟
لو عاوزة يتحرق دمك زى ما أنا محروق دمى
تعالى بصى على البوست اللى أنا كاتبه بعنوان
تييييييييييييييييت

Misrdream said...

كل سنه وانت طيبه
ورمضان كريم انشاء الله
اجمل واعظم شهور السنه
يستحق فعلا عملية غسيل لكل ذنوبنا
تقبلي تحياتي

دردشة على الماشى said...

كل سنة وانت طيبة
رمضان كريم
ومن كرمة وكرم ربنا علينا بيحصل كل اللى شرحتية
يا ريت كل السنة تبقى رمضان
وعن إذنك بقى عشان ورايا غسيل

فاروق عادل said...

كل سنة وانت طيبة يالماضة ورمضان كريم على فكرة انا قريت بوستاتك كلها ودى قول مرة اعلق عندك ومن سنة2005 كدة ورمضان مالوش طعم.بس خلاص

Empress appy said...

كل سنه وانتى طيبه يا لمضه
وحلو الغسيل اللى من غير ايريال ده عجبنى وخاصه اللسان

me said...

و فين غسيل جيوبنا يا بت

ازاى تنسى النقطه الجوهريه دى

ماشى ماشى

انا تقلبونى
وقعتكو بيضه

ماشى ماشى

صباح الصباح said...

لموضة
انتى عارفة المائدة اللى بتقولى عليها دى فى المهندسين
ووالجبات بتاعتها واحدة
لحمة ثم لحمة ثم لحمة
لحمة يا لموضة طب نعمل اية
هوة حد لاقى دى بقت بتتباع سوق سودة وحصاوى كمان
ههههههههههه

أحمد (زوج مخنوق ). said...

كل سنة و انتي طيبة يا دوك
و يا رب رمضان ده ييجي بالخير علينا كلنا

و عموما يا لماضة النضافة حلوة برضه
وخصوصا نضافة وشوش البنات من أطنان المكياج اللى بيحطوها
بس بيبقى عليهم منظر يا جدع
كله بيبان على حقيقته
ربنا يهدي

صاحب المضيفة said...

رائعة تلك التدوينة بحق


بارك الله فيكي

ورمضان كريم

رئيس جمهوريه نفسى said...

ياختى وما ليكى علية يمين انا بعمل الموبيل صامت وكفاية عليها الهزاز بتاع الموبيل
كل سنة وانتى طيبه يارب وتنعاد عليكى الايام بخير ويتقبل اللة اعمالكم وصيامكم وقيامكم ونحن اياكم وسائر المسلمين

Anonymous said...

ايه يبنتي الغسيل ده كله ده انتي كدة هتستولي علي الرابسو بتاع البلد كلها وهتعملي عجز

والناس بقي هتقف طوابير زي بتاعة العيش بالظبط .وهيعملوا مظاهرات ضددك بقي وهتبقي هيصة ويمكن يخدوكي في امن الدولة وتنزل صورك في الجرايد والمجلات ههههههههههههه بس بقي بدل ماتبقي في صفحة المشاهير هتبقي في صفحة الحواداث هههههههههههههه

بس علي العموم لو احتاجتي اي مساعدة اديني مسداية أو بليز كول مي وهتلاقيني عندك


أما بقي بالنسبة لموائد الرحمن بتاعة الراقصات انتي ضدها ليه دي يبنتي بيبقي فيها ديك رومي ولحمةويكمن كمان جمبري واستاكوزة
حرام عليكي خلي الناس تاكل ههههههههههه وخلي الراقصات يغسلوا ذنوبهم ههههههههههههههه

ومـــــــــــــــــضـــــــــــــان
كــــــــــــــــــريـــــــــــــم

مهندس مصري بيحب مصر said...

و على رأي المثل كله بيطلع في الغسيل
:)
كل سنة و انتي طيبة يا دكتور

Unknown said...

رمضان كريم يادكتورة
الم يحن الوقت ليُغسل الأنسان؟
حان طبعاً..اللهم اجعلنا فى رمضان من عتقائك من النار ومن المقبولين
متنسوش تدعولنا
كل سنة وانتم طيبين

بحبك يامصر said...

كل سنه وانتى طيبه وتعيشى وتغسلى قصدى وتعيشى وتصومى ان شاء الله ربنا يتقبل صيامنا وقيامنا
تحياتى

مـحـمـد مـفـيـد said...

