Tuesday 15 January 2008

سين وجيم


اعلمكم انى قد اخذت هذا التاج من عند صالح سعيد عنوة وبمحض ارادتي

وانا فى كامل قوايا العقليه والله على ما اقول شهيد

وحسبنا الله ونعم الوكيل

يجعل كلامنا خفيف وربنا يستر ميبقاش س وج ون

بسم الله نبتدي




س .....ما الفرق بين الحكومه والزمالك ؟
ج.... الزمالك جاب لمشجعيه الضغط
والحكومه جابته للشعب كله


س....... لماذا لم تتحرك الحكومه تجاه قضية الاسرى ؟
ج .......عشان المشرحة مش ناقصه قتلى


س....... لماذا يشعر الشعب المصرى تجاه الحكومه بالاستياء والغضب ؟
ج .......لأن الحكومه رجعت فى كلامها عن الغاء دعم رغيف العيش أبو مسامير ولغت الدعم عن الدقيق بس


س....... متى ستصبح مصر دوله ديموقراطيه ؟
ج .......لما منتخبنا يأخد كأس العالم

س....... (كن قويا ) احذف كلمة قويا وضع خبر مناسب ؟

ج .......(كن) تقيا


س ....... ما وجه الشبه بين بوش وهانى شاكر ؟
ج .......الاتنين غنوا تتر مسلسل لدواعي امنية


س....... ما هو مضاد كلمة الحريه؟

ج ....... الدستور


س .......ماذا سيحدث اذا فتحت السفارات الاوروبيه باب تاشيراتها للمصريين ؟
ج ......الريس هيأخد اجازة مخدهاش من 25 سنة


س....... لماذا لم يدلى عمرو دياب بصوته فى الاستفتاء الاخير ؟
ج....... (العالم الله ) لما رحتله بيته الكائن في (رصيف نمرة 5) خبطت رد قال
( مين اللى بـ (يدق الباب
(لاقيته و(لا على باله

الاستفتاء (الليلة دي) ياعمرو مش هتيجى
(قالي (أنا حر
ده لتحسين الاوضاع
(هتمرد على الوضع الحالي)
ايه اللى بتقوله ده ؟؟
(أصل في حاجات (ميتحكيش عليها

هتندم يا عمرو
(وايه يعنى) اهى ( ايام وبنعيشها)
(يعنى ده (أخر كلام
(ايوه مش رايح (وأنا من قلبي بقولها
وقعد يعيط ويقولى
(يا لماضة (انا عايش ومش عايش
(روحي انتي بس قوليله (يا ناسي وعدك) عمرو (تملي معاك ) بس (خليك فاكرني ) بـ (أي حاجه تيجى من ريحة الحبايب
(ماشى يا فنان بس (خلينا نشوفك

(متخافيش انا مش ناسيكي )


س .......اكمل العباره حياتك تخطط ليها ...................... ؟
ج .......واجري على اليونان واغرق فيها

انا لله وانا اليه راجعون
التاج ده مش اجبارى اللى يحب يتفضله ياريت
بس انا لا شفته ولا أعرفه

53 comments:

ابن حـجـر الـعـسـقـلانـى said...

بصراحة ... دماغك عالية عالية عالية ... فوووووووووق خالص

مفلس افندى الرايق said...

لا لا بجد فى تطر رهيب حصل فى دماغ البنات ههههههههههههههه ايه يا بنتى خفة الدم وتركيبة الدماغ الروعه دى
لا بجد تحفه والله انتى بجد دماغك كبيره وفيها فكر عالى قوى
تحيا لماضه
ام دم سكر بالشيكولاته

الجنوبى said...

لا اكتمكى سرا ياسيدة لماضة انلى لا احب التعامل مع اى دكتور لا لانى اخاف وخز الحقن ولكن لانى فى فترة غير ناضجة من حياتى كنت اريد ان ادخل كلية الطب (لكن ربنا ستر ) مدونة رائعة
تحياتى
عمرو

Rain man said...

كلماتك حقيقية
و هى عبارة عن عرض من اعراض الاعتقال
..
أنا هنــا مثل غيري ... أخاف الحقيقة
أخاف من سماع صوتي
أخاف أن التفت لظلي
ربما هناك ... حيث لاوطن
سأمتلك الشجاعة
وأقول مالم أقله
حين كنت عارياً
بلا كـــفن

..

Anonymous said...

