Friday 21 March 2008

ست الحبايب يا حبيبة يا أغلى من جيبي وكمي



لم أعلم سر لهفة العالم على هذا العيد المدعو عيد الأم
ألا يتوجب علينا الأحتفال وإشعارها بالحب فى كل الأيام


ولكن وآسفاه فأصحاب القلوب السوداء عديموا الرحمة والذين يضمرون كل الحقد على الأبناء قد إبتدعوا هذا اليوم لأفلاسنا والأحتفال ليس بالأم وانما بإفراغ " كيس المش " - الذي نُعده وندخر فيه من قوت يومنا عفواً مصروفنا- لهذه االمناسبة بشهور قبله
ا

ولم يقتصر الأمر على هذا الحد بل تفنن أصحاب المحلات والذين يتمتعون بحس تجاري لا يُعلى عليه فى عرض هداياهم المغرية للأمهات بطريقه تجعلني أشعر بالغثيان و بكل التغيرات الجوية في آن واحد ولم أنجح حتى الأن فى إغماض أعين ست الحبايب وحجبهما - مثلما فعلوا معنا ونحن صغار عند لهثنا أمام فتارين الحلوى - عن مشاهدة ما يعرض فى الأسواق ليأتوا خلفنا فى إعلانات تليفزيونيه أدعو الله ان تنشق الارض وتبتلعني فى جوفها حين أشاهدها وأتذكر المقولة الشهيره حينه
ا
" ابنك على ما تربيه يجيبلك هدية زي ما عودتيه "

ومن أكثر ما شاهدته ابتزازا هذه الأيام أحد هذه الأعلانات عن بطاقة بنكيه ذكية مدفوعة مقدما لشراء هدية لست الكل على أن يتم تسديدها طوال السنه وحتى العيد القادم
على اعتبار أنه سيأتي عليك العيد القادم أصلاً " لتعيش وتفتكر وتدفع " قبل أن تستلم قميص بثلاث أرقام كحلي اللون ومعه " شبشب وكاسكيته" ومنافعهم
لم أفهم غرض هذا الأعلان وما هذه الهدية الباهظة التي سأشتريها لهذه المناسبة صحيح أن أي هدية لا تساوي بسمة من أمي ولا تعطيها ولو نصف حقها تجاهي لكن ماذا أقول عالم مفتريه منهم لله


ولكن ماذا أفعل إذا شاهدت أمي هذا الأعلان فكيف سأسيطر عليها بعد ذلك ؟ وأقنعها بالكارت الذي لا يتعدي الجنيه عندما تشاهد كارت آخر يتعدى " مشهورينميت " جنيه عفوا لا أستطيع لفظ المبلغ حيث أصاب " بقَرشة نفس " لا أعلم سببها ولا أجد لها علاج حتى الآن


إخواني أخوتي تصورت أن الحد وقف عند هذا الأعلان فقط لكن ما لا استطع تخيلة ان تصبح كل الفقرات الأعلانيه بهذا الشكل وكل هذه العروض المبتزّة فلم أرى بـُد غير أن " إعلانات السينما أوعى تفتح عنيك " وأطلقت في بيتنا شائعة مؤقته يسامحني عليها الرب أن هذا الجهاز مُضر جداً لأنه يطلق إشعاعات إعلانيه ضارة جداً بصحة الأم والجنين - كم أحسدك أيها الجني الصغير وأتمنى لو كنت مكانك لما تركت هذا المخبأ أبداً -

وها قد أتى اليوم الموعود ومشيت مشيت على الأشواك فى الأسواق بحثا عن هدية مناسبة لجيبي المسكين فأمي هدايا الدنيا لا تناسبها ولا تناسب حقها هي اللي مأكلانا ومشربانا و"مأبجانا" أي تعطيني مصروفاً

أجيب لها أيه يا ترى ؟؟

كولونيا خمس خمسات لأ أشتريته من سنتين كان عيد الأم موافق عيد ميلاد بابا اللي بيوافق ليلة رأس السنة قلت أضرب مناسبتين بهدية
جوزين شرابات
دستة دبابيس طرحة
شبشب بوردة لأ ده بالذات مجرباه العيد اللي فات

أمممممممم
قديما كانت الأمهات ترضى بالقليل لكن هيهات فهذا زمن ولى وفات
بالأمس دخلت بنوته تطلب هديه لوالدتها بثلاث جنيهات ليقاطعها صوت البائع المنفجر بالضحك
روحي يا شاطرة هاتيلك بيهم باكو شيبسي فلم يتعدى هذا سعر حتى صوبع الروج وعجبي

وبعد سويعات ليست بقليلة من " البرم " في الأسواق هذا ينادي اتفضلي يا آنسة عندنا عرض التربو لأجل تتربوا

وآخر صامت يحمل لآفته اشتري عباية وأحصل على الثانية مجاناً فيتهلل وجهي وأتهور واسأل عن ثمنها ليسود وجهي وأطير قبل أن يطير عقلي !!

