Tuesday 8 January 2008

يوميات طالب الطب 3

الجثة علينا حق



بداية الفاتحه لموتانا وموتى المسلمين


أول أيام المشرحة

ايه الريحة الفظيعه دي

اكيد المشرحه من هنا

هى دي بقى ريحة النفتالين اللى بيحطوها على الجثث

رحرح : نفتالين ايه اسمها فورمالين

إيه الزحمة دي كلها بت يا رحرح

و فين الجثث اللي بيقولوا عليها
اهية متغطية هناك
أشهد أن لا اله الا الله
طيب يلا نروح نشوفها
غطيها بسرعة تاني الدكتورة جايه تشرح عليها
وبعدين هنعمل إيه في الزحمة دى إنا واقفة في الدور التالت فوق الكرسي إلى فوق الترابيزه ومش شايفه حاجه إيه الحل ؟؟
وبدأت رحلة الكفاح والبحث عن جثه

أول رحلة

الووو (بصوت خافت جدااا) ها يا رحرح اتفقتى مع زينهم عامل المشرحة يجهزلنا المطلوب
وقلتيله ينقي لنا حتت حلوة كده ميكونش جار عليها الزمن وتكون ماسكه نفسها شويه وواضح فيها العضلات والأوردة والأعصاب يعنى حته جديدة كده مش زى اللي إحنا عماليين نبهدل فيها ليل نهار في المشرحة
وخليه كمان يحبشهالنا يحطلنا معاها كام مخ على كام بيت كلاوى
طيب تمام أوى وأنا جهزت الأكياس السودا اللي هنجيبها فيها بس ياريت تجيبي كام ازازه فاضيه يحطلنا فيها شوية فورمالين عشان متنشفش مننا
عال أوى لا الحمام بتاعكم فيه بانيو بس ضيق هانجبها عندنا الحمام بتاعنا أوسع شويه نحطها فيه ونبقى نذاكر في الاوضه عندي
وإذ فجأة صوت صراخ في صرصور ودنى التانية : انتى بتعملى ايييييييييه وإيه اللي عاوزه تجيبيه ده عاوزه تجيبيلنا قتيل في البيييييييييت
يا ماما قتيل إيه بس ده حتى مش جثه كاملة دى قطع بس منها هنذاكر عليها ونرجعها مهو أصل الكلية
ماما : لا أصل ولا فصل على جثتي
لا يا حبيبتي جثتك متنفعش لازم جثه متشرحه أمال نذاكر ازاى اسقط يعنى
ماما : الحق يا أبو لماضة بنتك عوزه تجيبلنا قتيل في البيت
بابا : ودي هتشيليها ازاى من المشرحة للبيت انتى عارفه لو اتمسكتى بيها في الشارع هيتعملك قضيه
لا يا بابا متقلقش إحنا مرتبين كل حاجه
ماما ( تشطاط اكتر واكتر ): هي دى كل الأزمة تجيبها ازاى
!!!وبعدين بقى حد قالكوا دخلوني طــــــــــــــــــــــــب؟

الرحلة التانيه

اضطررنا آسفين نروح بدري جدا أو بعد انتهاء ساعات السكاشن متأخر جدا عشان نستفرد بالمشرحة ونقدر نذاكر هناك ونشوف من غير زحمة وطبعا مكناش نقدر نعمل كده من غير ما عم زينهم ياخد الأوبيج

ها يا زينهم جهزت لنا المطلوب
زينهم : كله تمام تعالوا بنفسكم والحته اللي تتشاوروا عليها هطلعهلكم
لا إحنا لسه هنشاور افتحلنا أنت بس الحوض وأنا هطلع
استعنا على الشقى بالله ما تسندوا معايا يا إخوانا مش شايفينى شايله دراعات بأديا الاتنين
ناوليني الصينية دى يا رحرح اطلع عليها الكبد والعيون دى هاتلي يا زينهم الرئة اليمين دى والقلب ده حلو كمان طلعه

زرزر : مش هنفطر الأول
نفطر إيه لا عشان منضيعش وقت قدامنا ساعة والسكاشن تبدأ هاتى السندوتشات ناكلها وإحنا شغالين


,,,يتبع ان شاء الله

48 comments:

мσнη∂ιš said...

لولولولولولولوللي أنا الأول

نفسي أقوليك حاجة واحدة بس :

يــــــــــــاي سورااااااااااااج جصدي أكول سوفاج

و كان عندك نفس للأكل كمان؟؟؟ ياااااااااااااي
يوووووووووووووي
ييييييييييييييي

Anonymous said...