يا سلام بجد بوست جميل ورائع
بجد ده من تأليفك؟؟؟ ...هما بتوع طب فيهم دماغ فاضيةو بيعرفوا يألفوا الكلام الجامد ده .... ربنا يزيدكم يا لماضة
بس أحلى حاجة كلامك عن الرئيس
سلامات خليفة

دنيتى الجميله said...

اولا اتفضلى التاج دة ليكى لوحدك
احنا مش طمعين
وثانيا طمنينى عليكى وخلينا نشوفك عندنا
ثالثا س و ج دى فهمنها لكن اية بقى
س و ج و ن دى
رابعا انتى لماضتك دى مجننانى وعجبانى
سعيدة ان يكون لى صديقة لمضة زيك

Ahmed Mubarak said...

دة انتي مشكلة..بجد مشكله..
واجاباتك كويسه اوي..انا احب اوي الدماغ الي تربط الدنيا صح..تحياتي..

بس بجد..لمضة اوي
:D

ghalia said...

يا عينى عليكى
إجاباتك نار يا بنتى
وكل تاج وانتى طيبة
;)

عصفور المدينة said...

انتو بتجيبو الأسئلة دي منين
وياريت تقولوا كمان الإجابات منين عشان نغش

صالح سعيد said...

ازيك يا لماضه
ايه الجمال ده
بجد برافو عليكى
خلتينى اقراها كانى اول مره اشوفها بجد
يبدو اننا هنبقى فى عنبر واحد
اجابتك فى محلها يا لماضه
ومتخافيش انا عامل حسابى ومزود العيش والحلاوة
ولو جالك حد من اسم النبى حارسهم اجرى يا لماضه
لانه كما قال الشاعر
لو بطلنا نطفش نموت
ارق تحية

NIDAAL .R said...

هههههههههههههههههههههههههه
حراااااااااام عليكى و عليكوا كلكوا
انتوا ايه ؟ ايه الهوجة الساخرة دى
بس ايه البوست ولا التاج الجاااااااااااامد اوى ده
انا مش هدخل مدونات تانى النهاردة علشان كفاية ضحك لحد كدة انا مت خلاص
والا التأليفة بتاعت عمرو دياب دى
شوفتى طلع ندل و مش عايز يشارك
بس تاليفة عاااااااااااااااالية اوى
و كويس انى عرفت عنوانه علشان ابقى ازوره على رصيف نمرة خمسة
عاااااااااااااااالية اوى يا لماااااااااااضة النهاردة
ربنا يروقلك الحال دايماً كدة
يلا سلام

мσнη∂ιš said...

الظاهر ريحة الكبدة بتاعت المشرحة إباها عملت عملها

صوت من مصر said...

والله يا لماضه انا مقتنع بان الزمالك جاب الضغط لجمهوره لكن عندى تعليق على الحكومه جابت ضغط للشعب وللفراعنه بتوع ايام زمان وكمان جابت ضغطك للامريكان المسؤلين عن الحريات فى العالم ولا ايه ؟

الربان said...

تحياتي

حماسة الشباب في إجاباتك...و الديمقراطية و الحرية ابناء شرعيين لدستور وطني.

بالمناسبة...هل تؤدي واجبك الانتخابي؟ و الا بتترددي ؟...

استمتعت بردودك علي اسئلة التاج..

تحياتي و دمتي بألف خير

Yasser Hussein said...

أثناء قراءة أجوبتك ع التاج
سؤال كان بيدور في ذهني
معقول في بنوته عندها الوعي وخفة الدم دي كلها
ربنا يحميكي

تحياتي

فى القلب said...

ههههههههههههههههههههههههههههههه

مش ممكن أنتى محصلتيش حته سكره
والله أنتى فعلاً قنبله عسل

Doba said...

ايوة هيه دى
اه هيه

انا شفتها وهيه واخدة التاج وخارجة من عند صالح

هاتوها

بسرعة
============
عجبنى قوى ردودك
كل واحد مليان ومش عارف يفضى
واهو نوع من التهكم والسخرية على الخنقة اللى بنشعر بيها
===========

تحياتى يا لمضة
على فكرة

حلوة موضوع المسكن بتاع الاسبرين
انا لسه قارياه

ممكن شريط او علبة لو سمحتى
انا لسه واخدة واحدة والله حالا
فقلت صدفة غريبة

يلا
بوسى نفسك بوسة كبيرة
سلام يا لماضة
وبوسى ماماتك
هبة

موجة said...