وبينما أهيم على وجهي أسرح في ماذا يفعل من يمتلكون أكثر من أم ؟؟ أمه وحماته وزوجته يا نهار أزرز !! أحمدك يارب على نعمك أم واحدة تكفي وسأفكر مليا إذا آتاني فارس أحزاني في هذا الأمر فلربما أفضله يتيما !!
وأعود أدراجي ولأقر أنا المسئول أعلاه الساكن فى العنوان إياه أمام ست الكل أنني لم أجد هدية أغلى من نفسي لأقدمها قربانا لها فى هذا اليوم لأتسلم بعدها قبلة على وجهي و"جردل" في يدي يا للحظ فقد وافق هذا اليوم يوم جمعة ليتوافق حملة تنظيف الجيوب مع حملة تنظيف البيوت

أمي وكل أم أرجوكي وأدعوكي للضغط على الرابط أدناه وسماع هذه الكلمات من ابنه أو ابن مكلوم

64 comments:

عصفور المدينة said...

تدوينتي المختارة
وفي انتظار هديتي
:)
انت مشكلة

أسيبك تنظفي بس اشتغلي كويس يمكن تتأبجي

Unknown said...

يا خبر ابيض
كل سنه وحضرتك طيب يا بابا بمناسبة المولد النبوي وعيد الام وكمان يوم الجمعه
:))
والله ده شرف ليا مش عارفه اقول ايه فرحانه حقيقي

جمعاوى said...

بينما أهيم على وجهي أسرح في ماذا يفعل من يمتلكون أكثر من أم ؟؟ أمه وحماته وزوجته يا نهار أزرز


هو ده مربط الفرس!!!!!

كراكيب عادل said...

موسم الهديا

هههههههههههههه

كل سنة وانتي طيبة

د/اجدع بنوته said...

لا حول ولاقوة الا بالله

انا كمان بقالى ست سنين مبجبش هدايا

واقنعت السيده الوالده

انه عيبه اوى اجبلها هديه م مصروفى الشخصى

صبرك عليا بس ياحجه لما اشتغل واقبض موونى

هظبططططططططك

ههههههههههههههههههههههههههه

وصدقت الحجه وعليها

ههههههههههههههههه

كل سنه وانتى طيبه وبصحه وسلامه

مروة الزارع said...

مش عارفة يا لمضة يا حبيبتى

انا شايفة ان عيد الام دة حاجة هاااايلة

وشئ جميل جدا اننا نجيب هدايا

الحدية فى حد ذاتها شئ جميل جدا للتعبير عن الحب

ومش لازم تكون غالية

تحياتى يا عسل وكل سنة وانتى طيبة وعقبال ابنك ما يجيب لك

صوت من مصر said...

كل سنه ومامتك طيبه وكل ام مصريه

Unknown said...

مروة سلطه
انا مقصدتش كده من التدوينة انا اقصدت ان الدنيا غليت والناس بتستغل المناسبة دي فى الغلاء زياده
انا والدتي الحمد لله رضيت بالقليل وهي عارفه ان لو معايا اجيبلها الدنيا تحت رجليها بس كلمة حلوة عندها مني بالدنيا ومافيها
وبلاش نفسنة

انا ابعتذر يا جماعه عندي نبطشية 24 ساعه ادعولي لما ا ارجع ان شاء الله ارد على بقيت التعليقات بس خفت يحصل سوء فهم زي ما حصل مع مروة

بطوط حبوب said...

والى يغيظك بقى انه بوم 21 يعنى يعتبر اخر الشهر
والجيوب تستغيث هل من منقذ

بنت الصالحين said...

انتي يابت يالمضه يابت
انتي ايه الحلاوه دي


تعرفي انا بقي عملت حاجه ذكيه

عملتلها شنطه جينز
:))))))



واهو علشان ابقي اخدها منها برده


بحبك يالماضه

ربنا يخليلك مامتك

almasry said...