كل سنه وانتي طيبه يا مروه

مـجـنـووون said...

كل سنه وأنتي بالف خير

يعني من الأخر الستات مش بتحب المناسبات علشان حيضطروا يغسلوا ويمسحوا ويكنسوا ، يعني من الأخر غوين نصايب هههههههههههههههه

ملحوظة :
( الراقصين والرقصات والممثلين عندهم قناعه داخل نفسهم أن هم مش بيعملوا حاجه غلط ، وأن هم بيقدموا خدمه للمجتمع ، وبيعملوا شغل يعني حيخدوا ثواب كبير )

تقبلي مروري
مجنووون

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

اسكندراني اوي said...

كل رمضان وانتي بخير وسعاده
وان شاء الله ربنا يوفقنا جميعا ان يكون رمضان ده مثمر ومليئ بما يرضي الرحمن عز وجل

alexandrany said...

كل سنة وانتي طيبة يا لماضه
و رمضان كريم

وكل سنة والمدونين كلهم بخير يا رب

Gihad N. Sohsah said...

مممممممممممممممممممم


ليه بس اللماضة دي كلها

أحمد الديب said...

يا فندم كل سنة وإنتي طيبة
أنا متابع لكن أول مرة أعلق
رمضان كريم بقى
:)

صدى الصمت - عاشقة الورد - said...

كل سنة وانتى طيبة ولمضة وحبوبة زى ما انتى ورمضان كريم

أختكم فى الله said...

السلام عليكم

مدونة جميلة اوى
دى اول زيارة ليا

لفت نظرى صورة بوو اللى انتى حطاها ليكى

والمدونة حقيقي عجبتنى جدا

اسمحيلى بمتابعتها تملى

تقبلي مرورى

Unknown said...

مهيج الجماهير
وانت بالصحه والسلامه
موضوع انهينا مناقشته الحمد لله مش عاوزه احرق دمي كده احسن
,,,,,,,,,,,,,,,,,,,,,,
الحلم المصري ميس دريم سابقا
وانت بالصحه والسلامه ياريس
,,,,,,,,,,,,,,,,,,,,,
دردشة على الماشي
اهلا اهلا ايه النور ده
كل سنه وانتي طيبه انا سبقتك منشره 3 بلكونات
,,,,,,,,,,,,,,,,,,,,,,,
جوست
وانت بالصحه والسلامه ان شاء الله رمضان السنه دي احلى
,,,,,,,,,,,,,,,,,,,,,,,,
ابي
كل سنه وانتي طيبه يا بوبي يعود عليكي الايام بخير
فين الفانوس يابت
,,,,,,,,,,,,,,,,,,,,,,,,,
مروة حفيدة فضة المعداوي
كتبته ياختي اقري الموضوع تاني 10 مرات عقابا ليكي انا مقلبتكيش ياختي اذا كنت انا اتقلبت معاكي احنا غلطانين اساسا مشينا ورا كلام العيال ماشي ملحوقه
,,,,,,,,,,,,,,,,,,,,,,,,
صباح الصباح
طيب ياعم ابعتلنا حته لحمه لاخواتك الغلابة اللى هنا كل سنه وانت طيب رمضان كريم
,,,,,,,,,,,,,,,,,,,,,,,,,
زوج مخنوق
ههههههههه ايوه منظرهم بيبقى عيا والله بحسهم زي ما يكونوا عيانين
ربنا يهدي كل سنه وحضرتك طيب يا هندسه
,,,,,,,,,,,,,,,,,,,,,,,,,,,
صاحب المضيفة
ربنا يكرمك كل سنه وحضرتك طيب
رمضان كريم
,,,,,,,,,,,,,,,,,,,,,,,,,,,
السيد رئيس الجمهورية
ههههههه شاطر والله ده انا بسمع بلاوي في صلاة التراويح مش عارفه جايين يصلوا ولا يستقبلوا مكالمات كل سنه وانت طيب يا ريس
,,,,,,,,,,,,,,,,,,,,,,,,,,,
رورو
هههههههه يخرب عقلك حلوة رابسو البلد دي جامده كل سنه وانتي طيبه ومش ناسيه التاج الذهبي بتاعك
,,,,,,,,,,,,,,,,,,,,,,,,,,,,
مهندس مصري
كل سنه وانت طيب يا هندسه ايوه النضافة حلوة برضه
,,,,,,,,,,,,,,,,,,,,,,,,,
دكتور احمد عبد العال
الله اكرم امين يارب يتقبل منا ومنكم صالح الاعمال كل سنه وانت طيب وربنا يرجعك بالسلامه
,,,,,,,,,,,,,,,,,,,,,,,,
بحبك يا مصر
اغسلي يا أروبه انا عاوزاها فول اتوماتيك كل سنه وانت طيب رمضان كريم
,,,,,,,,,,,,,,,,,,,,,,,,,
محمد مفيد
وانت بالصحه والسلامه يا محمد
رمضان كريم
,,,,,,,,,,,,,,,,,,,,,,,,,
مجنون
ايوه غسيل وطبيخ ونقع وغلية ايوه كله عشانك يا مصر
رمضان كريم
,,,,,,,,,,,,,,,,,,,,,,,,,,
طهقانة
كل سنه وانتي طيبه يا عبير ويعود عليكي وعلى طهقان والطهقانين الصغننين الايام بخير وسعاده يارب
,,,,,,,,,,,,,,,,,,,,,,,,,,,
اسكندراني أوي
وانت بالصحه والسلامه يا هندسة واسرتك بخير يارب
ربنا يتقبل منا ومنكم صالح الاعمال
,,,,,,,,,,,,,,,,,,,,,,,,,,,
اسكندراني
وانت بالصحه والسلامه يا هندسة
الله اكرم :)
,,,,,,,,,,,,,,,,,,,,,,,,,,,
صانعة الاحلام
اي خدمه بمناسبة رمضان بقى
رمضان كريم
,,,,,,,,,,,,,,,,,,,,,,,,,,,
احمد الديب
وانت بالصحه والسلامه يا احمد ليه بس مش بتعلق
انا عاوزاك تتلامض معايا على طول
رمضان كريم