طبعا ما احبش اتلامض معاكي
و لا اقدر اتلامض معاكي
لاني النهاردة بس
اتاكدت انك لمضة
يا لماضة
مساااااء الخييييير
ردك جميل على تاج
- مع اعتذاري لصاحبه -
تاج رخم قوي
ههههههههه
خالص تحياتي

مروة الزارع said...

هعهعهعهعهع

نيااااااههههاااا

انتى بتجيبى خفة الدم دى منين يا بنت

عسلللللللللللللللللللللللللل

د/اجدع بنوته said...

س....... لماذا لم يدلى عمرو دياب بصوته فى الاستفتاء الاخير ؟

ج....... (العالم الله ) لما رحتله بيته الكائن في (رصيف نمرة 5) خبطت رد قال
( مين اللى بـ (يدق الباب
(لاقيته و(لا على باله

الاستفتاء (الليلة دي) ياعمرو مش هتيجى
(قالي (أنا حر
ده لتحسين الاوضاع
(هتمرد على الوضع الحالي)
ايه اللى بتقوله ده ؟؟
(أصل في حاجات (ميتحكيش عليها

هتندم يا عمرو
(وايه يعنى) اهى ( ايام وبنعيشها)
(يعنى ده (أخر كلام
(ايوه مش رايح (وأنا من قلبي بقولها
وقعد يعيط ويقولى
(يا لماضة (انا عايش ومش عايش
(روحي انتي بس قوليله (يا ناسي وعدك) عمرو (تملي معاك ) بس (خليك فاكرني ) بـ (أي حاجه تيجى من ريحة الحبايب
(ماشى يا فنان بس (خلينا نشوفك

(متخافيش انا مش ناسيكي )


عسللللللللللللللللللللللللللللللللل

Desert cat said...

انتى بنوتة زى العسسسسسل
اه والله
اجمل حاجه فعلا عجبتنى تركيبة اغانى عمرو دياب
بجد بجد تسلم دماغك

مهندس مصري بيحب مصر said...

ما ينفعش اعلق هنا غير بأني أطلب لك
اغنية عسل و سكر عسل
:)
اجابات ممتازة
ربنا يكرمك يا دكتورة

walaa said...

هههههههه
انا لسه جايه من عند سعيد صالح بس والله ايه الجامد ده لالالا بجد لماضه فوق العاده اهنيك على هذا العقل
تحياتى لك ولاء

ا بـن عــمــر said...

ههههههههه
*************
اجبات جميلة

son's egypt said...

السلام عليكم
بصراخذحة تاج ده خفيف
وردك ظريف وفيه كثير من السخرية علي الاوضاع اللي احنا عايشنها

DR.HAMAS said...

ههههههه

بجد اجابات فى الجون كلها

ربنا يكرمك



د.حمــــاس

Unknown said...