ازيك

انا طلعت من الليله دى بأنى عملت فيها شيخ سجاده وقلت لأمى الحبيبه عيد الام بدعه وهى طبعا صدقت ابنها حبيبها

نصيحه اعملى زيى ووفرى القرشنتين

تحيــــاتى

المصـــــــــــرى

همس الاحباب said...

كل سنة وانتى طيبة يا ماما لماضة
انا ناوى اجيبلك كيس قطن هدية
ههههههههه
ازيك يا دكتورة اخبارك ايه
يا ربتكونى بخير
تحياتى ليكى

آفاق الحرية said...

السلام عليكم
علي راي الباشمهندس واضح ان عندك حملة نظافة بالجردل الجديد
اسيبك بقي علشان تخلصي ونظفي كويس بلاش تقلبي وتكروتي

سهر الليالى said...

أولا وقبل كل شىء وحشتينى وحشتينى وحشتينى

وطبعا كالعادة مش محتاجة أقولك أنك عسل وسكر والبوست اكتر من رائع وكل المعانى اللى قصدتيها وصلت ويخرب عقلك أنا مش عارفة انتى بتجيبى الكلام
التحفه دة منين بس انا عارفة انتى مشكلة

ميلزمش اى مساعده طيب أشمر رجل الزنطلون واجيب جردل البحر بتاعى واجى اساعدك
:)

بس تعالى هنا فين المليون جنية بتوعى أوعى متكونيش شلتيلى نايبى دة أنا اعملك فضيحه هنا لا يا ماما مش أنا اللى الغايب ملوش نايب ها
هههههههه

كل سنة وانتى طيبة يا سكر وربنا يخليكى لمامتك ويباركلها فيكى وميحرمكيش منها ابدا

أشوفك على خير ومستنياكى أنا رجعت الحمد لله

Unknown said...

انا لا عملت فيها شيخ وقلت بدعة ولا حتى جبت هدية
أنا بصيتلها فى عينيها بإمعان وقلتيلها
عيد أم يا ماما إحنا مخليينك عايزة حاجة طبعا بادلتنى البصة وقالتلى:
اتوكس

مي بهاء الدين said...

عارفة يالمضتي أنا داخلة بيتنا النهاردة الساعة كام؟ بعد لفة عيد الأم,,,الساعة اتناشر بالليل
ومش حاسة برجلي
اللفة كانت محترمة ..أصل الموضوع مش أمي بس لأ لأ لأ لأ
في امهات كتيييير
ياللا ربنا يخليهم كلهم ونفرحهم

أختك المفلسة
مي
اهئ اهئ اهئ

فرنسا هانم said...

هما اصحاب المحلات والمتاجر وراهم حاجه الا جر الرجل
عيد ام عيد اخ
حتى الميلاد
كله بيخترعوله هداياه
تجار بقى

دكتور حر said...

هقول ايه ؟

:)
بس متمليش الجردل على آخره

د.دغيدى said...

فى رايى ان عيد الام دة اخترعوا الحموات علشان اجواز بناتهم يججيبولهم هدايا
وياسواد ليلته اللى مش حيجيب هدية حلوة

مشمش said...

كلامك جميا يالماضة
دة فعلا احنا هنشر افلاسنا قريب

Asmaa said...

تصدقي يا لماضة اني اول مرة اجي هنا

بس مدونتك جميلة اوي يا بنت..انا مش فاهمة انتي بتلحقي تكتبي وانتي عندك ثانوية عامة ازاي

بس ربنا يوفقك يا رب

سلميلي علي اختك كتيييييييييير جدا جدا..

بمانسبة عيد الام بقي :D

انا مبجيبش هدايا :D
انا كفاية عليا اسمعها ست الحبايب :D

Eman Henaish said...

أسلوبك جميل أوي بجد في التعبير يا لماضة
وكل سنة ومامتك طيبة وربنا يخليكي ليها ويخليهالك
وميرسي خالص علي زيارتك مدونتي ورأيك الجميل ده
تحياتي

Asmaa mahaba said...

بصى انا بحبذ فى الحاجات اللى زى دى على راى واحد صديق ...انها بدعه ...مع انى مش متشدده قوى بس مادام فى دفع فلوس تبقى بدعه ههههه
بس يوم ما ابقى ام مش حتبقى بدعه حتبقى عاده محببه ..!!؟؟وحقولهم دا يوم الام يا حبايبى
وحمشى حسب الاغنيه اللى بتقول معييش اجيب هديه يامما ان شاء الله اعدم عينيا يا ماما....ما تراى ظروفى زودى مصروفى تاخدى عينيا الاتنين يا ماما
تحياتى ليكى سومه_87

اسكندراني اوي said...