يااااااااااااااااااه
تاني تعليق اهو
الحمدلله اني بيطري ...... طول عمري مش قادر اتخيل منظر الجثث ده وبقعد اقول لزمايلي الحمد لله يا ولاد ان احنا مش بشري ..(مش قصر ذيل والله)
بس فعلا مش قادر اتخيل
فالحمد لله ان جعلني بيطرياً
دمتي بكل خير

مفلس افندى الرايق said...

فكرتينى بايام الجامعه وريحة الفورمالين هههههههههههههه ايام تقرف

يلا ربنا معاكى واشوفك اشطر واشطر
وكل يوم ف المشرحه تشرحى وتفعصى واحنا بنفطر
بس ياترى لو قولتى يا جواز
مين يقـــــــــدر؟؟
ههههههههههههه

عصفور المدينة said...

فعلا كان أصدقائي أيام الدراسة بيحكوا نفس هذا الفيلم المرعب والذي يتخلله تناول السندوتشات وتشقيط قطع الجثث لبعضهم لمعاينتها

حسبنا الله في التعليم البدائي

Unknown said...

الله يسامحك فكرتيني بريحة الفورمالين
احنا كان عندنا في مادة التشريح الراس والرقبة بس
كنت بابص للراس ويتهيألي ان صاحبها بيبصلنا بعنيه

ا بـن عــمــر said...

المهم
أخرتكم ايه
200
جنيه
فى الشهر
يا بلا ش

أحمد سعيد علي الدين said...

ايه ده ممكن حد يعمل الحاجات دي
أنا لو مكانك بلاها تعليم خالص
مالها ريحة البصل والطبيخ
على الأقل أحسن من الجثث والفورمالين

Ahmed Mubarak said...

انا دلوقتي اتأكدت ليه الزوجات بتستمتع بتقطيع أجوزهم ويحطوهم في اكياس سودة..
علشان يبيعوهم لسيادتكم ويخدوا قرشين..

ارحمونا ..

son's egypt said...

السلامعليكم
شكلك وانتي بتنقي الجثث زي ما يكون واحد بينقي حاجة حلوة او شويه خضار
مستني الباقي

3ala asm masr said...

ربنا يعينك
ويوفقك

مهندس مصري بيحب مصر said...

يع
ايه البوست ده
يع
فورمالين و جثث
يا قلبك يا بنتي
مش قادر أعلق

خمسة فضفضة said...

السلام عليكمورحمة الله وبركاته

ههههههههههههههههه
انتي كارثه يالماااااضه
والله يابنتي مش عارفه امسك نفسي من كتر الضحك وعنيا مدمعه ومش شايفه حاجه قدامي
حرام عليكي اللي بتعمليه فيا ده
هههههههههههه
وايه زرزر دي روخره احنا في ايه ولا في ايه دلوقتي
الله يكون فعونكم
مستنيه الباقي بس بسرعه

tota_fm said...

بجد يا لماضه البوست ده تحفه اوى انا عجبنى جدا
اهم حاجه الاكل كان طعمه حلو
كل سنه وانتى طيبه وتحققى كل اللى بتتمنيه
بالتوفيق دايما

د/اجدع بنوته said...

فكرتينى باايام المشرحه وعم على
هتلاقيه ابن عم زينهم بتاعكم ههههههه

والوقفه ع الكراسى المخلعه فوقق الجثه

وكل ده

سيبك انتى انا حصلى موقف عمرى ماهنساه ف عمرى كله

كنت واقفه ع رسى ملخلخ وجت واحده م ورايا وهزته وروحت واقعه فوق البنات اللى قدامى وايدى دخلت ف القفص الدرى للجثه ووشه وقع ع الملايه اللى مغطيه بقية جسمها

انا لقيت كل البنات اللى وقعت عليهم بيصوتوا ياااااااى قرفولى سلف لا حول ولاقوة الا بالله

ذكريات لا يمكن نسيانها والله

ويتنج الكماله

مروة الزارع said...

أووووووووووووووووع
أووووووووووووع

حرام عليكى جبت كل اللى فى معدتى

سندوتشات اية اللى هتاكلوها وانتوا شغالييييييييييييين

عاااااااااااااااا
عاااااااااااااا

انا خافية جدا

مرعوبة

تخيلت الموقف كلة

يا قلبك يا لماضة

احمدك يارب انى مدخلتش الطب

انا قايمة اصلى ركعتين شكر لية

Unknown said...