ابو العساقيل
عاليه لحد فين كده فوق السطوح ولا ايه
:)
,,,,,,,,,,,,,,,,,,,,,,,,,,,,,,,,,,,
مفلس افندى الرايق دايما
الله يكرمك طيب سيبك من السكر وهات الشوكولاته
,,,,,,,,,,,,,,,,,,,,,,,,,,,,,,,,,,,
انسان بلا عنوان
ايه الاسم الجامد ده
,,,,,,,,,,,,,,,,,,,,,,,,,,,,,,,,,,,
رجل المطر
ايه الكلام الكبير ده
:)
,,,,,,,,,,,,,,,,,,,,,,,,,,,,,,,,,,,
دكتور خليفه
اه من تأليفى شفت المواهب
,,,,,,,,,,,,,,,,,,,,,,,,,,,,,,,,,,,
دنيتها الجميله
س و ج و ن يعنى سجن زى زرع كده
انا الاسعد يا قمر ان يا صديقه جميله زيك كده
,,,,,,,,,,,,,,,,,,,,,,,,,,,,,,,,,,,
احمد مبارك
شكرا اوى
:)
,,,,,,,,,,,,,,,,,,,,,,,,,,,,,,,,,,,
غاليه
اسمك جميل اوى على فكره مش عارفه ايه الناس اللى اساميها حلوه اللى معلقه على البوست ده شكرا يا غاليتى
,,,,,,,,,,,,,,,,,,,,,,,,,,,,,,,,,,,
بابا عصفور
من سوق الكانتو ههههههه
من همنا يا بشمهندس ولله نعمل ايه بس
التاج ده تاليف صالح انا مليش دعوه بيه انا قلتله مع اول قفا هعترف عليه
,,,,,,,,,,,,,,,,,,,,,,,,,,,,,,,,,,,
صالح سعيد
ازيك يا معلمى بضم الميم
الله يخليك وبعدين انت ايه اللى جابك ورايا انا مش قلتلك اختفى اليومين دول ومتجيش ورايا يمكن تكون متراقب وتودينا فى داهيه
وانا عيله ومع اول قفا هعترف عليك واقول هو اللى ادانى التاج
بس والله انا اللى بشكرك على التاج الجميل ده لانه اضافلى كتير
,,,,,,,,,,,,,,,,,,,,,,,,,,,,,,,,,,,
نضال
ههههه لا ياعم ادخل شوف الناس كلها ربنا يخليك على كلامك ده
عاليه لحد فين كده
,,,,,,,,,,,,,,,,,,,,,,,,,,,,,,,,,,,
مهندس
يمكن
,,,,,,,,,,,,,,,,,,,,,,,,,,,,,,,,,,,
صوت من مصر
اولا صورة الشلن دى توصلنى حااااااالا
,,,,,,,,,,,,,,,,,,,,,,,,,,,,,,,,,,,
الربان
طبعابروح انتخب وادلى بصوتى صوتك امانه
واخر مرتين مردوش يخلونى ادلى بصوتى اتخانقت معاهم
بس مضربتش الحمد لله
:)

ღϠ₡ღأمير الهدوءღϠ₡ღ said...

روعه روعه

اسلوبك بجد في الرد جااااااامد

وبجد لماااضه
هههههههه

تحياتي

Unknown said...

استاذ ياسر حسين
انا مش عارفه اقول ايه لحضرتك والله على الشهادة الغاليه دى
احرجتنى
,,,,,,,,,,,,,,,,,,,,,,,,,,,,,,,,,,,
فى القلب
ههههه بس يارب اكون قنبلة العسل دى من غير النحل اللى فيها
,,,,,,,,,,,,,,,,,,,,,,,,,,,,,,,,,,,
هبه حماتى
لا والنبى يا سعادة البيه ما انا
اه قفايا
صالح اللى ادهونى
انا قلت لصالح مع اول قفا وهعترف عليك
سلامتك من المسكن يا حماتى طيب قوليلى اجيب العدة واجيلك
,,,,,,,,,,,,,,,,,,,,,,,,,,,,,,,,,,,
موجة
ههههه لا والله تاج جميل من صاحبه هو فعلا تاج صعب بس اصافلى كتيروانا بشكره عليه الحقيقه
,,,,,,,,,,,,,,,,,,,,,,,,,,,,,,,,,,,
مروة سلطه
من البقال للى تحتنا يابت
عنده شوية خفة دم بروح اشترى بربع كل يوم وانا اقدر اجاريكى يا بنتى ده انتى مكتسحه
,,,,,,,,,,,,,,,,,,,,,,,,,,,,,,,,,,,
دكتورتنا الجدعه
(وش احمر من الكسوف)
,,,,,,,,,,,,,,,,,,,,,,,,,,,,,,,,,,,
قطة الصحرا
يا كزووووفى شكرا يا قطتى والله انتى اللى سكره
,,,,,,,,,,,,,,,,,,,,,,,,,,,,,,,,,,,
مهندس مصرى
تحب تهدى الاغنيه لمين؟
(وش احمر من الكسوف)
,,,,,,,,,,,,,,,,,,,,,,,,,,,,,,,,,,,
ولاء
ازيك يا لؤلؤه
شكرا يا جميل
,,,,,,,,,,,,,,,,,,,,,,,,,,,,,,,,,,,
ابن عمر
شكرا ليك
,,,,,,,,,,,,,,,,,,,,,,,,,,,,,,,,,,,
ابن مصر
الله يخليك الحمدلله انه عجبك
,,,,,,,,,,,,,,,,,,,,,,,,,,,,,,,,,,,
دكتور حماس
يعنى فيه امل ناخد الكاس
:)

Unknown said...

امير الهدوء
شكرا ربنا يخليك

Anonymous said...