فين تعليقي
هو ما نزلش ولا ايه ؟؟؟؟؟؟؟؟؟؟؟؟؟ظ
لا لا لا
كده ازعل اوي

Unknown said...

جمعاوي روش
ربنا يقدرنا عليهم
,,,,,,,,,,,,,,,,,,,,,,,,,
استاذ عادل وكراكيبه
يلا كل عيد ام وزوجه وحماة وحضرتك بالصحه والسلامه تعيش وتجيب
,,,,,,,,,,,,,,,,,,,,,,,,,
اجدع بنوته
فعلا جدعه
,,,,,,,,,,,,,,,,,,,,,,,,,,
صوت مصر
وانت بالصحه والسلامه ومامتك طيبه هي كمان جبتلها ايه بقى
,,,,,,,,,,,,,,,,,,,,,,,,,,
بطوط الحبوب
اه والله يا اخي مش عارفه ايه الناس دي معندهاش رحمه
,,,,,,,,,,,,,,,,,,,,,,,,,,,
عاشقة الفردوس
عملتيها ازاي دي ي عفريته طيب ما تعملي لامك لماضه الغلبانه واحدة :)
,,,,,,,,,,,,,,,,,,,,,,,,,,,
المصري
لا امي مش بتقتنع بالكلام ده ههههه استغلال
,,,,,,,,,,,,,,,,,,,,,,,,,,,
خالد همس الاحباب
وماله يا سيدى هديه مقبوله بس انت تجيب انا مطحونه مطحونه جدا الحمد لله
,,,,,,,,,,,,,,,,,,,,,,,,,,,,
افاق الحرية
ماشي يا سيدى ادعيلى بس الحمد لله كان عندي نبطشية فى المستشفى امبارح
,,,,,,,,,,,,,,,,,,,,,,,,,,,,
سهر الليالي
ازيك يابت وحشتينى والله اختك مطحونة وطالع عنيها والله الحمد لله
كل سنه وانتى طيبه بمناسة عيد الام هتجيبيلى ايه بقى
,,,,,,,,,,,,,,,,,,,,,,,,,,,
ايمن بدر
هههههههههههههههه والله مامتك دي سكر لا الحمد لله بقالى كتير مسمعتش الكلمة دي
ربنا يخليها ليك يارب
,,,,,,,,,,,,,,,,,,,,,,,,,,,
مي بهاء
كلنا هذا الرجل
ويخليلك امهاتك كلهم يا جميله وتعيشي وتجيبي اختك المفلسه رقم اتنين
,,,,,,,,,,,,,,,,,,,,,,,,,,
خالتي فرنسا
استغلال بعيد عنك
ربنا يخليكي وتجيبي
,,,,,,,,,,,,,,,,,,,,,,,,,,
دكتور حر
بدل ما تقول ايدي معاكي يا لماضة
,,,,,,,,,,,,,,,,,,,,,,,
دغيدي
ده انتا شايل ومحمل يا عينى هههههه
تعيش وتجيب
,,,,,,,,,,,,,,,,,,,,,,,
مشمش
ايون وانا اول من هيرسى المزاد على بيع هدومه بعد افلاسه
,,,,,,,,,,,,,,,,,,,,,,,
جوسيان
احم ثانويه عامة انا خلصت طب بشري يا افندم وحاليا طبيبة امتياز
وحضرتك عرفتى اختي الصغيره كمان هي الحقيقه ملهاش فى النت خالص بس هوصلها السلام عنيا الاتنين
غالبا حضرتك قصدتي لماضة تانيه
بس ولا يهمك تعليقك منورني والله
وجبتي ايه فى عيد الام اعترفي
او جالك ايه
,,,,,,,,,,,,,,,,,,,,,,,,,
ايمان
شكرا يا مون مون ده من ذوقك وانتى كمان مدونتك جميلة
,,,,,,,,,,,,,,,,,,,,,,,,,,
سومة
ايون بس يا ريت يصدقوا حكاية البدعة دي
على فكره الاغنيه دي هي لينك نداء الاستغاثة اللى انا حطاه فى البوست اسمعيها منه
,,,,,,,,,,,,,,,,,,,,,,,,
اسكندراني اوي
فين ياعم ده
انا زعلانه منك عشان مش بتعلق بقالك كتير وكمان نسيت انت علقت ولا لا
كل سنه وانت طيب يا ريس والجماعه بخير
جبتلهم ايه يا ترى اعترف
:))

فاتيما said...