قال و بابا كان نفسه و منى عينه انى ادخل كلية الطب ، طب الحمد لله انه محصلش ربنا يكون فى عونك يا شيخة

كل سنة وانتى طيبة و بمناسبة السنة الهجرية و تسمحيلى بالمساحة الاعلانية دى ؟
طب يا ستى متشكرين :)))))

-----------------

صاحب البوابة http://elbawaba.blogspot.com/ يدعوكم لحضور حفل أفتتاح دار النشر الخاص به ، حلم شاب تحقق بأمكانيات بسيطة - تجربة تستحق التشجيع - فى انتظاركم غدا الحميس 10 \ 1 \ 2008 الساعة السادسة مساءا فى مكتبة البلد 31 ش محمد محمود أمام الجامعة الأمريكية

Hannoda said...

آآآآآه يا بطني

أنا مش متخيلة ان ده بيحصل .. الطب علم تحفةو بيقدم للانسانية خدمة لا تقدر .. ولولا كده كان زمان ي كرهت الأطباء
هههههههههههه

بس عموما مش مشكلة مادمتي انت قدرتي تتأقلمي مع الوضع يبقى ما فيش مشاكل
حاحاول أقتنع ان مافيش مشاكل

يا بنتي نستيني أقولك انك واحشاني جدا على الآخر

اسكندراني اوي said...

ايه يا دكتوره اللي انتي بتقوليه ده
سندوتشات ايه اللي حتكلوها جوا المشرحه وانتو شغالين
اللي يسمع كده يقول بيعمرو ماتور ري
مش لحوسه ودم وفورمالين
يا شيخه حلاام عليكي
ادي اللي جالنا من الطب وسنينه

السـيد شبـل said...

موضوع هايل وتمنياتى بالتوفيق

ممكن استغل المساحه للاعلان عن موضوع غايه ف الاهميه



ادعوكم لزيارة مدونة


السيد شبل ... بلا اسم

www.bela-esm.blogspot.com


للتعرف على اهم مبادره للتقريب بين الاخوان والناصريين وايضاح صوره كامله حول الاشتراكيه الاسلاميه




لكم خالص تحياتى وتمنياتى بالتوفيق

السيد شبل

DR.HAMAS said...

هههههههههههههه

فكرتينى بأولى و تانية طب

ده انا قعدت الترم الاول كله من أولى

مقربش للجثث

و أتفرج من بعيد

لحد ما اضطريت أقرب و أمسكهم كمان

عشان الامتحان

مهو لازم
identification

هههههه

ربنا يستر على الجداد

و فى انتظار التكملة



د.حمــــــاس

Soooo said...

هههههههههههههههههههه

هي فيها يتبع

هههههههههههههههههههههه

يابنتي نفضي للكليه والفورمالين واسمعي كلامي ونزلي المذكرات دي في كتاب زي غاده صاحبه مدونة عايزه اتجوز

والله احسنلك مية مره

اعملو حسابي في السنادوتشات .. هاتيلي اتنين كبده ولو في طحال شغال
ولا اقولك .. هاتو عيش وانا هعمللك كبده اسكندراني من بتاعة المرحوم بس هتعجبكم قوي



سلامووووووووووووووز

دكتور حر said...

انت طلعت منهم يا لماضه

ههههههههههههههه

الله يسامحك

الواحد فعلا مينساش أول مره شاف الجثث
وكمان لما قعدت افكر ان دول بني آدميين زينا تمام نايمين على التاربيزات بتاع المشرحه


كان نفسي كمان تتكلمي على الانطباعات الأولى للطلبه المختلفه

ولا البنات اللي بيفترو على الجثث واحده واحده بعد الصبيان ما يكبروا دماغهم
لححد ما كنا بنراجع تشريح في الجراحه

لقيت واحده بتقول التاني

ازقلي الدارع يا يا أمييييره

منكم لله


ومتظر تجربتك دي
ماشي
وربنا ما يجيب قفش يا ستي ان شاء الله

Unknown said...