2eh ya lemdah dah bas:
walahjy tala3teny mn el 2ekte2ab elly ana feh mn fatrah ye7'rebet dema3'ek
beta3et 3amr diab deh 7ekayah aslan bgad,ana ha7'od el tag dah bas mesh 3arfa ha3raf agawbo wala la2 rabena yousor
enty lazem tekteby 3ala fekrah o teb2y 7aga zay 2es3ad younes keda fel el fan el sa7'er
salam ya lemdah

Anonymous said...

hey:
this is my new blogs address
http://egyptiangirl-81.blogspot.com

hope 2 see u there
chao

أبو لسان said...

هاهاهاهاهاها
لذيذ جدا التاج ده
زورونا لمشاهدة الحقائق

shahy said...

وحشتيني يالماضة ووحشتني خفة دمك
اية الاجابات الجبارة دي
دة انتي طلعتي لمضة وجبارة
الله يكون في عون اللي في بالي
ومش هاقولك هو مين

سلام يادكتورة

مهندس مصري بيحب مصر said...

ليكي تاج عندي تعالي خديه
:)
و ورينا فيه اللماضة على حق

no chance said...

السلام عليكم
اى الجمال دة؟


تحياتى

سهر الليالى said...

هههههههههههههه

اجاباتك جامدة موت يا بنت يا لماضه
بجد بجد ردودك عجبتنى موت والله
ولا الربط بين اغنيات عمرو فى الحديث الجميل دة

انتى فظيعه
ولا موممكن ابدا اتخيل ان فى حد يرد على التاج دة بالحلاوة دى

تحياتى يا سكر

3ala asm masr said...

ضحكتينى وانا بجد مكتئبه
أجابات جامده أخر حاجه

Soooo said...

يخرب بيت عفار يتك
انتي يابنتي لسعتي خلاص والله


بس حلوة قوي الحته بتاعة عمرو دياب
حلو الموضوع كللو بصراحه





سلامووووووووووز

Marwa Friday said...

صباحك ورد يا عسل
بجد هايله هايله
خصوصا عمرو دياب ..لا غلبتي صالح سعيد ههههههههه
ربنا يحفظك يا لماضة ..

S H A H said...

انتي مشكلة والله يا لماضة
ازاي ما اكتشفتكيش من زمان!؟

غمض عينيك said...

جاااااااااااااااااااااااااامدددد
اخر حاجة

تسلم ايدك

صباحو لماضة

ibn nasser - ابن ناصر said...

هههههههههههههههههههه
مت علي روحي من الضحك
علي فكرة بدون مجاملة
لازم تكتبي اي حاجه كوميدي
ودلوقتي ممكن بسهولة قوي
انا قصدي كتب او قصص
..
تحياتي

الفراشة الصغيرة said...

بجد تحفه يا لماضه
وحلوة قوى وصله الاغانى بتاعت عمرو دى
بس هسالك سؤال لولبى
هو بصحيح
عمرو قالك انه مش ناسيك

بحبك يامصر said...

جامده بجد حلوه

دكتور حر said...

مليون وخمسمائة الف وتسعه وسبعين اعتذار على التاخير

وكده ممكن آخد نبطشيه زياده عقابا ليا


تاج جميل جدا
كل يم اعدي واقراه لكن مش بلحق أعلق

وخاصة اجابات عمرو دياب

أضحك الله سنك
من المدونات الفاوكه كما نقول دايما
دمتي بكل خير

يا مراكبي said...

تصفيق حاد على الإجابات العالية قوي دي

البنج عامل معاكي دماغ جامدة جدا بجد

Carol said...

أكيد مش هقول كلام جديد عشان كل الناس قالت أنك فعلا دمك خفيف جدا
و اجاباتك مش متوقعة
أسوبك ساخر و رائع

Unknown said...

وحشتينى يا لماضة

على فكرة التمبليت عندى ماشية عادى و الله انا سالت ناس كتير يمكن جهازك عايز يتفرمت او الويندوز عندك عايزة تتسطب و عشان خاطر عيونك دخلت الموقع الى قولتيلى عليه بس للاسف مافيش حاجة عجبتنى

المهم بعد ردودك ع التاج لامجنون ده أؤكدلك رأى بأنك شخصية فوق المميزة
و وحشتنى لماضتك بجد

daktara said...

يخرب بيت عقلك
ايه ده كله؟
ردودك وخاصة عمرو دياب خرافيه
بجد عجبتني جداااااااااااااا
تحياتي

انظر حولك
د. خالد عزب

Unknown said...