Unknown said...

صدى الصمت
وانتي بالصحه والسلامه يا افندم
يعود عليكي وعلى اسرتك الكريمه الايام بخير يارب
,,,,,,,,,,,,,,,,,,
اختكم في الله
يا افندم المدونةوصاحبتها تحت امرك
رمضان كريم
كل سنه وانتي طيبه

(احمد سكر ) said...

كل سنه وانتى طيبه يادكتوره

وطبعا اللى قلتيه دا

عاده من عادتنا

فى رمضان

وفى العيد


ربنا يتقبل ان شاء الله

اخيكى

سكر

محمد فكري said...

موضوع جميل :)
وعاجباني خفة الدم الممزوجة بالواقع :)
كل سنة وانتي طيبه
..............

... said...

تصدقي صح بجد
كله بينفض نفسه بس المشكلة ان كل دة بصورة مؤقتة .. شهر في السنة
كل سنة وأنتي طيبة
ورمضان كريم

بذرة امل said...

كل سنة وانتى طاعاتك اكتر وايمانك اقوى
ياقمر
اختك بذرة امل

Unknown said...

سكر باشا
وانت بالصحة والسلامه يا افندم
ربنا يعود عليك وعلى اسرتك الكريمه الايام بخير وافضل حال
,,,,,,,,,,,,,,,,,,,,,,,,,,
محمود فكري
وانت بالصحه والسلامه
ربنا يخليك ده من ذوقك
,,,,,,,,,,,,,,,,,,,,,,,,,
بثينة
:) الله اكرم
كل سنه وانتي طيبه
,,,,,,,,,,,,,,,,,,,,,,,,,,
بذرة امل
اللهم امين
احنا واياكم يارب
رمضان كريم

Ahmed Al-Sabbagh said...

كل سنة وانتى والأسرة الكريمة بكل خير

ورمضان كريم

وبعودة الايام

تقديرى ومحبتى

أحمد

Anonymous said...

السلام عليكم دكتورة لماضة

ومعانى جميلة أوى معانى الغسيل دى وفعلا ألم يأن لهذا الكون ان ينغسل مما آل اليه

دمتى لنا بخير وصحة وعافية ورمضان كريم ولو حودتى على مدونى ابقى بصى كده على الكلمتين الصغننين اللى مكتوبين عنك فى البوست ويلا سلام

محمد عبد الغفار said...

كل عام وانت لله اقرب

Unique Gurl said...