البشمهندس
يا سيدى اول ولا تانى كل التعليقات هنا بتفرحنى
كان عندى نفس لاكل جدااااا
,,,,,,,,,,,,,,,,,,,,,,,,,,,,,,,,,,,
دكتورخليفه اخو الدكتور حر
هههههه لعلمك بقى كانت احلى سكاشن
ولله ما كانت بتخوف كده زى ماالناس متخيله لان فعلا تحسها حاجه مش طبيعيه
بس كان همنا نتعلم كويس جدا مهما كانت الظروف ونبقى دكاتره كويسين
,,,,,,,,,,,,,,,,,,,,,,,,,,,,,,,,,,,
مفلس افندى الرايق
انا موت من الضحك
والله يابت يا لماضه وبقى يتقال فيكى شعر ههههههه لا اطمن هقوله على كل حاجه عشان يبقى على نور
بس مين يقدر على رايك سبع صنايع
,,,,,,,,,,,,,,,,,,,,,,,,,,,,,,,,,,,
البمشهندس عصفور
واسمحلى اطلق على حضرتك ابى
لان بعز والدى جدا وحضرتك بمثابة اب ليا فى التدوين حقيقى مش بكبرك فى السن بس مقامك كبير عندى ربنا االعالم
والله ا ابى ما كانت تخوف خالص يمكن كانت مقرفه شيه بس احنا كان عندنا اصرار رهيب فى التعلم واننا نكون داتره كويسين بنحاول نتحدى اى صعاب ممكن تقابنا
,,,,,,,,,,,,,,,,,,,,,,,,,,,,,,,,,,,
دكتوره مناجاه
ههههههههه اللى يبصلك بعين بصيله بالاتنين
,,,,,,,,,,,,,,,,,,,,,,,,,,,,,,,,,,,
ابن عمر
يا ستااااار يارب
انت باصص فىالمرتب من دلوقتى كماااااااان ههههه يا سيدى رضا بس نطولهم
,,,,,,,,,,,,,,,,,,,,,,,,,,,,,,,,,,,
نور الازهر
ههههه حلوه طبعا ريحة الطبيخ ومفيش احلى من كده بس تقول ايه بقى فى عقلنا مصريين نبقى دكاتره شاطري ونغير اوضاع غلط حتى لو قدامنا مليون سد نكسره
صحيح انتوا طباخين ايه النهاردة .؟؟
,,,,,,,,,,,,,,,,,,,,,,,,,,,,,,,,,,,
احمد مبارك
انت عاوزنا نسقط يا احمد ولا ايه
مش كفايه الكليه وزحمتها
خلينا نسترزق قصدى نتعلم
,,,,,,,,,,,,,,,,,,,,,,,,,,,,,,,,,,,
ابن مصر
فعلا مين قالك
كنت بفرح قوىلما اطلع حته مش متبهدله كده وباين فيها كل حاجه
ضحكه شريره
,,,,,,,,,,,,,,,,,,,,,,,,,,,,,,,,,,,
على اسم مصر
الله يخليكى يا جميله
,,,,,,,,,,,,,,,,,,,,,,,,,,,,,,,,,,,
مهندس مصرى
متعلقش اتلامض وامشى
عندى حته من الريش تاخدها
:)

Unknown said...