يا حبيبتى
كل سنة و انتى طيبة و مامتك بألف خير
لا حول الله
معكيش تجيبى هدية ...
انشالله تعدمى عنيكى... كمان ؟؟؟
الف بعد الشر يا حبيبتى ...
هيا وصلت للدرجة دى ؟؟
انتى نور عنيها و وجودك فى دنيتها و يا حبيبتى كفاية تشوفك و تبقى فخورة لما حد يسألها و تقوله عندى الدكتورة مروة ... انتى موش ممكن تتصورى الحالة اللى بتكون مامتك فيها الا لما تبقى أم ... و تعرفى ان ولادك امتداد ليكى
و كل ما يبقوا بخير كل ما انتى هتبقى بخير
و الهدايا عدم وجودها بيضايق لما يكون عن اهمال و تقصير ...لكن لو ظروفك المادية ملطشة موش هتفرق معاها خالص ...
تحياتى الخالصة
و قوليلى
بتجيبى منين الاغانى الفضيحة دى ؟؟؟

MerMaid said...

ههههههههههههههههههههههههههههه

مشكلة

فعلا مشكلة عيد الام ده
المصيبة انه بقي عيد الاسرة كلها
ربنا يكون في عوننا

تحياتي ليكي وكل سنة وانتوا جمبعا طيبين

تحياتي

aya said...

اهئ اهئ
عااااااااااااااااااا
ليه كده يا لماضة تفكرينى
انا مصدقت انى بدات افوق من الصدمة

اهئ اهئ

مالها كل سنة وانتى طيبة
مالها كباية شاى ولا فنجان قهوة حتى

ليه اجيب هدية انا لييييييييييييييه

بصى يا بنتى
كان منى عينى اجيبلها ورد
رحت للرجال بقوله بكام الورداية
عشان زمان كانوا بيعولنا الوردة بجنيه

قالى الدستة باين ب50جنيه

ليه يا مؤمن؟
هو الورد ده مش بيموت؟
ولا انا هاشتريه بالجنينة بتاعته؟
قالى ده مستورد
قلتله فا ايه ؟
قالى عشان عيد الام بقى
قلتله اه طيب

سالته على نوع تانى
قالى ال 6 وردات بتمانين جنيه؟؟؟؟
انا مسكت فى صاحبتى عشان كنت هاقع من طولى

وقلتله فى الاخر
طب بينى وبينك كده مافيش حاجة مش غالية اوى كده
قالى فى مش عارفة ايه العوةد بتلاتة جنيه
الورد ديه
هو عود اخضر طوووويل كده وفى اخره ورديتين تلاتة كده صغنتتين
يعنى مينفعش اعتبره ورده ابدا
قلتله ده انا اعمل ايه بيه بالضبط؟
قالى مش انتى عايزة حاجة رخيصة؟
قلتله لما يبقى العود بتلاتة جنيه تبقى رخيصة من انهى جهة؟؟
غير انه شكله وحش

وديه كانت نهاية عيد الام يا لماضة
روحت قلتلها كل سنة وانتى طيبة ودخلت نمت

وشغلتلها نفس نداء الاستغاثة بتاعك ده بالضبط

ده ايه ده يا اختشى اللى بيحصل فينا؟؟؟

بوست حلو اوى يا لماضة

Anonymous said...

كل سنة وانتى طيبة يا قمر

انتى مالكيش حل وربنا حتت سكرة يخواتى

Yasser Hussein said...

في مثل هذه الحالة
أعتنق مبدأ إن عيد الأم بدعة
وكل بدعة ضلالة
ساعتها بقى نفك من موضوع الهدايا دي
وبصراحة المفروض الأم تتهادى في أي يوم في السنة مش محتاجة يوم معين
وكل ما تقدر تهادي أمك طول السنة هاديها
مرة واتنين وتلاتة
إنت وقدرتك
:)

خالص تحياتي

ياسمين حميد said...

