Sunday 13 January 2008

اسبرين



تحديث

لم اقصد الدعاية للأسبرين وانما قصدت مجرد رمز كمسكن لبعض مشاكلنا والآمنا هذه الايام



لو جالك فى يوم الآم ومعرفتش تنام خدلك اسبرين




لو خايف تكون عيان خدلك اسبرين




لو صحيت فى يوم بردان خدلك اسبرين




لو مسافر اومهاجر من غربتك تعبان خدلك الاسبرين




لو مصدع او حزين خدلك اسبرين




لو عديت الاربعين خدلك اسبرين




لو زاد ضغطك فى يوم خدلك اسبرين




لو هتحكم مية مليون اوعى تنسى اسبرين


على جنب كده : يا جماعه ده لا هو شعرولا هو قافيه ده بس شوية لماضة بلا قافيه

37 comments:

Unknown said...

معلش يا جماعه اصل فى ناس نفسها موعت من البوست اللى فات
قلت اديكوا اسبرينه اهو اى مسكن
لحد ما اليوميات الجديده تنزل
وبحظر منها من دلوقتى
انا غير مسئوله

الجرعه
حبايه يوميا بعد سندوتش الفول
بالشفا ان شاء الله

دكتور حر said...

يا فتاح يا عليم
يا رزاق يا كريم عالفجر

حد فيه دماع يتلامض الفجر كده

وبعدين يا دكتوره مش تجيبي درس الاسبرين على بعضه

ولا سيبك هو حد في دماغه

في انتظار اليوميات بشغف ان شاء الله

دمتي بكل خير

عصفور المدينة said...

الصيدلية قافلة والراجل اللي تحت بتاع الفول قال لي خمس دقايق على ما يجهز وانا عديت الاربعين اعمل إيه دلوقت

Unknown said...

دكتور حر
هههههههههه مهى دى بقى ساعه الفجريه معلش بقى انا سمعت نص الدرس سمع انت النص الباقى اهو نشيل بعض برضه ربنا ما يوقعك فى زنقه
ان شاء الله انزلها متقلقش بس لاقيت الناس جابت كل سندوتشات الفول والطعميه قلت اديهم مسكن برضه الرحمه حلوه
,,,,,,,,,,,,,,,,,,,,,,,,,,,,,,,,,,,
بابا عصفور
اممممممم نعمل ايه دلوقتى
طيب ابعت لحضرتك قرصين طعميه وابقى اتصرف فى قرصين الاسبرين
:))

Anonymous said...

ياااااااااا سبحان الله على القدر
انا زهقت من الاسبرين وكل المسكنات بجد
ده لسه امبارح كان جايلي سؤال في امتحان الفارما نصف السنة
classify NSAIDS Give their Ph.Actions And Their Adverse eFFECTS?
المهم مكنتش فاكر بجد من الأدفرس ايففكت الا الاسبرين قوي وتأثيره على الحمل.....
لا لا وبصراحة النوفالجين كمان وتأثيره على الهيموبيوتيك اورجانس
على العموم بوست رائع ودعواتك
دمتي بكل خير
أخو دكتور حر

الربان said...

تحياتي

لا شك ان الاسبرين له فوائد عده...اشهرها انه مسك للألم.

أنا لست طبيب او صيدلي لكن من معلوماتي الطبية المحددودة...ارجو ان أنبه الي ان استخدام الاسبرين بصفة مستمرة له أضرار علي المعدة...ممكن يتسبب في قرحة لا سمح الله...
أيضا له تأثير علي الدم...فيمكن للاشخاص الذين لديهم سيولة في الدم يكون الاسبرين ضار بهم...لانه من الممكن ان يتسبب في نزيف داخلي.

ارجو من الجميع ان يعلم بعض المعلومات الطبية الخاصة به...مثل مستوي السكر في الدم...الضغط...سيولة الدم...و ان تكون هذه المعلومات مكتوبه و يسهل الرجوع اليها في وقت الحاجة من قبل المختصين....

تحياتي و اشكرك علي الموضوع .

خمسة فضفضة said...