دكتوره فضفضه
هههههههه والله انا ضحكت على ضحكك
زرزر دى واحده صحبتى من ايام المدرسه والكليه وسميتها كده عشان هى حمقيه ونرفوزه شويه هى عارفه ان سميتها كده على فكره وقعدت تضحك
,,,,,,,,,,,,,,,,,,,,,,,,,,,,,,,,,,,
توتا اف ام
الله يخليكى وانا مبسوطه انه عجبك
والله الاكل عنى اصلها كانت سندوتشات جبنه
,,,,,,,,,,,,,,,,,,,,,,,,,,,,,,,,,,,
اجدع دكتوره بنوته
ههههههه انا اللى وقعت على الكرسى من كتر الضحك ومتخيله الموقف خدى من ده كتييييييير بس الحمد لله ان كنت بقف على الكرسى بس بعد م احطه فوق التابيزه كمان كنت بلمس السقف بايدى
اصل اختك فى الارض استرى عليا
,,,,,,,,,,,,,,,,,,,,,,,,,,,,,,,,,,,
مروة سلطه
طيب ادعيلى دعوتين حلوين كده وانتى بتصلى
والله يا مروه ما فيها خوف خالص انا حاولت اكسر الحاجز ده عند الناس
,,,,,,,,,,,,,,,,,,,,,,,,,,,,,,,,,,,
عاليااااااا
يا ستى بعد ايه ما انتى اخدتيها المساحه خلاص كنت ناويه افتحها على البلكونه عندى
يا قمرالمدونه وصاحبتها كلها تحت امرك ويارتنى اقدراجى واشارك معاكى بس انا عارفه بابا عمره ما هيرضى بالتوفيق يارب
,,,,,,,,,,,,,,,,,,,,,,,,,,,,,,,,,,,
هنووووده
اخيرا يابنتى حد سمعلك صوت قلقت عليكى
هههههه هو انا اتأقلمت على الوضع وبس ده انا خلقت ظاهره كمان
والله كانت ايام جميله تحسى ان التعليم مجاش بالساهل
متغيبيش كتير كده عشان بتوحشينى
,,,,,,,,,,,,,,,,,,,,,,,,,,,,,,,,,,,
اسكندرانى اووووى
هههههههههه والله يا اسكندرانى ما فى دم خالص اصلا شكلها مش طبيعى
بس كان بيجيلنا نفس ناكل الحقيقه
طيب بذمتك لولا كفاحنا واصرارنا اننا نتعلم صح ونعمل اللى علينا بما يرضى الله عشان لما نكشف على عيان نعرف احنا بنعمل ايه ولا كنا نخاف ونكش ونشيل ا دينا ونموت فى الناس لاننا عمرنا ما شوفنا عشان كنابنخاف ايام لمشرحه او بنقرف
طيب تعرفمنالمواقف اللى عمرى ما انساها وموتتى من الضحك
مره كانت واحهزميلتى واقفه بتاكل بسكوت والتانيه بتشرحلنا ومنهمكه جدا ومتاثره بالشرح جامد وهى بتشاور بالملقاط قامت واخده نسله من الجثه وطارت وقعت فى باكو البسكوت اللى البت بتاكله عادى جدا قامت وخداه وراميه البسكوته اللى وقعت عليها الحته دى ومكمله اكل
وانا ميته من الضحك للدرجه دى انعدمت عندنا نقطه القرف والخوف
ودى اشاره حلوه فى الطب على فكره لان ساعة المواقف الصعبه وفى ايدك انسان بيموت اكيد هتفيد
ولا ايه؟ اعترف بقى ان الطب حاجه حلوه
:)
,,,,,,,,,,,,,,,,,,,,,,,,,,,,,,,,,,,
السيد شبل
ههههههه ايه الاستغلال ده
انا بعد كده هاجر المساحه
الساعه بربع جنيه والحسابه بتحسب
استغل يا باشا ولا يهمك المدونه وصاحبتها تحت امرك
وانا اكمان هروح اشوف ايه احكايه دى ياريت والله دى فكره جميله
,,,,,,,,,,,,,,,,,,,,,,,,,,,,,,,,,,,
دكتور حماس
انت بتتكلم جد طول السنه ممسكتش حاجه
وش مبرق
كنت تعلاالى طيب
ههههههه
ربنا وفقك يارب ويوفقك كل الشباب الجداد
,,,,,,,,,,,,,,,,,,,,,,,,,,,,,,,,,,,
الراجل العجوز الطيب سوووووووو
ههههههه تفتكر هتجيب فلوس الحكايهدى متجربه يعنى
طيب ما تنفعنا يا سيدى اا معاك
انت بالنبوت وانا بالفورالين
كبدة اسكندرانى ايه عيب ده واجب علينا
تعالى انت بس وملكش دعوه
,,,,,,,,,,,,,,,,,,,,,,,,,,,,,,,,,,,
دكتور حر
ما انا مردتش اقول ايه الاحساس
عشان انت كنت اول واحد هتزعل منى
بس هقولك لان ده اللى حصل فعلا
والله بجد بس مردتش اكتبها
اول ما الشرح خلص وجه وقت الجثه والشرح عليها لاقيت البنات جريوا شالوا الملايه والولاد طلعوا يجروا بره المشرحه وواحد اغمى عليه والبنات شالوه
هههههههههههه
والله يا دفعه كان عندنا نهم وتحدى غريب على التعلم الصح واننا نبقى دكاتره كويسين مهما كانت المعوقات
اهى اميره دى جدعه والله
هههههههه

Rain man said...

لماضة

هو ايه اللى نعم ؟؟
لسه فى كلام هقوله استنى عليا
ال نعم ال
الظاهر كده انى حزين بالفطرة
حتى و انا بضحك دلوقت عيونى دمعت
انتى عندك كمية سخرية يا لماضة
ما وردتش على اوسكار وايلد شخصيا
و متسألنيش مين اوسكار وايلد لانه اسم جه على دماغى و خلاص
فبلاش احراج
..
اسف لو كنت مقصر بس ظروف و الله
يالا مستنى الباقى

اسكندراني في الغربة said...