في عائلتنا نشترك جميعاً في شراء الهدية ... مما يعني أن أبي يدفع الجزء الأكبر من قيمتها (أو بالأصح قيمتها كاملة، باعتبار أنه من يعطينا النقود). وبالإضافة إلى هذه الهدية "الكبيرة" فنحن نتفنن في اختراع هدايا لا تكلف كثيراً، كأشياء نصنعها لها مثلاً أو ورد نقطفه بدلاً من شراءه
;-P

أنا الآن بعيدة جداً عن أمي، ولذا اضطررت بالاكتفاء باتصال تليفوني في صباح يوم عيد الأم، سمعت فيه صوتها وسمعت صوتي

دعاء مواجهات said...

لا بجد لماضة فعلا بس على حق بموت انا فى اللماضة مووت يالماضة أستمرى يابنتى وربنا معاكى

يا مراكبي said...

ولو إني مش فاهم "الكم" إيه دخله في الموضوع ده بس أنا جاي أقول لك إنك إتكشفتي وأنا ظبطك متلبسة بتقولي لحد غيري "يا حمايا العزيز" ..كويس إننا إكتشفنا كده قبل الفأس ما تقع في الرأس

:-D

أنا إبني مش باير

:-D

helium atom said...

انا مش متخيلة انى ادخل على امى فى عيد الام .. و اقولها "دورت فى كل الهدايا مالقتش اغلى منى ليكى هدية"...عارفة؟... حاتبصلى بصة كدة غريبة (فكرينى اعملها ليكى لما اشوفك)..و حاتقولى والله؟... يا فرحتى


بس بجد انا من الناس اللى عانت فى عيد الام لنفس الاسباب

صالح سعيد said...

كل سنه وكل امهاتنا بخير وسعاده
وصدقينى متفرقش معاهم الهديه على اد احترامنا وتقديرنا لدورهم العظيم فى حياتنا
ده اللى يفرق معاهم

عــلاء ســالـــم said...

السلام عليكم

ههههههههههههه
دايما متميزه بأسلوبك الجميل

فعلاً الواحد اللي بيجيب أكتب من هديه دا مشكلته مشكله
حتى لو طنشنا العبء المادي ففيه مشكلة الإختيار ودي مشكلة أكبر

أُكتب بالرصاص said...

لماضة
ياريت تبعتي لي لعبة البلي اللي على الكمبوتر


للأهمية
:)

Unknown said...

فاتيما
هههههه الله يكرمك يا ست الكل بجيبها من النت وكانت بتتذاع فى التليفزيون قعدت ماما بالاجبار تتفرج عليها
,,,,,,,,,,,,,,,,,,,,,,,,,,,,,
ميراميد
ههههه كمان عيد اسرة استر يارب احنا قادرين على واحده
,,,,,,,,,,,,,,,,,,,,,,,,,,,,
ايه
شفتي بقى ياعينى عليكي يا طيبه لما بتضيعي منا بيستغلونا اسوا استغلال فرصه بقى والامهات بتشبط هههه
,,,,,,,,,,,,,,,,,,,,,,,,,,,,,
سهر
الله يكرمك يا جميله ده من ذوقك
,,,,,,,,,,,,,,,,,,,,,,,,,,,,,,
استاذ ياسر
اه والله بعمل كده بس تقول ايه بقى فى الناس اللى مش سيبانا في حالنا وبيخلوا الامهات تشبط في الهدايا
,,,,,,,,,,,,,,,,,,,,,,,,,,,,,,
يا سمين حميد
ربنا يرجعك يا جميلة لمامتك بالسلامة يارب وتعيشي وتجيبي ليا وليها :)
,,,,,,,,,,,,,,,,,,,,,,,,,,,,,
دعاء مواجهات
الله يخليكي يا جميلة ده من ذوقك بس
,,,,,,,,,,,,,,,,,,,,,,,,,,,
يا مراكبي يا حمايا
دايما قافشنى كده
عموما يا سيدى الكم لان فيه مثل بيقولك دعوة الام فى الكم ودعوة الحما فى السما وكمان الكم امتداد للجيب
حكاية حمايا دي انا خطبت كل ابناء المدونين والمدونات اللى هيتقل جيوبه اكتر هيشيل :)
,,,,,,,,,,,,,,,,,,,,,,,,,,,,,,
ذرة الهيليوم
ماشي يا ستى وانا هستناكي بس يارب تطلع نظرة بس متبقاش حاجه تانيه بالايد واكل فيها علقة
,,,,,,,,,,,,,,,,,,,,,,,,,,,,
صالح سعيد
اه والله عندك حق بس للاسف ده بيحصل فى عيد الام منتهى الاستغلال
,,,,,,,,,,,,,,,,,,,,,,,,,,,,,
علاء سالم
عندك حق الاختيار على قد الفلوس دي اكبر مشكله :))
,,,,,,,,,,,,,,,,,,,,,,,,,,,,
عمنا الكبير الكاتب بالرصاص
حاضر والله علم وينفذ هبعتهالك اقرب وقت انا بس فى الصيدلية دلوقتى
انت تأمر يا ريس

اللؤلؤة المكنونة said...