سولا
طيب يلا جاوبى وورينا انا مصدقت حد كمان شجيع وهيجاوب
,,,,,,,,,,,,,,,,,,,,,,,,,,,,,,,,,,
ابو لسان
انا زرتك فعلا ملقتش اى حاجه الحقيقه
,,,,,,,,,,,,,,,,,,,,,,,,,,,,,,,,,,,
شاهي
استرى عليا الهى يسترك انتى كمان وحشانى اوى
,,,,,,,,,,,,,,,,,,,,,,,,,,,,,,,,,,
مهندس مصرى
انت كده ناوى مش تدخلنى السجن لا المعتقل من اوسع ابوبه
ماشي يا سيدى هرد حاضر
,,,,,,,,,,,,,,,,,,,,,,,,,,,,,,,,,,,
no chance
وعليكم السلام من بعض ما عندكم :)
,,,,,,,,,,,,,,,,,,,,,,,,,,,,,,,,,,,
سهر الليالي
يادى الكسوف يا ولاد الله يكرمك
,,,,,,,,,,,,,,,,,,,,,,,,,,,,,,,,,,,
على اسم مصر
الحمد لله انه عجبك يا جميله
,,,,,,,,,,,,,,,,,,,,,,,,,,,,,,,,,,,
سوووووووو
طيب بتجيب سيرة العفاريت ليه دلوقتى يلا ارقصوا يا ولاد المكان بتاعنا والليله ليليتنا
,,,,,,,,,,,,,,,,,,,,,,,,,,,,,,,,,,
مروه جمعه
صباح الورد على عيونك يا مرمر اغلب مين يا بنتى ده استاذ ورئيس قسم
,,,,,,,,,,,,,,,,,,,,,,,,,,,,,,,,,,,
شاااااااه
االله يكرمك اكتشفنى ربنا يخليك ادينى فرصه تانيه
,,,,,,,,,,,,,,,,,,,,,,,,,,,,,,,,,,,
غمض عنيك ابو سمره
الله يكرمك يا محمد صباحك ورد
,,,,,,,,,,,,,,,,,,,,,,,,,,,,,,,,,,,
ابن ناصر
تفتكر انفع كده ممكن اتغرغر فى نفسى ولو اتغرغرت مش هيبقى كويس طيب ملاقيش حد يكتشفنى
,,,,,,,,,,,,,,,,,,,,,,,,,,,,,,,,,,,
الفراشة الصغيره
ههههه اه قالى انا مش ناسيكي وبعدين لاقيت الغطى على الارض
,,,,,,,,,,,,,,,,,,,,,,,,,,,,,,,,,,,
بحبك يا مصر
الله يكرمك
,,,,,,,,,,,,,,,,,,,,,,,,,,,,,,,,,,,
دكتور حر
لا خلاص براءة هشيل انا النباطشيه مكانك الله يكرمك دى شهادة اعتز بيها
,,,,,,,,,,,,,,,,,,,,,,,,,,,,,,,,,,,
حمايا العزيز يا مراكبى
هههههههه بنج بس ده انت علانياتك يا هندسه انا تطورت دلوقتى وبشم شرابات
,,,,,,,,,,,,,,,,,,,,,,,,,,,,,,,,,,
كارول
الله يكرمك ده من ذوقك بس
,,,,,,,,,,,,,,,,,,,,,,,,,,,,,,,,,,,
عاليا حليم
ولا يهمك يا قمر انا اتصرفت وبدخل من جهاز اخويا فعلا جهازى تقيل جدا كفايه يا قمر اهتمامك بس هجيلك والله انتى كمان وحشانى ونفسى اقابلك
,,,,,,,,,,,,,,,,,,,,,,,,,,,,,,,,,,,
دكتره
الله يكرمك احرجتنى يا دى الكسوف يا ولاد
نورتنى بجد

mahmoud nour said...

علي فكره ولله العظيم دي اول مره تقريبا اكتب تعليق لحد بس انتي بجد تستهلي ان الواحد يحيكي بجد ربنا يكتر من المضين اللي ذيك وفكري اطبعي الماضه بتاعتك في كتاب وده ايميلي اتشرف اني اعرف واحده لمضه ذيك nour_princes@yahoo.com

mahmoud nour said...

اكتر حاجه شدتني ليكي هي دي اه هي دي عمرو و انتي