السلام عليكم ورحمة الله وبركاته


الصيدليه فتحت اهو يا لماضه ، وعم عبده بتاع الفول اللي قدامنا فاتح من الفجر ، ماحدش بقي له حجه
:-D
عموما ياستي تضامنا مع زوارك البلوجاريه الكرام ليكو مني علبة اسبرين 200 قرص هديه بس ياريت كل واحد ياخد قرص واحد بس ومايحفش ويراعي زمايله البلوجاريه المصدعين

:-D

Unknown said...

مافيش فايدة كل ماجي المدونة اشم فيها ريحة حاجة
ربنا يصبرنا
:)

محمد علي باشا said...

هو حضرتك عامله المدونه ده دعايه للأدويه ولا إيه عموما أنا مابخدش إسبرين أنا لما بصدع بروح أنام ولو الصداع مارحش برضه ما بخدش أسبرين بس بسيبه يروح لوحده بعد ما أدعي ربنا إنه يشفيني المفروض أخد بالأسباب وآخذ الأسبرينه وبعد كده الشفا على الله بس أنا مبحبش الدوا عموما وياريت إن شاء الله البوست الجاي يكون دعايه عن أي حاجه تانيه بس بره الطب
ونشكرك على النصيحه

والسلام عليكم

مدرس مطحون!! said...

على فكرة يا لماااضة
أنا زوج أختي شغال في تجارة الأدوية، لو حد عاوز اسبرين جملة، لو سمحتي ابعتي لي، ومتقلقيش مش هانسى الكوميشن بتاعك هههههههه
تحياتي

Mohamed Shedou محمد شدو said...

عاوز بس اقول تعليق صغير للاطباء الواعدين
دراسة الطب بتركز على الادوية كوسيلة اساسية للشفاء والعلاج
ومش ده الاتجاه المطلوب لمصلحة المريض
هو طبعا اتجاه محمود جدا عند شركات الادوية اللي بتعمل مليارات الدولارات لما الناس اول حاجة تفكر فيها عند اقل عرض للمرض انهم يبلبعوا حباية

ساعات ممكن تعديل في اسلوب الاكل واسلوب الحياة بيشفي امراض ومتاعب
الدواء ليس هو الحل الامثل
حتى لو كان اسبرين
:)

Desert cat said...

تصدقى جيتى فى وقتك يا دكتورة بالاسبرين
اصل عندى صداع من الصبح ومش ينفع امشى غير لما اخلص شوية الشغل اللى فى ايدى
حد يناولنى شوية مياه اخد الاسبرين

3ala asm masr said...

تعرفى ان انا فعلا عندى صداع

Ahmed Al-Sabbagh said...

ههههههههههههههههه

قبل ما تدخل مدونة لماضة خدلك اسبرين

والله عندك حق يا دكتورة الناس مش عارف ايه ده كل ما يعملو حاجة ياخدو اسبرين فعلا

ربنا ما يحرمنا منك

وميرسى اوى على التهنئة

ومنتظر جديدك

أحمد الصباغ

DR.HAMAS said...

و لو دخلت مدونة لماضة

تعمل ايه ؟؟

تاخد اسبرين

و لو لقيت بوست بيتكلم على الاسبرين ؟؟

تاخد اسبرين

و لو عاوز تسيب المدونة و تمشى ؟؟

تاخد اييييييييييه ؟؟؟


مش اسبرين




خد

salicylates



كدة خدت 3 اسبرين

و دمتم


هههههه

Unknown said...