بعد الضحك وخلافة في سؤال واحد بيلح عليا
اية نوع السندوتشات الي اكلتيها
1- لحمة راس
2- فشة و كلاوي
3- مخ

السؤال اجباري و مفيش استعانة بصديق

aya said...

يا قلبك يا لماضة

انتى بجد وقفتى وسط الحاجات ديه

يا ليلة بيضا

الحمدلله يارب على الكلية بتاعتى
مالها المكتبة والابحاث

ال جثث ال

ربنا يعينك يا بنتى

لا اله الا الله
سبحان من له الدوام

انا مستنيا
بس ابقى ا\ينى خير عشان ااقراها الصبح

Anonymous said...

يااااااااااااه والله كانت أيام يا لماضة..أنا عامة مكنتش باحب المشرحة..وكنت باكتفي بمدرجات الدرجة التالتة وربنا كان بيسهلها في الامتحانات.... بس الناس متضايقة من المشرحة أمال بقى لما يوصلوا لسنة تالتة مع البارا والفارما ولا أيام راوندات الباطنة حيقولوا ايييييييييييييييه

3ashry said...

هناكل و احنا شغالين

الحمد لله ع نعمة صيدلة

دنيتى الجميله said...

انتى لمضة لماضة يا شيخة فكرتينى بواحدة عندها خمس سنين وشكلها هتكون خليفتك فى اللماضة ويريت نكون اصدقاء من النهاردة وبالهنا والشفاء على السندوتشات ويارب اشوفك دكتورة شطرة مش زى دكاترت اليومين دول

Desert cat said...

يعععععععععععععععع
تفطروا وانتوا شغالين
ده انا لو شوفت حد متعور نفسى بتغم عليا واروح ارجع ولا اللى فى شهور الوحم الأولى
ومرة واحد خبطته عربية قدامى هى كانت خبطة خفيفه والراجل قام وقف على رجليه تانى وانا اللى اغمن عليا
اه والله اغمن عليا اغمن عليا
الناس سابت الراجل اللى العربية خبطتته وقعدوا يفوقونى انا
استنى متكمليش دلوقتى على ما اروح ارجع واجى

بحبك يامصر said...

الواحد دايما يوصل متأخر يمكن ده يكون من حسن حظه..اهى الخضه تقل شويه
وبصراحه انا مش متخيل ان تكون جثة بنى ادم تكون محطوطه والناس بتفعص فيها كده ..لا وتاكل كمان

hazem shalaby said...

يعنى كويس الرعب اللى عاملاه فى المنطقة ده انا من ساعة ما قرأت البوست ومش عارف ارجع مدونتى تانى و خايف اطلع فى الشارع لوحدى افضل محبوس عندك هنا و لا ايه يعنى .. فكرتينى لما دخلت مع ابن خالى مشرحة كلية طب طنطا .. قال يعنى عازمنى فى الاوبرج .. فضلت اسبوع مش عارف اقرب من الاكل ومنظره وهو شايل الدراع من الصوابع و ماشى بيها تقوليش شايل بوكيه ورد .. بلاش التشريح الله يكرمك و خليكى فى لانف و الاذن و الحنجرة .. تحياتى يا صاحبة اللسان الطويل

رئيس جمهوريه نفسى said...

اسلوبك شيق بجد ويوميات رائعه وانا بقرى اليوميات دى حمده ربنا انى فرقت معايه 35% بينى وبين كليه طب رغم انى كنت ادبى

بيتنا القديم said...

نفطر..!!
.
.
.
يانهار اشباح وارواح..!!
هو انتو بعد ده كله ليكو نفس تفطروا
واحدة واحدة بس..هو انتو كنتو بتشرحو حزمة فجل يا جماعة..كبدة ورئه وعكاوي وفشة..وناوليني الصينية من عنيا يا معلمة وانت ياض يا زينهم فيش الهوامش..!!
علي فكرة الدكاترة مشروع مجرمين متحضرين مثقفين وقتالين قتلة..ولو المجتمع مدهمش "الأوبيج" يبقا المشرحة هتزداد قُتلة..!!
بجد انتو رجاله عشان انا من الوصف امعائي مكلبشة في اعوري والاتنين مستخبين ورا الكبد اللي متشعلق في الرئة اللي مدارية ورا القصبة الهوائية من الرعب..!!
(:
ربنا يكتر من امثالكم..!!

Unknown said...

الناس بطنها وجعتها بس من السيرة دة احنا لينا الجنة على كدة

محمد علي باشا said...