كل سنة وانتي طيبة
والناس كلها بخير :)

قوس قزح said...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

همس الاحباب said...

كل سنة وانتى طيبة
وبصحة وسلامة
ورمضان كريم
ربنا يتقبل منا ومنكم سائر الاعمال الصالحة
بس برده ما فيش فايدة لماضتك زى العسل

وكل غسيل فى غسيل
بس الاهم هو غسيل الروح فى شهر مضان
تحياتى ودمتى مبدعة يا دكترة

Unknown said...

كل سنه وانتى طيبة يا لماضة

وابليس يهنئكم كمان بحلول شهر رمضان الكريم وبيقولك شهر وراجعلك يا جميل

يا مراكبي said...

حلو قوي البوست بتاع الغسيل ده .. يسلم "فومك" يا مراة إبني

ههههه

أنا كده إتطمنت على بيت إبني


المفروض بصفتك داكتورة كنتي تكملي البوست بفقرة عن "غسيل" الكلى كمان

مهرة سالم said...

السلام عليكم..
كل عام وانتي بخير..
والى الله أقرب..
وعليكم بالدعاء لغسل كل الأعباء

Unknown said...

احمد الصباغ
وانت بالصحه والسلامه
رمضان كريم
,,,,,,,,,,,,,,,,,,,,,,,
جمعاوي
شفت يا باشا تسلم ايدك رمضان كريم
,,,,,,,,,,,,,,,,,,,,,
استاذ محمد عبد الغفار
احنا واياكم يارب رمضان كريم
,,,,,,,,,,,,,,,,,,,,,,
Unique Gurl
وانتي بالصحه والسلامه رمضان كريم
,,,,,,,,,,,,,,,,,,,,,,,,
قوس قزح
امين امين امين
تقبل الله منا ومنكم صالح الاعمال
,,,,,,,,,,,,,,,,,,,,,,,,
خالد همس
تقبل منا ومنكم يارب ويعود عليك وعلى اسرتك الكريمه الايام بخير
رمضان كريم جبت فاونس لهمس ولا لسه
,,,,,,,,,,,,,,,,,,,,,,,,
egyboy
وانت بالصحه والسلامه يا سيدي
مش هنخليه يضحك علينا تاني بعد كده
رمضان كريم
,,,,,,,,,,,,,,,,,,,,,,,,
يا مراكبي
هههههههه اطمن يا حمايا مرات ابنك ست بيت شاطره غسيل كلى وسنان وودان كمان كله هيطلع في الغسيل ان شا ءالله
,,,,,,,,,,,,,,,,,,,,,,,
ام ك
ربنا يتقبل منا ومنكم صالح الاعمال
كل سنه وانت طيب
رمضان كريم

L.G. said...

لماضة
معذرة لم أقرأ التدوينة ولكني احببت أن ازورك على السريع وأقولك رمضان كريم وبعودة الأيام الحلوة

The Führer said...

كل سنة وانتي طيبة يا لماضة .
بوست جميل جدا وبيعبر فعلا عن الواقع ، بس إحنا مغسولين ونظاف من ييجي كدة خمس سنين ،أول م الدكتور نظيف مسك البلد ، وأقسم اليمين علي جعلها أنظف منه .
وأدي إنتي شايفة....
دمت بكل الخير ..ورمضان كريم
تحياتي

Lyssandra said...

كل سنة وانتي طيبة يا لماضة

ورمضان كرييييييييم

انا كنت عند مروة دلوقتي

ولقيتك عاوزة فوانيس والقبض لسه ماجاش

عدي خدي الفوانيس اللي انتي عاوزاها
بس صواريخ لأ

لما تشوفي مروة قوليلها تظهر أحسن لها

هههههههههه


رمضان كريم وكل سنة وانتي طيبة


Lyssandra

محمود الدوح said...

كل الناس بتغسل
وكل دى حملات غسيل

بس سيبك انت
انت اخبارك اية

كل سنة وانت طيبة يا اجدع دكتور

رمضااااااان كريم

عمرو said...

كل سنة وانت طيبة يا لماضة

و رمضان كريم على كل الامة الاسلامية يا رب


بالمناسبة, هتصومى السنة دى ولا زى كل سنة ؟؟!! أظن كفاية كده بقى
!!!!!

:) :)




تحياتى يا لماضة