دكتور خليفه
شوفت بقى عشان تبقى تيجى تذاكر هن وتدعيلى ربنا معاك يارب ويعدى امتحاناتك على خير عشان تجيبلنا عصير قصب حلاوة النجاح
,,,,,,,,,,,,,,,,,,,,,,,,,,,,,,,,,,,
الربان
شكرا يا افندم على النصائح القيمه دى عشان تعب المعدة انا نصحت اخده بعد سندوتش الفول متقلقش دى برضه تفوت عليا
,,,,,,,,,,,,,,,,,,,,,,,,,,,,,,,,,,,
دكتوره فضفضه
وعليكم السلام ورحمة الله وبركاته
هههههه مش عارفين نودى جمايلك دى فين والله
ربنا ما يحرمك مننا
,,,,,,,,,,,,,,,,,,,,,,,,,,,,,,,,,,,
دكتورة مناجاة
هههههههه هو اسبرين كمان ليه ريحه
نعمل ايه بقى الطب غلاب
,,,,,,,,,,,,,,,,,,,,,,,,,,,,,,,,,,,
محمد على باشا
لا والله هى بتيجى كده معايا
هنراعى طلبك ده البوست القادم عنينا الاتنين بس نعمل ايه بقى الطب غلاب وده حال الدكاتره عاملينزى ازازة الدوا
,,,,,,,,,,,,,,,,,,,,,,,,,,,,,,,,,,,
الاستاذ مطحون المدرس
هههههههه طيب نتفق على نسبه
,,,,,,,,,,,,,,,,,,,,,,,,,,,,,,,,,,,
محمد شدو
ياعم محمد كه شركات الادويه والصيادله حبايبنا يزعلوا منك
انا معاك بس برضه ما خلق الله من داء الا وخلق له دواء
بس على فكره ده مش هدفى من البوست
انا بتكلم على المسكنات بشكل عام فى حياتنا وكفايه عشان متقفش
,,,,,,,,,,,,,,,,,,,,,,,,,,,,,,,,,,,
قطة الصحرا
سلامتك يا قطتى من الصداع
دكتوره فضفضه متبرعه ب200 حبايه
يكفيكى 150
:)
,,,,,,,,,,,,,,,,,,,,,,,,,,,,,,,,,,,
على اسم مصر
سلامتك يا جميله
لا يا جماعه كده افتح العياده هنا بقى واسترزق
,,,,,,,,,,,,,,,,,,,,,,,,,,,,,,,,,,,
صبااااااااغ
ازيك يا خال
لا خلى اسبرين علينا وسيب الصداع عليك
والله الناس ما عارفه تعمل ايه و ايه
حتى اسبرين مش نافع اليومين دول من اللى بيشوفوه
,,,,,,,,,,,,,,,,,,,,,,,,,,,,,,,,,,,
دكتور حماس
salicylates ماشى يا سيدى
طيب بالشفا ان شاء الله بعد اسبرين دول
:)

ghalia said...

لماضة
أنا لما بصدع أول حاجة بعملها بدخل عالمطبخ وافتح التلاجة وأكل كل اللى فيها
وسبحان الله بلاقى الصداع بيروح لوحدو من غير لا اسبرين ولا بتاع ههههههههه
بس لو مراحش باخد أسبوسيد بتاع الأطفال اللى بطعم الفراولة
وبس
;)

صالح سعيد said...

ازيك يا لماضه
السؤال بس هو ده اسبرين ولا كوكتيل
طب لو عايز اتجوز يا لماضه فكرك يعنى اخد اسبرين
طالما هو الحل السحرى لكل حاجه
بس تعرفى انا ممكن اخد 200اسبرينه بس اصحى الاقى حكومتنا مصيرها زى مصير حزب البعث
فى حد هياخد معايا اسبرين يا جماعه

مروة الزارع said...

عارفة يابت يا لمضة انا نفسى من 150 سنة اعرف هو الاسبرين دة بتاع اية بالظبط

عندنا فى الوحدة الصحية بتاعة المطرية وما ادراكى ما هى المطرية

بيدوا كل العيانين هناك اسبرين مهما كانت الشكوى

عرفينى يا دكتورة تكسبى ثواب

Rain man said...

طب ينفع اسبوسيد ؟؟؟

اسكندراني في الغربة said...

اية البخل دة كل الاسبرين دة و مفيش عينة مجانية؟؟؟؟؟؟؟؟

LAMIA MAHMOUD said...

اسبرين ؟
على فكرة مبيعملش اي حاجة المفروض او من الواضح انك دكتورة وعارفة
شكلك بتضحكي علينا
بس لذيذ
:)

Unknown said...

أخلاقنا...اسلامنا
إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله
...................
من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
...................
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
Group Email Addresses
Related Link
http://groups.yahoo.com/group/akhlakona/www.ana-insan.blogspot.com

Unknown said...