براحه علينا يا دكوره مش كده دا أحنا ما عدناش نخش على المدونه ده تاني أصل إحنا بنخاف وبكده مش هنعرف ننام ياريت البوست الجاي يبقى فيه حاجه تشرح مش تشرح (الأولى تشرح الصدر) والتانيه(تشرح جته) ههها
مع أرق تحياتي
والسلام عليكم

موجة said...

سلام قولا من رب رحيم
الحمد لله اني منا دخلتش طب
طب ؟
طب ازاي .. الحمد لله اني كنت ادبي اصلا
ههههههههههه
ايوه اصلا
ايه يا بنتي القسوة دي
دا انا بدات احمد ربنا على كلية اقتصاد اللي رزقني بيها
لا جثث ولا تشريح
خالص تحياتي
طبعا بوست جميل مستني تكملته

Amr Ahmed said...

ههههههههههههههه

طب والله زي الفل

انا كنت فاكر انكو خايفين بقي وبتاع

بس ما شاء الله
بتفكريني بواحد بيقول
طالب الطب اول مايدخل المشرحة بيبقي مرعوب وكده

وبعدين بيفطر وهو بيشرح

ههههههههه

ربنا يوفقكم

أمير القلوب said...

ربنا يسامحك
وتفطروا كمان
شوية شوية حتقولي أنا جبت جثة البيت
على العموم كل عام وانت بخير
تقبلي تحياتي

ابن رشد said...

و كمان كلتي و الله انتي بنت حلال و عسولة بس كويس بدل ما هتتعاملي مع الاحياء تعاملي مع الاموات

Unknown said...

رجل المطر
ولا يهمك امسح دموعك واضحك تانى
,,,,,,,,,,,,,,,,,,,,,,,,,,,,,,,,,,,
اسكندرانى متغرب
سندوتشات جبنه بيضا دومتى الله كانت بتيجى فى الاعلانات
,,,,,,,,,,,,,,,,,,,,,,,,,,,,,,,,,,,
ايويه
يابنتى كتب ايه ووجع قلب
تعالى اخدك رحله عندنا هتتبسطى اوى
,,,,,,,,,,,,,,,,,,,,,,,,,,,,,,,,,,,
انووووشه
ههههههههه متقلقيش كله جاى
كل حاجه هنشرها اليوميات بتتابع السنين متقلقيش ربنا يستر على الناس دى
,,,,,,,,,,,,,,,,,,,,,,,,,,,,,,,,,,,
خوليو
ما بلاش انتوا يا بتوع صيدله بتشرحوا صراصير وفيران على الاقل احنا شغلنا على بنى ادمين نورت يا خوليو والله
,,,,,,,,,,,,,,,,,,,,,,,,,,,,,,,,,,,
دنيتها الجميله يارب على طول
ربنا يسمع منك يارب الدعوتين
دعوة البنوتهتبقى احسن منى فى اللماضه كمان ودعوة ابقى مثال كويس للدكاتره يارب مش زى النماذج السيئه
طبعا يا قمرتى اصحاب من غير ما تقولى
,,,,,,,,,,,,,,,,,,,,,,,,,,,,,,,,,,,
قطة الصحراء الغربيه والشرقيه وبر مصر
ههههههههه ضحكتينى والله يا ستى والله الموضوع بسيط جدا تعالى بس زياره اخدك افرجك وملكيش دعوه
خدي نص لمونه اقرشيها وتعالى
نورتى يا جميله