ربنا يخليكى لأمك ويخليكى ليها
اوعى تزعليها واوعى تضايقيها


حسن طاعتك الأمك وبرك بيها أكبر هدية ممكن تديلها
هدية ..كنوز الدنيا ما تقدرش تجيبها


ربنا يرزقك البر بوالديكى

.... نضفى كويس وما تغرقيش هدومك ....ولو عايزة مساعدة أنا فى الخدمة؟؟
أنا شاطرة جدا فى شغل البيت
..ده سر اوعى تقوليه لحد
؟؟؟؟؟؟؟؟؟؟؟؟

ٍSenior Eslam said...

يا بنتي حرام عليكي
انتي بتجيبي خفه الدم دي منين
انتي المفروض متديش اي عيان دوا خالص كفايا بس خفه دمك ولطافتك
هههههههه بجد والله مش بهزر ولا بجامل
انا دلوقت مسيبتش كلمه انتي كتبتيها الا وانا قاريها

كل سنه وانتي طيبه وعقبال اما تجيلك هدايا عيد الام

بحبك يامصر said...

فعلا التجار بيستغلوا عيد الام والواحد لما يكون على قد حاله وعايز ياعينى يوضح لمامته غلاوتها عنده بالهديه بس منين؟
عالعموم كل سنه وانتى طيبه يا ماما حلوه برده وبتأدى الغرض
تحياتى

Shreef said...

أنني لم أجد هدية أغلى من نفسي لأقدمها قربانا لها فى هذا اليوم لأتسلم بعدها قبلة على وجهي

طبعا بغض النظر عن الجردل لكن تكفيني القبلة

المهم اسمحيلي اقولك ان بجد البوست بردو كالعادة فظيع جدا و بجد استمتعت قراءة كل كلمة فيه لجمال السرد و جمال المضمون لانك اصبتي تلت اربع خمس ست نقط في الجون فعلا بنعاني منهم .. عموما شكرا لانك خلتينا نستمتع بالبوست الواقعي الكوميدي ده و كل سنة و انتي طيبة .. تحياتي ليكي ..سلام

Bongo said...

هههههههههههههه

اجمد حاجه العنوان

" يا اغلي من جيبي و كمي "

لا بوست قوي

و بعدين احنا اصلا هديتها , مش كفايه عليها و لا ايه :D :D


كل سنة و كل امهاتنا طيبين و بخير

و ربنا يخليهم لنا و يحفظهم يارب :)

صحيح ابقي بصي علي بلوجنا الجديد :)

http://2twinz.blogspot.com/

خمسة فضفضة said...

السلام عليكمورحمة الله وبركاته

ههههههههههه
كل سنة وانت ومامتك طيبين

وكويس انها اديتك الجردل في ايدك ومادتهولكيش في حته تانيه

:-)

التكيه said...

هى لو الأم المصرية ترضى بالوردة.. تتحل المشكلة .. ولكن أظن أنها ممكن تحدف أبنها بأبو وردة
يعنى لو أم .. يبقى معزتها فى قيمة هديتها
ولو زوجة تبقى الهدية قيمة تدل على معرفتنا بقدر تعبها معانا
ولو حماه تمصمص على قلة بخت بنتها وجوزها البخيل الجلده
أنا شايف أن الأم توافق على الوردة وتحطها على قبر الأب
عموما كان الله فى عون الأطفال يتامى الأم هنا يكون عيد قاسى جداً
وشكراً على خفة دمك

موجة said...

انا اتلامض معاكي
ماله عيد الام بقى
هههههههههه
هو عندك حق في المبالغة في الاحتفال بعيد الام و خصوصا في الصحف و التلفزيون و الراديو
ودا جزء من حرب نفسية لابقاءنا في غيبوبة دائمة و ما نفوقش نشوف اللي بيحصلنا
بس هون اليوم ده مش شايف انه فيه مشكلة اننا نقدم فيه هدية لامنا و نجدد الحب ده و يكون فرصة لاستمرارية الحب باقي السنة

خالص تحياتي
احمد
مسيتني تلامضك معايا في المدونة
واحشاني يا لماضة

mo'men mohamed said...