غاليه
يارتنى اعمل زيك واكل التلاجه كده نفسى والله
ههههههههه هو فيه اسبوسيد فروله صحيح ؟؟ ده انا اروح اقلب عليه الصيدليه النهارده
,,,,,,,,,,,,,,,,,,,,,,,,,,,,,,,,,,,
صالح سعيد
ايه يا عم المفهوميه دى كلها
احسدك صراحه انك وصلك المعنى المقصود
خد اسبرين يمكن تنسى
,,,,,,,,,,,,,,,,,,,,,,,,,,,,,,,,,,,
مروة سلطه
هههههههه الاسبرين ده يا مرمر مسكن ومضاد للالتهابات وللسخونيه
وليه استخدامات كتير فعلا عامل زى البقدونس محشور فى معظم الامراض بيستخدم فيها مش وحدتكوا بس كل الوحايد وحياتك
,,,,,,,,,,,,,,,,,,,,,,,,,,,,,,,,,,,
رجل المطر
اسبوسيد همممم
وماله بس خدلك حبيتين بقى
,,,,,,,,,,,,,,,,,,,,,,,,,,,,,,,,,,,
اسكندراني متغرب
دكتوره فضفضه اتبرعت ب 200 حبايه من الصيدليه عندها وقطه الصحرا اديتها 150 خد انت بقى ال50 الباقيه
:)
,,,,,,,,,,,,,,,,,,,,,,,,,,,,,,,,,,,
لميا محمود
ههههههه اصل ده ارخص مسكن يا لميا
الشريط بنص جنيه وفيه البركه
اسمعى كلامى ا نتى بس
,,,,,,,,,,,,,,,,,,,,,,,,,,,,,,,,,,,
انسان
ربنا يوفقكوا ويجازيكوا خير
بس ده ايه علاقته بالاسبرين؟؟
وش مستغرب

Unknown said...

هاى لماضة

المدونو حلوة اوى والبلوج كلة دمة خفيف

بس انا نفسى يخترعوا منوم ينيم الناس لمدة اسبوع او شهر او حتى سنة متواصل
اظن لو اخترعوة هيبقى افضل بكتير من الاسبرين

Unknown said...

نوارى
ههههههه منوم
والله فكره بس المشكله برضه الناس هتصح على كابوس
صحيح اسمك حلو اوى

د/اجدع بنوته said...

انا م كتر مبلبعت اسبرين

كنت هتشل لما خدنا ف الفارما اانه بيعمل قرحه ومعرفش ايه وايه

وفعلا قولت طب ما مصر كلها بتاخد اسبرين

مجرالهم حاجه ليه

تفتكريش ليه ؟؟

Unknown said...

دكتورتنا الجدعه
عشان احنا شعب يفوت فى الحديد

Unknown said...

معلش ياجماعة اصل الدكتورة دلوقتى بتدرب فى صيدلية
استحملوها
ورنا يستر وتيجى على الاسبرين بس

اسكندراني اوي said...

وبعدينن في الاسبرين بتاعك
اقصد اللماضه بتاعتك

Unknown said...

دغيدى
هههههههه ماشى يا سيدى
ما انا عارفه واجعه دماغكوا فى الصيدليه
شفت الطب واللى بناخدوه منه دماغى اتلحست
.................................
اسكندرانى اوى
تاخدلك حبايه
:)
وهاتلى سندوتش الفول اكله انا

غمض عينيك said...

عند شريط عينة مجانية؟

Unknown said...

محمد سمير
عنينا ده حنا نجيبلك الصيدليه بحالها
بهزرطبعا
بعد الشر عليكوا كلكوا

و القادم....أجمل said...

بيييييييب بييييييييب
اسبرين
بيب بيييب بييييييب
اسبرين
حبيبي و حبيبك
و حبيب الملايين
خدلك وحدتين
تبأه فلتين

هههههههههههههههههههه
حلو الكلام الطبي
دا
هاتلنا حاجة عن
ون تو ثري
:(
عندي برد
:(



تسلمي يا سكرة
:)

Anonymous said...

اسامة عبد الفتاح--------------
خذ الاسبوسيد
فخر شركة سيد
صحتك هتبقة حديد

Anonymous said...

اسامة عبد الفتاح--------------
خذ الاسبوسيد
فخر شركة سيد
صحتك هتبقة حديد

Anonymous said...

ما وظيفة لطيفة. أنا حقا أحب قراءة هذه الأنواع أو المقالات. هل يمكنني ذلك؟ تي ان ننتظر لنرى ما يقول البعض الآخر.