,,,,,,,,,,,,,,,,,,,,,,,,,,,,,,,,,,,
بيحب مصر وانا كمان بحبها
ههههههه معلش بقى نفس نقول ايه
,,,,,,,,,,,,,,,,,,,,,,,,,,,,,,,,,,,
استاذ حازم
ههههههههههه فين الرعب بس امال اللى انت كاتبه عندك يبقى ايه والله قريبك ده واد جدع
مين فتن عليا وقالك على طولة لسانى ربنا اخد من طولى وحط فيه للاسف نعمل ايه بقى قدر
,,,,,,,,,,,,,,,,,,,,,,,,,,,,,,,,,,,
رئيس جمهورية نفسه المتحده
والله انتوا اجدع ناس بتوع حقوق دول
كانت رغبتى التانيه بعد طب
,,,,,,,,,,,,,,,,,,,,,,,,,,,,,,,,,,,
صاحب البيت القديم
ايه ده كله
ههههههههههههههههههههه
الف لا بأس عليك
طيب اذا كان كده لازم اجى ازورك واعمل الواجب واجيبلك فى ايدى رجلين وانا جايه واجب الزياره بقى
,,,,,,,,,,,,,,,,,,,,,,,,,,,,,,,,,,,
محمد
هههههههه طبعا ومن اوسع ابوابها كمان
,,,,,,,,,,,,,,,,,,,,,,,,,,,,,,,,,,,
محمد على باشا
ولا يهمك يا باشا انت تأمر والله البوست الجاى ان شاءالله استراحه وبعدها نكمل عشان خاطرك بس عشان تيجيلنا الترب تانى قصدى المدونه
:)
,,,,,,,,,,,,,,,,,,,,,,,,,,,,,,,,,,,
موجة بتزق موجه
والله اكل العيش مر نعمل ايه بقى
كان لازم نعمل كده والا عمرنا ما كنا هنتعلم ونبقى دكاتره بتفهم للاسف
يلا معلش فيه تحسين
وخد مستور رفيع يمكن تدخل طب وابقى تعلالى اشرحلك
:)
,,,,,,,,,,,,,,,,,,,,,,,,,,,,,,,,,,,
عمر محمد
جبت المقوله دى منين
اوعى تكون فى طب ومتخفى
ههههههه نفطر بس ده احنا كنا بنتغدى ونتعشى فيها كمان
,,,,,,,,,,,,,,,,,,,,,,,,,,,,,,,,,,,
امير القلوب
اقرا بس البوست تانى
هتعرف انى كنت برتب انى اجيبها البيت فعلا واتقفشت فى اخر لحظه للاسف متقلقش كل الطرق سلكناها
,,,,,,,,,,,,,,,,,,,,,,,,,,,,,,,,,,,
شمس
اكلت وبعد ما خلصت طلعت شربت عصير قصب كمان
:)))

أُكتب بالرصاص said...

تفطروا وانتو شغالين؟

يا قلبك ؟؟؟؟
يا عينك يا جابايرك



عادي كدا؟

وبعدين دلوقت انا ليه عرفت سموها
مشرحة زينهم
؟
قصدهم
مشرحة عم زينهم

Unknown said...

استاذ تامر الكاتب بالرصاااااص
فينك من زمان
والله كنت مستنيه تعليقاتك
ورايك فى مشروع اليوميات ده
هو احنا كنا بناكل سندوتشات وبس
ده احنا كنا شويه شويه وهناكل الى الجثث من المذاكره
المهم نتعلم
على فكره عم زينهم بيسلم عليك
:))

أكتب لأعبر عن حقوقي said...

عاوزا تاخدي جتت للبيت

وامك ترضى؟؟؟؟؟؟؟؟؟؟؟؟؟

اختي بتدرس بالطب جابت عظام عشان صاحبتها امها مارضيتش تدخلها للبيت قام اختي شهامة منها يعني قالتلها هاتيها وتعالي ندرس بالبيت سوا
قامت امي قالت لاختى ياسلام وانتي اصلا مين قالك اني حوافق تدخلي بيهم دا طبعا الحوار ع باب البيت اجيت انا ايه في ايه بس
جايبلنا عظام معاها اختك اه اي صح لا ياماما هيدول مش حقيقيات هيدول بيعملوهم للدراسة بلاستيك يعني قامت اختي مبتسمة اي صح بلاستيك
قامت فاتت طبعا اختي للاوضدة تبعها
يلا ياحلو دخلتك للبيت وكذبت ايدك على الحلاوة ههههه
قامت قالتلي تعي بشرحلك على العظام
بتعرفني بحب اتعلم كل ما هو جديد
فوافقت
بس لو كانت الحكاية جتت اكيد مش حوافق
عظام اوكي

بس جتت :-) عاوز امك ترضى تدخلهم للبيت ههههههه ازاي بقى

Unknown said...

DamnGirl
ههههههههههههه
حصلت معايا موقف مشابه ليه برضه
هما طلبة الطب تقريبا كلهم كده
نورتينى يا جميله
:)

Anonymous said...

اوعى تكونى اتلغبطتى وانتى بتاكلى :))

ده انتوا بتتعبوا اوى ايه ده
ده انا كان بيجلى تشنجات وايدى بتقف فى السكشن بتاع الضفادع وقلتلهم استحاله امسكها ولو جات فى الامتحان سقطونى مش مهم
تقوليلى بنى ادمين

روز

Anonymous said...

انا نفسي افهم انتوا بتشوفو الجثث فين ده انا بقالي 6سنين في طب المنصورة نفسي ومني عيني اشوف جثة واحدة ده انا في التشريح قضيتها تخيلات