انا بقى اتبع اسلوب امك على ما تعودها
مفيش حاجة عندنا فى البيت اسمها عيد ام
هههههههه
السلام عليكم

Unknown said...

هو فعلا طبعا الام لازم نحتفل بيها و نمطرها كلمات حب طول السنة بس زى ما تقولى هو تعود على اليوم ده خصوصا بالنسبة لى عايشين بعيد عن امهاتهم انما انا مش مع ان ده لازم يكون بالهدايا خصوصا لو لواحد حيجيب لمراته و حماته و خالته و عمته و مرات عمه

و الاسعار اصلا مولعة خلقة

ابقى تعالى الحفلة

--------------------

أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبدالحليم حافظ ) حفل موسيقى على انغام العود يوم الأحد 30 مارس س 8 مساءا بساقية الصاوى- أسفل كوبرى 26 يوليو الزمالك - احياءا لذكرى فنان حفر بحنجرته حكاية شعب - 20 ج التذكرة و للأعضاء 15 ج

منوفيـــايــة said...

فعلا" والله يالماضة عندك حق الواحد كل سنة يحتااااار حيرة بقى بس ساعات التطنيش مبيبقاش حلو ف الحاجات دى ولى رأيك ده حالنا بأم واحدة اومال بعدين الوضع هيبقى ايه لاء وهيبقى اجبارى مش اختيارى بس انا هضم صوتى لصوتك بالنسبة لفارس الأحزان اليتيم
وربنا يبعت..بوست سكر يالماضة والله
انتى شرباتاتة خااااااااالص

*سمر* said...

اسلوبك رائع و مسلى جدا ..انا اول مرة ادخل المدونة ..بس ان شاء الله الزيارة هتتكرر

تحياتى لكى :)

زُمُرده said...

انت تحفه
وحشتييييييييييييييني


سوري ع الانقطاع

--------------


عجبني اوي

ابنك على ما تربيه يجيبلك هدية زي ما عودتيه

ربنا يخليلك كل اللي بتحبيهم
ويباركلك فيهم

Unknown said...

مافيش عيد أو هديه لامنا العظيمه
مصر
.................
كل سنه وكل الامهات طيبه
كل سنه وابناءهم اكثر برا بهم

رئيس جمهوريه نفسى said...

كل سنه وانتى طيبه

عروسة ننوسة said...

دمك خفيف اوى اوى ....سعيدة بمدونتك

ميندوزا المصري said...

موضوع جامد قوي يا لماضه وفعلا بيبقي محير جداااااااااااا كل سنه
وفكري بقي من دلوقتي هتجيبي ايه السنه الجايه يمكن تهربي من الجردل
ههههههههههههههههههه

شاب نفسة يحقق حلمة said...

كل سنة وهي طيبة ويخليكي ليها ويلايها ليكي
تحياتي ليكي

يورو said...

يبختها ست الحبايب

بيكى ويا بختك بيها

تحياتى

Anonymous said...

طول ما الدنيا بتغلى طول ما هتلاقى الناس مش قادرة تضحك فى وش اى حد ولا تفتكر اى حاجة وكلهم بقوا بيدوروا فى ساقية لا حد فاضى يقول كل سنة وانت طيبة لا فى عيد فطر ولا اضحى ولا فى اى مناسبة

تــــايه ومش تـــايه said...

بيفتحو عين الامهات على حجات مش لازم يعرفوها .بكرا عز ينزلنا عروض فى عيد الام .
المهم مش الهديه ولا اليوم ده المهم انى اكون وفى ليها واقدر اعوضلها ولو جزء بسيط من اللى شافتو علشانى

المنسى said...

الله عليكى يالماضة فعلا موضوع حلو

ومدونتك احلى
لكى تحياتى
http://www.elmancy2000.blogspot.com/

مواطن شووجااع said...

ههههههههههههههههههه


جميلة موووووووت


وأسلوبك حلوة يا دكتور لماضة

بالتوفيق

حل وسط said...

مامته وحماته دول لازم وامره الى الله

اما زوجته فما قدامهاش غير انتظار انها تبقة ماما وحما في يوم من الايام
:(

Anonymous said...

جميل

سهر الليالى said...

وحشتيينىىىىىىىىىى موووووووووووت
مفتقداكى جدا والنت مضلم من غيرك

شوفيلك حل بقى وخلينى أشوفك يا قمر

وربنا معاكى يارب
أختك ميرو